მიმაჩნია, რომ ხატიას პირადი წყენები არ უნდა აძლევდეს იმის თქმით უფლებას, რაც თქვა. ალბათ ამის დროც დადგება, რომ კიდევ უფრო მეტს ნახავს ამომრჩეველიც და სხვაც, ეს არის პირადი პოლიტიკური ამბიციები, რომლებიც უადგილოა მაშინ, როდესაც საქმე ეხება ამ ქვეყნის თავისუფლებისთვის ბრძოლას, – ამის შესახებ „ნაციონალური მოძრაობის“ წევრმა, ხატია დეკანოიძემ განაცხადა.

დეკანოიძის თქმით, ხატია დეკანოიძემ სამიზნე უნდა გაასწოროს.

„„ნაციონალური მოძრაობის“ და, მათ შორის, ჩვენი მთავარი პოლიტიკური პრობლემა არის, რომ ხშირ შემთხვევაში ვუფრთხილდებით იმ ადამიანებს, ვინც „ნაციონალურ მოძრაობას“ უსამართლოდ ესხმიან თავს, მათ შორის, „ნაციონალური მოძრაობიდან“ წასულებს. ვუფრთხილდებით და ვითვალისწინებთ ჩვენს ამომრჩეველს, საქართველოს მესამე პრეზიდენტს, რომელიც ახლა არის ციხეში. ასევე, კარგად ვაცნობიერებთ იმას, რომ მოწინააღმდეგე არის „რუსული ოცნება“ და არა ერთმანეთი, თორემ სათქმელი იმდენი გვაქვს, მათ შორის, კონკრეტულად ხატიასთან დაკავშირებითაც, რომ, შეიძლება, შემდეგ არასდროს ჰქონდეთ მათ სურვილი, რამე ტიპის პოლიტიკური განცხადება გააკეთონ. როდესაც მიდიხარ პარტიიდან, მერე უნდა გეყოს იმის თავმოყვარეობა, რომ მსგავსი განცხადებები არ გააკეთო, თუ არა, უნდა გახსოვდეს, რომ არიან ადამიანები, რომლებიც პირადად შემსწრეები არიან, მათ შორის, ბევრი რაღაცის და დღეს თუ ხმამაღლა საკადრის პასუხს ამაზე არ სცემენ, არ ნიშნავს იმას, რომ ეს ყველაფერი არ ახსოვთ. ვისურვებდი, ყველამ გაასწოროს სამიზნე, მათ შორის, ხატიამაც, რადგან სამიზნე არის „რუსული ოცნება“. „რუსული ოცნების“ წინააღმდეგ ბრძოლა არის ის, რასაც ჩვენგან ითხოვენ საქართველოს მოქალაქეები“, – განაცხადა წითლიძემ.

ოპოზიციონერმა დეპუტატმა, ხატია დეკანოიძემ განაცხადა: „„ნაციონალურ მოძრაობაში“ ძალიან მძიმე პრობლემებია, ეს არის მოცემულობა, რაც პარტიაში გადატრიალების შემდეგ დადგა“.

