რუსთაველის ფონდსა და გერმანიის კვლევით ფონდს შორის ურთიერთთანამშრომლობის მემორანდუმი გაფორმდა

150
spot_img

საქართველოს განათლებისა და მეცნიერების სამინისტროს სსიპ შოთა  რუსთაველის საქართველოს ეროვნულმა  სამეცნიერო  ფონდმა  და გერმანიის კვლევითმა ფონდმა (DFG)  ხელი  მოაწერეს ურთიერთთანამშრომლობის მემორანდუმს, რომლის მიზანია სამეცნიერო სფეროში საქართველოსა და გერმანიის ფედერაციულ რესპუბლიკას შორის თანამშრომლობის განვითარება, გერმანელ და ქართველ მეცნიერებს შორის თანამშრომლობისა და სამეცნიერო დაწესებულებებს შორის ცოდნაზე ორიენტირებული კვლევების ხელშეწყობა;  მხარეები ხელს შეუწყობენ სამეცნიერო პარტნიორების მიერ  ერთობლივი კვლევითი და სასწავლო აქტივობების ჩატარებას გერმანიასა და საქართველოში. მემორანდუმს ხელი  მოაწერეს რუსთაველის ფონდის გენერალურმა დირექტორმა,  ერეკლე ასტახიშვილმა  და გერმანიის კვლევითი ფონდის  გენერალურმა  მდივანმა,  ჰაიდე არენსმა.

DFG არის  სამეცნიერო კვლევების დამფინანსებელი ორგანიზაცია გერმანიაში, რომელიც აფინანსებს კვლევებს მეცნიერების  ყველა დარგში, განსაკუთრებით  უწყობს ხელს  საერთაშორისო თანამშრომლობის განვითარებას. ორგანიზაცია ხელს უწყობს  ცოდნაზე ორიენტირებული საუკეთესო კვლევითი პროექტების განხორციელებას. DFG-ის ერთ-ერთი პრიორიტეტია  ახალგაზრდა მეცნიერების  მხარდაჭერა, ორგანიზაცია ახალგაზრდა მკვლევრებს სთავაზობს პროგრამებს, რომლებიც  უზრუნველყოფენ  მათი კვალიფიკაციის ამაღლებას ყველა აკადემიურ საფეხურზე.