ერთადერთი პარტია ვართ ქართულ პოლიტიკურ სპექტრში, რომელიც სალომე ზურაბიშვილს არ მივიღებთ – არ ვართ დაინტერესებული ივანიშვილის კადრების გადაბირებით , – ამის შესახებ საქართველოს პარლამენტში “გირჩის” დეპუტატმა, იაგო ხვიჩიამ განაცხადა, რითაც გამოეხმაურა ირაკლი კობახიძის განცხადებას იმის თაობაზე, რომ სალომე ზურაბიშვილი არჩევნებამდე 1-2 თვით ადრე გადადგება და არჩევნებში მიიღებს მონაწილეობას.

ხვიჩიას თქმით, თანამშრომლობით ყველასთან ითანამშრომლებენ.

“ჩვენ ერთადერთი პარტია ვართ ქართულ პოლიტიკურ სპექტრში, რომელიც სალომე ზურაბიშვილს პარტიაში არ მივიღებთ. ამიტომ სხვა დროს თუ კობახიძეს ან ვინმეს რაიმე წამოსცდება ჩვენი მისამართით, იცოდეთ, რომ მე თქვენთან ეს მაქვს განხილული.

რაც შეეხება ამ ვერსიას, „ქართული ოცნების“ ხელშია მოსასმენი აპარატებიც, თვალთვალიც, სუს-იც, პოლიციაც, შესაბამისად, მათ ბევრად მეტი ინფორმაცია აქვთ, ვინ რას აპირებს ამასთან დაკავშირებით, მაგრამ ჩვენ ვერ შევამოწმებთ ამ ინფორმაციის სანდოობას, რასაც „ქართული ოცნება“ გვთავაზობს, შესაბამისად, შეიძლება ეს მართალი იყოს, შეიძლება საერთოდ ტყუილი იყოს, ჩვენთვის გზის ასაბნევად”, – განაცხადა ხვიჩიამ.

კითხვაზე, რატომ არ მიიღებენ სალომე ზურაბიშვილს მათ პარტიაში, ხვიჩია აცხადებს, რომ “ივანიშვილის კადრების გადაბირებით” დაინტერესებულნი არ არიან.

“ჩვენ არ ვართ დაინტერესებული ბატონი ივანიშვილის კადრების გადაბირებით. არ მიგვაჩნია სწორად და გვგონია, რომ ჩვენ ჩვენი ხალხი გვჭირდება იმისთვის, რომ ჩვენს მიზნებს მივაღწიოთ. ხოლო სალომე ზურაბიშვილი ბატონ ბიძინა ივანიშვილს და “ქართულ ოცნებას” ღმერთმა სიკეთეში მოახმაროს”, – განაცხადა ხვიჩიამ.

სალომე ზურაბიშვილის ნაბიჯები საზიანოა საქართველოს ეროვნული ინტერებისთვის, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

პაპუაშვილს კითხვა დაუსვეს ირაკლი კობახიძის განცხადებაზე, რომლის თანახმად, მაღალია ალბათობა, ეომ არჩევნებამდე ერთი-ორი თვით ადრე სალომე ზურაბიშვილი გადადგება და მონაწილეობას მიიღებს არჩევნებში.

როგორც შალვა პაპუაშვილმა აღნიშნა, სალომე ზურაბიშვილი იმ ნაბიჯს გადადგამს, რაც მეტად დააზიანებს საქართველოს.

„ჩვენ ვხედავთ, რომ მას შემდეგ, რაც სალომე ზურაბიშვილმა კონსტიტუცია დაარღვია, ის განზრახ გასულია კონსტიტუციური ჩარჩოებიდან. მისი ნაბიჯები საზიანოა საქართველოს ეროვნული ინტერებისთვის, მათ შორის უსაფრთხოების ინტერესებისთვის და ამიტომ რამის გამორიცხვა შეუძლებელია. ფაქტია, რომ სალომე ზურაბიშვილი მოქმედებს საქართველოს ეროვნული ინტერესების საწინააღმდეგოდ და უკვე აშკარად მოქმედებს ოპოზიციის დღის წესრიგით. რამის გამორიცხვა ძნელი იქნება. რაც უფრო მეტად დააზიანებს საქართველოს, საბოლოო ჯამში, იმ ნაბიჯს გადადგამს სალომე ზურაბიშვილი“, – განაცხადა შალვა პაპუაშვილმა.

