ავღანეთში მიწისძვრის შედეგად 2 445 ადამიანი დაიღუპა. ინფორმაციას Reuters-ი „თალიბანის“ ადმინისტრაციის კატასტროფების სამინისტროს პრესსპიკერზე, ჯანან საიექზე დაყრდნობით ავრცელებს.
სამინისტროს პრესსპიკერი აცხადებს, რომ დაშავებულია 2 000-ზე მეტი ადამიანი. მიწისძვრის შედეგად დაზიანდა ან განადგურდა 1 320 სახლი.
6,3 მაგნიტუდის სიმძლავრის მიწისძვრა შაბათს, ქვეყნის დასავლეთით მდებარე ქალაქ ჰერატიდან დაახლოებით 40 კილომეტრში, ადგილობრივი დროით 11:00 საათზე მოხდა
9 ოქტომბერს ქუთაისში +20 გრადუსი და წვიმაა მოსალოდნელი, ღამით კი +11 გრადუსი იქნება. ოზურგეთშიც წვიმიანი დღეა მოსალოდნელი. დღისით +18 გრადუსი დაფიქსირდება, ღამით კი +10. ბათუმშიც წვიმაა. დღისით ჰაერი +20 გრადუსამდე გათბება, ხოლო ღამით +12 გრადუსი დაფიქსირდება.
ფოთშიც წვიმაა ნავარაუდევი. დღისით 20 გრადუსი დაფიქსირდება, ღამით კი +12 გრადუსია მოსალოდნელი. ნალექიანი დღეა მოსალოდნელი ზუგდიდშიც, სადაც დღისით ტემპერატურა +20 გრადუსს მიაღწევს, ღამით კი +10 გრადუსია ნავარაუდევი. +15 გრადუსი და ნალექიანი დღეა მოსალოდნელი სოხუმშიც, ღამით +11 გრადუსი დაფიქსირდება.
მესტიაში დღისით +7 გრადუსი, ღამით კი -3 გრადუსი დაფიქსირდება. იწვიმებს. ამბროლაურში ნალექიანი დღეა მოსალოდნელი, ჰაერი +18 გრადუსამდე გათბება, ღამით კი +5 გრადუსი დაფიქსირდება.
ჭიათურაში დღისით წვიმა და +18 გრადუსია მოსალოდნელი, ღამით კი +5 გრადუსი. ახალციხეში წვიმიანი დღეა მოსალოდნელი. დღისით ჰაერი +17 გრადუსამდე გათბება, ღამით კი ტემპერატურა +3 გრადუსამდე დაიწევს.
ბორჯომშიც ნალექია მოსალოდნელი. დღისით +17, ღამით კი +4 გრადუსი დაფიქსირდება. იწვიმებს ბაკურიანშიც, სადაც დღისით +11 გრადუსია მოსალოდნელი, ღამით – 3 გრადუსი დაფიქსირდება.
წვიმიანი დღეა მოსალოდნელი გორში. დღისით +18 გრადუსია მოსალოდნელი, ღამის განმავლობაში კი +6 გრადუსი დაფიქსირდება. ცხინვალში დღისით ჰაერს ტემპერატურა +17 გრადუსი იქნება, ღამით კი +5 გრადუსი დაფიქსირდება. იწვიმებს.
გუდაურში წვიმიანი დღე და +7 გრადუსია ნავარაუდევი, ღამით კი ჰაერის ტემპერატურა -3 გრადუსი იქნება. ანალოგიური ამინდია მოსალოდნელი ომალოშიც, სადაც დღისით +10, ღამით კი -3 გრადუსი დაფიქსირდება.
ლაგოდეხში უნალექო დღე იქნება. ჰაერის ტემპერატურა დღის განმავლობაში +23 გრადუსი იქნება, ღამით კი +10 გრადუსი დაფიქსირდება. თელავში დღისით +23 გრადუსი დაფიქსირდება, ღამით კი +9 გრადუსია ნავარაუდევი.
გურჯაანშიც დღე ნალექის გარეშე ჩაივლის. დღისით +23 იქნება გრადუსი, ღამით კი +13 გრადუსი დაფიქსირდება. სიღნაღში +23 გრადუსია მოსალოდნელი, ღამით +10 გრადუსი დაფიქსირდება.
რუსთავში უნალექო დღეა მოსალოდნელი. დღისით +22 გრადუსია მოსალოდნელი, ღამით კი +8 გრადუსი დაფიქსირდება.
