პარლამენტის საპროცედურო საკითხთა კომიტეტის თავმჯდომარის ირაკლი ქადაგიშვილის განცხადებით, საქართველოს კანონმდებლობით დაცულია ყველა ადამიანის, მათ შორის განსხვავებული სექსუალური ორიენტაციის მქონე პირთა უფლებები.

მისივე მოსაზრებით, ფსევდოპროპაგანდას საქართველოში გასაქანი არ უნდა მიეცეს.

„სამწუხაროდ, რატომღაც კაცობრიობა ისეთი მიმართულებით მიდის, თითქოსდა ადამიანის უფლებების საუკეთესო დაცვის საბურველ ქვეშ ადამიანებს ნელ-ნელა გვეკრძალება ის, რაც კაცობრიობის გაჩენიდან დღემდე ჩვეულებრივი მოვლენა იყო – ჩვენს მშობელს დედა რქმეოდა და კაცს – მამა, გოგოს – გოგო, ბიჭს – ბიჭი. როგორც ჩანს, ამას ბოლო არ აქვს. ხშირ შემთხვევაში, ეს არა რომელიმე ერის ტრადიციას და სარწმუნოებას უპირისპირდება, უპირისპირდება ადამიანის არსს, შინაარს და რაობას. აქედან გამომდინარე, ამას ვერც ლიბერალიზმს დავარქმევ და ვერც რაიმე სხვა პოლიტიკურ თუ ფილოსოფიურ მიმდინარეობას. ეს არის ადამიანის ბუნებრივი რჯულის წინააღმდეგ მიმართული ქმედებები. ვაპირებ, ჩემს შვილებს და როცა შვილიშვილები მეყოლება, მათ არც დედა, არც მამა, არც ბაბუა და ბებია არ ავუკრძალო. რა თქმა უნდა, არ მიმაჩნია, რომ ფსევდოპროპაგანდას საქართველოში რაიმე გასაქანი უნდა მიეცეს. სხვათა შორის, ჩვენი კანონმდებლობით ყველა ადამიანის უფლებას ვიცავთ, მათ შორის განსხვავებული სექსუალური ორიენტაციის მქონე უმცირესობების უფლებებს. ამის იქით წასვლა უკვე მიუღებელი უნდა იყოს“, – განაცხადა ირაკლი ქადაგიშვილმა მოძრაობა „ხალხის ძალის“ განცხადების შეფასებისას.

„ხალხის ძალამ“ დღეს განცხადება გაავრცელა, სადაც აღნიშნულია, რომ ამერიკული გაგებით, სტრატეგიული პარტნიორობა არა მჭიდრო ეკონომიკური თანამშრომლობა და მხარდაჭერა, პირდაპირი ფრენები, უვიზო მიმოსვლა და ელემენტარული პროტოკოლური პატივისცემა, არამედ ქვეყანაში რადიკალიზმისა და ლგბტ-პროპაგანდის გაღვივებაა.

ამასთან, განცხადებაში ნათქვამია, რომ ამერიკის შეერთებული შტატების სახელმწიფო მდივანმა, ენტონი ბლინკენმა თანამშრომლებს მოუწოდა, გამოიყენონ გენდერულად ნეიტრალური ენა და გამოსცა ბრძანება, რომლითაც თანამშრომლებს მოუწოდა, თავი შეიკავონ ისეთი სიტყვების გამოყენებისგან, როგორიცაა „დედა“ და „მამა“, „ვაჟიშვილი“ და „ქალიშვილი“, „ცოლი“ და „ქმარი“.

კოლეგებს სიფრთხილისკენ მოვუწოდებ, რადგან აშშ-ის პრეზიდენტი სულ ბაიდენი არ იქნება, ვიღაც მოიკითხავს, როცა მაინც და მაინც ჩვენი ადმინისტრაცია ფორმაში არ იყო, ვიღაც სტრატეგიული პარტნიორობის გადახედვას ითხოვდაო, – ამის შესახებ „გირჩის“ ერთ-ერთმა ლიდერმა, იაგო ხვიჩიამ „ხალხის ძალის“ განცხადებაზე კომენტარისას აღნიშნა.

