Home Blog

“ოპოზიციის ლიდერებს და მათ რუპორ აქტივისტებს მივმართავ! საკუთარი ხალხის მიმართ ამხელა ზიზღს როგორ იტევთ?!”

ოპოზიციის ლიდერებს და მათ რუპორ აქტივისტებს მივმართავ! საკუთარი ხალხის მიმართ ამხელა ზიზღს როგორ იტევთ?! , – ამის შესახებ პარლამენტის ვიცე-სპიკერი ნინო წილოსანი სოციალურ ქსელში წერს.

წილოსანის თქმით, უკვე ერთი კვირაა ოპოზიცია და მათი აქტივისტები ზიზღს ავლენენ ქვეყნის უმრავლესობის მიმართ, მათი სამოქალაქო პოზიციის, ასაკის, გარეგნობის, სოციალური მდგომარეობის და პოლიტიკური პრეფერენციების გამო.

„ოპოზიციის ლიდერებს და მათ რუპორ აქტივისტებს მივმართავ!
საკუთარი ხალხის მიმართ ამხელა ზიზღს როგორ იტევთ?!
უკვე ერთი კვირაა თვალს ვადევნებთ რამხელა აგრესიას და ზიზღს ავლენთ ქვეყნის უმრავლესობის მიმართ, მათი სამოქალაქო პოზიციის, ასაკის, გარეგნობის, სოციალური მდგომარეობის და პოლიტიკური პრეფერენციების გამო. რამ შეგაძულათ ასე საკუთარი მოსახლეობა? რამ შეგაშინათ ასე საკუთარი ხალხის?
დღეს, თქვენგან განსხვავებით, მშვიდობიანი მიზნით შეიკრიბება უამრავი ადამიანი! მიუხედავად იმისა, რომ ქართველი ერის წინაშე უდიდესი დანაშაული მიგიძღვით და ამ ადამიანების დიდი ნაწილი სრულ ტერორში გყავდათ თქვენი მმართველობის დროს, ჩვენ მაინც ცივილიზებულად მოგექცევით და თქვენსავით კაციჭამიები არასდროს გავხდებით!“ – წერს წილოსანი.

საარჩევნო ელექტრონულ ტექნოლოგიებს კონკურენციისა და მომხმარებლის დაცვის სააგენტოს თანამშრომლები გაეცნენ

ელექტრონული არჩევნების დანერგვასთან დაკავშირებით ამომრჩეველთა ფართომასშტაბიანი ინფორმირების კამპანია აქტიურად გრძელდება. კამპანიის ფარგლებში, საარჩევნო ელექტრონული აპარატების მუშაობას კონკურენციისა და მომხმარებლის დაცვის სააგენტოს (GCCA) თანამშრომლები გაეცნენ.

ცესკოს ინფორმაციით, ელექტრონული საშუალებების დანერგვასთან დაკავშირებით საარჩევნო ადმინისტრაციის მიერ განხორციელებული საქმიანობის, საარჩევნო ტექნოლოგიების უპირატესობებისა და მნიშვნელოვანი სიახლეების შესახებ შეხვედრის მონაწილეებს დეტალური ინფორმაცია ცენტრალური საარჩევნო კომისიის (ცესკო) თავმჯდომარემ გიორგი კალანდარიშვილმა გააცნო.

,,აქტიური დისკუსიის ფონზე წარიმართა საინფორმაციო-საგანმანათლებლო შეხვედრა კონკურენციისა და მომხმარებლის დაცვის სააგენტოში, რისთვისაც ხელმძღვანელს და ყველა მონაწილე პირს თანადგომისთვის, მათი აქტიური მონაწილეობისა და ჩართულობისთვის მინდა მადლობა გადავუხადო. მე და ჩემმა გუნდმა მათ გავუზიარეთ ინფორმაცია ტექნოლოგიური საშუალებების ინტერვენციის, ელექტრონული სიახლეებისა და სერვისების შესახებ, რომელიც გამოყენებული იქნება 26 ოქტომბრის არჩევნებისთვის“ – განაცხადა გიორგი კალანდარიშვილმა.

