რა ელოდებათ დამსვენებლებს „მთის დღეები 2023“-ის ფარგლებში – მთავრობის ადმინისტრაციის განმარტება

94
spot_img

საქართველოს მაღალმთიან რეგიონებში „მთის დღეები 2023“ გაიმართება. როგორც „ჯორჯიან თაიმსს“ საქართველოს მთავრობის ადმინისტრაციაში განუცხადეს, მთის დღეები 15 და 22 ივლისს ჩატარდება.

მათივე ცნობით, საფესტივალო ტერიტორიაზე მისული სტუმრები სხვადასხვა აქტივობაში მიიღებენ მონაწილეობას, კერძოდ, გაეცნობიან მთის ხინკლის ისტორიას, ასევე გამოფენილი იქნება ადგილობრივი მეწარმეების გამოფენა-გაყიდვა, ეთნოგრაფიული შემეცნებითი კუთხე. სტუმრები დაესწრებიან ქსოვისა და რეწვის გაკვეთილებს.

„საქართველოს მთავრობის ადმინისტრაციის ორგანიზებით „მთის დღეები“ წელს მეორედ გაიმართება. მთის ხალხის ყოველდღიურობა და ტრადიციები, განსაკუთრებული სტუმარ-მასპინძლობა, სამზარეულო, ლეგენდები, ცეკვა და სიმღერა, ეს ის არასრული ჩამონათვალია, რასაც ორგანიზატორები ფესტივალის სტუმრებს შესთავაზებენ.

თუშეთი – ომალო, იმერეთი – გორდი, რაჭა – შოვი, სვანეთი- უღვირის ტბა, ყაზბეგი – ელიას ტყის მიმდებარედ – ეს ის ადგილებია, სადაც წელს მთის კვირეული, 15 და 22 ივლისს გაიმართება.

საფესტივალო ტერიტორიაზე მისული სტუმრები სხვადასხვა აქტივობაში მიიღებენ მონაწილეობას. გაეცნობიან მთის ხინკლის ისტორიას, ასევე გამოფენილი იქნება ადგილობრივი მეწარმეების გამოფენა-გაყიდვა, ეთნოგრაფიული შემეცნებითი კუთხე. სტუმრები დაესწრებიან ქსოვისა და რეწვის გაკვეთილებს.

მთელი დღის განმავლობაში ცნობილი შეფები მოამზადებენ სხვადასხვა კერძს და ჩაატარებენ მასტერკლასებს. დღე კი კი ცნობილი მომღერლების კონცერტით დასრულდება“, – აცხადებენ მთავრობის ადმინისტრაციაში.

რაც შეეხება პროგრამის შესახებ უფრო დეტალურ ინფორმაციას, ის შემდეგნაირად გამოიყურება:

15 ივლისი

თუშეთი, ომალო

14:00 საათი – ადგილობრივი მეწარმეების პროდუქციის გამოფენა – გაყიდვა

15:00 საათი – თუშური დოღი

15:00 საათი – ხალხური რეწვის მასტერ-კლასი

16:30 საათი – გასართობი თამაშები

16:00 საათი – „მთის დღეები 2023“ დაჯილდოების ცერემონია

16:30 საათი – თუშური თანამედროვე კერძების დეგუსტაცია – შეფ-მზარეული ია ძაგანია

16:30 საათი – შოუ „მასტერ-შეფის“ გამარჯვებული რუსო დაუშვილის კერძების დეგუსტაცია

16:30 საათი – შოუ „მასტერ-შეფის“ გამარჯვებული ნინო ვარშანიძის კერძების დეგუსტაცია

