„ნაციონალური მოძრაობის“ ამჟამინდელ ხელმძღვანელს, პარტიას კი არა, ორ ბატს არ მიაბარებ სამწყემსად”- განაცხადა კულტურის მინისტრმა თეა წულუკიანმა ლევან ხაბეიშვილზე საუბრისას.
“შესაბამისად, ძნელია, ვინმემ დაიჯეროს, რომ „ნაციონალურ მოძრაობას“ მართავს ის ხუმარა კაცი, რომელზეც გვეუბნებიან, რომ ეს არის ჩვენი ლიდერიო. რა თქმა უნდა, ლიდერები არიან სხვები. გასაგებია, რომ ახლა, ამდენი წლის მერე, ნიკა მელიას ეყო ვაჟკაცობა და სიმართლე თქვა“, – განაცხადა წულუკიანმა.
ნაციონალური მოძრაობის“ სახელით მოსაუბრე ფიქციას შევახსენებ, რომ მე ფრაქციას აღარ ვმართავ, პარტიაშიც აღარ ვარ რამდენიმე თვე, – ამის შესახებ ოპოზიციონერი დეპუტატი ხატია დეკანოიძე სოციალურ ქსელში წერს. ხატია დეკანოიძე „კანონი და სამართლის“ ლიდერის, თაკო ჩარკვიანის გუშინდელ განცხადებას პასუხობს. „ნაციონალური მოძრაობის“ სახელით მოსაუბრე ფიქციას შევახსენებ, რომ მე ფრაქციას აღარ ვმართავ, პარტიაშიც აღარ ვარ რამდენიმე თვე. ამიტომ მისმა რჩეულმა პარტიამ სტრასბურგის გადაწყვეტილების შემდეგ, შეუძლია დატოვოს პარლამენტი. ჩემი წინააღმდეგობა ნამდვილად არ იქნება. რაც შეეხება სხვა შეკვეთილ სიბინძურეს, მსგავსი წულუკიანი/ხაინდრავასგან უკვე მოსმენილი მაქვს (ქუთაისს მიმართავდნენ ადგილობრივი არჩევნების წინ), ამიტომ უხარისხო, მდარე სისულელე არ მაინტერესებს“, – წერს დეკანოიძე. თაკო ჩარკვიანმა გუშინ სოციალურ ქსელში დაწერა: „ხატია დეკანოიძე, უპირობოდ ნებაყოფლობითი პაიკი ადეიშვილ-მერაბიშვილისა, ფინანსებზე ძლიერ დამოკიდებული, დღეს რომ თავს იკლავს, ადრე რატომ არ გაგვიგია ერთი სიტყვა რაიმე დანაშაულზე“.
საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ქუთაისი(ჭომა)-ალპანა-მამისონის უღელტეხილის საავტომობილო გზის მე-18 კმ-ზე ინტენსიური ნალექების შედეგად, მდინარე რიონის ადიდების და გზის სავალ ნაწილზე გადმოსვლის გამო, აღნიშნულ მონაკვეთზე დროებით აკრძალულია ყველა სახის ავტოტრანსპორტის მოძრაობა.
