ირანი სავიზო მოთხოვნებს აუქმებს 33 ქვეყანასთან, მათ შორის საუდის არაბეთთან

66
spot_img

ირანი სავიზო მოთხოვნებს აუქმებს 33 ქვეყნისთვის, მათ შორის საუდის არაბეთთან, რომელთანაც მრავალწლიანი დაძაბულობის შემდეგ თეირანმა რამდენიმე თვის წინ დიპლომატიური ურთიერთობები აღადგინა.

„ტურიზმის სააგენტოს სჯერა, რომ ღია კარის პოლიტიკა აჩვენებს ირანის მზადყოფნას, იურთიერთოს მსოფლიოს სხვადასხვა ქვეყანასთან“, – აღნიშნავს ირანული სააგენტო ISNA.

ამგვარად, 45-მდე გაიზარდა იმ ქვეყნების და ტერიტორიების რიცხვი, რომელთა მოქალაქეებს ირანში ჩასასვლელად ვიზა არ სჭირდებათ.

ირანმა სავიზო რეჟიმი გააუქმა ასევე არაბთა გაერთიანებული საამიროებისთვის, კატარისთვის, ლიბანისთვის, ტუნისისთვის, ინდოეთისთვის, ცენტრალური აზიისა და აფრიკის რამდენიმე ქვეყნისთვის. ერთადერთი დასავლური ქვეყანა სიაში ნატო-სა და ევროკავშირის წევრი ხორვატიაა.