საქართველოს ახალგაზრდული ნაკრების მეტოქე ევროპის ჩემპიონატის 1/4 ფინალში ისრაელი გახდა, რომელმაც ჯგუფური ეტაპის ბოლო შეხვედრაში ჩეხეთი 1-0 დაამარცხა და C ჯგუფში მეორე ადგილი დაიკავა.
საქართველოსა და ისრაელის შეხვედრა 1 ივლისს, „დინამო არენაზე“ გაიმართება.
უკრაინის პრეზიდენტმა, ვოლოდიმირ ზელენსკიმ მოუწოდა დეპუტატებს, დააკანონონ სამედიცინო კანაფი, რათა დაეხმარონ უკრაინელებს, დაძლიონ ომის ტკივილი, სტრესი და ტრავმა.
„ყველა საუკეთესო მსოფლიო პრაქტიკა, გადაწყვეტილებები, რაც არ უნდა რთული ან უჩვეულო იყოს, უნდა იქნას გამოყენებული უკრაინაში, რათა უკრაინის ყველა მოქალაქეს არ მოუწიოს ომის ტკივილის, სტრესის და ტრავმის ატანა, კერძოდ, ჩვენ საბოლოოდ უნდა დავაკანონოთ კანაფის შემცველი მედიკამენტები ყველასთვის, ვისაც ეს სჭირდება“, – განაცხადა ვოლოდიმირ ზელენსკიმ.
უკრაინის პრეზიდენტმა აღნიშნა, რომ აუცილებელია უკრაინაში გონებრივი და ფიზიკური რეაბილიტაციის ინდუსტრიის განვითარება როგორც სარეაბილიტაციო ცენტრების მშენებლობის, ასევე შესაბამისი პერსონალის მომზადების კუთხით.
მინისტრთა კაბინეტმა მხარი დაუჭირა კანონპროექტს, რომელიც არეგულირებს კანაფის მცენარეების გამოყენებას უკრაინაში სამედიცინო, სამრეწველო და სამეცნიერო მიზნებისთვის. ჯანდაცვის მინისტრის, ვიქტორ ლიაშკოს თქმით, ქვეყნის ჯანდაცვის სამინისტრომ მოამზადა საკანონმდებლო საფუძველი უკრაინაში კანაფის შემცველი პრეპარატების წარმოების სრული ციკლის უზრუნველსაყოფად, გაშენებიდან და გადამუშავებიდან სრულ წარმოებამდე.
ლუქსემბურგის პრემიერმინისტრმა, ქსავიერ ბეტელმა უკრაინის პრეზიდენტ ვოლოდიმირ ზელენსკისა და რუსეთის პრეზიდენტ ვლადიმირ პუტინს პირდაპირი მოლაპარაკებებისკენ მოუწოდა.
“ვფიქრობ, ახლა ერთადერთი გონივრული გამოსავალი იქნება, რომ პუტინმა და ზელენსკიმ რეალურად ისაუბრონ ერთმანეთთან” , – აღნიშნა ლუქსემბურგის პრემიერ-მინისტრმა.
მან აღნიშნა, რომ მსგავსი მოლაპარაკებების გამართვა ორივე ლიდერს ერთი წლის წინ შესთავაზა. მაშინ უკრაინის ლიდერმა მხარი დაუჭირა მსგავს წინადადებას, თუმცა რუსეთის პრეზიდენტმა არა.
მიუხედავად იმისა, რომ ბეტელის თქმით, წინადადება ძალაში რჩება, „ჩვენ აღარ ვართ იმ მდგომარეობაში, როგორშიც ადრე ვიყავით“.
„სამწუხაროდ, პრეზიდენტი პუტინი არ იყო მზად კონსტრუქციული გადაწყვეტის მოსაძებნად. მე უბრალოდ ვუთხარი, რომ ის კუთხეში აღმოჩნდა“, – იხსენებს ლუქსემბურგის პრემიერ-მინისტრი და აღნიშნავს, რომ რუსეთის პრეზიდენტმა „არ აჩვენა, რომ, როგორც პოლიტიკოსი, მზადაა აღიაროს თავისი შეცდომა და დაასრულოს ომი“.
შვეიცარიამ არ დაუშვა უკრაინისთვის მომზადებული Leopard 1 A5 ტანკების რეექსპორტი. ინფორმაციას ამის შესახებ ტელეკომპანია CNN-ი ავრცელებს.