„ადამიანის უფლებების დაცვის სფეროში მთავარმა ორგანომ, უფლებების ნაწილში, სტრასბურგის სასამართლომ თქვა, რომ ყველაფერი რაც ჩვენ და არა მხოლოდ ჩვენ, წელიწად-ნახევრის განმავლობაში მოვისმინეთ ამ საკითხთან დაკავშირებით იყო ცალსახა ტყუილი და ფეიკ კამპანიის ნაწილი“- ამის შესახებ ფრაქცია ქართული ოცნების“ თავმჯდომარე მამუკა მდინარაძემ საქმეზე „სააკაშვილი საქართველოს წინააღმდეგ“ ადამიანის უფლებათა ევროპული სასამართლოს მიერ გამოტანილ გადაწყვეტილებაზე კომენტირებისას განაცხადა. მამუკა მდინარაძის თქმით, ყოფილი პრეზიდენტი მიხეილ სააკაშვილი თვითდაზიანების რეჟიმში იყო მხოლოდ და მხოლოდ იმიტომ, რომ სტრასბურგის სასამართლოს მიეღო ის გადაწყვეტილება, რაც მათ სურდათ. „წელიწად-ნახევრის განმავლობაში რამდენი ფული დახარჯეს თქვენ იცით, მხოლოდ ოფიციალური ნაწილი ამ ფულის ხარჯვის მილიონ დოლარს შეადგენდა. ამის იქით შეკვეთილი სტატიებიც ვნახეთ, ისტერიაც ვნახეთ მათ შორის, სააკაშვილის თემასთან დაკავშირებით ყოველდღიურ რეჟიმში იყო კამპანია დალაგებული როგორც ქვეყნის შიგნით, ასევე სამწუხაროდ ქვეყნის გარეთაც, რომ პრეზიდენტს კლავენ, ყოფილი პრეზიდენტი ცუდ მდგომარეობაშია და ამ დროს თვითდაზიანების რეჟიმში იყო მხოლოდ და მხოლოდ იმიტომ, რომ სტრასბურგის სასამართლოს საბოლოო ჯამში მიეღო ის გადაწყვეტილება, რაც მათ სურდათ, რაც არ არის რეალობა და რაც არ გამომდინარეობდა სიმართლისგან და სინამდვილისგან, თუმცა, ეს მათ ვერ მიიღეს. როგორც ჩანს გარკვეულ ძალებს, ჩვენს შემთხვევაში მათ მოვიხსენიებთ ხოლმე, როგორც გლობალური ომის პარტიას და ა.შ. გავლენები სტრასბურგში არ აქვთ, თორემ სხვაგვარ გადაწყვეტილებას მივიღებდით, ეს ძალიან კარგია და რეალურად წერტილი დაესვა იმ წელიწად-ნახევრიან ფეიკ კამპანიას, რომელიც სააკაშვილმა და მისმა თანამზრახველებმა ამ ამბავში დაატეხეს ჩვენ ქვეყანას და ყველაზე სამწუხაროა, როდესაც ქვეყნის იმიჯს აზიანებ მხოლოდ და მხოლოდ იმიტომ, რომ ტყუილები დააჯერო როგორც საერთაშორისო, ასევე ქართულ საზოგადოებას – ეს არის სამწუხარო, ეს არის ცუდი, რის შედეგებსაც ალბათ ბოლომდე ვერ აღმოვფხვრით, მაგრამ ზედმეტ-ნაკლებად ამის გაკეთება შეიძლება იმიტომ, რომ სტრასბურგმა თავისი სიტყვა თქვა“, – განაცხადა მამუკა მდინარაძემ.
მოგეხსენებათ, 19 აპრილის შეთანხმება დღეისათვის არის ანულირებული. აქედან გამომდინარე, ჩვენ არ გვაქვს არავითარი ვალდებულება, რომ ირაციონალური რეგულაციები დავტოვოთ საარჩევნო კოდექსში, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ „საარჩევნო კოდექსსა“ და რეგლამენტში დაგეგმილი ცვლილებების შესახებ საუბრისას განაცხადა, რომლის მიხედვითაც, ცესკო-ს თავმჯდომარის და რამდენიმე წევრის კანდიდატების შერჩევის და პარლამენტისთვის წარდგენის უფლებამოსილება, პრეზიდენტის ნაცვლად, პარლამენტის თავმჯდომარეს ექნება
მისი თქმით, არსებული წესი იყო ირაციონალური, რომელიც ოპოზიციის და არასამთავრობო ორგანიზაციების მოთხოვნით ე.წ. 19 აპრილის შეთანხმების შედეგად შევიდა საარჩევნო კოდექსში.
„არსებული წესი იყო აბსოლუტურად ირაციონალური და უპრეცედენტო. მსოფლიოში ვერ მეტყვით ვერცერთ ქვეყანას, სადაც ანალოგიური წესი შეიძლება იყოს დადგენილი, არ არსებობს უბრალოდ ასეთი ქვეყანა. ეს წესი დადგინდა ე.წ. 19 აპრილის შეთანხმების შესაბამისად. ეს იყო ოპოზიციის, „ენჯეოების“ მოთხოვნა და ეს იყო უპრეცედენტო, ირაციონალური წესი, რომელიც საარჩევნო კოდექსში სწორედ 19 აპრილის შეთანხმებიდან გამომდინარე შევიტანეთ. თუმცა, დღეისათვის მოგეხსენებათ, 19 აპრილის შეთანხმება არის ანულირებული. აქედან გამომდინარე, ჩვენ არ გვაქვს არავითარი ვალდებულება, რომ ირაციონალური რეგულაციები დავტოვოთ საარჩევნო კოდექსში. შესაბამისად, დადგინდება რაციონალური, სწორი რეგულაცია, რომელიც თავიდან ბოლომდე შესაბამისობაშია საერთაშორისო სტანდარტებთან, ეს არის ამ ცვლილების ერთადერთი მიზანი“, – განაცხადა ირაკლი კობახიძემ.