აშშ-ის საპრეზიდენტო არჩევნებამდე წელიწადზე მეტია დარჩენილი, თუმცა საარჩევნო კამპანიის ინტრიგა სულ უფრო და უფრო იძაბება. ბოლოდროინდელმა გამოკითხვებმა აჩვენა, რომ დონალდ ტრამპი ჯო ბაიდენს უსწრებს, რადგან ამერიკელებს უფრო მეტად აწუხებთ შიდა პრობლემები: ეკონომიკური მდგომარეობა, არალეგალური იმიგრაციის პრობლემები, ინფლაცია და ა.შ.
ისრაელსა და „ჰამასს“ შორის ომმა, უკრაინაში მიმდინარე ომთან ერთად, გაზარდა ზეწოლა ბაიდენის ადმინისტრაციაზე. რჩება შთაბეჭდილება, რომ ჯო ბაიდენი წარუმატებელია როგორც საშინაო, ისე საგარეო პოლიტიკაში და მისი 2024 წელს ხელახლა არჩევის შანსები მცირეა.
თუმცა, ჯო ბაიდენის საარჩევნო შტაბს განსხვავებული აზრი აქვს. მაიკლ ჰირშის სტატიაში ჟურნალ Politico-ში ნათქვამია, რომ ბაიდენის გუნდი სამხედრო კრიზისებს მოქმედი პრეზიდენტის კამპანიის გადატვირთვის შესაძლებლობად ხედავს.
https://www.politico.com/news/magazine/2023/10/20/biden-age-war-politics-00122337
ჯო ბაიდენს აკრიტიკებენ როგორც რესპუბლიკელები, ასევე დემოკრატები იმის გამო, რომ ის ასაკოვანი პოლიტიკოსია. ბაიდენის გუნდმა, ფსიქოლოგ დეილ კარნეგის ცნობილი რჩევის თანახმად, გადაწყვიტა “ლიმონისგან ლიმონათის დამზადება”. სხვა სიტყვებით რომ ვთქვათ, მინუსი გადააქციონ უპირატესობად. ბაიდენის გუნდი ხაზს უსვამს, რომ მხოლოდ ასეთ გამოცდილ და ბრძენ ლიდერს შეუძლია წარმართოს ამერიკა სწორ გზაზე საერთაშორისო არენაზე ასეთი საშიში გამოწვევების პერიოდში. თელ-ავივში ვიზიტის დროს ჯო ბაიდენმა გაიხსენა მისი შეხვედრა ისრაელის ლეგენდარულ პრემიერ-მინისტრთან გოლდა მეირთან. ამრიგად, მან ხაზი გაუსვა, რომ მას აქვს უნიკალური პოლიტიკური გამოცდილება, რომელსაც გადამწყვეტი მნიშვნელობა აქვს საერთაშორისო ვითარების გამწვავების პერიოდში.
ბაიდენის კონსულტანტები ასევე შეახსენებენ, რომ ომები და საერთაშორისო კონფლიქტები წარმატებით გამოიყენეს აშშ-ს პრეზიდენტებმა არჩევნებში გასამარჯვებლად. ფრანკლინ რუზველტმა მოიგო მესამე ვადა მეორე მსოფლიო ომის დროს; ასაკოვანმა რონალდ რეიგანმა ისარგებლა სსრკ-სთან „ცივი ომის“ დაძაბულობით და დაამარცხა უფრო ახალგაზრდა მეტოქე უოლტერ მონდეილი; ჯორჯ ბუში უმცროსი მეორე ვადით აირჩიეს ერაყის ომის ფონზე.
ჯო ბაიდენი აპირებს გადამწყვეტი ცვლილება შეიტანოს თავის საარჩევნო კამპანიაში მიმდინარე ომებისა და ჩინეთსა და ტაივანს შორის ომის საფრთხის წარმოჩენით, როგორც ეროვნული უსაფრთხოებისა და ამერიკელი ხალხის კეთილდღეობის საშიშროება. სწორედ ეს იყო მესიჯი ჯო ბაიდენის ამერიკელებისადმი ბოლო მიმართვაში. პრეზიდენტი ბაიდენი იყენებს სამხედრო კონფლიქტს ისრაელსა და „ჰამასს“ შორის, ისევე როგორც ფრანკლინ რუზველტმა გამოიყენა იაპონიის თავდასხმა პერლ ჰარბორზე. შეერთებული შტატები იძულებულია იზოლაციონიზმიდან გლობალური ლიდერობისკენ შემობრუნდნენ. და აქ ბაიდენის გუნდმა სწორი ფსიქოლოგიური გათვლა გააკეთა. ამერიკელები თავის თავს პირველებად თვლიან მსოფლიოში. მათთვის ლიდერობის დაკარგვის საფრთხე ეროვნული სიამაყის დამცირებაა. ჯო ბაიდენის საარჩევნო შტაბი დებს ფსონს, რომ მოქმედ პრეზიდენტს შეუძლია გლობალური კონფლიქტის ესკალაციის შედეგად გამარჯვებული გამოვიდეს. ფსონი ძალიან სარისკოა, მაგრამ ბაიდენი ისეთ სიტუაციაში აღმოჩნდა, როცა უკან დასახევი გზა არ აქვს.
ბაიდენის გუნდის ახალი სტრატეგია რესპუბლიკელებსა და დონალდ ტრამპს ცუდი მხრიდან ასახავს. სანამ ბაიდენი მსოფლიო ომის ცეცხლს აქრობს, რესპუბლიკელები წვრილმან ინტრიგებში არიან ჩაძირულები და ვერ აირჩიეს წარმომადგენელთა პალატის სპიკერი, რაც კონგრესის მუშაობის პარალიზებას ახდენს. ბაიდენი მიდის თელ-ავივში ისრაელის მხარდასაჭერად და ასეთ დროს კონგრესი, რესპუბლიკელების დაბნეულობის გამო, ვერ ამტკიცებს ისრაელისთვის დახმარებას.
ამრიგად, ამერიკის არჩევნების სცენარში გარდამტეხი მომენტი დადგა. მაგრამ არჩევნებამდე ჯერ კიდევ ბევრი დროა, უკრაინასა და ღაზას სექტორში ომების შედეგის პროგნოზირება ნაადრევია. მაგრამ ფსონები იდება და ბრძოლა გრძელდება.