თბილისში წვიმას პროგნოზირებენ. ჰაერის ტემპერატურა დღისით +20 გრადუსს მიაღწევს, ღამით კი +8 გრადუსი იქნება.
ისრაელში საქართველოს ელჩის, ლაშა ჟვანიას განცხადებით, საქართველოს მოქალაქის დაშავების, დაკარგვის ან გარდაცვალების შესახებ ინფორმაცია საელჩოში არ შესულა.
ელჩმა დაადასტურა, რომ ჰამასის თავდასხმის შედეგად დაღუპულია 2 ქართველ-ებრაელი.
„ისრაელში საქართველოს ელჩის, ლაშა ჟვანიას განცხადებით, საქართველოს მოქალაქის დაშავების, დაკარგვის ან გარდაცვალების შესახებ ინფორმაცია საელჩოში არ შესულა. ღვთის წყალობით, იმედი გვაქვს, რომ ასე დასრულდება ეს ყველაფერი, რომ არ იქნება საქართველოს რომელიმე მოქალაქე დაშავებული ან გატაცებული. ყოველ შემთხვევაში, 2 დღის განმავლობაში ასეთი დადასტურებული ინფორმაცია არ შემოსულა. დღეისათვის ორი ქართველი ებრაელია გარდაცვლილი. ჩვენი ნაწილია ესეც – ბუზუდაშვილი, პოლიციის თანამშრომელი, რომელიც გმირულად ასრულებდა თავის მოვალეობას და არის კიდევ ერთი ახალგაზრდა კაცი, ავი აბრაამ ქუბელაშვილი, რომელიც აქ შეტაკებების დროს გარდაიცვალა. ჩვენ ვიზიარებთ ჩვენი ძმებისა და დების ამ საშინელ ტრაგედიას და ტკივილს და მათთან ერთად ვართ ამ გასაჭირის დროს”, – აღნიშნა ლაშა ჟვანიამ.
სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო
„ჰამასს“ ისრაელზე თავდასხმის დაგეგმვაში ირანი დაეხმარა. ინფორმაციას ამის შესახებ The Wall Street Journal -ი ავრცელებს.
როგორც გამოცემა იუწყება, თავდასხმა გასულ კვირას ბეირუთში გამართული შეხვედრის დროს განიხილეს და მასზე მუშაობა რამდენიმე კვირაა, მიმდინარეობს.
გამოცემის მიერ მოპოვებულ მოხსენებაში საუბარია „ჰამასისა“ და „ჰეზბოლას“ მაღალჩინოსნებზე და ნათქვამია, რომ გეგმებზე მუშაობა აგვისტოდან მიმდინარეობდა და მოიცავდა რამდენიმე შეხვედრას ბეირუთში, რომლებშიც „ისლამური რევოლუციის გვარდიის“ წევრები მონაწილეობდნენ.
ისრაელში, მუსიკალური ფესტივალის ჩატარების ადგილზე ტერორისტული ორგანიზაცია „ჰამასის“ თავდასხმის შედეგად მოკლული 260 ადამიანის ცხედარი აღმოაჩინეს. ამის შესახებ СNN-ი იტყობინება.
ტელეარხის ცნობით, ცხედრები სამაშველო ორგანიზაცია Zaka-ს მოხალისეებმა იპოვეს. „ჰამასის“ წევრებმა ფესტივალის სტუმრების ნაწილი მძევლებად აიყვანეს. ნაწილს კი, რომლებიც გაქცევას ან დამალვას ცდილობდნენ, ცეცხლი გაუხსნეს.
ფესტივალი Supernova ისრაელის სამხრეთით, უდაბნოში ტარდებოდა. „ჰამასის“ წევრები ისრაელში სწორედ ამ ლოკაციის მახლობლად შეიჭრნენ.
სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.
ისრაელი და ღაზა მსხვერპლის შესახებ განახლებულ ცნობებს ავრცელებენ.
ისრაელში ადგილობრივი მედიის ბოლო ინფორმაციით, რომელსაც ჯანდაცვის სამინისტროზე დაყრდნობით ავრცელებს, “ჰამასის” უპრეცედენტო თავდასხმის შედეგად დაღუპულთა რიცხვმა 700-ს გადააჭარბა. დაშავებულთა რიცხვი კი 2 200-ს აღემატება.