„ამაში ვერანაირ საფრთხეს ვერ ვხედავ, რადგან ბატონმა ბლინკენმა რაიმე ქართველებს კი არ მოუწოდა, არამედ თავის თანამშრომლებს. თუ ჩვენი თანამემამულე ბლინკენის თანამშრომელია, მგონი, ამით ქართველებს არ გვემუქრება რაიმე საფრთხე. ამერიკის ამ ადმინისტრაციის კრიტიკოსი ვარ და ჩვენ მხარს ტრამპს ვუჭერთ. გული მწყდება, რომ ამერიკის ადმინისტრაცია „ხალხის ძალა“ იქნება თუ სხვა, მათ საფუძველს აძლევს ანტიამერიკული ძალები ისე წარმოაჩინონ, რომ რაღაცნაირად ჩირქი მოსცხონ. მთავარი პრობლემა სწორედ ეს მგონია. შანსი არ არის – ჩვენ ვერავინ გაგვაპიდარასტებს, ისეთი ერი ვართ. ამაში გულწრფელად დარწმუნებული ვარ. ამის მცდელობა ყველას წყალში ჩაეყრება. ქართველების მჯერა.

რასაკვირველია, დედა – დედაა, მამა – მამაა, ბიჭი – ბიჭია, გოგო – გოგო. ბაიდენის ადმინისტრაციის პრობლემა იმაში მდგომარეობს, რომ „ხალხის ძალა“ და „ქართული ოცნება“ ამდენს ბედავენ. მათ შორის ქართველი ხალხის კონსტიტუციური არჩევანი გადაისინჯოს და თქვან, რომ ჩვენ ამერიკასთან სტრატეგიული პარტნიორობა არ გვინდა და ეს ლგბტ პროპაგანდას დააბრალოს. ჩვენს კოლეგებს სიფრთხილისკენ მოვუწოდებ, რადგან ამერიკის პრეზიდენტი სულ ბაიდენი არ იქნება, ვიღაც მოიკითხავს, როცა მაინცდამაინც ჩვენი ადმინისტრაცია ფორმაში არ იყო, ვიღაც ჩვენი სტრატეგიული პარტნიორობის გადახედვას ითხოვდაო. როგორც წესი, ასეთი მოთხოვნის გადახედვა არ ავიწყდებათ ხოლმე“,- განაცხადა იაგო ხვიჩიამ.

10-15 წლის წინ უკვე ნანახი გვაქვს ეს კინო, როცა კაცებს შორის ქორწინებასთან დაკავშირებით იყო ხუმრობა, იუმორი, რის შემდეგაც ოფიციალურად იყო მოთხოვნილი, რუსთაველის გამზირზე ჩატარებულიყო ე.წ. გეი პარადები, – ამის შესახებ მოძრაობა „ხალხის ძალის“ წევრმა, გურამ მაჭარაშვილმა განაცხადა.

მაჭარაშვილის თქმით, იდენტობის წინააღმდეგ მიმდინარეობს ბრძოლა.

„ოფიციალურ დონეზე ამერიკის სახელმწიფო მდივანს ასეთი მიმართვა ჰქონდა, ესპანეთში კი ათ წლამდე ბავშვებს ხელში გეი დროშები დააჭერინეს და ეროტიული ტანსაცმელი ჩააცვეს, რაც არის იდენტობის წინააღმდეგ ბრძოლა. ჩვენი მძლავრი იარაღი სწორედ ჩვენი ტრადიციები და იდენტობაა. ჩვენი ღირებულებები არის ქართულიც და ევროპულიც“, – აღნიშნა გურამ მაჭარაშვილმა.

მოძრაობა „ხალხის ძალამ“ დღეს განცხადება გაავრცელა, სადაც აღნიშნულია, რომ ამერიკული გაგებით, სტრატეგიული პარტნიორობა არა მჭიდრო ეკონომიკური თანამშრომლობა და მხარდაჭერა, პირდაპირი ფრენები, უვიზო მიმოსვლა და ელემენტარული პროტოკოლური პატივისცემა, არამედ ქვეყანაში რადიკალიზმისა და ლგბტ-პროპაგანდის გაღვივებაა.