მან ასევე შეაფასა პრეზიდენტის ადმინისტრაციის განცხადება, სადაც აღნიშნულია, რომ ცესკო-სთან დაკავშირებული კანონპროექტის მიღების შემთხვევაში, პრეზიდენტი ვეტოს უფლებით ისარგებლებს.
„სალომე ზურაბიშვილი თავიდან ბოლომდე რადიკალური ოპოზიციის ნარატივზეა გადასული, აქედან გამომდინარე, ჩვენ არ გვიკვირს მისი ასეთი განცხადება. თუ დაადებს ვეტოს, ამ შემთხვევაში ჩვენ, რა თქმა უნდა, ვეტოს დავძლევთ“, – აღნიშნა კობახიძემ.
ჩვენ თავიდანვე ვამბობდით, რომ სტრასბურგში ამ სარჩელს არ ჰქონდა არანაირი პერსპექტივა, რასაც ერთი მარტივი მიზეზი აქვს: ხელისუფლება, შესაბამისი უწყებები, ყველაფერს აკეთებენ იმისათვის, რომ თითოეული პატიმრის, მათ შორის, პატიმარ სააკაშვილის უფლებები იყოს დაცული, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ მიხეილ სააკაშვილთან დაკავშირებით სტრასბურგის სასამართლოს გადაწყვეტილებაზე ისაუბრა, რომლის თანახმად, სააკაშვილს ვარშავაში გადაყვანაზე უარი ეთქვა და სახელმწიფოს არ დაავალა ქვეყნის შიგნით მისი სხვა სამკურნალო დაწესებულებაში გადაყვანა. მისი თქმით, ადამიანის უფლებათა სასამართლოს გადაწყვეტილება პროგნოზირებადი იყო და მან წერტილი დაუსვა კამპანიას, რომელიც მიხედვითაც, მსჯავრდადებული მესამე პრეზიდენტი სიკვდილის პირას იყო. „ ამ გადაწყვეტილებით სტრასბურგმა წერტილი დაუსვა წელიწადნახევრიან კამპანიას იმასთან დაკავშირებით, რომ თითქოს, მიხეილ სააკაშვილი ყოველდღიურად კვდებოდა საპატიმრო დაწესებულებაში. ეს იყო აბსოლუტურად სიცრუეზე, სიყალბეზე აგებული კამპანია, რომელსაც სტრასბურგის გადაწყვეტილებით წერტილი დაესვა. ეს გადაწყვეტილება აბსოლუტურად პროგნოზირებადი იყო, იქიდან გამომდინარე, რომ ხელისუფლება მოქმედებს სტანდარტების შესაბამისად, ეს არის ადამიანის უფლებების და ჰუმანური მიდგომის სტანდარტები, რაც 2012 წლიდანაა დანერგილი ჩვენს ქვეყანაში.“ – განაცხადა ირაკლი კობახიძემ.
ტერორისტ პუტინს შავი ფულის, სანქცირებული ოქროს, სამხედრო ჩიპების სამოძრაოდ სჭირდება ეს ფრენები“, – ამის შესახებ „ნაციონალური მოძრაობის“ თავმჯდომარემ ლევან ხაბეიშვილმა განაცხადა.
მისივე თქმით, თბილისი-მოსკოვს შორის ფრენების აღდგენა რუსეთის პრეზიდენტ ვლადიმერ პუტინის ეკონომიკურ ინტერესებს ემსახურება.