ორბანის პოზიციონირება ნამდვილად არ უქმნის საფრთხეს ჩვენს ქვეყანას – კობახიძე რომ ხელმძღვანელობს კონსულტაციებს უნგრეთის მთავრობასთან მრავლისმეტყველია, დელეგაცია იცავს ჩვენს სუვერენულ ინტერესებს, რაზეც მალე შეიტყობთ, – ამის შესახებ საპარლამენტო უმრავლესობის წევრმა ბექა ოდიშარიამ განაცხადა.

ოდიშარიას თქმით, ოპოზიციის კრიტიკა ორბანის მიმართ „კლოუნადის აპოთეოზია.”

„ვიქტორ ორბანი თავის ქვეყნის და ერის გამოკვეთილი ლიდერია, აგერ 4- ჯერ თუ არა 5- ჯერ მოიგო ნაციონალური არჩევნები და მისდამი ნდობა მაღალია. ჩვენი ოპოზიცია ვის აკრიტიკებს? ასეთი მაღალი ლეგიტიმაციის, ქვეყნის ჭეშმარიტ პატრიოტ ლიდერს? თავად საკუთარ სახლში და სადარბაზოში არ აძლევენ ხმას. მათი კრიტიკა ორბანისადმი მიმართული კლოუნადის აპოთეოზია.

ბატონი ორბანის პოზიციონირება ევროკავშირში ნამდვილად არ უქმნის საფრთხეს ჩვენს ქვეყანას იმიტომ, რომ ის წარმოადგენს ქვეყანას და ხელისუფლებას, რომელიც ერთ- ერთი უპირველესი ჩვენი გულშემატკივარი და ლობისტია, მათ შორის, სტატუსის მონიჭებისა. ახლაც ის, რომ ირაკლი კობახიძე ხელმძღვანელობს ჩვენს დელეგაციას და ასეთი მაღალი რანგის კონსულტაციებს უნგრეთის მთავრობასთან, მრავლისმეტყველია. ბუნებრივია, ჩვენი დელეგაცია იცავს ჩვენს სუვერენულ ინტერესებს, რაზეც დარწმუნებული ვარ, მალე შეიტყობთ საზოგადოება. რაც მთავარია, მივაღწევთ მიზანს რაც დასახული გვაქვს მოკლე დროში – კანდიდატის სტატუსის მიღება.

ქვეყნის მტერი ოპოზიციის განცხადებებს რაც შეეხება, მე მათი კრუსუნი არ მახსენდება მაშინ, როცა საქართველო დაისაჯა და უსამართლოდ არ მიენიჭა სტატუსი. რა კრიტერიუმებით შეიძლება დაწინაურებულიყვნენ ჩვენი პარტნიორები საქართველოსთან მიმართებით, იქნებ ვინმემ მითხრას?! საქართველო იყო, არის და იქნება უფრო წინ რეფორმებში, ეკონომიკურ განვითარებაში, თანმიმდევრულ პოლიტიკაში, ვიდრე არის მოლდოვა და უკრაინა. ამას საზოგადოება საკუთარ ტანზე, სხეულზე, ოჯახზე ქალაქებსა და სოფლებში გრძნობს,”- განაცხადა ოდიშარიამ.

ინფორმაციისთვის, ვიქტორ ორბანის პარტიამ უნგრეთის პარლამენტს რეზოლუცია წარუდგინა, რომელიც უკრაინასთან ევროკავშირში გაწევრიანების შესახებ მოლაპარაკებების დაწყებას ეწინააღმდეგება.