საარჩევნო ტექნოლოგიების შესახებ საინფორმაციო შეხვედრას, ასევე ესწრებოდა კონკურენციისა და მომხმარებლის დაცვის სააგენტოს თავმჯდომარე, ირაკლი ლექვინაძე.

„საარჩევნო ადმინისტრაციის მიერ, კონკურენციისა და მომხმარებლის დაცვის სააგენტოში იმ ახალი პროექტებისა და ტექნოლოგიების შესახებ გაიმართა შეხვედრა, რომელიც ამომრჩეველს აძლევს სრულიად ახალ შესაძლებლობას, ძალიან მარტივად და მოხერხებულად განახორციელოს საარჩევნო პროცესში მონაწილეობა. ჩვენი გუნდისთვის ეს ინფორმაცია იყო ძალიან ღირებული, რისთვისაც მადლობა მინდა გადავუხადო საარჩევნო ადმინისტრაციას და ბატონ გიორგი კალანდარიშვილს. ვფიქრობ, ძალიან მნიშვნელოვანი და დასაფასებელია ის შრომა, რომელიც ადმინისტრაციას ბოლო წლებში გაწეული აქვს საარჩევნო ტექნოლოგიების დანერგვის პროცესში.“ – აღნიშნა ირაკლი ლექვინაძემ.

შეხვედრის მონაწილეები პირადად გაეცნენ საარჩევნო ტექნოლოგიების მუშაობას, რომელიც 2024 წლის 26 ოქტომბერს პარლამენტის არჩევნებზე ფართო მასშტაბით იქნება გამოყენებული. მათ ასევე მონაწილეობა მიიღეს იმიტირებულ კენჭისყრაში და პრაქტიკაში თავად გამოცადეს ვერიფიკაციისა და ხმის დათვლის აპარატების მუშაობა.

საინფორმაციო კამპანიის ფარგლებში ამომრჩევლებთან შეხვედრები ინტენსიურ რეჟიმში მიმდინარეობს, რადგან ტექნოლოგიური სიახლეების შესახებ ამომრჩეველთა ინფორმირება და განათლება საარჩევნო ადმინისტრაციის ერთ-ერთ მთავარ პრიორიტეტს წარმოადგენს.

„ამ კონკრეტულ ადგილზე ჩვენ დავყავით პასუხისმგებლობის ზონები”-აშშ-ის საიდუმლო სამსახურის დირექტორი

აშშ-ის საიდუმლო სამსახურის დირექტორმა, კიმბერლი ჩიტლიმ განაცხადა, რომ საიდუმლო სამსახური მთლიანად პასუხისმგებელი იყო დონალდ ტრამპის წინასაარჩევნო მიტინგის ადგილზე უსაფრთხოების ზომების განხორციელებასა და აღსრულებაზე. ინფორმაციას ამის შესახებ ტელეკომპანია CNN-ი ავრცელებს.

„ამ კონკრეტულ ადგილზე ჩვენ დავყავით პასუხისმგებლობის ზონები, მაგრამ საიდუმლო სამსახური მთლიანად პასუხისმგებელი იყო უსაფრთხოების ზომების განხორციელებასა და შესრულებაზე“, – აღნიშნა აშშ-ის საიდუმლო სამსახურის დირექტორმა.

აშშ-ის გამოძიების ფედერალური ბიურო (FBI) აცხადებს, რომ სროლა, რომელიც აშშ-ის ყოფილი პრეზიდენტის, დონალდ ტრამპის მიტინგზე მოხდა, ყოფილი პრეზიდენტის მკვლელობის მცდელობა იყო.

აშშ-ის სენატის შიდა უსაფრთხოების კომიტეტის თავმჯდომარემ, გარი პიტერსმა განაცხადა, რომ კომიტეტი იწყებს ორპარტიულ გამოძიებას ყოფილი პრეზიდენტის, დონალდ ტრამპის მკვლელობის მცდელობის შესახებ.

