“ევროკავშირიდან და აშშ-დან სანქციების ჯფუფის ორი ხელმძღვანელია ჩამოსული, რა უნდათ საქართველოში, თუ პრობლემა არ არის?”

62
spot_img

ევროკავშირიდან და აშშ-დან სანქციების ჯფუფის ორი ხელმძღვანელია ჩამოსული. რა უნდათ საქართველოში, თუ პრობლემა არ არის? თუ სანქციების გვერდის ავლაში თქვენ არ ეხმარებით ან ვერ აკეთებთ თქვენს საქმეს, რატომ ჩამოვიდოდნენ?, – ამის შესახებ ოპოზიციონერმა დეპუტატმა, რომან გოცრიძემ განაცხადა ბიუჯეტის ანგარიშის განხილვისას, რომელიც ფინანსთა მინისტრის მოადგილემ, გიორგი კაკაურიძემ წარადგინა.

ამასთან, გოცირიძემ აღნიშნა, რომ ხელისუფლება ბევრ რამეზე ტრაბახობს რუსეთთან ვაჭრობისა, თუ სხვა ეკონომიკური საქმიანობის გააქტიურებით, უკრაინაში ომის გახანგრძლივების ხარჯზე, რაც უზნეო საქციელია.

„ჩვენმა პოლიტიკურმა ჯგუფმა, „ევროოპტიმისტებმა“ გამოგიგზავნეთ შეკითხვა, როგორ ებრძვით რუსეთში სანქცირებული ტვირთების შეტანას. არ მოგწერეთ, რომ რატომ უწყობთ ხელს რუსეთს სანქციების გვერდის ავლაში. დღეს ევროკავშირიდან და აშშ-დან სანქციების ჯფუფის ორი ხელმძღვანელია ჩამოსული. რა უნდათ საქართველოში, თუ პრობლემა არ არის? თუ სანქციების გვერდის ავლაში თქვენ არ ეხმარებით, ან ვერ აკეთებთ თქვენს საქმეს, რატომ ჩამოვიდოდნენ? დღეს ბრიფინგი ჩატარდა. რა უნდათ სომხეთში, რა უნდათ საქართველოში? წერილი მოგწერეთ, დაარღვიეთ, მეორეჯერ მოგწერეთ და ახლა მივიღეთ ფინანსთა მინისტრისგან – თქვენი წერილის პასუხი იხილეთ ჩვენს განცხადებაში და განცხადების ლინკი დაურთეს. კი მაგრამ, რატომ არ სცემთ პატივს პარლამენტს, მის ხელმძღვანელობას და რეგლამენტს? ეს ადამიანები აქ რომ არიან ჩამოსული, ეს არის ნიშანი და სხვათა შორის, თუ თქვენ გადაახვევთ და მოუსმენთ, ერთ-ერთმა თქვა, რომ რუსეთის მიერ სანქციების დარღვევაში ხელის შეწყობა ნიშნავს უკრაინაში ომის გახანგრძლივებას. რას ნიშნავს უკრაინაში ომის გახანგრძლივება? გახანგრძლივება ნიშნავს ახალ მსხვერპლს, ახალ დახოცილ ადამიანებს, ჯარისკაცებს, ბავშვებს, ქალებს და დაბომბილ ქალაქებს. ეკონომიკის ზრდაც ფიქტიურია, ვინაიდან ძალიან ბევრი რამ ქაღალდზე არის, რუსეთიდან შემოსული ადამიანების ხარჯზე, ისევე როგორც დასაქმებულთა ზრდა, 20 ათასზე მეტი ინდმეწარმე დარეგისტრირდა, რუსეთის მოქალაქე საქართველოში. ჩვენი სტატისტიკით საკმარისია ერთი ფირმის შექმნა ინდმეწარმის სახით, უკვე დასაქმებულად ითვლები. ხელისუფლება ბევრ რამეზე ტრაბახობს, რუსეთთან ვაჭრობისა, თუ სხვა საქმიანობის, ეკონომიკური საქმიანობის გააქტიურებით, სწორედაც რომ უკრაინაში ომის გახანგრძლივების ხარჯზე. ეს არის უზნეო საქციელი“, – აღნიშნა რომან გოცირიძემ.

ეკონომიკის, მეცნიერებისა და ტექნოლოგიების სფეროში გაერთიანებული სამეფოს საგარეო, თანამეგობრობისა და განვითარების ოფისის გენერალურმა დირექტორმა, კუმარ აიერმა თბილისში გამართულ პრესკონფერენციაზე განაცხადა, რომ საქართველოში 38 დასახელების ელექტროსაქონელზე სასაუბროდ ჩამოვიდნენ. „ამ საკითხზე სასაუბროდ ჩვენ მხოლოდ საქართველოში არ ჩამოვსულვართ, საქართველოდან მივემგზავრებით სომხეთში, ჩვენი ჯგუფი 5-6 ქვეყანაშია ნამყოფი და კიდევ ბევრგან ვაპირებთ ჩასვლას“.