მანამდე ორბანმა ევროპული საბჭოს პრეზიდენტს, შარლ მიშელს წერილი გაუგზავნა, სადაც აღნიშნულია, რომ ევროკავშირის დაგეგმილი სამიტის დღის წესრიგიდან უკრაინის ევროკავშირში გაწევრიანებისა და ქვეყნისთვის დახმარების სახით 50 მილიარდი ევროს გამოყოფის საკითხები ამოიღონ და არ მოიწვიონ ევროპული საბჭო დეკემბერში ამ საკითხებზე გადაწყვეტილების მისაღებად.

რიდლი სკოტის ახალმა ფილმმა „ნაპოლეონი“ ისტორიკოსებისა და კინომოყვარულების კრიტიკის ქარცეცხლი გამოიწვია. ნაპოლეონის ეპოქის მცოდნეები აკრიტიკებენ რეჟისორს ისტორიული შეცდომებისა და უზუსტობების გამო, კინომოყვარულები დინამიური სიუჟეტის არარსებობისა და ფილმის მთავარი გმირის ინტერპრეტაციისთვის – ხოაკინ ფენიქსის ნაპოლეონი უფრო მოსიარულე ქანდაკებას ჰგავს, სახეზე ქვის გამომეტყველებით.

რეჟისორთან არაერთი ინტერვიუდან ირკვევა, თუ რა ამოცანები დაუსვა თავის თავს ნაპოლეონზე ეპიკური ფილმის გადაღებისას. რიდლი სკოტი ახასიათებდა ნაპოლეონს, როგორც  სასტიკ მმართველს, ძალაუფლებით შეპყრობილს, განგსტერს, რომელმაც დაიწყო ომები ევროპაში, რამაც უამრავი მსხვერპლი გამოიწვია. რიდლი სკოტმა ხოაკინ ფენიქსის არჩევა მთავარ როლზე მსახიობის საფრანგეთის იმპერატორთან გარეგნული მსგავსებით და იმით ახსნა, რომ ფენიქსი კრიმინალის ტიპს ერგება. სკოტის ცნობილ ფილმში „გლადიატორი“ ფენიქსი მთავარ უარყოფით პერსონაჟს, იმპერატორ კომოდუსს თამაშობდა. რიდლი სკოტის ნაპოლეონი ასევე უარყოფითი გმირია. მაგრამ ვინ არის ფილმის პოზიტიური გმირი, „გლადიატორი“, რომელიც ეწინააღმდეგება ძალაუფლებისმოყვარე საფრანგეთის იმპერატორის დანაშაულებრივ გეგმებს?

რიდლი სკოტის ფილმში „გლადიატორის“ როლს ბრიტანეთის იმპერია ასრულებს – ნაპოლეონის მთავარი მოწინააღმდეგე მთელი მისი სამხედრო კარიერის განმავლობაში. ფილმი იწყება ტულონის ალყით, რომლის დროსაც ნაპოლეონი ანადგურებს ბრიტანეთის იმპერიის სიამაყეს – სამეფო საზღვაო ფლოტს. ფილმი მთავრდება ვატერლოოს ბრძოლით. სწორედ ბრიტანელებმა დაამარცხეს ნაპოლეონი და ამით იხსნა ევროპა მისი სისხლისმსმელი ამბიციებისგან. ნაპოლეონი ბრიტანელებს დანებდა და წმინდა ელენეს კუნძულზე გადაასახლეს.

შეგახსენებთ, რომ რიდლი სკოტი ბრიტანელი რეჟისორია, თუმცა მისი ფილმების უმეტესობა ჰოლივუდში გადაიღო. ნაპოლეონის ეპოქის მისი ინტერპრეტაცია არის ინგლისელის შეხედულება ბრიტანეთის იმპერიის ერთ-ერთ ყველაზე საშიშ მტერზე მის ისტორიაში. სკოტის ფილმი პროპაგანდისტული და პოლიტიკური ხასიათისაა. როგორც პროპაგანდის წესებს შეეფერება, უარყოფითი იმიჯის შესაქმნელად გამოიყენება მთელი რიგი ტექნიკები.

