„ფრანკლინის კლუბი საკუთარი მავნებლური ორგანიზაციის დაბადების დღის აღნიშვნას გეგმავს კოკა-კოლას ყოფილი საწარმოს ტერიტორიაზე“, – ამის შესახებ საზოგადოებრივი მოძრაობის“საქართველო უპირველეს ყოვლისა” დამფუძნებელი, ვატო შაქარიშვილი სოციალურ ქსელში წერს.

მისი განცხადებით, კოკა-კოლას ტერიტორიაზე „ფრანკლინის კლუბის” ღონისძიების ჩატარება პოლიტიკური გზავნილია და იმის მანიშნებელია, რომ ისინი ერთად ეწევიან ანტისახელმწიფოებრივ საქმიანობას. შაქარიშვილი აცხადებს, რომ აღნიშნულ ტერიტორიაზე მისვლას და საკუთარი პოზიციის დაფიქსირებას ისიც გეგმავს თანამოაზრეებთან ერთად.

„ფრანკლინის კლუბი საკუთარი მავნებლური ორგანიზაციის დაბადების დღის აღნიშვნას გეგმავს კოკა-კოლას ყოფილი საწარმოს ტერიტორიაზე. უკანასკნელ პერიოდში განვითარებული მოვლენების შემდეგ, რაც მაკდონალდსმა სცადა LGBT პროპაგანდის შემოპარება და საბავშო პროდუქტში განათავსა იდეოლოგიური საწამლავი, ფრანკლინის კლუბის დაბადების დღის აღნიშვნა სწორედ კოკა-კოლას წიაღში ერთგვარი პოლიტიკური გზავნილია, – დიახ, ისინი ერთად ეწევიან ანტიქართულ, ანტისახელმწიფოებრივ საქმიანობას და ამას არც მალავენ!!! ჭყონია წლებია დესტრუქციის და რევოლუციური პროცესების დამფინანსებელია, ახლა უკვე ბავშვების იდეოლოგიურ მოწამვლაზეც აიღო პასუხისმგებლობა! 12 საათზე იწყება “ზეიმი” წერეთლის გამზირზე მდებარე “კოკა-კოლას”ეზოში. გიორგი ვაშაძე, ზურაბ ჯაფარიძე, გიგა ბოკერია, ნინო ლომჯარია და თუ კი ვინმე ამ ქვეყნის მტერი და აგენტია, ყველა იქ აპირებს თავშეყრას… ჩვენც მივალთ და კიდევ ერთხელ ვეტყვით არას – LGBT პროპაგანდას, ქართული იდენტობის წინააღმდეგ ბრძოლას; ქვეყნის არევას; ახალგაზრდების გამოყენებას რევოლუციური სცენარებისთვის იმ ყველაფერს, რასაც ერთად ახორციელებენ იუბილარი ფრანკლინის კლუბი და მასპინძელი ჭყონია!”- წერს შაქარიშვილი Facebook-ზე.

ბრიტანეთიდან, ამ ცივილური გარემოდან, კიდევ უფრო კოშმარულად და კატასტროფულად ჩანს ის ძალადობა, რომელსაც “ქართული ოცნება” და მისი მარბიელი დანაყოფები ახორციელებენ ახალგაზრდებზე, ჩვენს შვილებზე, პოლიტიკოსებზე… მიუღებელია!

სრულ მხარდაჭერას ვუცხადებ სტუდენტებს, ბანაკში მყოფ ბავშვებსა და ზურა ჯაფარიძეს.”– წერს სოციალურ ქსელში მამუკა ხაზარაძე, რომელიც ეხმიანება 17 ივნისს, ბორჯომში მომხდარ ინციდენტს, თსუ-ში მომხდარ ფიზიკურ დაპირისპირებას და გორში, ზურაბ ჯაფარიძისთვის ფიზიკური შეურაცხყოფის მიყენებას.

მათ წინააღმდეგ განხორციელებული თავდასხმები დანაშაულია და ყველა დამნაშავე სასწრაფოდ და უმკაცრესად, კანონის მთელი სიმკაცრით უნდა დაისაჯოს.
ეს ყველაფერი იმ დაუსჯელობის შედეგია, რომელსაც “ქართული ოცნება” ახალისებს. ეს სცენარი უკვე ნანახი გვაქვს, ეს ყველაფერი – ქვის სროლა, ფიზიკური ანგარიშსწორება, თავდასხმები, წარსულში უკვე ვნახეთ და როგორც დასრულდა, ყველას კარგად გვახსოვს. ეს მოძალადე რეჟიმიც დასრულდება! მაგრამ მანამდე კიდევ ერთხელ და კატეგორიულად მოვუწოდებ სამართალდამცავ სტრუქტურებს, სასწრაფოდ მიიღონ ზომები და აღასრულონ კანონი, ყველა მოძალადე და დამნაშავე უნდა დაისაჯოს”- წერს მამუკა ხაზარაძე.

ოპოზიციისთვის სტუდენტობა მხოლოდ მათთვის საოცნებო რევოლუციის დროშაა და არა ჩვენი ქვეყნის მომავალი, – ამის შესახებ, სოციალურ ქსელში „ხალხის ძალის“ წევრი თამარ ჩიბურდანიძე წერს, რომელიც თსუ-ში მომხდარ ინციდენტს ეხმაურება.