16:30 საათი – ადგილობრივი ოჯახების ტრადიციული კერძების დეგუსტაცია

17:00 საათი – ანსამბლი „გორდელა“

18:00 საათი – „ოჩოს ქოხი“

20:00 საათი – სიმღერა კოცონთან, ანსამბლი „რანინა“

რაჭა, შოვი

09:00–14:00 საათი – შეჯიბრება ოფროუდში

14:00–20:00 საათი – ადგილობრივი მეწარმეების პროდუქციის გამოფენა-გაყიდვა

14:00–20:00 საათი – გასართობი შოუ – ანიმატორები, გართობა ბავშვებისთვის

14:00–19:00 საათი – ცხენებით სეირნობა

14:00–17:00 საათი – DJ LEVI LOVE DISCO

15:00 საათი – მასტერ-კლასი შეფ-მზარეულ ლევან კობიაშვილისგან

15:30 საათი – მასტერ-კლასი შეფ-მზარეულ დიმიტრი შარაშიძისგან

14:00–20:00 საათი – ადგილობრივი მზარეულების მასტერ-კლასი

14:00–22:00 საათი – ბარი „ფოსტა“

16:00 საათი – „მთის დღეები 2023“ დაჯილდოების ცერემონია

16:30 საათი – ოფროუდის გამარჯვებულების დაჯილდოება

17:00 საათი – ნოდარიკო ხუციშვილისა და ბენდის კონცერტი

18:00 საათი – მარიამ გალოგრეს, ნინი ასილიანის, ნოდარიკო ხუციშვილის კონცერტი

19:00 საათი – ჯემ-სეიშენი სანდრო ნიკოლაძე

20:00 საათი – ზღაპრები კოცონთან: ნიკა წულუკიძე

20:30 საათი – სიმღერა კოცონთან: გელა დონაძე და კვარტეტი

იმერეთი, გორდი

14:00 საათი – DJ მეტრეველი

14:00 საათი – ადგილობრივი მეწარმეების პროდუქციის გამოფენა-გაყიდვა

14:00 საათი– ადგილობრივი კულინარიის გაკვეთილები – დეგუსტაცია – ადგილობრივი ფოლკლორის თანხლებით

14:00 საათი – გასართობი თამაშები – ველოტური, ზიპლაინი, მასტერ-კლასები, კონკურსები

14:30 საათი – შეფ-მზარეულ მიშა ავსაჯანიშვილის კერძების დეგუსტაცია

14:30 საათი – შეფ-მზარეულ თორღვა გოგოჭურის კერძების დეგუსტაცია

16:30 საათი – ადგილობრივი მზარეულების კერძების დეგუსტაცია

17:30 საათი – „მთის დღეები 2023“ დაჯილდოების ცერემონია

17:30 საათი – ანსამბლი „ჩვენებურები“

20:30 საათი – სიმღერა კოცონთან „თბილისური კვარტეტი“

22 ივლისი

ხევი, ყაზბეგი, ელიას ტყე

14:00–18:00 საათი – ადგილობრივი მეწარმეების პროდუქციის გამოფენა-გაყიდვა

14:00–18:00 საათი – გასართობი სპორტული ღონისძიებები

15:00–15:45 საათი – ადგილობრივი ლუდის ხარშვისა და ხინკლის მომზადების მასტერ-კლასი

15:45–16:45 საათი – შეფ-მზარეულ ია ძაგანიას კერძების დეგუსტაცია

16:45–17:45 საათი – შეფ-მზარეულ დიმა მენაბდის კერძების დეგუსტაცია

17:45–18:00 საათი – „მთის დღეები 2023“ დაჯილდოების ცერემონია

18:00–19:00 საათი – ზუკა ხუციშვილი და ბენდი

20:00–21:00 საათი – სიმღერა კოცონთან „ჰერიო“

გურია, ბახმაროს პარკი

14:00–20:00 საათი– ადგილობრივი მეწარმეების პროდუქციის გამოფენა-გაყიდვა

14:00–17:00 საათი– ფლორისტების მასტერ-კლასი

14:00–14:30 საათი – ტრიო „აპრილია“

15:30–16:00 საათი – ტრადიციული დოღი

16:00–20:00 საათი – ახალგაზრდული სპორტული თამაშები

16:30–17:30 საათი – ცნობილი მზარეულების ესმა კუნჭულიასა და ავთო ცეცხლაძის კერძების დეგუსტაცია და მასტერ-კლასი

19:00–19:30 საათი – „მთის დღეები 2023“ დაჯილდოების ცერემონია

19:30–20:30 საათი– ანსამბლი „ბანი“

20:30–21:30 საათი– ჯგუფი „რეგიონი“

21:30–22:00 საათი– სიმღერა კოცონთან.

სვანეთი, მესტია, უღვირის ტბა

14:00–18:00 საათი– ფონური მუსიკა DJ

14:00-19:00 საათი- ადგილობრივი მეწარმეების პროდუქციის გამოფენა-გაყიდვა

15:00 – 17:30 საათი- მშვილოდოსნობა, ფრენბურთი, ბადმინტონი, ცხენების ტური, ბრენდ შეფი კონსტანტიტე თედელურის კერძების დეგუსტაცია, შეფ გიგი აფციაურის კერძების დეგუსტაცია, ადგილობრივი მზარეულის მიერ დამზადებული ტრადიციული კერძების დაგემოვნება

16:00 საათი- დაჯილდოების ცერემონია „მთის დღეები 2023“

16:30 საათი – ადგილობრივი შემსრულებლების კონცერტი

18:00 – 19:30 საათი – ანსამბლი „ქართული ხმები“ და ბენდი

19:35 – 20:00 საათი- ქართული ნაციონალური ბალეტი „სუხიშვილები“

20:00- 22:00 საათი – მთის ამბების თხრობა და სიმღერა კოცონთან – „ჩვენი კვარტეტი“, ნეკა სებისკვერაძე.