რიდლი სკოტი ფილმში ერთმანეთს ერწყმის ნაპოლეონის ომები, ნაპოლეონისა და ჟოზეფინის ურთიერთობის ისტორიას. ჟოზეფინა გამოსახულია, როგორც მსუბუქი ყოფაქცევის ქალი. მისი ღალატი ნაპოლეონის მიმართ ფართოდ გახდა ცნობილი. ნაპოლეონი აღიარებს, რომ მისი ცოლი მეძავია, მაგრამ განიცდის მის მიმართ ცხოველურ ვნებას.

ჟოზეფინა მეძავია. მაგრამ რიდლი სკოტის აზრით, ის აკონტროლებს ნაპოლეონს. ჟოზეფინა ეუბნება ნაპოლეონს, რომ ის უბრალოდ სასტიკი ცხოველია და მის გარეშე არაფერია. ჟოზეფინას წარმატებები მოაქვს ნაპოლეონისთვის. და ნაპოლეონი ეთანხმება ჟოზეფინას.

თუმცა, იმპერატორს სჭირდება ტახტის მემკვიდრე, ჟოზეფინა კი უნაყოფოა. ნაპოლეონი იძულებულია გაშორდეს მას. განქორწინების ცერემონიის დროს იმპერატორი ცხვირსახოცით იწმენდს ცრემლებს და ჟოზეფინა სარკასტული ღიმილით კითხულობს განქორწინების დოკუმენტის ტექსტს.

განქორწინების შემდეგ ფილმში ასახულია რუსეთში ნაპოლეონის წარუმატებელი კამპანიის ისტორია. უკან დახევის დროს ნაპოლეონი ფიქრობს, რომ ჟოზეფინის გარეშე იღბალი აღარ ახლდა მას. სინამდვილეში, სამი წელი გავიდა ჟოზეფინასთან განქორწინებასა და რუსეთთან ომის დაწყებას შორის, რომლის დროსაც საფრანგეთის იმპერია თავისი ძლიერების პიკზე იყო. მაგრამ რეჟისორის ამოცანაა დაარწმუნოს მაყურებელი თავის კონცეფციაში და არა ისტორიული ფაქტების წარმოჩენა.

მთავარი კითხვა რჩება: რატომ გახდა აქტუალური პროპაგანდისტული ფილმის გადაღება ტირანზე, რომელიც ორასზე მეტი წლის წინ ცხოვრობდა? ინგლისურენოვან სამყაროში ნაპოლეონი უარყოფითი გმირია, რომლელთანაც შედარება უარყოფით ასოციაციებს იწვევს. ფილმის “ნაპოლეონის” პრემიერის დროს CNN-მა გამოაქვეყნა სტატია, რომელშიც ავტორმა პარალელები გაავლო საფრანგეთის იმპერატორსა და დონალდ ტრამპს შორის, რომელსაც “ჩვენი პოტენციური ნაპოლეონი” უწოდა.

https://edition.cnn.com/2023/11/20/opinions/napoleon-ridley-scott-joaquin-phoenix-donald-trump-berlatsky/index.html

სტატიის ავტორი ნოე ბერლაცკი მკითხველს უხსნის, რომ რიდლი სკოტის ნაპოლეონი თვითკმაყოფილი პოპულისტია, რომელიც საკუთარ თავს ყველა ადამიანზე მაღლა წარმოიდგენდა. მაგრამ ამავე დროს, მისი ფიგურა რიგ ეპიზოდებში გამოიყურება კომიკური და სასაცილო. და ეს არის მსგავსება ნაპოლეონისა და დონალდ ტრამპის იმიჯს შორის. ბერლიცკის თქმით: „სხვადასხვა ეპოქის პოპულისტ ლიდერებს შორის არის რამდენიმე შესამჩნევი მსგავსება. სკოტის ნაპოლეონის მსგავსად, ტრამპის გაუთავებელი თავმოყვარეობა მას საკუთარი თავის კარიკატურად აქცევს“.

