დენდროლოგიური პარკი უნიკალურია წარმოდგენილი ფლორითა და ფაუნით და განსაკუთრებულ მოვლას საჭიროებს, რომელიც საკუთარ თავზე ისევ ბიძინა ივანიშვილის ოჯახმა აიღო – თამთა მეგრელიშვილი

“ხალხის ძალის“ წევრი თამთა მეგრელიშვილი დენდროლოგიური პარკის ბიძინა ივანიშვილის მეუღლის მფლობელობაში გადასვლის შესახებ სოციალურ ქსელში წერს და აღნიშნავს, რომ  შეკვეთილის დენდროლოგიური პარკი, ბიძინა ივანიშვილის ხალხისადმი საჩუქარია და პარკი ნებისმიერ ადამიანს შეუძლია უფასოდ დაათვალიეროს, მისი მოვლა პატრონობა კი ბიძინა ივანიშვილის პირადი ხარჯია და სახელმწიფოს მძიმე ტვირთად არ აწევს.

მისივე თქმით, დესტრუქციულთათვის, არც გაკეთება უკითხავს არავის და არც ჩუქება/ გაჩუქებაა მათი საქმე. სპეკულაციებს სჯობს ჩავიდნენ ადგილზე  და დატკბნენ ამ დიდი სიმდიდრით.

“შეკვეთილის დენდროლოგიური პარკი თავისი მასშტაბით, მცენარეთა უნიკალური და მრავალფეროვანი კოლექციით, ბიომრავალფეროვნების შემეცნებისთვის საუკეთესო გარემო პირობებითა და ორიგინალური განაშენიანებით, სრულიად გამორჩეულია არა მხოლოდ შავიზღვისპირეთში, არამედ მთელს რეგიონში.

60 ჰექტარზე გაშენებული ბაღი, ადგილობრივი და მსოფლიო ეგზოტიკური ფლორის ათასობით სახეობას მთელი სრულყოფილებით წარმოგვიდგენს.

18 ჰექტარზე გაშენდა საქართველოში მოძიებული ენდემური ჯიშის ხეები, რომლებიც საქართველოს სხვადასხვა კუთხიდანაა გადმორგული.

კოლექცია 29 უნიკალური სახეობის 200-ზე მეტი გიგანტური ნიმუშისგან შედგება;
დარჩენილი 42 ჰექტარზე კი, მსოფლიოს ხუთივე კონტინენტიდან, წლების განმავლობაში შემოტანილი სხვადასხვა ეგზოტიკური სახეობის ათასწოლოვანი მცენარეა წარმოდგენილი.
შეკვეთილის დენდროლოგიური პარკი ბიძინა ივანიშვილის მიერ რეგიონისთვის განხორციელებული კიდევ ერთი საქველმოქმედო პროექტია.

მანამდე იყო ციცინათელების პარკი, მინიატურების პარკი, მუსიკოსების პარკი, ბლექ სი არენა, სასტუმრო პარაგრაფი და ახლა უკვე დენდროლოგიური პარკი – ეს ყველაფერი ერთად მთელ ქვეყანას, განსაკუთრებით კი გურიის რეგიონს, უფრო მეტად მიმზიდველს ხდის.

დიახ, დენდროლოგიური პარკი უნიკალურია წარმოდგენილი ფლორითა და ფაუნით და განსაკუთრებულ მოვლას საჭიროებს, რომელიც საკუთარ თავზე ისევ ბიძინა ივანიშვილის ოჯახმა აიღო.

ამ უნიკალური პარკის შექმნიდან დღემდე, პარკი დამთვალიერებელთათვის უფასოა და ასე დარჩება.
ოპოზიციურ სპექტრში დიდი ვნებათაღელვა გამოიწვია გავრცელებულმა ინფორმაციამ
– დენდროლოგიურ პარკს ბერა ივანიშვილი დედას ჩუქნისო.

დესტრუქციულნო, არც გაკეთება უკითხავს თქვენთვის არავის და არც ჩუქება/ გაჩუქებაა თქვენი საქმე.
შეკვეთილის დენდროლოგიური პარკი უნიკალურია და ამ სიკეთით სარგებლობა ყველას შეუძლია, მათ შორის თქვენც, ვინც ამ უნიკალური პარკის მშენებლობას თავგამოდებით აპროტესტებდით.
მიბრძანდით, დაათვალიერეთ, დატკბით და უხერხული სპეკულაციებისთვის ნაკლები დრო დაგრჩებათ.