შვეიცარიის ფედერალურმა საბჭომ უარყო კომპანია Ruag SA-ს მოთხოვნა Leopard 1 A5 96 ტანკთან დაკავშირებით ნეიტრალიტეტის შესახებ კანონმდებლობის საფუძველზე.
აღნიშნული ტანკები ახლა იტალიაში ინახება და მოდერნიზაციის მიზნით მათი ჯერ გერმანიაში, ხოლო შემდეგ კი სამხედრო დახმარების სახით უკრაინაში გადაყვანა იგეგმებოდა.
„[შვეიცარიის] ფედერალურმა საბჭომ დაასკვნა, რომ 96 ტანკის გაყიდვა შეუძლებელია მოქმედი კანონმდებლობის დებულებების გამო. კერძოდ, ასეთი გაყიდვა ეწინააღმდეგება სამხედრო აღჭურვილობის შესახებ კანონს და ნიშნავს შვეიცარიის ნეიტრალიტეტის პოლიტიკის შეცვლას“, – ნათქვამია განცხადებაში.
საქართველოს შინაგან საქმეთა სამინისტრომ მიშა მშვილდაძის ცემის ფაქტზე ერთი პირი დააკავა.
როგორც შინაგან საქმეთა სამინისტროში აცხადებენ ფაქტზე გამოძიება სსკ-ის 126-ე მუხლით მიმდინარეობს, რაც ძალადობას გულისხმობს.
რამდენიმე საათის წინ მოქალაქე ნიკოლოზ გუგეშაშვილმა ფეისბუქპოსტი გამოაქვეყნა და განაცხადა, რომ მიშა მშვილდაძეს მან სცემა.
ტელეკომპანია “ფორმულას” ინფორმაციით, მიშა მშვილდაძეს ერთ-ერთ სავაჭრო ცენტრთან უცნობი პირი დაესხა თავს და ფიზიკურად გაუსწორდა.
ბათუმში, 30 ივნისს დაგეგმილი ნუცა ბუზალაძის კონცერტი გაუქმდა. ამის შესახებ ნათქვამია კლუბ “სფეროს” განცხადებაში, სადაც კონცერტი უნდა გამართულიყო.
როგორც განცხადებაშია განმარტებული, ეს ნუცა ბუზალაძის და კლუბის ადმინისტრაციის ერთობლივი განცხადებაა.
“მოგესალმებით! როგორც ცნობილია 30 ივნისს კლუბ „სფერო“-ში დაგეგმილი იყო გრანდიოზული გახსნითი ღონისძიება, სადაც სოლო კონცერტს გამართავდა ნუცა ბუზალაძე ბენდ ნიუტონთან ერთად.
ბოლო დღეებში განვითარებული მოვლენებიდან გამომდინარე, კლუბი “სფერო”-ს ადმინისტრაცია საჭიროდ თვლის გაცნობოთ ჩვენი და ნუცა ბუზალაძის ერთობლივი გადაწყვეტილება. ხაზგასმით აღვნიშნავთ, რომ მიღებული გადაწყვეტილება არის ორმხრივი.
30 ივნისს დაგეგმილი კონცერტი ამ ეტაპზე გაუქმებულია.
ნუცა მკაფიოდ აფიქსირებს რუსეთის მიმართ თავის პოზიციას და ხაზგასმით აღნიშნავს, რომ რუსეთი ოკუპანტია! სწორედ ამიტომ რუსეთიდან მიღებულ საკონცერტო შემოთავაზებებზე დიდი ხანია უარს ამბობს.
უახლოეს დღეებში ნუცას დაგეგმილი აქვს ამერიკული ტურნე, რომლის შესახებ დეტალებს მსმენელისთვის სიურპრიზად ტოვებს. კლუბი “სფერო“ წარმატებებს უსურვებს მას. ნუცა მზად არის უახლოეს თვეებში “სფერო“-ში გამართოს სოლო კონცერტი.
კლუბი “სფერო“ ზაფხულის განმავლობაში ბევრ ღონისძიებას და სიურპრიზს გპირდებათ. ჩვენთვის თითოეული მომხმარებლის აზრი მნიშვნელოვანია” – ნათქვამია კლუბის განცხადებაში.
https://www.facebook.com/spherebatumi/posts/126580853796487?ref=embed_post
მადლობლები ვართ საქართველოს მთავრობის ყველა ნაბიჯისთვის, რომელიც სანქციების გვერდის ავლის არდასაშვებად იქნა გადადგმული, – ამის შესახებ დიდი ბრიტანეთის საელჩოში გაერთიანებული სამეფოს საგარეო, თანამეგობრობისა და განვითარების საქმეთა ეკონომიკის, მეცნიერებისა და ტექნოლოგიების გენერალურმა დირექტორმა, კუმარ აიერმა განაცხადა.
“დავიწყებ იმით, რომ დიდი ბრიტანეთის საგარეო საქმეთა მინისტრი იმყოფებოდა საქართველოში რამდენიმე თვის წინ და ამ ვიზიტისას მან კიდევ ერთხელ დაადასტურა ის პარტნიორობა, რომელიც დიდ ბრიტანეთს აქვს საქართველოსთან და ქართველ ხალხთან… და ამ მხრივ მადლობელი ვართ საქართველოს მთავრობის ყველა ნაბიჯისთვის, რომელიც სანქციების გვერდის ავლის არდასაშვებად იქნა გადადგმული. მეორე მიზანია ის, რომ ჩვენ ვხედავთ და ჩვენ ვიცით, რომ რუსეთის მთავრობა არ გაჩერდება, იგი გააგრძელებს სხვადასხვა გზების ძიებას. ასე რომ, ამ ვიზიტის ერთ-ერთი მიზანია თუ როგორ გავაგრძელოთ ეს ძალისხმევა, რომ საბრძოლო საქონელმა რუსეთში არ მიაღწიოს.
ელჩმა ო’ბრაიენმა სანქციების მნიშვნელობაზე ისაუბრა და მინდა რამდენიმე სიტყვა ვთქვა იმ გავლენაზე, რომელიც ამას რუსეთზე აქვს. უპირველეს ყოვლისა, ამას გავლენა აქვს ბრძოლის ველზე. ვიცით, რომ ბევრი რუსული იარაღის დასავლურ ნაწილებზე არის დამოკიდებული, ნაწილებზე, რომლებიც ჩვენს მიერ დასანქცირდა. ბრძოლის ველის განხილვიდან და ანგარიშებიდან ვიცით, რომ ამ ნაწილების დასავლეთიდან მიღება აღარ შეუძლიათ, ისინი ნაკლები ხარისხის ნაწილებს იყენებენ და მათი იარაღის ეფექტურობაც მცირდება.
ძალიან ღიად და საჯაროდ ვლაპარაკობდით იმ კომპონენტებზე, რომლებზეც ყველაზე მეტად ვართ შეშფოთებულები, ისინი ჩვენს ვებგვერდზეა. ეს იგივე 38 საქონელია, რომლებზეც დიდი ბრიტანეთი, აშშ და ევროკავშირი ფოკუსირებულნი არიან და ყველანი ერთსა და იმავე აზრზე ვართ ფოკუსირებულნი”, – განაცხადა აიერმა.
საქართველოს არ აქვს დაწესებული სანქციები და შესაძლოა, ამით იმედგაცრუებული ვიყოთ, თუმცა ასევე გვესმის სპეციფიკური სიტუაცია, რომელშიც ის იმყოფება, – ამის შესახებ სანქციების საკითხებში ევროკავშირის სპეციალური წარმომადგენელმა, დევიდ ო’სალივანმა ბრიფინგზე განაცხადა.
მისივე თქმით, საქართველოს ხელისუფლება სერიოზულად უდგება საკითხს, ქვეყანა არ იყოს გამოყენებული სანქციებისთვის გვერდის ავლისთვის.
„საქართველოს არ აქვს დაწესებული სანქციები. შესაძლოა, ჩვენ ამით იმედგაცრუებული ვიყოთ, რადგან ეს არის ქვეყანა, რომელიც მიისწრაფვის ევროკავშირის წევრობისკენ. ჩვენ ვისურვებდით მაღალი დონის თავსებადობას საგარეო პოლიტიკაშიც, თუმცა ჩვენ ასევე გვესმის ძალიან სპეციფიკური სიტუაცია, რომელშიც იმყოფება საქართველო ეკონომიკურად, გეოგრაფიულად და რუსეთთან მრავალმხრივ მჭიდრო კონტაქტების კუთხით. ჩვენ გვესმის, რომ ისინი არ აპირებენ ჩვენი სანქციების განხორციელებას“, – განაცხადა დევიდ ო’სალივანმა.
რუსეთი მარცხდება და ჩვენ აფხაზეთი გვაქვს გასათავისუფლებელი. მე ჯერ კიდევ უკრაინის საბოლოო გათავისუფლებაში მაქვს მონაწილეობა მისაღები და შემდეგ სოხუმში ვაპირებ პიაცის აშენებას, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.
როგორც მიხეილ სააკაშვილი აღნიშნავს, საქართველოში ძალაუფლება კრიმინალურ ჯგუფს აქვს ხელში ჩაგდებული, რომელიც აუცილებლად გადავა მასშტაბურ ძალადობაზე
„მეგობრებო, რუსეთში არეულობის და ძალადობის ბოლოჟამის ხანა დაიწყო და საქართველო, რომელიც ივანიშვილმა მეტწილად რუსეთის კლანად აქცია, ზუსტად ამ გზას დაადგა.
საქართველოში ძალაუფლება კრიმინალურ ჯგუფს აქვს ხელში ჩაგდებული, რომელიც აუცილებლად გადავა მასშტაბურ ძალადობაზე. ის რაც გუშინ იხილეთ მხოლოდ დასაწყისია.ახლა მთავარია არ შეგვეშინდეს!
მე ხომ არ შემეშინდა აქ ჩამოსვლა. თუმცა ზუსტად ვიცოდი, რომ შეიძლება მოვეკალი. ნურც თქვენ შეგეშინდებათ სამოქალაქო საზოგადოებამ და პოლიტიკოსებმა უნდა ისწავლონ თავის დაცვა!
რა დროს საარჩევნო სიებში ადგილების გაყოფაა – ძალიან მიკვირს ამას რომ ვუყურებ.
წინ რუსეთის და უკრაინის მოვლენების პარალელურად (განსაკუთრებით უკრაინის წარმატების პარალელურად), უმძიმესი პერიოდი გველოდება, რომლის გასავლელად კონსოლიდაცია და ახალი ელემენტების შემოტანა გვჭირდება, ისეთის, რაც წინა წლებში არ ყოფილა აქტუალური.
ჩვენ მათ მოგვპარეს მომავალი და ახლა უნდათ აწმყოს წართმევაც. უნდა ვუთხრათ ივანიშვილს და მის პატრონებს რუსეთში, რომ ვერ მოგვერევით. ვერ „დაგვაჩმორებთ“, ჩვენ ბევრად მეტი ვართ.
რუსეთი მარცხდება და ჩვენ აფხაზეთი გვაქვს გასათავისუფლებელი.
მე ჯერ კიდევ უკრაინის საბოლოო გათავისუფლებაში მაქვს მონაწილეობა მისაღები და შემდეგ სოხუმში ვაპირებ პიაცის აშენებას“, – წერს მიხეილ სააკაშვილი.
https://www.facebook.com/SaakashviliMikheil/posts/804548184374114?ref=embed_post
დღეს, 28 ივნისის 17:00 საათიდან სოციალურ ქსელ „ფეისბუქში“ ტელეკომპანია „იმედის“ გვერდზე საჯაროდ წვდომა შეზღუდულია, გვერდი ხელმისაწვდომია მხოლოდ მისი „ადმინებისათვის“. საყურადღებოა, რომ არანაირი გაფრთხილება აღნიშნულის შესახებ გვერდს არ მიუღია, – ამის შესახებ „იმედის“ მიერ გავრცელებულ განცხადებაშია ნათქვამი.
როგორც განცხადებაშია აღნიშნული, „იმედმა“ ოფიციალური წერილით მიმართა ტექნოლოგიურ კომპანია „მეტას“.
„კომპანიის ადმინისტრაციაში ამ დრომდე ვერ გვპასუხობენ კითხვაზე, რატომ აღარ არის ხელმისაწვდომი „იმედის“ ოფიციალური გვერდი. ჩვენ განგვიმარტეს, რომ „ტელეიმედის“ მოთხოვნა გადაცემულია სპეციალური ჯგუფისთვის, რომელიც კომპანიაში მსგავს საკითხებს სწავლობს და ვარაუდობენ, რომ პრობლემის აღმოფხვრა უახლოეს პერიოდში მოხერხდება. ჩვენი ფეისბუქგვერდის აღდგენამდე ახალ ამბებს შეგიძლიათ თვალი ადევნოთ „იმედის“ ვებგვერდზე – imedi.ge, imedinews.ge და „იმედის“ იუთუბ არხზე. სოციალურ ქსელებში გამოჩნდა არაერთი გვერდი, რომელიც „ფეისბუქზე“ ბოლო საათების განმავლობაში მაუწყებლობს „იმედის“ სახელით. არცერთ მათგანს არანაირი შეხება „იმედთან“ არ აქვს და ყველა მათგანი არის ყალბი, ე.წ. ფეიკგვერდი“, – ნათქვამია განაცხადებაში.
თბილისის სააპელაციო სასამართლოში ჩოგბურთელ ნიკოლოზ ბასილაშვილის მორიგი სასამართლო პროცესი გაიმართა.
დღევანდელ სხდომაზე დაზარალებულმა ნეკა დოროყაშვილმა 2018 წელს, ნიუ-იორკში გადაღებული ვიდეომასალა წარადგინა, რის შემდეგაც ბრალდების მხარემ დასკვნითი სიტყვა წარმოთქვა.
საკუთარ მობილურ ტელეფონში არსებული ვიდეომასალა დოროყაშვილმა მოსამართლეს პირადად აჩვენა და თან ფაქტთან დაკავშირებით განმარტებებიც გააკეთა.
„დააკვირდით მოძრაობას, ნიკოლოზი მოემართება ჩემკენ და ეძებს რაიმე ნივთს, რომ ჩამარტყას. დააკვირდით ხელის მოძრაობას… მომხვდა თავში, მეტკინა ძალიან, მართალია, სხვა დაზიანებებიც მქონდა ამ დროს მიღებული, აღვნიშნე, რომ ბოლო კადრებია, არ მქონია მოლოდინი, რომ იძალადებდა კიდეც ფიზიკურად, მე უბრალოდ ვფიქრობდი, რომ ფსიქოლოგიურად გააგრძელებდა ძალადობას. მანამდე იყო იატაკზე თრევა.
ნიკოლოზი ნამდვილად ოთახში იმყოფება, ნამდვილად ვეუბნები, რატომ მირტყამო, ხმას არ მცემს და აგრძელებს ძალიან მშვიდად და წყნარად, არ მეწინააღმდეგება, არ მეუბნება, რას ამბობ, მე არ გირტყამო. საერთოდ, რად გვინდა ეს დისკუსია, როცა არსებობს ძალადობის კადრები, საერთოდ რატომ დავდივარ აქ, რატომ დავდივარ ეს 4 წელია, გამაგებინეთ. მე გამასამართლეს ნიკოლოზის მაგივრად და ნიკოლოზს შეუქმნეს ყველანაირი კომფორტი. მე დავდივარ 5 წელია და ვამტკიცებ, როგორ დამარტყა ჩანთა“, – განაცხადა დოროყაშვილმა სასამართლო პროცესზე.
სხდომას არ დასწრებია ნიკოლოზ ბასილაშვილი.
შემდეგ სხდომაზე, რომელიც 7 ივლისს, 11:00 საათზე ჩატარდება, დაცვის მხარე წარმოთქვამს დასკვნით სიტყვას.
ცნობისთვის, ნიკოლოზ ბასილაშვილი ყოფილი მეუღლის მიმართ ფიზიკურ და ფსიქოლოგიურ ძალადობაში ქვეყნის პირველმა ინსტანციის სასამართლომ უდანაშაულოდ ცნო. აღნიშნული გადაწყვეტილება ბრალდების მხარემ სააპელაციო სასამართლოში გაასაჩივრა. პროკურატურა ნიკოლოზ ბასილაშვილის მიმართ გამამტყუნებელი განაჩენის გამოტანას ითხოვს. რაც შეეხება დაცვის მხარეს, ადვოკატებს მოლოდინი აქვთ, რომ მეორე ინსტანციის სასამართლო განაჩენს უცვლელად დატოვებს.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