ნიკა მელიას განცხადებები ერთი-ერთში ასახავს რუსული პროპაგანდისტული არხების მიერ გაწეულ კამპანიას, – ამის შესახებ „ნაციონალური მოძრაობის” თავმჯდომარემ, ლევან ხაბეიშვილმა განაცხადა, რითაც ყოფილი თავმჯდომარის, ნიკა მელიას განცხადებებს გამოეხმაურა პარტიაში არაფორმალური მმართველობის შესახებ.

ლევან ხაბეიშვილის განცხადებით, ნიკა მელია და კიდევ გარკვეული ადამიანები „ცუდ გზას არიან შემდგარი“.

„ვწუხვარ ამ კონკრეტული ადამიანისა და მისი განცხადებების გამო. ჩვენდა სამწუხაროდ საზოგადოება ამას უყურებს და ეს განცხადებები ერთი-ერთში ასახავს რუსული პროპაგანდისტული არხების მიერ გაწეულ კამპანიას. ერთი-ერთში ემთხვევა კობახიძის, ღარიბაშვილის, მდინარაძის, „პოსტვ”-ის, „იმედის“, „რუსთავი 2“-ის ნარატივს. ვწუხვარ ამის გამო და ვფიქრობ, რომ საზოგადოება თავად შეაფასებს ამ განცხადებებს. მე მაგალითად, ძალიან ბევრს ვიდარდებდი, თუ ნებისმიერ შემთხვევაში და ნებისმიერ თემაზე კობახიძის მსგავსად ვმეტყველებ და „პოსტვ“-ის მსგავსად ვლაპარაკობ. რაც არ უნდა დარწმუნებული ვიყო ობიექტურ ჭეშმარიტებაში. თუ ვხედავ, რომ რუსული პარტიის ენით ვსაუბრობ, აუცილებლად დავფიქრდებოდი, რომ კარგ გზაზე არ ვდგავარ. მე მგონია, რომ ძალიან ცუდ გზას არის ეს კონკრეტული ადამიანი და ადამიანთა წრე შემდგარი“, – განაცხადა ლევან ხაბეიშვილმა.

კითხვაზე, აპირებს თუ არა ნიკა მელიას პარტიიდან გარიცხვას, ლევან ხაბეიშვილი პასუხობს, რომ მას ამ გადაწყვეტილების მიღება არ მოუწევს, რადგან ნიკა მელია თავისი მოქმედებებით დიდი ხანია დაშორდა პარტიას.

„არაერთხელ საჯაროდ მითქვამს, რომ ეს თემა, რომელიც ეხება ვიღაცის გარიცხვას, კომუნისტური მეთოდით რომ რაღაც დოკუმენტაცია გავატანოთ, არ ვაპირებთ. „ნაციონალური მოძრაობის წევრობა არ განისაზღვრება მანდატით, ეს განისაზღვრება მოქმედებებით, ჩემდა სამწუხაროდ კონკრეტული ადამიანი და ადამიანები თავად, თავისივე მოქმედებით დაშორდნენ პარტიას. თუ მომმართავენ, რომ მათ სურთ პარტიის დატოვება, მე მზად ვარ, რომ ეს დოკუმენტი გავატანო, თუმცა მე ამ გადაწყვეტილების მღება არ მიწევს, იმიტომ, რომ ჩემთვის ეს კონკრეტული ადამიანები მოქმედებებით დიდი ხანია დაშორდნენ „ნაციონალურ მოძრაობას“„ – განაცხადა ლევან ხაბეიშვილმა.

ბიძინა ივანიშვილმა საქმე თანაინვესტირების ფონდის ხელმძღვანელ ბაჩიაშვილზე, მის ნდობით აღჭურვილ პირზე აღძრა და მას ქვეყნიდან არ უშვებს. ჩვენი ინფორმაციით, ეს ერთადერთი მიზეზით მოხდა, ივანიშვილის მარჯვენა ხელმა, რომელიც მის ბიზნესებს განკარგავდა, ჩვენს პარტნიორებს სრული ინფორმაცია მიაწოდა ივანიშვილის გადამალული რუსული ქონებების შესახებ და სწორედ ამიტომ დასაჯა ის ივანიშვილმა , – ამის შესახებ „ერთიანი ნაციონალური მოძრაობის“ თავმჯდომარემ ლევან ხაბეიშვილმა ბრიფინგზე განაცხადა.

როგორც ხაბეიშვილი განმარტავს, 2023 წლის 12 აპრილს, ბიძინა ივანიშვილი და მისი კომპანია ამერიკის შეერთებულმა შტატებმა დაასანქცირა.

„ევტუშენკოვის და ბიძინა ივანიშვილის „ლავსთორის“ შესახებ საქართველოს მოსახლეობამ კარგად იცის, ასევე, ისიც კარგად იცის საქართველოს მოქალაქემ, თუ როგორ ეხმარება ბიძინა ივანიშვილი ტერორისტ რუსეთს უკრაინაში ომში და პლუს, როგორ ახალისებს საქართველოს ოკუპაციას. საქართველოს მოქალაქემ ძალიან კარგად იცის, „ეფესბეს“ აგენტის, ფარცხალაძის შესახებ, რომელიც ამერიკის სახელმწიფო დეპარტამენტმა დაასანქცირა და მოჰყვა, რომ ფარცხალაძე რუსეთის აგენტია და ის ტერორისტული რუსეთის პუტინის სასარგებლოდ საქმიანობს. ცხადია, „ეფესბეს“ აგენტი საქართველოში მარტო ვერ და არ იმოქმედებდა, ანუ არსებობს პირთა წრე, რომლებიც აგენტურულ საქმიანობაშია ჩართული. გომელაურის, შინაგან საქმეთა მინისტრის ბორტნიკოვთან „წანწალის“ შესახებ კარგად უწყის საქართველოს მოსახლეობამ, ეს უკანასკნელი მისმა მოადგილემ ამხილა რუს გენერლებთან ურთიერთობაში, მათ შორის, უკანონოდ რომ გადმოჰყავდა რუსი გენერლები საქართველოში და ელარჯს რომ უწელავდა, ესეც მისმა მოადგილემ მოყვა.

ლილუაშვილი, რომელიც მამაოებს, პედაგოგებს, პოლიტიკოსებს, ჟურნალისტებს, სამოქალაქო საზოგადოების წევრებს უსმენს, უთვალთვალებს, პლუს ამას, რუსული აგენტურული ქსელის მხარდაჭერაშია შემჩნეული და ეს ფარცხალაძესთან მიმართებაში გამოჩნდა, ესეც კარგად ვიცით.

ნოდარ მელაძის „შაბათის ეთერიდან“ ვნახეთ, რომ ბიძინა ივანიშვილი და მისი კომპანია ამერიკის შეერთებულმა შტატებმა 2023 წლის 12 აპრილს დაასანქცირა. საუბარია, კომპანია „ლედრა ტნას ლიმიტედზე“, რომელიც ამერიკის სახელმწიფო დეპარტამენტის მიერაა სანქცირებული და მის მფლობელობაშია კომპანია, რომელმაც ბიძინა ივანიშვილის ფონდ „ქართუს“ წლების განმავლობაში 30 მილიონ ლარამდე შესწირა. ასევე, ამ კომპანიის მფლობელობაში, საქართველოში არის კომპანია, რომლის დირექტორიც ბიძინა ივანიშვილის მეუღლე, ქალბატონი ხვედელიძე გახლდათ. ისინი ერთადერთი მიზეზით დასანქცირდნენ, რომ ისინი რუსეთს ეხმარებიან უკრაინაში, ომში და ფინანსურ დახმარებას უწევენ პუტინის რუსეთს. ამ კომპანიებთან ასევე დაკავშირებულია ბიძინა ივანიშვილის საყვარელი ძმისშვილი, კობიაშვილი, რომელიც ოფიციალურად წარმოადგენდა ამ კომპანიას. ამავე ინფორმაციაზე დაყრდნობით, მინდა საზოგადოებას შევახსენო, 12 აპრილის შემდეგ, როცა ეს კომპანია დასანქცირდა, ზუსტად, თვე ნახევარში, ბიძინა ივანიშვილმა საქმე აღძრა თანაინვესტირების ფონდის ხელმძღვანელ ბაჩიაშვილზე, მისი ნდობით აღჭურვილ პირზე და მას ქვეყნიდან არ უშვებს, ჩვენი ინფორმაციით, ეს ერთადერთი მიზეზით მოხდა, მისმა მარჯვენა ხელმა, რომელიც ივანიშვილის ბიზნესებს განკარგავდა, ჩვენს პარტნიორებს სრული ინფორმაცია მიაწოდა ივანიშვილის გადამალული რუსული ქონებების შესახებ და სწორედ ამიტომ დასაჯა ბაჩიაშვილი ივანიშვილმა.

საქართველოს პროკურატურა ფარცხალაძის პატრონაჟის ქვეშ არის და „ეფესბეს“ აგენტებითაა სავსე, ისევე როგორც სუს-ი, ასე რომ არ იყოს, ეკატერინე ხვედელიძეზე, კობიაშვილზე ბატონ ივანიშვილზე, ამ ფაქტებზე დაყრდნობით, სადაც საუბარია, რომ ისინი რუსეთს აფინანსებენ უკრაინასთან ომში, გამოძიებები დაიწყებოდა, რისი იმედიც, ცხადია, არ გვაქვს“, – განაცხადა ხაბეიშვილმა.

ბატონ ბიძინასთან დაკავშირებით ყველაფერი იქნება კარგად, ნორმალურად, იმიტომ, რომ ეს ადამიანი აკეთებს მხოლოდ კარგ საქმეს. შესაბამისად, მინდა მოგიწოდოთ, რომ ნუ ღელავთ, – ამის შესახებ საქართველოს ვიცე-პრემიერმა, ეკონომიკისა და მდგრადი განვითარების მინისტრმა, ლევან დავითაშვილმა განაცხადა, რითაც უპასუხა ჟურნალისტის კითხვას “ხომ არ წარმოადგენს საფრთხეს ბიძინა ივანიშვილისთვის “ქართუ ბანკის” ყოფილი პარტნიორის დასანქცირება”.

“პირველ რიგში, არ ვიცი რაზე საუბრობთ, იმიტომ, რომ არ მაქვს ეს ინფორმაცია, მაგრამ მეორეს მხრივ, ბატონ ბიძინასთან დაკავშირებით ყველაფერი იქნება კარგად, ნორმალურად, იმიტომ, რომ ეს ადამიანი აკეთებს მხოლოდ კარგ საქმეს და შესაბამისად, მინდა მოგიწოდოთ, რომ ნუ ღელავთ”, – განაცხადა დავითაშვილმა.