ამასთან, განცხადებაში ნათქვამია, რომ ამერიკის შეერთებული შტატების სახელმწიფო მდივანმა, ენტონი ბლინკენმა თანამშრომლებს მოუწოდა, გამოიყენონ გენდერულად ნეიტრალური ენა და გამოსცა ბრძანება, რომლითაც თანამშრომლებს მოუწოდა, თავი შეიკავონ ისეთი სიტყვების გამოყენებისგან, როგორიცაა „დედა“ და „მამა“, „ვაჟიშვილი“ და „ქალიშვილი“, „ცოლი“ და „ქმარი“.

განათლებისა და მეცნიერების მინისტრის, გიორგი ამილახვარის განცხადებით, დღეს პრემიერ-მინისტრმა მთავრობის სხდომაზე გამოიტანა განათლების ეროვნული მიზნების განახლებული პროექტი, რომელიც ფართო შეთანხმებით უნდა იყოს მიღებული და შემდგომ პარლამენტს დასამტკიცებლად გადაეგზავნება.

როგორც ამილახვარმა მთავრობის სხდომის დასრულების შემდეგ ბრიფინგზე განმარტა, ყველა სასკოლო საგნის სტანდარტი გადაიხედება და მორგებული იქნება აღნიშნულ დოკუმენტზე.

„დღეს პრემიერ-მინისტრმა მთავრობაზე გამოიტანა განათლების ეროვნული მიზნების განახლებული პროექტი. ჩვენ ბოლო თვეების განმავლობაში ფართო ექსპერტული ჩართულობით დავიწყეთ ზოგადი განათლების ეროვნული მიზნების განახლებულ პროექტზე მუშაობა. საზოგადოებას მინდა მოვახსენო, რომ 2004 წლის შემდგომ, როდესაც ეს დოკუმენტი პირველად მიიღეს, დოკუმენტი არ განახლებულა და ბუნებრივია, 20 -ლიანი პაუზის შემდგომ, აუცილებელიც იყო მისი გადახედვა. ეს არის დოკუმენტი, რომელიც პრაქტიკულად, არის ზოგადი განათლების კონსტიტუცია და განსაზღვრავს იმ ძირითად პრინციპებს და პოსტულატებს, თუ როგორი მოქალაქის და ადამიანის აღზრდა გვინდა საქართველოში, მათ შორის ზოგადი განათლების ჭრილში. ადგენს იმ ძირითად პრინციპებს, რომელსაც სრულად სასკოლო ზოგადი განათლება უნდა დაეფუძნოს, შესაბამისად, დღეიდან ვიწყებთ აღნიშნული პროექტის განხილვას ფართო საზოგადოებაში, ვინაიდან ეს ის დოკუმენტია, რომელიც ფართო შეთანხმებით უნდა იყოს მიღებული და შემდგომ საბოლოოდ გადაეგზავნება პარლამენტს დასამტკიცებლად. მთავარი პრინციპები, რომელსაც ეს დოკუმენტი ეფუძნება, გახლავთ ეროვნული იდენტობის შენარჩუნება, ოჯახის,საზოგადოების და სახელმწიფოს წინაშე საკუთარი უფლება-მოვალეობის გაცნობიერება, სახელმწიფო ენის, საქართველოს ისტორიისა და კულტურის პატივისცემა და ცოდნა, სახელმწიფოებრივი აზროვნება და პატრიოტიზმი, ეთნიკური და კულტურული მრავალფეროვნების პატივისცემა, მაღალი სამოქალაქო ცნობიერება, ტოლერანტობა და სამართლიანობა, თანამედროვე სამყაროში დამოუკიდებლად ცხოვრება და გაცნობიერებული გადაწყვეტილების მიღება“,-განაცხადა ამილახვარმა.

მან ექსპერტებს და დარგის სპეციალისტებს მოუწოდა, გააცნონ თავიანთი რეკომენდაციები, თუ როგორ წარმოუდგენიათ ამ პროექტის დახვეწა.