,,რა თქმა უნდა ომის საფრთხე დღესაც არსებობს”- ლევან მაჭავარიანი

რა თქმა უნდა ომის საფრთხე დღესაც არსებობს. ამ რიტორიკის დაწყება დასავლეთის მხრიდან ზუსტად ემთხვევა უკრაინაში ომის დაწყების დროს, 2022 წლის თებერვალს. ხალხმა თავისი ყურით მოისმინა მოწოდებები იმასთან დაკავშირებით, რომ სანქციები დაგვეწესებინა რუსეთისთვის, – ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა გადაცემა „დღის ქრონიკაში“ განაცხადა.

„რა თქმა უნდა ომის საფრთხე დღესაც არსებობს. ამ რიტორიკის დაწყება დასავლეთის მხრიდან ზუსტად ემთხვევა უკრაინაში ომის დაწყების დროს, 2022 წლის თებერვალს. ხალხმა თავის ყურით მოისმინა მოწოდებები იმასთან დაკავშირებით, რომ სანქციები დაგვეწესებინა რუსეთისთვის. იყო ღია მოწოდებები, რომ მოხალისეები მთავრობის თანხმობით გაგვეშვა თვითმფრინავით უკრაინაში, იყო მოწოდებები იმასთან დაკავშირებით, რომ ჩვენი შეიარაღება გადაგვეცა უკრაინისთვის და მერე მოგვაწვდიდნენ ამის სანაცვლოდ შეიარაღებას. ეს ყველაფერი პირდაპირი მნიშვნელობით, ირიბად ომში ჩართვას გულისხმობდა.

რა თქმა უნდა საქართველო რომ ომში ჩართულიყო ეს უკრაინის შანსებს სულ ცოტათი გაზრდიდა, მაგრამ ჩვენ ვიქნებოდით იმაზე უარეს დღეში, რა დღეშიც სამწუხაროდ დღეს უკრაინა იმყოფება. ნუ დაგვავიწყდება, რომ 20% არის ოკუპირებული 500 ათასზე მეტი სიცოცხლე შეიწირა ამ ომმა, ათობით მილიონი ადამიანი არის უსახლკაროდ დარჩენილი და შესაბამისად ჩვენ ამ ნაბიჯს ვერაფრით გადავდგამდით.

ისიც ნუ დაგვავიწყდება, რომ ჰპირდებოდნენ უკრაინას ნატოში მიღებას და ბევრი სხვადასხვა ტიპის დაპირება იყო, რომელიც დღეს არავის ახსოვს. დღეს უკრაინის პრეზიდენტი, ბატონი ზელენსკი პირდაპირ ეთერში იხვეწება, რომ ის იარაღი მაინც მომაშველოთ, რაც თავდაცვისთვის მჭირდებაო. ასეთ დღეში აღმოჩნდა უკრაინა და საქართველო რა თქმა უნდა ამ ბედს არ გაიზიარებდა.

ჩვენ ძალიან მყარად დავდექით, რის მერეც მოხდა ამ რიტორიკის შეცვლა დასავლეთის მხრიდან და ეს რიტორიკა დღესაც გრძელდება. თემა აქტუალური რჩება, სანამ უკრაინაში ეს ტრაგედია მიმდინარეობს. ჩვენ ძალიან დიდი იმედი გვაქვს, რომ ყველაფერი მალე დასრულდება. ძალიან გავლენიანი ექსპერტების შეფასებით ეს ყველაფერი დასრულდება მაქსიმუმ ერთ წელიწადში, როდესაც უკვე გადატვირთა მოხდება არა მარტო ჩვენთან ურთიერთობის, არამედ ზოგადად მთელს მსოფლიოში. მაგრამ თუ რესპუბლიკელები მოვლენ ხელისუფლებაში და მოიგებენ არჩევნებს ამერიკაში, მაშინ ეს ომი დასრულდება იანვარში“, – განაცხადა ლევან მაჭავარიანმა 

მოსალოდნელია სეტყვა და ძლიერი ქარი – სინოპტიკოსები მოსახლეობას აფრთხილებენ

გარემოს ეროვნული სააგენტო 18-20 ივლისს საქართველოში მოსალოდნელი ამინდის შესახებ ავრცელებს ინფორმაციას.