ღაზას ჯანდაცვის სამინისტრომ კი განაცხადა, რომ ისრაელის საჰაერო თავდასხმების შედეგად 413 ადამიანი დაიღუპა და 2300 დაიჭრა.
შაბათს, 7 ოქტომბერს, ისრაელზე „ჰამასმა“ ბოლო ათწლეულის განმავლობაში უპრეცედენტო მასშტაბის თავდასხმა განახორციელა. მათ შორის ისრაელის მიმართულებით რაკეტების გასროლით; ასევე მებრძოლების შეტევით სახმელეთო, საჰაერო და საზღვაო გზით. ბოლო მონაცემებით, ისრაელში დაღუპულია 600-ზე მეტი ადამიანი, ხოლო დაშავებულია 2000-ზე მეტი. „ჰამასმა“ მძევლად აიყვანა მშვიდობიანი მოქალაქეები და ჯარისკაცები. თავის მხრივ, ისრაელმა ღაზაზე საჰაერო დარტყმების საპასუხო ტალღა დაიწყო. პალესტინის ჯანდაცვის სამინისტროს განცხადებით, ღაზაში 370 პალესტინელი დაიღუპა და 2 200 დაიჭრა. პრემიერ-მინისტრმა ბენიამინ ნეთანიაჰუმ პირობა დადო, რომ „მტერი ისეთ საფასურს გადაიხდის, რომლის შესახებაც წარმოდგენა არ აქვს“. ისრაელის უსაფრთხოების კაბინეტმა ისრაელის ძირითადი კანონის მე-40 მუხლის შესაბამისად ომი ოფიციალურად გამოაცხადა.
აშშ ისრაელს საბრძოლო მასალას და სპეციალურ აღჭურვილობას გაუგზავნის. ამის შესახებ თავდაცვის მდივანმა, ლოიდ ოსტინმა განაცხადა.
„ამერიკის შეერთებული შტატების მთავრობა სწრაფად მიაწვდის ისრაელის თავდაცვის ძალებს დამატებით აღჭურვილობას, მათ შორის საბრძოლო მასალის რესურსებს“, – ნათქვამია ოსტინის განცხადებაში.
ასევე, როგორც ცნობილია, „ჰამასის“ თავდასხმების საპასუხოდ აშშ გააძლიერებს ამერიკულ ძალებს ახლო აღმოსავლეთში.
ბოლო მონაცემებით, ისრაელში „ჰამასის“ თავდასხმის შედეგად დაღუპულთა რიცხვი 700-ს აჭარბებს, დაშავებულთა რიცხვი კი ამ დროისთვის 2 200-ს აღემატება.
ამასთან, გავრცელებული ინფორმაციით, ღაზის სექტორზე ისრაელის საჰაერო თავდასხმების შედეგად 413 ადამიანი დაიღუპა და 2 300 დაიჭრა.
7 ოქტომბერს, გამთენიისას ღაზის სექტორიდან ისრაელის მიმართულებით რაკეტები გაუშვეს. თავდასხმაზე პასუხისმგებლობა მოძრაობა „ჰამასმა“ აიღო. ისრაელში საომარი მდგომარეობაა გამოცხადებული.
ისრაელი გაიმარჯვებს ამ ომში, რადგან ჩვენ სხვა არჩევანი არ გვაქვს, – ამის შესახებ ისრაელის პრეზიდენტმა, ისააკ ჰერცოგმა განაცხადა.
ისააკ ჰერცოგი მოუწოდებს მოსახლეობას, რომ შეინარჩუნონ ერთიანობა, რადგან, მისი განმარტებით, ეს ყველაზე ძლიერი იარაღია.
„უპატიებელი ცოდვა – ცოდვა, რომელსაც ხელმძღვანელობს არა მხოლოდ მკვლელი ტერორისტული ორგანიზაცია, არამედ ბოროტი ღერძი, რომლის ბაზაც ირანშია, რომლის მარიონეტები დაუღალავად მუშაობენ, რათა ძირი გამოგვითხარონ“, – განაცხადა ისრაელის პრეზიდენტმა.
როგორც მედია წერს, ისრაელის პრეზიდენტი „ჰამასს“ უწოდებს „ამაზრზენ ცხოველებს“, რომლებიც კლავენ პატარებსა და მოხუც ქალებს.