გარდა ამისა, გიორგი ამილახვარის თქმით, საბოლოოდ ყველა სახელმძღვანელო იქნება მორგებული აღნიშნულ დოკუმენტზე. „ამ დოკუმენტის დამტკიცებისთანავე, ყველა სასკოლო საგნის სტანდარტი, რომელიც გულისხმობს ძირითად მიზნებს და შედეგებს, თუ რა მიზნებზე უნდა გადიოდეს თითოეული საგანი თითოეულ კლასში, იქნება გაწერილი და განსაზღვრული. ეს არ გულისხმობს რაიმე ახალი საგნების დამატებას ან არსებულის გაუქმებას, თუმცა გულისხმობს ყველა სასკოლო საგნის მორგებას ზოგადი განათლების ეროვნულ მიზნებზე. თავის მხრივ, დაიწყება სახელმძღვანელოების სრულად განახლების ან მორგების პროცესი“, – განაცხადა ამილახვარმა.

თავის დროზე, როცა საზღვარგარეთ თითო-ოროლა ასეთი რამ გვესმოდა, რა თქმა უნდა, ირონიას იწვევდა, თუმცა ვხედავთ, რომ დღეს ეს საკითხი იმდენად სერიოზულია, დიდი ბრიტანეთის პრემიერ-მინისტრსაც კი მოუწია ხაზგასმა, რომ ქალი არის ქალი და კაცი – კაცი, -ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.

როგორც პარლამენტის თავმჯდომარემ განაცხადა, მნიშვნელოვანია, ჩამოვყალიბდეთ და არ დავუშვათ, რომ ჩვენს ენობრივ წესებში ჩარევა მოხდეს და თავსმოხვეული იყოს ვითომდა ღირებულებების დროშით.

„თავისთავად, ქვეყნების გადასაწყვეტია ენობრივი წესები როგორ და რა ფორმით ექნებათ, რა წესები მოქმედებს, ეს ჩვენი საქმე არ არის, თუმცა ასეთ ტენდენციებზე როცა ვსაუბრობთ, გამოცდილება გვაჩვენებს, რომ შემდეგში ასეთი მიდგომების პროპაგანდა იწყება ხოლმე საქართველოში სხვადასხვა ორგანიზაციის თუ დაფინანსების გამოყენებით. თავისთავად მოსალოდნელია, რომ საქართველოშიც ცოტა ხანში გამოჩნდებიან აქტივისტები, რომლებიც გვეტყვიან, რომ ქართლის დედას ქართლის დედა აღარ უნდა ერქვას, დედა ენას აღარ უნდა დაერქვას დედა ენა და დედამიწას – დედამიწა. თავის დროზე, როცა საზღვარგარეთ თითო-ოროლა ასეთი რამ გვესმოდა, რა თქმა უნდა, ირონიას იწვევდა, თუმცა ვხედავთ, რომ დღეს ეს საკითხი იმდენად სერიოზულია, დიდი ბრიტანეთის პრემიერ-მინისტრსაც კი მოუწია ხაზგასმა, რომ ქალი არის ქალი და კაცი – კაცი. ეს თავის დროზე ირონია, ხუმრობა გვეგონა, მაგრამ, სამწუხაროდ, დღეს ასეთი ტენდენციებიც არის. მნიშვნელოვანია, ჩამოვყალიბდეთ და არ დავუშვათ, რომ ჩვენს ენობრივ წესებში ჩარევა მოხდეს და თავსმოხვეული იყოს ვითომდა ღირებულებების დროშით“, – განაცხადა შალვა პაპუაშვილმა.

ჩვენ ვისურვებდით მეტ შედეგს აშშ-სთან ურთიერთობაში და ჩვენი მხრიდან ამას ძალისხმევა არ აკლდება, – ამის შესახებ საქართველოს პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა მთავრობის სხდომის დასრულების შემდეგ განაცხადა.

როგორც დავითაშვილმა აღნიშნა, ამერიკის შეერთებული შტატები ცვლის სავაჭრო პოლიტიკას და საქართველოს მხრიდან ყოველთვის ხდება მაღალ დონეზე ადვოკატირება, რომ ჩვენი ქვეყანა, როგორც აშშ-ის სტრატეგიული პარტნიორი გათვალისწინებული იყოს ახალ სავაჭრო პოლიტიკაში.