„ყველამ კარგად იცის, რომ მაგალითად თბილისი მოსკოვამდე თითქმის კვირა შეიძლება დაჭირდეს, ერთი კვირა შეიძლება დაჭირდეს ავტომობილს გადაადგილებისთვის და ცხადია სახიფათოა ხომ? როცა სანქცირებული ოქრო მიგაქვს ან მილიონობით დოლარი გადაგაქვს ან თუნდაც სამხედრო ჩიპებისთვის სახიფათოა ამიტომ, ფაქტობრივად ამ ფრენებით გაიოლა საქმე პუტინმა და ამ საქმეში ცხადია ჩართული იქნება ბიძინა ივანიშვილი, სუს-ის უფროსი ბატონი ლილუაშვილი, რომელმაც უნდა უზრუნველყოს ტვირთების გადამოწმების გარეშე შეტანა, გამოტანა და ჩვენ დარწმუნებით შეგვიძლია ვთქვათ, რომ პუტინს ომის პირობებში ,როცა უკრაინას თავს ესხმის, როცა აგრძელებს საქართველოს ოკუპაციას, საკუთარი ეკონომიკური ინტერესებისთვის სჭირდება თბილისი-მოსკოვის ფრენები და არა პირობითად ადამიანებზე და თურმე ხალხზე ზრუნვის გამო ან თუნდაც ეთნიკურად ქართველებისთვის თურმე რა კარგი იქნება ეს ფრენები.
ეს ფრენები იქნება კარგი მხოლოდ და მხოლოდ პუტინისთვის მისი ტერორისტული ზრახვებისთვის ამაში ბევრ მილიონს იშოვის ბიძინა ივანიშვილი, სუს-ის უფროსი ლილუაშვილი და საბოლოო ჯამში „რუსული პარტია“ საქართველოში ეხმარება პუტინს ომის განხორციელებაში უკრაინაში და საქართველოს ოკუპაციისთვის ფაქტობრივად ეკონომიკურ მილიონობით დოლარს ასხამენ თავად ჩვენი ქვეყნის მეშვეობით. შესაბამისად ეს არის ის ფრენები,რომელიც უტოლდება სახელმწიფოს ღალატს, საუბარია შავი ფულის ქეშის ტარებაზე თბილისი-მოსკოვის მიმართულებით სანქცირებული ოქროს ტარებაზე და ასევე ცხადია ეს უკავშირდება ე.წ სამხედრო ჩიპებს, რომელიც შესაძლოა ასე ვთქვათ ამ ფრენებით გადაადგილდეს და მარტივად რამდენიმე საათში მიიღოს პუტინმა ის რაც მისთვის ასე მნიშვნელოვანია ომის პირობებში“, – განაცხადა ხაბეიშვილმა.
პოლიკარპე კაკაბაძის N25-ში კლდის მასა ჩამოიშალა, რის შედეგადაც მსუბუქად დაზიანდა ორი ავტომობილი.
ამ ეტაპზე, საავტომობილო გზა ჩახერგილი არ არის.
ტერიტორიაზე შესაბამისი სამსახურების მიერ გაწმენდის სამუშაოები მიმდინარეობს.
ეს წესი, რასაც საზოგადოებას და პარლამენტს ვთავაზობთ, ევროკავშირის უამრავ წევრ ქვეყანაში არის აპრობირებული, ახალ ველოსიპედს ჩვენ არ ვიგონებთ, – განაცხადა საპარლამენტო უმრავლესობის წევრმა გია ცაგარეიშვილმა ცესკოს ფორმირების წესში ცვლილებების საკითხზე საუბრისას. „2024 წელს საქართველოში არჩევნები ჩატარდება ელექტრონული წესით, რაც ყველანაირ გაყალბებას გამორიცხავს. პრეზიდენტის უფლებამოსილება რჩება ფაქტობრივად იგივე სახით და ფორმით; მას ექნება ამ კომისიაში ერთი წევრის წარმოდგენის საშუალება. ეს წესი, რასაც საზოგადოებას და პარლამენტს ვთავაზობთ, ევროკავშირის უამრავ წევრ ქვეყანაში არის აპრობირებული, ახალ ველოსიპედს ჩვენ არ ვიგონებთ“, – აცხადებს გია ცაგარეიშვილი. პარლამენტი ცესკოს ფორმირების წესში ცვლილებების განხილვას იწყებს. „ქართული ოცნების“ დეპუტატების ინიციატივით, „საარჩევნო კოდექსსა“ და პარლამენტის რეგლამენტში შესატანი ცვლილებების პროექტებს, 15 მაისის სხდომაზე, საპროცედურო საკითხთა და წესების კომიტეტი, ასევე იურიდიულ საკითხთა კომიტეტი განიხილავს. დაგეგმილი ცვლილებებით, ცესკოს თავმჯდომარეობის და ე.წ. პროფესიული წევრობის კანდიდატების შერჩევის და პარლამენტისთვის წარდგენის პრეროგატივა პრეზიდენტის ნაცვლად, პარლამენტის თავმჯდომარეს ექნება. ასევე იცვლება მათ არჩევასთან დაკავშირებული პროცედურა.