სინოპტიკოსების პროგნოზით, 21 ივლისამდე საქართველოში მოსალოდნელია დროგამოშვებით ხანმოკლე წვიმა ელჭექით, შესაძლებელია სეტყვა და ქარის გაძლიერება.

თბილისში მოსალოდნელია ხანმოკლე წვიმა ელჭექით და ქარის ხანმოკლე გაძლიერებით. ჰაერის ტემპერატურა დღისით +32, +34 გრადუსი დაფიქსირდება. სანაპირო რაიონებში (ბათუმი, ქობულეთი, ანაკლია, ფოთი): მოსალოდნელია ხანმოკლე წვიმა ელჭექით, ჰაერის ტემპერატურა დღისით +27, +29 გრადუსი დაფიქსირდება.

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): მოსალოდნელია ხანმოკლე წვიმა ელჭექით. ჰაერის ტემპერატურა დღისით +32, +34 გრადუსი დაფიქსირდება. დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): მოსალოდნელია ხანმოკლე წვიმა ელჭექით. ჰაერის ტემპერატურა დღისით +32, +34 გრადუსი იქნება. დასავლეთ საქართველოს მაღალმთიან რეგიონებში (მესტია, ბახმარო): მოსალოდნელია ხანმოკლე წვიმა ელჭექით. ჰაერის ტემპერატურა +30, +32 გრადუსი იქნება.

ქართლში (რუსთავი, ბოლნისი, მარნეული, გარდაბანი, გორი, ცხინვალი): მოსალოდნელია ხანმოკლე წვიმა ელჭექით. ჰაერის ტემპერატურა დღისით +33, +35 გრადუსი იქნება. კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): მოსალოდნელია ხანმოკლე წვიმა ელჭექით. ზოგან შესაძლებელია სეტყვა და ქარის გაძლიერება. ჰაერის ტემპერატურა დღისით +33, +35 გრადუსი იქნება. აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური): მოსალოდნელია ხანმოკლე წვიმა ელჭექით. ზოგან შესაძლებელია სეტყვა და ქარის გაძლიერება. ჰაერის ტემპერატურა დღისით +29, +31 გრადუსი იქნება.

აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო): მოსალოდნელია ხანმოკლე წვიმა ელჭექით. ზოგან შესაძლებელია სეტყვა და ქარის გაძლიერება. ჰაერის ტემპერატურა დღისით +20, +22 გრადუსი იქნება.

ოკუპირებულ აფხაზეთში აქციის მონაწილეებსა და “სამართალდამცავებს” შორის შეტაკება მოხდა

ოკუპირებულ აფხაზეთში აქციის მონაწილეებსა და “სამართალდამცავებს” შორის შეტაკება მოხდა. ამის შესახებ ინფორმაციას “რადიო თავისუფლების” პროექტი “ეხო კავკაზა” ავრცელებს.

მათი ცნობით, ოკუპირებული აფხაზეთის “პარლამენტის” ეკონომიკური პოლიტიკისა და რეფორმების კომიტეტმა მხარი დაუჭირა აღმოსავლეთ აფხაზეთში აპარტამენტების თაობაზე კანონპროექტს. კანონპროექტის განხილვა და საკომიტეტო მიღება მასობრივი აქციების ფონზე მიმდინარეობდა.

გამოცემის ცნობით, აქციის მონაწილეები “დეპუტატების” ხალხთან გამოსვლას ითხოვდნენ, თუმცა მათ მოთხოვნა არ შეასრულეს.

ასევე, აქციის მონაწილეები აღნიშნავენ, რომ მათსა და “სამართალდამცავებს” შორის რამდენიმე შეტაკება მოხდა.

“ხალხი, რომელმაც გუშინ პარლამენტის დეპუტატებს მიმართა, რათა საკუთარი წარმომადგენლები დაუშვან საკუთარი ალტერნატიული აზრის გამოსათქმელად, დაშვებული არ იქნა… აფხაზური ერისგან ცალკე დღეს კანონებს მიღებას ცდილობენ, რომლებიც აფხაზური სახელმწიფო განადგურებას ისახავენ მიზნად”, – განაცხადა ოკუპირებული აფხაზეთის ყოფილმა “დეპუტატმა” ლეონიდ ჩამაგუამ.

