“ქართული ოცნება” ამჯერად ეროვნული ბანკის მიტაცებას ცდილობს – პრეზიდენტის მიმართ ბრალდებები და მისი უფლებამოსილებების შეზღუდვა სწორედ სახელმწიფოს მიტაცების მორიგი მცდელობაა , – ამის შესახებ ჟურნალისტებს ფრაქცია “ნაციონალური მოძრაობის” თავმჯდომარემ თინა ბოკუჩავამ განუცხადა.

ბოკუჩავას შეფასებით, ეროვნულ ბანკთან დაკავშირებით დაწყებული პროცესი ქვეყნისთვის ძალიან სახიფათოა, რადგან მისი დამოუკიდებლობა ფინანსურ-ეკონომიკური მდგრადობისთვის ძალიან მნიშვნელოვანია.

“ამ დრომდე ეროვნულ ბანკზე ბიძინა ივანიშვილს პირდაპირი გავლენა არ ჰქონდა – ყოველ შემთხვევაში იმ ხარისხით, რა ხარისხით მოპოვებასთან ის ახლა ცდილობს.

ივანიშვილის რეჟიმი ყოველდღიურად უფრო და უფრო ავტოკრატიული ხდება, მათ შორის ასე აფასებენ დღეს არსებულ რეჟიმს ჩვენი პარტნიორებიც”, – განაცხადა თინა ბოკუჩავამ.

პარტია “ქართული ოცნების” პოლიტიკურმა საბჭომ გაავრცელა განცხადება, რომლის მიხედვით, “იკვეთება აშკარა ნიშნები იმისა, რომ საქართველოს პრეზიდენტი თავისი ქმედებებით ეროვნული ბანკის ჯეროვან საქმიანობას მიზანმიმართულად უქმნის დაბრკოლებას“.

როგორც განცხადებაშია აღნიშნული, კონსულტაციები მმართველ გუნდსა და პრეზიდენტს შორის შედგა, რის შემდეგაც საქართველოს პრეზიდენტმა დაადასტურა მზაობა, ეროვნული ბანკის საბჭოს ერთ-ერთ წევრად ლაშა ხუციშვილის კანდიდატურა წარედგინა. განცხადებაშია ნათქვამია, რომ კონსულტაციების დროს, გაჟღერდა კონკრეტული თარიღებიც – თებერვალი, 8 მარტი და სხვა “თუმცა, პრეზიდენტმა ყველა შეთანხმებული ვადა დაარღვია და მას ეროვნული ბანკის საბჭოს წევრობის კანდიდატი პარლამენტისთვის დღემდე არ წარუდგენია“.

მმართველი გუნდი “ეროვნული ბანკის შესახებ“ კანონში მიღებულ ცვლილებების პროექტზე პრეზიდენტის ვეტოს დაძლევას გეგმავს.

პრეზიდენტის საპარლამენტო მდივნის, გიორგი მსხილაძის განცხადებით, მმართველი პარტიის დღევანდელი განცხადება, ეროვნული ბანკის საქმიანობას აზიანებს და აფერხებს.

როგორც მან ორბელიანების სასახლეში გამართულ ბრიფინგზე აღნიშნა, რაც აზიანებს ბანკის და ქვეყნის რეპუტაციას, ეს არის ვეტოს დაძლევის მუქარა მმართველი პარტიის მხრიდან.

„დღეს „ქართული ოცნების“ პოლიტიკურმა საბჭომ გაავრცელა განცხადება, რომელიც ეროვნული ბანკის საქმიანობას უკავშირდებოდა. პირველი, საქართველოს ეროვნული ბანკის საქმიანობა არ ზიანდება. ბანკის პრეზიდენტის მოვალეობას დღეს ასრულებს ერთ-ერთი კვალიფიციური, გამოცდილი და პროფესიული კადრი. არ ფერხდება ეროვნული ბანკის პრეზიდენტის დანიშვნის პროცესი. ბანკის საბჭოს დღესვე შეუძლია წარმოადგინოს ბანკის ხელმძღვანელის კანდიდატურა. პრეზიდენტის მიერ დაწყებული საბჭოს წევრების შერჩევის პროცესი ამ წარდგენასთან კავშირში არ არის და არც რაიმეს შემაფერხებელია. რაც შეხება მოქმედი ფინანსთა მინისტრის, ბატონი ლაშა ხუციშვილის წარდგენას, საქართველოს პრეზიდენტი მის კანდიდატურას ნამდვილად განიხილავდა და მიიჩნევდა, რომ მისი პროფესიონალიზმი, გამოცდილება და კვალიფიკაცია კრიტერიუმებს აკმაყოფილებდა, თუმცა ერთ-ერთ ყველაზე მნიშვნელოვანი კრიტერიუმი -კანდიდატის დამოუკიდებლობა კითხვებს აჩენდა, რაც გამყარდა მთავრობის მხრიდან ლაშა ხუციშვილის კანდიდატურის წარდგენის კატეგორიული მოთხოვნით, პრეზიდენტზე მუდმივი ზეწოლით და შანტაჟით. ის, რაც ნამდვილად აზიანებს და აფერხებს ეროვნული ბანკის საქმიანობას, არის მმართველი პარტიის დღევანდელი განცხადება, რამაც საბოლოოდ გამოაშკარავდა, რომ აღნიშნული კანდიდატი ერთადერთი და უალტერნატივოა არა მხოლოდ მთავრობისთვის, არამედ მმართველი პარტიისთვისაც. ის, რასაც ნამდვილად ემსახურებოდა და იცავდა ეროვნული ბანკის ინტერესებს, იყო პრეზიდენტის ვეტო. რაც აზიანებს ბანკის და ქვეყნის რეპუტაციას, ეს არის ვეტოს დაძლევის მუქარა მმართველი პარტიის მხრიდან“, – განაცხადა მსხილაძემ.

ცნობისთვის, პარტია „ქართული ოცნების“ პოლიტიკურმა საბჭომ გაავრცელა განცხადება, რომლის მიხედვით, „იკვეთება აშკარა ნიშნები იმისა, რომ საქართველოს პრეზიდენტი თავისი ქმედებებით ეროვნული ბანკის ჯეროვან საქმიანობას მიზანმიმართულად უქმნის დაბრკოლებას“.

როგორც განცხადებაშია აღნიშნული, კონსულტაციები მმართველ გუნდსა და პრეზიდენტს შორის შედგა, რის შემდეგაც საქართველოს პრეზიდენტმა დაადასტურა მზაობა, ეროვნული ბანკის საბჭოს ერთ-ერთ წევრად ლაშა ხუციშვილის კანდიდატურა წარედგინა. განცხადებაშია ნათქვამია, რომ კონსულტაციების დროს, გაჟღერდა კონკრეტული თარიღებიც – თებერვალი, 8 მარტი და სხვა“, თუმცა პრეზიდენტმა ყველა შეთანხმებული ვადა დაარღვია და მას ეროვნული ბანკის საბჭოს წევრობის კანდიდატი პარლამენტისთვის დღემდე არ წარუდგენია“.

მმართველი გუნდი „ეროვნული ბანკის შესახებ“ კანონში მიღებულ ცვლილებების პროექტზე პრეზიდენტის ვეტოს დაძლევას გეგმავს.

“კონკრეტული პარტიების მისვლა „ნაციონალურ მოძრაობასთან“ ვერ მოუტანს დამატებით ხმებს ვერც „ნაციონალურ მოძრაობას“ და ვერც ამ პარტიებს – გადაუწყვეტელი ამომრჩევლის ხმების წამოღება იქნება წარმატების და გამარჯვების ფორმულა ოპოზიციისთვის”, – ამის შესახებ პარლამენტის ოპოზიციონერმა დეპუტატმა, ხატია დეკანოიძემ განაცხადა.

„მე იგივე პოზიცია მქონდა, როცა „ნაციონალური მოძრაობის“ წევრი ვიყავი, რომ ყველაზე უფრო მნიშვნელოვანი წარმატების ფორმულა ოპოზიციისთვის იქნება იმ 61 პროცენტის, გადაუწყვეტელი ამომრჩევლის ხმების წამოღება, დარწმუნება და ოპოზიციურ ფლანგზე საკუთარი ხმების დაფიქსირება, რომელსაც ჯერ გადაწყვეტილი არ აქვს რომელ პარტიას მისცემს ხმას. „ნაციონალურ მოძრაობას“ ჰყავს თავის ძალიან მყარი ამომრჩეველი, რომლის ძირითადი მოტივაცია არის მიხეილ სააკაშვილი და ხმას მიხეილ სააკაშვილს აძლევენ.

სწორედ ამიტომ იღებს „ნაციონალური მოძრაობა“ ხმების ამ რაოდენობას, მაგრამ „ნაციონალურ მოძრაობასთან” მისვლა კონკრეტული პარტიების, ვერ მოუტანს დამატებით ხმებს ვერც „ნაციონალურ მოძრაობას“ და ვერც იმ კონკრეტულ პარტიებს, ეს ხმებს კიდევ უფრო დააკლებს. ამიტომ ნებისმიერი ცენტრი, პარტია რომელიც მოახერხებს გადაუწყვეტელი ამომრჩევლის, 60 პროცენტის ხმების წამოღებას, ეს იქნება ნამდვილად წარმატების და გამარჯვების ფორმულა ოპოზიციისთვის”, – განაცხადა დეკანოიძემ.

პარტია „ლელოს” ერთ-ერთი ლიდერის, ბადრი ჯაფარიძის განცხადებით, „ქართული ოცნების“ დამარცხების გასაღებია ისეთი გაერთიანების შექმნა, სადაც „ნაციონალური მოძრაობა“ არ იქნება.

ჰიპოთეტურად, ენგურჰესზე რომ წარმოვიდგინოთ კახოვკის კაშხლის ტრაგედია, ქალბატონი ხოშტარია, თუ ბატონი ვაშაძე ან სხვა რადიკალი ოპოზიციონერები იხსნიან დასავლეთ საქართველოს გარდაუვალი დატბორვისგან? – ამის შესახებ აჭარის უმაღლესი საბჭოს წევრმა ლადო მგალობლიშვილმა განაცხადა.

მისივე თქმით, დღეს, არანაირი მექანიზმი არ არსებობს, რომელიც რუსეთს აიძულებს არ განახორციელოს მსგავსი უპრეცედენტო დონის ვანდალიზმი კრიტიკულ ინფრასტრუქტურაზე.

„უკრაინაში, კახოვკის კაშხლის განადგურების შედეგად, უკვე მეორე დღეა იტბორება ათეულობით დასახლებული პუნქტი. ათი ათასობით ოჯახი რჩება საცხოვრებლის გარეშე.

დღეს, არანაირი მექანიზმი არ არსებობს, რომელიც რუსეთს აიძულებს არ განახორციელოს მსგავსი უპრეცედენტო დონის ვანდალიზმი კრიტიკულ ინფრასტრუქტურაზე და ეს არის ტრაგედია.

ღმერთმა დაგვიფაროს და ჰიპოთეტურად, ენგურჰესზე რომ წარმოვიდგინოთ კახოვკის კაშხლის ტრაგედია, ქალბატონი ხოშტარია, თუ ბატონი ვაშაძე ან სხვა რადიკალი ოპოზიციონერები იხსნიან დასავლეთ საქართველოს გარდაუვალი დატბორვისგან? ამიტომ ხელისუფლების სამშვიდობო პოლიტიკას ალტერნატივა არ გააჩნია“, – განაცხადა ლადო მგალობლიშვილმა, რომლის კომენტარსაც აჭარის უმაღლესი საბჭო ავრცელებს.