თურქეთში დღეს საპრეზიდენტო და საპარლამენტო არჩევნებია – თურქეთის მოსახლეობა არჩევანს პრეზიდენტობის სამ კანდიდატს შორის აკეთებს. ესენი არიან: ქვეყნის მოქმედი პრეზიდენტი რეჯეფ თაიფ ერდოღანი, ერთიანი ოპოზიციის კანდიდატი ქემალ ქილიჩდაროღლუა და სინან ოგანი. წინასწარი გამოკითხვის შედეგების მიხედვით, ერდორანსა და ქილიჩ დაროღლუ შორის მცირე სხვაობაა. საარჩევნო უბანს უკვე სტუმრობდნენ და საკუთარი არჩევანი გააკეთეს ერდოღანმა და ქილიჩდაროღლუმ. დღეს საკუთარი არჩევანის დაფიქსირების შესაძლებლობა თურქეთის 64 მილიონზე მეტ მოქალაქეს ექნება. “ვლოცულობ, რომ საღამოს ხმების დათვლის შემდეგ უკეთესი მომავალი იყოს ჩვენი ქვეყნისთვის, ჩვენი ერისთვის და თურქეთის დემოკრატიისთვის. ძალიან მნიშვნელოვანია, რომ ყველა ჩვენმა ამომრჩეველმა ხმა მისცეს 17:00 საათამდე. საღამოს ყოველგვარი წუხილის გარეშე, თურქული დემოკრატიის სიძლიერის დემონსტრირებას ვიხილავთ”, – ამბობს ერდოღანი. ყველა თანამემამულეს მადლობას ვუხდი, ვინც საარჩევნო ყუთთან მივიდა და ხმა მისცა, მათაც მადლობას ვუხდი. ყველას დემოკრატია მოგვენატრა, ყველას ერთიანობა მოგვენატრა, ყველას ჩახუტება მომენატრა. ამის მერე ნახავთ ამ ქვეყანაში გაზაფხული მოვა და ყველაფერი კარგად იქნება. კარგად და მყარად იყავით, – ამბობს ქემალ ქილიჩდაროღლუ. ცნობისთვის, საარჩევნო უბნები ადგილობრივი დროით დილის 8 საათზე გაიხსნა და ხმის მიცემის პროცედურა საღამოს 5 საათამდე გაგრძელდება. თურქეთის საპრეზიდენტო და საპარლამენტო არჩევნებს ახლა მსოფლიოს განსაკუთრებული ყურადღების აკვირდება, ვინაიდან შესაძლოა დაასრულოს თურქეთის მოქმედი პრეზიდენტის, რეჯეპ ტაიპ ერდოღანის 20-წლიანი მმართველობა.
პუტინი შემაყვანინეთ ოლიგო-ფრენების კატეგორიაში, რომელსაც უკრაინაზე გამარჯვების მისაღწევად “შავი ფულისა და სანქცირებული ოქროს” სამოძრაოდ სჭირდებოდა პირდაპირი ავიარეისების გახსნა და ამ მიზნით “მოსკოვი-ერევანი-თბილისი”-ს აქამდე აპრობირებული სქემით ვერ სარგებლობდა”, – ასე ეხმაურება “ხალხის ძალის” წევრი დავით ქართველიშვილი ნაცმოძრაობის თავმჯდომარის ლევან ხაბეიშვილის განცხადებას, რომლის თანახმად, საქართველოს ხელისუფლება უკრაინაში ომის საწარმოებლად და საქართველოს ოკუპაციისთვის პუტინს ყველა პირობას უქმნის. ქართველიშვილის თქმით, როდესაც მოზაიციზმით დაავადებული “პროფესორები” ჩვენს საამაყო მეფეებს, მებრძოლებსა და გმირებს – “დეგენერატებს” და “იდიოტებს” უწოდებენ, საინტერესოა მათი შთამომავლები, ლევან ხაბეიშვილს რა ეპითეტებს შემოუნახავენ. „მე არ ვიცი, გვაქვს თუ არა ცალკე მოქმედი “ანთროპოლოგიის” მუზეუმი, მაგრამ ქურქუმალის თავის ქალაზე მაძიებლობას უკვე დღეიდან დავიწყებდი. ბოლო-ბოლო ზეზვასა და მზიას გვერდით მივუჩენდი ამ საპატიო საექსპონატო ადგილს. რა თქმა უნდა, ასი წლის შემდეგ. რა თქმა უნდა, ჩემი საკუთარი