„ყოველ წელს გვაქვს დიალოგი, რომ გადაიხედოს არსებული სავაჭრო შეთანხმებები და მოხდეს გარკვეული პროგრესი, მათ შორის, საქართველოსთვის მნიშვნელოვანი საექსპორტო პროდუქტების მიმართ იყოს ლიბერალური რეჟიმები. ეს არ არის მარტივი საკითხი, კონტექსტი უნდა წარმოვიდგინოთ, მსოფლიოში ბევრი რამე შეიცვალა ბოლო პერიოდში, მათ შორის, ამერიკის შეერთებულმა შტატებმა შეცვალა სავაჭრო პოლიტიკა ბევრი ქვეყნის მიმართ. ძალიან მკაფიო იყო ამერიკის პოლიტიკური ხელმძღვანელობის, ამ შემთხვევაში სავაჭრო წარმომადგენლობის პოზიცია, რომ ისინი აყალიბებენ ახლებურ მიდგომას ზოგადად სავაჭრო პოლიტიკის კუთხით და მხოლოდ საქართველოსთვის არ იქნება, რა თქმა უნდა, ცალკე რეჟიმი, მაგრამ მთლიანად მათ ახალი პრიორიტეტები უნდა ჩამოაყალიბონ სავაჭრო ურთიერთობებთან დაკავშირებით და ამ კონტექსტში, რა თქმა უნდა, საქართველო, როგორც სტრატეგიული პარტნიორი, მოაზრებული იქნება. ჩვენ ამას ვაფიქსირებთ ყველა ფორმატში, რომ საქართველოს ხმა ისმოდეს და საქართველოს პრიორიტეტები იყოს ამ ახლებურ პოლიტიკაში გათვალისწინებული.

ჩვენ არ ვაკლებთ მცდელობას, რომ მოვიზიდოთ მეტი და ხარისხიანი ინვესტიცია ამერიკიდან, მათ შორის ხელი შევუწყოთ პირდაპირ ფრენებს. ამ კუთხითაც ჩვენ მზაობას ვაფიქსირებთ, რომ ინფრასტრუქტურული ცვლილება, რაც შეიძლება ჩვენს აეროპორტებში იყო საჭირო, ეს განვახორციელოთ, თუმცა გვჭირდება მოხმარება, მხოლოდ ჩვენი ძალისხმევა საკმარისი არ არის. გვესმის, რომ საწყის ეტაპზე კომერციულად შეიძლება ახალი პირდაპირი ფრენების დაწყება იყოს რთული, მაგრამ ძალიან მნიშვნელოვანი იქნება სავაჭრო -ეკონომიკური, ტურისტული, ხალხთა შორის ურთიერთობების წასახალისებლად და აქაც, ალბათ, მხარდაჭერა ამერიკის ხელისუფლების მხრიდან იქნებოდა მიზანშეწონილი, განსაკუთრებით იმ სიტუაციაში, როდესაც ჩვენ სტრატეგიული პარტნიორები ვართ და ორივე მხარეს აქვს სურვილი ეს ურთიერთობები გააღრმაოს, მათ შორის, ეკონომიკური ურთიერთობები“, – განაცხადა დავითაშვილმა.

საქართველოს ხელისუფლების პოზიცია არის ძალიან მკაფიო – ჩვენ არჩევნები უნდა ჩავატაროთ მაქსიმალურად გამჭვირვალე გარემოში, – ამის შესახებ პირველმა ვიცე-პრემიერმა ლევან დავითაშვილმა მთავრობის სხდომის დასრულების შემდეგ პრესკონფერენციაზე განაცხადა.

მისი თქმით, საქართველო მზად არის, მაღალი რეპუტაციის მქონე ორგანიზაციის დამკვირვებლები მიიღოს ქვეყანაში იმისთვის, რომ საარჩევნო პროცესი მაქსიმალურად გამჭვირვალე იყოს.

„სრული მზადყოფნა არის, რომ უზრუნველვყოთ დამკვირვებლების უსაფრთხო გარემო, ასევე სათანადო სამუშაო პირობები. აქ საუბარია არა მხოლოდ ეუთო-ოდირის დამკვირვებლებზე, ჩვენი მხრიდან იყო განცხადება, რომ ჩვენ მზად ვართ, უფრო მეტი სხვა მაღალი რეპუტაციის მქონე ორგანიზაციის დამკვირვებლები მივიღოთ პროცესში იმისთვის, რომ საარჩევნო პროცესი მაქსიმალურად გამჭვირვალე იყოს“,-განაცხადა დავითაშვილმა.