„ისრაელი ნათელს გახდის, რომ ჩვენ სამუდამოდ აქ ვართ, ჩვენს მიწაზე, ჩვენს ქვეყანაში. გაიმარჯვეთ და ააშენეთ უფრო და უფრო მეტი, რათა შეცვალოთ დანგრეული სახლები“, – აცხადებს ისააკ ჰერცოგი.
ვერძი
შეიძლება, ყურადღების ცენტრში მოხვდეთ და უამრავი ქათინაური დაიმსახუროთ. გარშემომყოფებს თქვენი გამოცდილება და პრაქტიკული რჩევები სჭირდებათ. გამოიყენეთ ეს დრო საჭირო კავშირების დასამყარებლად. ეცადეთ, საღამო მეგობრების გარემოცვაში, აქტიურად გაატაროთ.
კურო
ამ დღეს თქვენი ინტუიცია ისე კარგად მუშაობს, როგორც არასდროს. გამოიყენეთ ეს შანსი სასარგებლო ინფორმაციის მიღებისა და ბიზნესკომუნიკაციისთვის. გამორიცხული არ არის, რომ ვიღაცამ თქვენი გარემოცვიდან გადაუმოწმებელი ინფორმაციით შეცდომაში შეგიყვანოთ. ფრთხილად იყავით ახალ ნაცნობებთან ურთიერთობაში.
ტყუპები
ეს დღე ყველაზე მეტად შემოქმედებითი საქმიანობისთვისაა შესაფერისი. ეცადეთ საკუთარ მიზნება და სურვილებში გაერკვიოთ. ვარსკვლავები გირჩევენ, 9 ოქტომბერი საყვარელ ადამიანთან ერთად, შინაურ გარემოში გაატაროთ. თუ სახლში ოთხფეხა მეგობარი, გყავთ ყურადღება მიაქციეთ – შეიძლება ჯანმრთელობის პრობლემები შექმნას.
კირჩხიბი
ეცადეთ, შესაძლებლობა გამოიყენოთ – პერსპექტიული ნაცნობობა შეიძლება ხანგრძლივ ურთიერთობაში გადაიზარდოს. ამ დღეს დაწყებული ურთიერთობა შეიძლება ძალიან სასარგებლო იყოს და თქვენს ცხოვრებაში მნიშვნელოვანი როლი შეასრულოს.
ლომი
დილიდან სიზარმაცის შეტევებს ებრძვით. ძალისა და ნებისყოფის მოკრება დაგჭირდებათ, რათა საკუთარი მოვალეობები შეასრულოთ. დღის მეორე ნახევარში ახალი ან ძველი, საყვარელი ფილმი განწყობას აგიმაღლებთ. ყურადღება მიაქციეთ საკუთარ ჯანმრთელობას, დროა პროფილაქტიკური კვლევა ჩაიტაროთ.
ქალწული
პლანეტების ხელსაყრელი განლაგება დაგეხმარებათ, გაუმკლავდეთ პრობლემებს, რომლებიც თქვენმა კოლეგებმა ვერ დაძლიეს. თქვენი შრომისმოყვარეობა ნებისმიერ, თუნდაც ძალიან კრიტიკულად განწყობილ ადამიანს აღაფრთოვანებს. ახლა კარგი დროა, რომ დიდი ხნის წინ დაწყებული, უიმედო საქმე დაასრულოთ.
სასწორი
ამ დღეს თქვენი პროფესიონალიზმი და ინტუიცია კამათსა და დისკუსიებში დაგეხმარებათ. საქმე, რომელიც უიმედო გეგონათ, სასურველ შედეგს გამოიღებს. საღამოს საყვარელი ადამიანისგან სასიამოვნო სიურპრიზი გელით. ვარსკვლავები გირჩევენ, რომ ენერგია, ჩხუბის ნაცვლად, სიყვარულზე დახარჯოთ.
მორიელი
გეჩვენებათ, რომ ნათესავებისა და მეგობრების წინაშე ვალში ხართ. ამაზე ფიქრმა შეიძლება განწყობა გაგიფუჭოთ და მუშაობაში ხელი შეგიშალოთ. თუ შესაძლებელია, თქვენს განცდებზე ახლობელ ადამიანს ესაუბრეთ.
მშვილდოსანი
წარმატებული და პოზიტიური დღე გელით. მუშაობა კმაყოფილებას განიჭებთ. შესაძლოა, მოგზაურობასთან ან ახალი საქმის სწავლასთან დაკავშირებით სასიამოვნო სიახლეები შეიტყოთ. საყვარელი ადამიანის და მეგობრების რჩევა ძალიან გამოგადგებათ.