ფილმში ნაპოლეონის პირადი ამბიციები ევროპისა და საფრანგეთის მრავალი უბედურების მიზეზი გახდა. ამერიკულ მედიაში ვტცელდება აზრი რომ დონალდ ტრამპმა თავისი არაპროგნოზირებადი პოლიტიკური გადაწყვეტილებებით, პოპულისტური რიტორიკით და გადაჭარბებული ამბიციებით შეიძლება საფრთხე შეუქმნას როგორც შეერთებულ შტატებს, ასევე მთელ მსოფლიოს.

აღსანიშნავია, რომ დონალდ ტრამპის ნაპოლეონთან შედარება იმ დროიდან დაიწყო, როცა ის ამერიკის შეერთებული შტატების პრეზიდენტი გახდა. მაგალითად, 2020 წელს The Wall Street Journal-ში იყო გამოქვეყნებული სტატია სათაურით „რა აქვს ტრამპს საერთო ნაპოლეონთან “ https://www.wsj.com/articles/what-trump-has-in-common-with-napoleon-11588784608

ჟურნალ Politico-მ 2017 წელს გამოაქვეყნა სტატია სათაურით „დონალდ ტრამპის ნაპოლეონის კომპლექსი“. Week 9: Donald Trump’s Napoleon Complex – POLITICO Magazine

ასეთი მაგალითები ბევრია. ტრამპის ასოციაცია ნაპოლეონთან ამერიკელებისთვის მისაღები გახდა. ის ფაქტი, რომ რიდლი სკოტის ფილმი ნაპოლეონზე აშშ-ის საპრეზიდენტო არჩევნებამდე გამოვიდა, შესაძლოა იმაზე მიუთითებდეს, რომ ჰოლივუდი ჩაერთო საარჩევნო კამპანიაში. მოგეხსენებათ, ჰოლივუდი ტრადიციულად მხარს უჭერს დემოკრატიულ პარტიას და მის კანდიდატებს. რიდლი სკოტმა ამერიკელებს თავისი ფილმით შეახსენა რა მონსტრი იყო ნაპოლეონი. ფილმი თითქოს აფრთხილებს, რამდენად საშიშია მისნაირი თანამედროვე მონსტრის – დონალდ ტრამპის მხარდაჭერა.

ავთანდილ წულაძე

პოლიტოლოგი, პოლიტოლოგიის დოქტორი

უნგრეთის პრემიერის ვიქტორ ორბანის პარტიამ უნგრეთის პარლამენტს რეზოლუცია წარუდგინა, რომელიც უკრაინასთან ევროკავშირში გაწევრიანების შესახებ მოლაპარაკებების დაწყებას ეწინააღმდეგება.

ამის შესახებ ინფორმაციას სააგენტო Reuters-ი ავრცელებს.

„უკრაინასთან წევრობის შესახებ მოლაპარაკებების დაწყება ევროკავშირის წევრ ქვეყნებს შორის კონსენსუსს უნდა ეფუძნებოდეს. დღეს ამის პირობები არ არსებობს“, – აცხადებენ დოკუმენტის ავტორები.

უნგრეთის მმართველი პარტიის „ფიდესის“ მიერ წარდგენილ რეზოლუციაში ნათქვამია, რომ ევროკავშირის გაფართოების პოლიტიკა ობიექტურ პროცესად უნდა დარჩეს, რომელიც წესებსა და შედეგებს ეფუძნება.

უნგრეთის პრემიერის პრესსამსახურის ცნობით, ორბანი ემანუელ მაკრონს ხვალ პარიზში შეხვდება.

ნატო-საქართველოს კომისიის სხდომაზე საუბარი მქონდა იმაზე, რომ მნიშვნელოვანია, ნატო-მაც გაიზიაროს ის მიდგომები, რომლებიც ბოლო პერიოდში ევროკავშირს აქვს, – ამის შესახებ საქართველოს პარლამენტის თავმჯდომარემ, შალვა პაპუაშვილმა ბრიუსელში განაცხადა.