უცხოური ვალუტის ოფიციალური კურსი 18 ივლისისთვის

1 აშშ დოლარის ოფიციალური ღირებულება 2.6975 ლარი გახდა.

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6975 ლარი გახდა. კურსი, რომელიც დღეს მოქმედებდა, 2.6952 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0023 ლარი შეადგინა.

რაც შეეხება ევროს, მისი კურსი 2.9492 ლარია. მაშინ, როცა დღეს მოქმედი კურსი 2.9378 ლარს შეადგენდა. შესაბამისად, ევროს ცვლილებამ 2.9492 ლარი შეადგინა.

წვრთნების გაუქმების გადაწყვეტილების მიღება არ იყო მარტივი – პატრიკ რაიდერი

წვრთნების გაუქმების გადაწყვეტილების მიღება არ იყო მარტივი, – ამის შესახებ ამერიკის თავდაცვის დეპარტამენტის პრესსპიკერმა, გენერალ-მაიორმა პატრიკ რაიდერმა განაცხადა.

“ჩვენ გავაგრძელებთ პარტნიორობას საქართველოს თავდაცვის ძალებთან და გზების ძიებას რათა გაძლიერდეს საქართველოს უნარი დაიცვას თავისი სუვერენიტეტი და შეინარჩუნოს ტერიტორიული მთლიანობა. წვრთნების გაუქმების გადაწყვეტილების მიღება არ იყო მარტივი. ჩვენ დიდ ყურადღებას ვაქცევთ ამ წვრთნების მნიშვნელობას, რასაც პარტნიორები და მოკავშირეები მატებენ ისეთ წვრთნებს, როგორიც არის ღირსეული პარტნიორი. ასე, რომ ჩვენ ვაპირებთ გავაგრძელოთ და ველით მომავალ შესაძლებლობებს ვითანამშრომლოთ მოკავშირეებთან და პარტნიორებთან”,- თქვა პატრიკ რაიდერმა გამართულ პრესკონფერენციაზე, “ამერიკის ხმის” კითხვაზე პასუხად, აღიქვამს თუ არა თავდაცვის დეპარტამენტი, ბოლოს განვითარებული მოვლენების ფონზე საქართველოს როგორც მეგობრულ ქვეყანას რეგიონში“, – განაცხადა პატრიკ რაიდერმა “ამერიკის ხმის” კითხვაზე პასუხად, აღიქვამს თუ არა თავდაცვის დეპარტამენტი, ბოლოს განვითარებული მოვლენების ფონზე საქართველოს როგორც მეგობრულ ქვეყანას რეგიონში.

გერმანია 2025 წელს უკრაინას სამხედრო დახმარებას ორჯერ შეუმცირებს – როიტერსი

გერმანია 2025 წელს უკრაინისთვის განკუთვნილ სამხედრო დახმარებას 8 მილიარდ ევროდან 4 მილიარდ ევრომდე შეამცირებს, მიუხედავად იმისა, რომ აშშ-ის პრეზიდენტი შესაძლოა დონალდ ტრამპი გახდეს. ინფორმაციას ამის შესახებ Reuters-ი ავრცელებს.

შესაბამისი მონაცემები უკვე გაწერილია მომავალი წლის გერმანიის სახელმწიფო ბიუჯეტის პროექტში. როგორც Reuters-ი იტყობინება, გერმანიის მთავრობა იმედოვნებს, რომ უკრაინა მისი სამხედრო მოთხოვნილებების ნახევარზე მეტს გაყინული რუსული აქტივების მეშვეობით დაიკმაყოფილებს, რომელთა სერთო ოდენობა 50 მილიარდ დოლარს შეადგენს.

ამავდროულად, სამხედრო ბიუჯეტის შემცირების მიუხედავად, გერმანია 2025 წელს საკუთარ თავდაცვაზე მშპ-ს 2% დახარჯვას, როგორც ეს ნატოს წესდებით არის გათვალისწინებული.