თხის რქა
ამ დღეს გადაწყვეტილების მიღება გიჭირთ. ეცადეთ, გარემოებებს მოერგოთ და სამუშაოსთვის განეწყოთ. შეიძლება მნიშვნელოვანი საქმის დროულად დასრულებისთვის გეგმების კორექტირება მოგიწიოთ. უსმინეთ საკუთარ ინტუიციას, რომელიც შეცდომებისა და იმპულსური ქმედებებისგან დაგიცავთ.
მერწყული
პიროვნული მომხიბვლელობის დამსახურებით ამ დღეს სასურველის მიღწევას ადვილად ახერხებთ. ეცადეთ ხშირად გაიღიმოთ – ეს სკეპტიკოს ადამიანებსაც კი თქვენ მიმართ სიმპათიით განაწყობს. ეს დღე ხელსაყრელია რაღაც ახალი და საინტერესოს შესასწავლად ან სანახავად.
თევზები
ვარსკვლავები გირჩევენ, რომ ამ დღეს განვითარებულ მოვლენებს გაგებით მოეკიდოთ და სიტუაცია არ გაართულოთ. ეს ყველაზე ჩახლართული საკითხების მარტივად გადაჭრაში დაგეხმარებათ. უსმინეთ საკუთარ ინტუიციას, რომელიც შეცდომის დაშვებას აგაცილებთ.
ამერიკის შეერთებულ შტატებს ხმელთაშუა ზღვის აღმოსავლეთით ხომალდები გადაჰყავს, რომელთა შორის არის ავიამზიდი.
როგორც BBC-ი პენტაგონის განცხადებაზე დაყრნობით, წერს აშშ-ს არმია განათავსებს საზღვაო ხომალდებს და საბრძოლო თვითმფრინავებს, რათა ისრაელში მიმდინარე ბრძოლების ფონზე “გაამყაროს რეგიონული შეკავების მცდელობები“ . განლაგება ასევე მოიცავს რამდენიმე მართვადი რაკეტის კრეისერს და გამანადგურებელს.
გარდა ამისა, ახლო აღმოსავლეთში შეერთებული შტატების საჰაერო ძალების ესკადრილია მატულობს.
”აშშ ინარჩუნებს ძალებს გლობალურად, რათა კიდევ უფრო გააძლიეროს შემაკავებელი პოზიზია საჭიროების შემთხვევაში”, – დასძენს აშშ-ის თავდაცვის მდივანი, ლოიდ ოსტინი.
როგორც მედია წერს, ასევე ისრაელში იგზავმება დამატებითი რესურსები, მათ შორის საბრძოლო მასალები, უსაფრთხოების პირველი დახმარება სავარაუდოდ უახლოეს დღეებში ჩავა.
ოსტინი ამბობს, რომ ეს ქმედება “ხაზს უსვამს შეერთებული შტატების მტკიცე მხარდაჭერას ისრაელის თავდაცვის ძალებისა და ისრაელის ხალხის მიმართ”.
აზერბაიჯანის რესპუბლიკის პრეზიდენტის – ილჰამ ალიევის სამუშაო ვიზიტი საქართველოში დასრულდა.
მთავრობის ადმინისტრაციის ცნობით, ილჰამ ალიევი შოთა რუსთაველის სახელობის თბილისის საერთაშორისო აეროპორტიდან საქართველოს პრემიერ-მინისტრმა ირაკლი ღარიბაშვილმა გააცილა.
აზერბაიჯანის რესპუბლიკის პრეზიდენტი სამთავრობო დელეგაციასთან ერთად საქართველოს დღეს ეწვია.
ისრაელში „ჰამასის“ თავდასხმის შედეგად დაღუპულთა რიცხვი 700-ს აჭარბებს.
ინფორმაციას ადგილობრივი მედია ჯანდაცვის სამინისტროზე დაყრდნობით ავრცელებს.
მათივე ცნობით, დაშავებულთა რიცხვი ამ დროისთვის 2 200-ს აღემატება.
7 ოქტომბერს, გამთენიისას ღაზის სექტორიდან ისრაელის მიმართულებით რაკეტები გაუშვეს. თავდასხმაზე პასუხისმგებლობა მოძრაობა „ჰამასმა“ აიღო. ისრაელში საომარი მდგომარეობაა გამოცხადებული.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge