საქართველოს პრეზიდენტმა, სალომე ზურაბიშვილმა ევროკავშირის ქვეყნებისა და აშშ-ის ელჩებთან შეხვედრა გამართა.

შეხვედრის თაობაზე ინფორმაციას საქართველოს პრეზიდენტის ადმინისტრაცია ავრცელებს.

პრესსამსახურის ინფორმაციით, შეხვედრაზე განიხილეს ,,ერთობის პლატფორმა ევროპისათვის“ – პრეზიდენტის ინიციატივა – მიზანი და მნიშვნელობა.

ასევე, საზღვარგარეთ საქართველოს მოქალაქეებისა და დიასპორის არჩევნებში ჩართულობის მნიშვნელობა და მონაწილეობის საჭიროებები.

გარდა ამისა, პრესსამსახურის ინფორმაციით, პრეზიდენტისა და ელჩების შეხვედრაზე განხილულ იქნა არჩევნებში გრძელვადიანი სადამკვირვებლო მისიების მონაწილეობის მნიშვნელობა.

ყველას უნდა გვახსოვდეს, არსებობს გარკვეული პრინციპები, ეროვნული თვითმყოფადობა, რომელსაც აბსოლუტურად ეწინააღმდეგება ლგბტ პროპაგანდა, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.

ვოლსკის შეფასებით, განსაკუთრებით საფრთხის ქვეშ არის ახალი თაობა, რადგან ლგბტ პროპაგანდით მათი ფსიქიკის დაზიანება გაცილებით მარტივია.

„ყველამ კარგად იცის, რომ საქართველო, ეკონომიკური და სხვა პარამეტრების, სოციალური და პოლიტიკური ვითარების გარდა, ხასიათდება იმ პარამეტრით, რასაც ჰქვია ეროვნული დამოკიდებულება თუნდაც ლგბტ პროპაგანდასთან დაკავშირებით, იმ საკითხისადმი, რასაც ჰქვია საქართველოს კულტურული მემკვიდრეობა, ეროვნული თვითშეგნება და ეროვნული სიამაყე, ქალთა მიმართ კაცების რაინდული დამოკიდებულება და უამრავი სხვა თემა, რომელიც, სამწუხაროდ, საერთაშორისო საზოგადოების გარკვეულ ნაწილში დღეს ესოდენ არაპოპულარულია, რაც ასევე ითვალისწინებს ლგბტ პროპაგანდის გაძლიერებას. სამწუხაროდ, ამის ბევრი მაგალითია. ოპოზიციის გარკვეულმა წარმომადგენლებმა თქვეს, რომ რომის პაპმა რახან თქვა, ეს არ არის ჩვენთვის წესი და კანონი. რომის პაპის გამონათქვამი როცა მოგვყავს, მაგალითად, ჩვენ ხაზს ვუსვამთ იმას, რომ დასავლეთში განვითარებულ დემოკრატიებშიც კი, სადაც ეკლესიის გავლენა საკმაოდ მძლავრია, აღარ ვლაპარაკობ მუსულმანურ ქვეყნებში, იმათთვისაც ეს არის სერიოზული პრობლემა, რომელიც ახასიათებს ისტორიის დღევანდელ მონაკვეთს.

საქართველოში არსებული მდგომარეობა განსხვავებულია, მნიშვნელოვანწილად, თავის ტრადიციით, მაგრამ გამაერთიანებელია ის შეშფოთება, რომელიც აქვს კათოლიკურ ევროპას, კათოლიკურ სამყაროს, მუსულმანურ სამყაროს. რელიგიასთან პირდაპირ შეხებაში არ იქნება ეს განხილვა, მაგრამ ყველას უნდა გვახსოვდეს, არსებობს გარკვეული პრინციპები, ეროვნული თვითმყოფადობა, რომელსაც აბსოლუტურად ეწინააღმდეგება ლგბტ პროპაგანდა. პოლიტიკოსებს თავი დაანებეთ, თუნდაც ფსიქოლოგებს ესაუბრეთ, ახალი თაობა, ბავშვები, რომლებიც ჯერ ჩამოუყალიბებელი არიან ფსიქოლოგიურად ამ საკითხების მიმართ დამოკიდებულებაში, ამ პროპაგანდით მათი ფსიქიკის დაზიანება გაცილებით მარტივია. საჭიროა ჩვენი მომავალი თაობის ამისგან გადარჩენა. შეიძლება, დღეს ეს არ ქუხს საქართველოში იმდენად, როგორც იგივე ალეკო ელისაშვილი და სხვები ამბობენ, თითქოს მოგონილი თემაა, მაგრამ ნამდვილად არსებობს პერსპექტივა, რომ შესაძლოა, ამან საქართველოში გარკვეული საფრთხეები შექმნას. სამწუხაროდ, ამის მაგალითები განვითარებულ დემოკრატიებშიც ძალიან ბევრია“, – განაცხადა გია ვოლსკიმ.

ვოლსკის განმარტებით, ოპოზიცია ამ თემასთან დაკავშირებით სერიოზულ საგონებელშია ჩავარდნილი.

„ერთი მხრივ, მათ იციან სპეციფიკა, განწყობა, ქართულ საზოგადოებაში ეროვნული საკითხების მიმართ დამოკიდებულება და მათ ვერ უპირისპირდებიან. მეორე მხრივ, არ უნდათ ლგბტ პროპაგანდასთან დაკავშირებით მათაც ჩაეთვალოთ პოლიტიკურ საქმიანობაში რაიმე საწინააღმდეგო, რადგან აქ ხედავენ თავიანთი პოლიტიკური წარმატების გარკვეულ რესურსს. ეს იმდენად თვალნათელია, რომ ამასთან დაკავშირებით დამატებითი კომენტარის გაკეთებაც არ ღირს“, – აღნიშნა გია ვოლსკიმ.

შეგახსენებთ, „ქართულმა ოცნებამ“ მიიღო გადაწყვეტილება, მომზადდეს საკანონმდებლო ინიციატივა, რომელიც „საზოგადოებას ფსევდოლიბერალური იდეოლოგიისა და მისი გარდაუვალი მავნე შედეგებისგან დაიცავს“.

მიუსაფარი ცხოველის მიკედლების აკრძალვას დავტოვებთ მხოლოდ სკოლების, დაწესებულებების შიდა ტერიტორიებზე, – ამის შესახებ უმრავლესობის წევრმა მაია ბითაძემ რეგიონული პოლიტიკისა და თვითმმართველობის, ადამიანის უფლებათა დაცვისა და სამოქალაქო ინტეგრაციის, ჯანმრთელობის დაცვისა და სოციალურ საკითხთა და საფინანსო-საბიუჯეტო კომიტეტების ერთობლივ სხდომაზე განაცხადა, სადაც „შინაურ და ბინადარ ცხოველთა შესახებ“ კანონპროექტს განიხილავენ.

ამასთან, ბითაძის თქმით, ამ საკითხზე მსჯელობისთვის სივრცე კვლავ რჩება.

„მიზანშეწონილად ჩავთვალეთ, რომ კანონპროექტით, რადგან არ არის სამართლებრივი აუცილებლობა, დავაზუსტოთ სად არ არის ღია სივრცეში მიუსაფარი ცხოველის მიკედლება შესაძლებელი. მიკედლების აკრძალვა დავტოვეთ მხოლოდ სკოლების, დაწესებულებების შიდა ტერიტორიებზე. თუმცა, ამ მუხლთან დაკავშირებით სივრცე გვაქვს მეორე მოსმენამდე ვიმსჯელოთ.

მიკედლების საკითხი ასევე ებმოდა თბილისურ ეზოში მიკედლების აკრძალვას, ამასთან დაკავშირებითაც, სამართლებრივად კომიტეტებთან ერთად ვიმსჯელებთ, რომ არ არის აუცილებელი ამის დაკონკრეტება ერთი მარტივი მიზეზის გამო – სადარბაზოები და თბილისური ეზოები არის თანასაკუთრება და ვისაც სურს და არ სურს ძაღლის მიკედლება, თუ ერთობლივი თანხმობა არ იქნება, ეს საკითხები მოქმედი კანონმდებლობითაც რეგულირდება ჩვეულებრივად, სამოქალაქო კოდექსით. ამიტომ ვფიქრობთ, რომ შესაძლებელია თბილისური ეზოს საკითხიც დარეგულირდეს,“- განაცხადა ბითაძემ.

ზოგადად, მედიის მდგომარეობა საქართველოში ნამდვილად არის მძიმე და არ მგონია, რომ ამას რაიმე დამატებითი კონტრაქტი სჭირდებოდეს, ფაქტი არის ის, რომ ამ ქვეყანაში დღისით, მზისით, დედაქალაქის ცენტრში თქვენი კოლეგა სიკვდილამდე სცემეს ხელისუფლების მიერ წახალისებულმა ჯგუფებმა, ეს არის შემდგარი ფაქტი, – ამის შესახებ „ლელოს“ წევრმა, ენა ნაცვლიშვილმა განაცხადა.

ნაცვლიშვილის თქმით, ის, რომ საქართველოში მედიაგარემო არ არის დემოკრატიის მაღალი სტანდარტის შესაბამისი, ეს ძალიან ნათელია ყველასთვის.

„ეს არ დაიმალება, რაც არ უნდა ხელისუფლება ეცადოს და შეეწინააღმდეგოს, რომ ამაზე იყოს საუბარი, ფაქტებს ვერავინ გააყალბებს. ჟურნალისტების პროფესიულ საქმიანობაში ხელშეშლა, სიკვდილამდე ცემა, რომელიც დღემდე არის გამოუძიებელი, ეს არის ფაქტები, რომელიც ამ ქვეყნის ძალიან მძმე უახლოეს ისტორიას ქმნის“, – განაცხადა ნაცვლშვილმა.

აშშ-ის იუსტიციის დეპარტამენტმა ტელეკომპანია „ფორმულას“ მიერ დაქირავებული ლობისტური კომპანიის ექვსთვიანი საქმიანობის შესახებ ინფორმაცია გამოაქვეყნა.

“ნაციონალური მოძრაობის” სატელიტები “ნაცმოძრაობას” უქმნიან კოალიციას”,- ამის შესახებ მმართველი გუნდის წევრმა, ანრი ოხანაშვილმა განაცხადა.

მისივე თქმით, არავითარი ოპოზიციური პოლიტიკური ჯგუფები, რომლებსაც აქვთ უნარი, რომ დამოუკიდებლად გადალახონ ბარიერი, არ არსებობენ.

“იქნება ეს გახარია, ვაშაძე, ხაზარაძე თუ ზურაბიშვილი, ისინი არიან “ნაციონალური მოძრაობის” მოწინავე სატელიტები, რომლებიც წინ დაიყენეს ფარად, თითქოს ისინი დამოუკიდებელ თამაშს თამაშობენ. “ნაცმოძრაობა” რა ბრძანებასაც გასცემს მათი ბელადის მეშვეობით, ეს ასე იქნება. არავითარი ოპოზიციური პოლიტიკური ჯგუფები, რომლებსაც აქვთ უნარი, რომ დამოუკიდებლად გადალახონ ბარიერი, არ არსებობენ”, – აღნიშნა ოხანაშვილმა.