გვაქვს მარტივი არჩევანი, გვინდა დაპირისპირება, რასაც ივანიშვილი და მისი პარტია გვპირდება, თუ ერთიანობა, რომელსაც ჩვენ გთავაზობთ -გიორგი ვაშაძე

საქართველოს მოქალაქეს მეტი შემოსავალი, მეტი ღირსეული სამუშაო ადგილი, დაცული და უზრუნველი მომავალი უნდა შვილებისთვის, – ამის შესახებ „ერთიანობის“ ლიდერმა გიორგი ვაშაძემ განაცხადა.

მისი განმარტებით, ძალა, რომელიც კვლავ ძალადობას და ახალ დაპირისპირებებს გვპირდება, არ შეიძლება იყოს ხელისუფლება.

„ქართული ოცნება” ყოფს და კვლავ აპირისპირებს საზოგადოებას, ჩვენ ვაერთიანებთ. ამიტომ გვაქვს მარტივი არჩევანი, გვინდა დაპირისპირება, რასაც ივანიშვილი და მისი პარტია გვპირდება, თუ ერთიანობა, რომელსაც ჩვენ გთავაზობთ. დავსვათ კითხვა, რა მოუტანა „ოცნების“ 12-წლიანმა მმართველობამ საქართველოს? ქვეყანა უფრო გააღარიბა, კიდევ უფრო მეტმა ქართველმა დატოვა ოჯახი, ხელისუფლებამ ზურგი შეაქცია პარტნიორებს და საქართველო მოექცა იზოლაციაში.

ევროკავშირში გაწევრიანების პროცესი შეჩერებულია. ბიძინა კი, კვლავ დაპირისპირებასა და ძალადობას გვთავაზობს. ეს არ არის გზა განვითარებისკენ. საქართველოს მოქალაქეს უნდა მეტი შემოსავალი, მეტი ღირსეული სამუშაო ადგილი, დაცული და უზრუნველი მომავალი შვილებისთვის. ერთიანობით, გუნდური თამაშით შეგვიძლია მივაღწიოთ ამას და გავიმარჯვოთ! ძალა, რომელიც კვლავ ძალადობას და ახალ დაპირისპირებებს გვპირდება, არ შეიძლება იყოს ხელისუფლება“, – განაცხადა ვაშაძემ, რომლის კომენტარსაც „ერთიანობა“ ავრცელებს.

თბილისში, მეზობლებს შორის ურთიერთშელაპარაკებისას, ახალგაზრდა მამაკაცი დაჭრეს

თბილისში, საბურთალოზე ახალგაზრდა მამაკაცი დაჭრეს. არსებული ინფორმაციით, ნასვამ მდგომარეობაში მყოფ მეზობლებს ურთიერთშელაპარაკება მოუვიდათ, რის შემდეგაც, ერთ-ერთმა მეორეს დანით დაზიანებები მიაყენა.

დაჭრილი მამაკაცი კლინიკაშია გადაყვანილი, მეორე პირი კი სამართალდამცავებმა დააკავეს.

როგორც „ინტერპრესნიუსს“ შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართლის კოდექსის 118-ე მუხლით მიმდინარეობს, რაც ჯანმრთელობის განზრახ მსუბუქ დაზიანებას გულისხმობს.

ევროპარლამენტმა უკრაინის მხარდამჭერი რეზოლუცია მიიღო

დღეს, ევროპარლამენტმა პლენარულ სხდომაზე უკრაინის მხარდამჭერი რეზოლუცია მიიღო, რომელშიც უნგრეთის პრემიერ-მინისტრის, ვიქტორ ორბანის საგარეო პოლიტიკური მოქმედებები, კერძოდ მისი მოსკოვში ვიზიტი დაგმო.

რეზოლუციას, რომელიც უკრაინის დამოუკიდებლობის, სუვერენიტეტისა და მის საერთაშორისოდ აღიარებულ საზღვრებში ტერიტორიული მთლიანობის მხარდაჭერას ადასტურებს, კენჭისყრაში მონაწილე 679 ევროპარლამენტარიდან ხმა 495-მა მისცა.

რეზოლუცია რუსეთში ვიქტორ ორბანის ვიზიტს გმობს და „ხაზს უსვამს, რომ აღნიშნული ვიზიტის დროს ის ევროკავშირს არ წარმოადგენდა და მიიჩნევს, რომ ეს ვიზიტი ევროკავშირის ხელშეკრულებებისა და საერთო საგარეო პოლიტიკის უხეშ დარღვევას წარმოადგენს“.

ევროპარლამენტის ახალი შემადგენლობის მიერ მიღებული რეზოლუცია უკრაინის სამხედრო, ფინანსური და სხვა სახის დახმარების გაგრძელების, უკრაინის ევროკავშირში გაწევრიანების მხარდაჭერისა და გაყინული რუსული აქტივების გამოყენების შესახებ მოწოდებებს შეიცავს.

კეზერაშვილი აფინანსებს ოპოზიციას, თუმცა ამას არსებითი მნიშვნელობა არ აქვს, ხალხმა იცის, რას წარმოადგენენ ისინი, ოქტომბერში მოსახლეობა გააკეთებს სწორ არჩევანს, შეცდომების უფლება არ გვაქვს-კალაძე

კეზერაშვილი აფინანსებს ოპოზიციას, თუმცა ამას არსებითი მნიშვნელობა არ აქვს, ხალხმა იცის, რას წარმოადგენენ ეს ადამიანები, – ამის შესახებ დედაქალაქის მერმა, კახა კალაძემ საქართველოს პირველ არხს განუცხადა.

კალაძის თქმით, არც ხელისუფლებას და არც მოსახლეობას დღეს შეცდომების დაშვების უფლება არ აქვს.

„კეზერაშვილმა გაქურდა ჩვენი ქვეყანა, საქართველოს მოსახლეობა, საქართველოს ბიუჯეტი, ამით გამდიდრდა. ხომ ვიცით კეზერაშვილის წარსული, ვინ იყო და რა იყო. ამ ნაქურდალს დაამატა ევროპაში პენსიონერების გაქურდვა და დღეს აფინანსებს ოპოზიციას, თუმცა არსებითი მნიშვნელობა არ აქვს, კეზერაშვილი ვის დააფინანსებს, დაპირისპირება ექნება „ნაციონალურ მოძრაობასთან“ თუ არ ექნება, ეს პარტიები გაერთიანდებიან თუ დაიშლებიან.

ხალხმა უკვე კარგად იცის, რას წარმოადგენენ ეს ადამიანები თავიანთი წარსულით, აწმყოთი, ვინ არიან, რისი მკადრებლები არიან. მინდა, ხაზი გავუსვა, რომ 26 ოქტომბერს ჩვენი ქვეყნის მოსახლეობის უმრავლესობა გააკეთებს სწორ არჩევანს, მიიღებს სწორ გადაწყვეტილებას, რათა ქვეყანაში შენარჩუნებული იყოს მშვიდობა, რადიკალურ დაჯგუფებებს არ მისცენ შესაძლებლობა, ქვეყანა კიდევ წლებით დახიონ უკან. დღეს არ გვაქვს იმის ფუფუნება, რომ გარკვეული შეცდომები დავუშვათ ან არასწორი ნაბიჯები გადავდგათ. მაშინ, როდესაც მეორე ფრონტის გახსნასთან, სანქციებთან დაკავშირებით მოგვიწოდებდნენ, ჩვენ რომ შეცდომა დაგვეშვა და მაგალითად, მივერთებოდით სანქციებს, ქვეყანაში გაგვეხსნა მეორე ფრონტი, ამით ვის დავაზიანებდით? ხომ ისევ ჩვენ ქვეყანას დავაზიანებდით. დღეს არ გვაქვს უფლება, დავუშვათ შეცდომები, ეს ეხება როგორც ქვეყნის ხელისუფალს, ასევე ჩვენი ქვეყნის მოსახლეობას“, – განაცხადა კახა კალაძემ.