უღიმღამოდ გატარებული სიცოცხლის დასრულების შემდეგ. მრავალჟამიერ, ქურქუმალ! როდესაც მოზაიციზმით დაავადებული “პროფესორები” ჩვენს საამაყო მეფეებს, მებრძოლეებსა და გმირებს – “დეგენერატებს” და “იდიოტებს” უწოდებენ, საინტერესოა მათი “სახელოვანი” დებილი “მეცნიერი” შთამომავლები, ქურქუმალს რა ეპითეტებს შემოუნახავენ. თუმცა, ერთი რამ მახარებს – მე ამ “საექსპერტო” დასკვნების დროს უკვე სხვა განზომილებაში ვიქნები. მანამდე კი, ნება მიბოძეთ და პუტინი შემაყვანინეთ ოლიგო-ფრენების კატეგორიაში, რომელსაც უკრაინაზე გამარჯვების მისაღწევად “შავი ფულისა და სანქცირებული ოქროს” სამოძრაოდ სჭირდებოდა პირდაპირი ავიარეისების გახსნა და ამ მიზნით “მოსკოვი-ერევანი-თბილისი”-ს აქამდე აპრობირებული სქემით ვერ სარგებლობდა. ალბათ ფაშინიანის მიმართ შიშისა და უნდობლობის გამო. დავაკვირდეთ 15 მაისის შემდეგ უკრაინაში მიმდინარე სამხედრო ბატალიებს – ქურქუმალის ლოგიკით, პირველივე პირდაპირი ფრენით მიღწეული “ყველა ეკონომიკურ-ფინანსური პირობების” ხორცშესხმით, პუტინი დაიწყებს ზელენსკის განადგურებას. მართალია, თვით ზელენსკი ქურქუმალს ამაში არ ეთანხმება, მაგრამ მას რა ესმის. მის თავის ქალას – ქურქუმალისაგან განსხვავებით, UNESCO-ს არამატერიალური მემკვიდრეობის ძეგლის სტატუსის პერსპექტივა ნამდვილად არ ემუქრება”, – წერს ქართველიშვილი სოციალურ ქსელში.
„პრეზიდენტი სააკაშვილი აუცილებლად გადარჩება, გათავისუფლდება, მთავარია ეს მოხდეს რაც შეიძლება მალე. ამ უსამართლობას დავასრულებთ ქართველ ხალხთან ერთად.“ – განაცხადა „ერთიანი ნაციონალური მოძრაობის“ წევრმა, გიორგი ჩალაძემ.
„სამწუხაროდ, არ არის ის, რაც ჩვენ გვინდოდა და რაც სასურველი იყო, თუმცა მთავარი ბრძოლა ჩვენ წინ არის, ყველამ კარგად იცის, რომ გასაჩივრებული არის გადაწყვეტილებები, რომელიც მიღებულია ქართული სანქცირებული სასამართლოს მიერ და დარწმუნებულები ვართ, რომ შედეგი მალე იქნება, ჩემთვის უბრალოდ გაუგებარი არის ეს აჟიტირებული ზეიმი, რომ პრეზიდენტი სააკაშვილის ვარშავაში გადაყვანის მოთხოვნა არ დააკმაყოფილა სასამართლომ. ვინც კი აჟიტირებული არის ყველამ უნდა დავუძახოთ რომ არიან რუსები, არიან პუტინის მონები და ზუსტად ის, რაც სიმონიანს გაუხარდებოდა ამათი პირით ვიღებთ ამ აჟიოტაჟს. ყველამ, მათ შორის შესაძლებელია იყოს ვითომ ოპოზიციურად განწყობილმა ადამიანებმა ან სხვადასხვა თანამდებობის პირებმა, ესენი არიან რუსები ჩვეულებრივი.
პრეზიდენტი სააკაშვილი აუცილებლად გადარჩება, აუცილებლად გათავისუფლდება, მთავარია რომ ეს მოხდეს რაც შეიძლება მალე და მეტი დაგვიანება ამისი მეტი აღარ შეიძლება, მისული ვართ უკიდურეს ზღვრამდე… ეს უსამართლობა უნდა დავასრულოთ ქართველებთან ერთად. ჩვენ არ შეიძლება რუსებმა ჩაგვიბაროს.“ – განაცხადა გიორგი ჩალაძემ
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge