დღეს ჩვენი სახელმწიფო რუსეთის ინტერესების სადარაჯოზეა, – ამის შესახებ „დროას“ ლიდერმა, ელენე ხოშტარიამ თბილისის საერთაშორისო აეროპორტთან გამართულ აქციაზე განაცხადა.

მისივე თქმით, რუსეთის პრეზიდენტი, ვლადიმერ პუტინი „აღიარებული ტერორისტია”.

„დღეს ჩვენი სახელმწიფო რუსეთის ინტერესების სადარაჯოზეა. მათ ასეთი დავალება აქვთ მიღებული, რომ ვალერი კვარაცხელია და მონები, რომლებიც ჩვენი სახელით მადლობას უხდიან პუტინს, კომფორტი შეუქმნან. ამის უფლება მათთვის არავის მიუცია. ჩვენს ხმას მათ მაინც გავაგონებთ. პუტინი აღიარებული ტერორისტია”, – განაცხადა ელენე ხოშტარიამ.

ყველაფერი მიზანმიმართულად ხომ არ არის გათვლილი იქითკენ, რომ ქვეყანამ არ მიიღოს კანდიდატის სტატუსი? სწორედ ისეთ პერიოდში, ისეთ ეტაპზე ხდება ასეთი წინადადების დაყენება, რაც კონტრპროდუქტიულია ქვეყნის ევროპული ინტეგრაციის, – ამ კითხვით მიმართა საპარლამენტო უმრავლესობის წევრმა დავით მათიკაშვილმა პარლამენტის საგაზაფხულო სესიის პლენარულ სხდომაზე პარტია „საქართველოსთვის“ წევრს მიხეილ დაუშვილს, რომელიც ე.წ. ქოლ-ცენტრების საქმეზე დროებითი საგამოძიებო კომისიის შექმნის ინიციატივა წარადგინა.

ამასთან, როგორც მათიკაშვილმა განაცხადა, საინტერესო იქნებოდა მიხეილ დაუშვილს პასუხი გაეცა ე.წ. ქოლ-ცენტრების მუშაობის სპეციფიკასთან დაკავშირებით მის მიერ გამოვლენილ კომპეტენციაზე.

„შესაშური ცოდნა გამოავლინეთ თქვენ „ქოლ-ცენტრების“ მუშაობის სპეციფიკის, თვით BBC-ის მაღალპროფესიონალურ გამომძიებელ ჟურნალისტებსაც შეშურდებოდათ თქვენი. ალბათ, ამაზე ცალკე პასუხის გაცემა არ იქნება ცუდი ჩვენი საზოგადოებისთვის. მეორე მიმართულება კითხვის – მაშინ, როდესაც მიმდინარეობს გამოძიება საქართველოში, გერმანიაში, ესპანეთში, ეს არის ტრანსნაციონალური დანაშაულის გამოძიების საკითხი, მაშინ, როდესაც BBC-ის რეპორტაჟის შემდგომ, კეზერაშვილი სავარაუდო დანაშაულის ფაქტზე ბრიტანეთის სასამართლომაც უნდა იმსჯელოს, ხომ არ ფიქრობთ, რომ კეზერაშვილის სავარაუდო დანაშაულის განვრცობას ცდილობთ საქართველოზე, მაშინ, როდესაც თქვენ, სწორედ, საქართველოს პარლამენტში ცდილობთ საგამოძიებო კომისიის შექმნას? ისე კი სჩვევია თქვენი პოლიტიკური გუნდის ბელადს, ლიდერს საკუთარი ქვეყნის საფრთხისა და დარტყმის ქვეშ დაყენება, ეს საზოგადოებამ კარგად იცის და კარგად ახსოვს. ეს ყველაფერი მიზანმიმართულად ხომ არ არის გათვლილი იქითკენ, რომ ქვეყანამ არ მიიღოს კანდიდატის სტატუსი? სწორედ ისეთ პერიოდში, ისეთ ეტაპზე ხდება ასეთი წინადადების დაყენება, რაც კონტრპროდუქტიული ქვეყნის ევროპული ინტეგრაციის“,- განაცხადა მათიკაშვილმა.

ცნობისთვის, პარლამენტი ე.წ. ქოლ-ცენტრების საქმეზე დროებითი საგამოძიებო კომისიის შექმნის ინიციატივაზე მსჯელობს.

„ორგანიზებული დანაშაულებრივი ჯგუფების მიერ თაღლითური „ქოლ-ცენტრების“ მეშვეობით ჩადენილი ტრანსნაციონალური დანაშაულებისა და მათზე შესაძლო არასათანადო რეაგირების შემსწავლელი პარლამენტის დროებითი საგამოძიებო კომისიის შექმნის შესახებ“ – ასე ეწოდება პარლამენტის დადგენილების პროექტს, რომელიც პოლიტიკურმა ჯგუფმა “საქართველოსთვის“ მოამზადა.

სააკაშვილი ცდილობს, მისი პოლიტიკაში დაბრუნებით პარტიის რღვევის პროცესი დროებით მაინც შეაჩეროს. მათი პატრონების მიზანია, რადიკალური ოპოზიცია რამენაირად გადაარჩინონ, – ამის შესახებ პარლამენტის საპროცედურო საკითხთა კომიტეტის თავმჯდომარემ, ირაკლი ქადაგიშვილმა საქართველოს პირველ არხს განუცხადა.

მისივე თქმით, „ნაციონალური მოძრაობა“ განულებისკენ არის წასული

„მიხეილ სააკაშვილი საქართველოში შემოაპარეს და ეს არ იყო მხოლოდ მისი განზრახვა. ეს იყო გლობალური „ომის პარტიის“ ერთ-ერთი ჩანაფიქრი. სააკაშვილის საქართველოში შემოპარვით უნდა მომხდარიყო ქვეყანაში არეულობის, პოლიტიკური კრიზისის შექმნა, ხელისუფლებაში დაბრუნება, რათა მას განეხორციელებინა ქმედებები, რაც ქვეყანას მეორე ფრონტის გახსნამდე მიიყვანდა. პირველ ეტაპზე როცა ეს არ გამოუვიდათ, სააკაშვილის პატიმრობიდან თავის დაღწევის მიზნით, უდიდესი ფეიკკამპანია წამოიწყეს, თითქოს საქართველო სააკაშვილს წამლავს, არ მკურნალობენ, აწამებენ და ასე შემდეგ. ვიხილეთ, როგორ იხარჯებოდა მილიონები, როგორ იყო ჩართული ამ პროცესებში ლამის ნახევარი ევროპარლამენტი. სტრასბურგის სასამართლომ თქვა, რომ ეს არის „ფეიკი“, ტყუილი, მანიპულაცია, რისი დაშვებაც ევროპულმა სასამართლომ არც კი წარმოიდგინა, რადგან მსოფლიოს მასშტაბით ეს გამოიწვევდა საპატიმრო სისტემის ჩამოშლას. ვინაიდან ეს გზა არ გამოუვიდათ, ახლა დაიწყო იმ რეალობის დაბრუნება, რისთვისაც სააკაშვილი ჩამოიყვანეს. სააკაშვილის შიმშილობა არ გამოუვიდათ და ახლა პოლიტპატიმრის სტატუსი უნდათ, მიანიჭონ. ამისთვისაა საჭირო გამოცხადება, რომ ის ქართულ პოლიტიკაშია. ტყუილი იყო, რომ სააკაშვილი ქართულ პოლიტიკას თავს ანებებდა, არ აინტერესებდა, უკრაინაზე იყო კონცენტრირებული. რა უნდა მისგან „ნაციონალურ მოძრაობას“? – პარტია განულებისკენ არის წასული, ამიტომ მათი პატრონები ფიქრობენ, იქნებ, სააკაშვილის ფაქტორმა პარტიის განულებისკენ მიმავალი კრახი დროებით შეაჩეროს და პარტიის შიგნით დესტრუქცია შეაჩერონ. სააკაშვილი ცდილობს, მისი პოლიტიკაში დაბრუნებით პარტიის რღვევის პროცესი დროებით მაინც შეაჩეროს. მათი პატრონების მიზანია, რამენაირად გადაარჩინონ რადიკალური ოპოზიცია. ხედავენ, რომ ხელისუფლებას რადიკალური ოპოზიციის სახით არანაირი კონკურენტი აღარ ჰყავს“, – განაცხადა ირაკლი ქადაგიშვილმა.

რადიკალური ოპოზიციის თავდასხმა BBC-ზე კომიკურია – ეს ის ხალხია, ვინც საქართველოში მედიაზე განახორციელა რეიდები, დააპატიმრა ჟურნალისტები, უმკაცრესი რეგულაციები შემოიღო და პირდაპირ პოლიტიკური პროდიუსერები დაუნიშნა მედიას,- ასე ეხმიანება პარლამენტის ვიცე- სპიკერი დავით კეზერაშვილის განცხადებას, რომლის თანახმად, მან საჩივარი შეიტანა ” BBC-ის წინააღმდეგ.

თალაკვაძის განცხადებით, ოპოზიციას სურს დავით კეზერაშვილიდან ყურადღება სხვებზე გადაიტანოს და ამას ემსახურება “ქოლ-ცენტრებზე” საგამოძიებო კომისიის მოთხოვნაც.

„მათი ბიოგრაფია ყოველთვის გვახსენდება, როცა ასეთ განცხადებებს აკეთებენ. დღესაც, ოპოზიციაში ყოფნისას, თავს ესხმიან მედიას, ცდილობენ არალეგალური ფულით დააფინანსონ და კონტროლი მოიპოვონ მედიაზე, ამოეფარონ ჟურნალისტებს და უკვე ვხედავთ, რომ კომიკური თავდასხმებია BBC-ზე მხოლოდ იმიტომ, რომ მათ სიმართლე დაანახეს საზოგადოებამ. ეს მცდელობები საგამოძიებო კომისიის მოთხოვნა, თავდასხმა საერთაშორისო მედიაზე, ტყუილები რომ ტელევიზიას გადაუფორმებენ თანამშრომლებს, ემსახურება იმას, რომ კეზერაშვილიდან ყურადღება გადაიტანონ”, – განაცხადა თალაკვაძემ.