„ნატო-საქართველოს კომისიის სხდომაზე საუბარი მქონდა,  თუ როგორ ახერხებს საქართველო, უსაფრთხოების ძალიან რთულ გარემოში შეინარჩუნოს უსაფრთხო გარემო და ამავე დროს მონაწილე იყოს საერთაშორისო უსაფრთხოების უზრუნველყოფის, მათ შორის უკრაინის მხარდაჭერის სახით. საუბარი მქონდა იმაზე, რომ ევროკავშირში ინტეგრაციის პროგრესის კვალდაკვალ მნიშვნელოვანია, ნატო-მაც გაიზიაროს ის მიდგომები, რომლებიც ბოლო პერიოდში ევროკავშირს აქვს, როცა ჩვენთვის მოცემულია მკაფიო მოლოდინები რეკომენდაციების სახით, რასაც შემდეგ მოჰყვება შესაბამისი გადაწყვეტილებები, როცა ჩვენ ამა თუ იმ რეკომენდაციაში პროგრესს ვაღწევთ. მნიშვნელოვანია, ნატო-მაც ეს მიდგომები გადაიღოს და გვითხრას ზუსტი კრიტერიუმები და მოლოდინები. ასევე ჩანდეს, რომ როცა იქნება პროგრესი ამ საკითხებზე, ამას ნატო-ს მხრიდან გადაწყვეტილებები მოჰყვება“, – განაცხადა შალვა პაპუაშვილმა.

„ნაცმოძრაობა“ რომ პრაქტიკულად დაშლილია და დე იურე როგორ გაფორმდება, ამას ელოდება მათი ამომრჩეველი, ეს უკვე ნიშნავს, რომ არც ფორმალური და არც არაფორმალური თავმჯდომარე ამ პარტიას აღარ ჰყავს, – ამის შესახებ „ხალხის ძალის“ წევრმა, გურამ მაჭარაშვილმა განაცხადა.

როგორც მაჭარაშვილმა აღნიშნა, „პარტია „ნაციონალურ მოძრაობას“ ლევან ხაბეიშვილის ჰოლივიდური ღიმილის მცდელობა ნამდვილად ვერ უშველის, რადგან რეალურად პარტია უკვე რამდენიმე ნაწილად არის დაყოფილი“.

„ხაბეიშვილის აშშ-ში ვიზიტს რაც შეეხება, ვიცით, რომ არჩევნებთან დაკავშირებით როდესაც ჰქონდა საუბარი, იქ უთხრეს, რომ პარტია გეშლება და აქ რომ ხარ ჩამოსული, არჩევნები აშშ-ის საზოგადოებამ კი არ უნდა მოგაგებინოს, არამედ ქართულმა საზოგადოებამ, რომლის წარმომადგენლებიც საკრებულოში არიან და ამ პარტიას ტოვებენ. მისი ჰოლივუდური ღიმილის მცდელობა ამ პარტიას ნამდვილად ვერ უშველის, რადგან ეს პარტია რეალურად უკვე რამდენიმე ნაწილად არის დაყოფილი“, – აღნიშნა მაჭარაშვილმა.

მისივე თქმით, ვაშაძე-ხაბეიშვილი ვერ თანხმდებიან, „ნაცმოძრაობა-სტრატეგია აღმაშენებელს“ 16% აქვს, თუ 40%.

„ვაშაძის თქმით, 40% აქვს, ხაბეიშვილმა თქვა – 16%. ამის შემდეგ იქ მათ სერიოზული შეხვედრა ვერ ექნებათ. აქედან გამომდინარეობს ის, რომ ვაშაძე სადაც მივიდა, ყველა არივ-დარია. შევიდა „ნაცმოძრაობაში“ და კი ვხედავთ შედეგს, რა ხდება. ვერავის გაუგია, რომელ პოლუსზეა ეს პოლიტიკური პარტია. აქ შეიძლება, მხოლოდ სახალისო კომენტარი გააკეთო ვაშაძე-ხაბეიშვილის ჰოლივუდურ ღიმილსა და წინასაახალწლოდ ამერიკაში ვიზიტებზე“, – განაცხადა გურამ მაჭარაშვილმა.