შეკვეთილის დენდროლოგიური პარკი, გამორჩეულია არა მხოლოდ შავიზღვისპირეთში, არამედ მთელს რეგიონში და ეს უნიკალური პროექტი ბიძინა ივანიშვილის ხალხისადმი საჩუქარია, დიახ, საჩუქარია რადგან პარკი ნებისმიერ ადამიანს შეუძლია უფასოდ დაათვალიეროს, მისი მოვლა პატრონობა კი ბიძინა ივანიშვილის პირადი ხარჯია და სახელმწიფოს მძიმე ტვირთად არ აწევს.
მორჩით სპეკულაციებს და ამ დიდი სიმდიდრით, ჩაბრძანდით და ადგილზე დატკბით,” – წერს მეგრელიშვილი facebook – ზე

ქართული ოცნების“ რეგიონული მდივანი დიმიტრი სამხარაძე კერძო სამხედრო დაჯგუფების „ვაგნერის“ ხელმძღვანელის ევგენი პრიგოჟინის შესახებ პოსტს აქვეყნებს.

მისი თქმით, ევგენი პრიგოჟინი აკონტროლებს ვაგნერის ჯგუფს, რუსეთის მთავრობის მიერ მხარდაჭერილ დაქირავებულ სტრუქტურას, რომელიც მონაწილეობს სამხედრო კონფლიქტებში აფრიკაში, სირიაში, უკრაინასა და მსოფლიოს სხვა რეგიონებში.

მისივე თქმით, პრიგოჟინი აკონტროლებს კომპანიებს, რომლებსაც ბრალი ედებათ 2016 და 2018 წლებში ამერიკის შეერთებული შტატების არჩევნებში ჩარევაში:

„ეს პოსტი ეძღვნება, ამერიკული კანონის რუსულად შესაღებულებს, ოფიციალურად პუტინის პარტიის ოპოზიციაში მყოფ გავრილოვზე აღშფოთებულებს და პრიგოჟინის მაქებრებს. დატკბით თქვენი სუფლიორი ოპოზიციის რჩეულის ბიოგრაფიით. თითქოს ევროპელ-ამერიკელები რომ ხართ და ვაგნერს ლექსებს უწერდით, Go Go Zhenia.

ევგენი პრიგოჟინი აკონტროლებს ვაგნერის ჯგუფს, რუსეთის მთავრობის მიერ მხარდაჭერილ დაქირავებულ სტრუქტურას, რომელიც მონაწილეობს სამხედრო კონფლიქტებში აფრიკაში, სირიაში, უკრაინასა და მსოფლიოს სხვა რეგიონებში.

ასევე, კომპანიებს, რომლებსაც ბრალი ედებათ 2016 და 2018 წლებში აშშ-ს არჩევნებში ჩარევაში. პრიგოჟინის ოპერაციები მჭიდროდ იყო დაკავშირებული რუსეთის თავდაცვის სამინისტროსთან და ГРУ-სთან. რუსეთში კომპანია „კონკორდი“ ეწეოდა სახელმწიფოს უმაღლესი თანამდებობის პირების კვებას, რისი წყალობითაც მან მიიღო მეტსახელი „პუტინის მზარეული“ მედიაში. გამოცემა „ბიზნეს-პეტერბურგის“ მონაცემებით 2019 წელს „მილიარდერთა რეიტინგში“ პრიგოჟინი 72-ე ადგილს იკავებდა, 14,6 მილიარდი რუბლით. 2016 წლიდან ის ამერიკის შეერთებული შტატების სანქციების ქვეშ იმყოფება, 2020 წლიდან – ევროკავშირისა და დიდი ბრიტანეთის სანქციების ქვეშ, 2022 წლიდან – ავსტრალიის, კანადის, ახალი ზელანდიის და იაპონიის. 2022 წლის ივლისში, აშშ-ს სახელმწიფო დეპარტამენტმა გამოაცხადა 10 მილიონი დოლარის ჯილდო პრიგოჟინის შესახებ ინფორმაციისთვის, რომელიც დაკავშირებულია შეერთებულ შტატებში პოლიტიკურ და საარჩევნო პროცესებში ჩარევასთან.

პრიგოჟინმა და ვაგნერმა მნიშვნელოვანი როლი ითამაშეს რუსეთსა და უკრაინას შორის ომში. 2022 წელს, პრიგოჟინი პირადად ეწვია რუსეთის კოლონიებს, რათა პატიმრები ჩაერთო ომში. 2023 წლის მაისში პრიგოჟინმა გამოაცხადა ბახმუტის (უკრაინა) აღება, მისი დაქირავებული ჯარისკაცების მიერ, ასევე აქტიურად მონაწილეობდა ბუჩაში, მარიუპოლში და სოლედარში მშვიდობიანი მოსახლეობის წამება/ლიკვიდაციაში. ВЧК ნაციონალი „ვაგნერელები“ მომიკითხეთ. Go Go Zhenia,“ – წერს დიმიტრი სამხარაძე ფეისბუკზე.

დენდროლოგიური პარკი არის უნიკალური სივრცე, რომელიც კერძო პირმა, ბიძინა ივანიშვილმა, საკუთარი სახსრებით ააშენა და საკუთარი სახსრებითვე ზრუნავს ამ პარკის საკმაოდ სპეციფიკური მოვლისა და მართვის საკითხებზე, – ამის შესახებ კინოცენტრის კინოწარმოების დეპარტამენტის უფროსის მოადგილე, ბაჩო ოდიშარია სოციალურ ქსელში წერს.

მისი თქმით, დენდროლოგიური პარკი ღიაა ქართული საზოგადოების ყველა წევრისათვის, ხოლო ის გარემოება, რომ კერძო საკუთრებაში მყოფი უნიკალური პარკი საჯარო სიკეთეა, მხოლოდ ბიძინა ივანიშვილის ქველმოქმედების მნიშვნელობაზე მეტყველებს.

„ტერმინის – საჯარო სიკეთე – განმარტება არის ძალიან კონკრეტული, ესაა ნებისმიერი ტიპის სერვისი (მათ შორის პარკი), რომელიც ყოველგვარი ფინანსური მოგების გარეშე მიეწოდება საზოგადოების აბსოლუტურად ყველა წევრს და ამ სერვისის პროვაიდერი სახელმწიფო იქნება თუ კერძო პირი, მნიშვნელობა არ აქვს. დენდროლოგიური პარკი, არის უნიკალური სივრცე, რომელიც კერძო პირმა, ბიძინა ივანიშვილმა, საკუთარი სახსრებით ააშენა და საკუთარი სახსრებითვე ზრუნავს ამ პარკის საკმაოდ სპეციფიკური მოვლისა და მართვის საკითხებზე. ეს არის საჯარო სიკეთე, რომლის შენარჩუნების ძვირადღირებული ფინანსური ტვირთი არა სახელმწიფოს, არამედ კერძო პირს აქვს საკუთარ თავზე აღებული და ეს არის ქველმოქმედების ის ნიმუში, რომელიც ყოველთვის იყო ივანიშვილების ოჯახის ხელწერა – საჯარო სიკეთეების შექმნა ყოველგვარი ფინანსური დივიდენდის გარეშე. ვინც რამდენი არ უნდა აფრიალოს ის გარემოება, რომ პარკი კერძო საკუთრებაშია, გვერდს ვერავინ აუვლის ფაქტობრივ მოცემულობას, რომ დენდროპარკი არის საჯარო სიკეთე, რომელიც ღიაა ქართული საზოგადოების ყველა წევრისათვის; და ის, რომ კერძო საკუთრებაში მყოფი უნიკალური პარკი საჯარო სიკეთეა, მხოლოდ ბიძინა ივანიშვილის ქველმოქმედების მნიშვნელობას უსვამს ხაზს. საპირისპიროდ ამის წარმოჩენა, ან მიზანმიმართულ პოლიტიკურ ტყუილს ემსახურება, ან საჯარო სიკეთის, როგორც სოციალური მოვლენის შინაარსის არ ცოდნას“, – წერს ოდიშარია Facebook-ზე.