ჩიბურდანიძეს თქმით, ოპოზიცია ცდილობს სტუდენტები ერთმანეთთან დააპირისპიროს და შემდეგ ქვეყანაში არეულობა გამოიწვიონ.

„დღეს თბილისის სახელმწიფო უნივერსიტეტში ოპოზიციის ზონდერ ჯგუფებისგან განხორციელებული პოლიტიკური აქტი მხოლოდ დასაწყისია, სექტემბრიდან მათი ქმედება უფრო აგრესიული და ძალადობრივი გახდება. ამიტომ, საჭიროა უმაღლეს სასწავლებლებში ახალგაზრდები დაცულნი იყვნენ ამ ზონდერებისგან და მათი უფლებები ფეხქვეშ არავინ გათელოს. მართალია, ხაბეიშვილისთვის არათუ უმაღლეს განათლებას, არამედ, საშუალო განათლებასაც კი ფასი არა აქვს, მაგრამ ეს ფასეულია ღირსეული და მოაზროვნე სტუდენტებისთვის. ოპოზიციისთვის სტუდენტობა მხოლოდ მათთვის საოცნებო რევოლუციის დროშაა და არა ჩვენი ქვეყნის მომავალი. სწორედ ამიტომ შექმნეს ზონდერ ჯგუფები, რომლებიც მიზანმიმართულად აბულინგებენ და ძალადობენ თითქმის ყველა უნივერსიტეტის სტუდენტებზე.

ამის შესახებ თავად სხვადასხვა უნივერსიტეტის სტუდენტები მიყვებიან, პირადში მიგდებენ შიდა საუნივერსიტეტო „ჩათებს“ და დახმარებას მთხოვენ. ამ ზონდერ ჯგუფებში აქტიურობენ არა მხოლოდ „ნაცები“ და “გირჩი”, არამედ, გახარიას პარტიის წარმომადგენლებიც. თუკი ვინმეს კიდევ სჯეროდა გახარიას ნაცებისგან განდგომილობის, დღევანდელი დღის შემდეგ ალბათ დარწმუნდებიან, რომ ისიც იმ საერთო პოლიტიკურ ყულაბაში ზის, რომელსაც ნაცმოძრაობა მართავს. ფაქტია, ოპოზიცია ცდილობს ახალგაზრდობა ერთმანეთს დააპირისპიროს და ამით საწადელს მიაღწიონ. თუმცა, მათ ავიწყდებათ, რომ ამ ახალგაზრდებს საკუთარი მშობლების გარდა ჩვენც ვყავართ, მათი ლექტორები. არ დავუშვებთ ჩვენს ღირსეულ სტუდენტებზე მათ ძალადობას. არ დავუშვებთ სტუდენტებს შეეზღუდოთ სრულყოფილი განათლების მიღება. ვიმედოვნებ, შესაბამისი ორგანოები ყველაფერს იღონებენ, რათა ახალგაზრდობა არ იქნეს გამოყენებული ოპოზიციისთვის რევოლუციის დროშად, რომელსაც წინა ხაზზე, სისხლისთვის იმეტებენ. ამის პრეცედენტი უკვე მოხდა მარტის დღეებში. რუსული რუბლებით დაფინანსებული ზონდერ ჯგუფები ვერ შეძლებენ საქართველოში არეულობის შემოტანას, განსაკუთრებით სტუდენტების დაპირისპირებას. სახელმწიფო თავის სიმაღლეზეა და ამის მაგალითი ბევრჯერ აჩვენა მსოფლიოს”, – წერს ჩიბურდანიძე.

„დაუანონსებიათ იმ ჩავარდნილ ლექციას პარლამენტის წინ საჯაროდ ჩავატარებთო… გარწმუნებთ, რაც ბორჯომში უნდა ეთქვათ ბავშვებისთვის, იმის მეასედს ვერ ილაპარაკებენ დღეს საჯაროდ, უბრალოდ იყვირებენ ძველ-ახალ უნიჭო შეძახილებს“, – ამის შესახებ საზოგადოებრივი მოძრაობის „საქართველო უპირველს ყოვლისა“ დამფუძნებელი ვატო შაქარიშვილი სოციალურ ქსელში წერს.

შაქარიშვილის განცხადებით, რაც „გირჩი – მეტი თავისუფლების“ წარმომადგენლებს და მათ ლიდერს ბორჯომში დაგეგმილ სემინარზე ახალგაზრდებისთვის უნდა ეთქვათ, იმ გზავნილების საჯაროდ გაჟღერების შემთხვევაში, ზურაბ ჯაფარიძის პარტიას არა მხოლოდ მათი მოძრაობა, არამედ მთელი საქართველო დაუპირისპირდება.

„დაუანონსებიათ იმ ჩავარდნილ ლექციას პარლამენტის წინ საჯაროდ ჩავატარებთო… გარწმუნებთ, რაც ბორჯომში უნდა ეთქვათ ბავშვებისთვის, იმის მეასედს ვერ ილაპარაკებენ დღეს საჯაროდ, უბრალოდ იყვირებენ ძველ-ახალ უნიჭო შეძახილებს – რუსულად მოვიდნენ, რუსულად გვითხრეს, რუსულად… რუსულად…რუსულად… საელჩოებიც აღშფოთდებიან, ენჯეობიც გაგიჟდებიან, ალბათ „ხელოვნების“ წარმომადგენლები მორიგ კოლექტიურ წერილსაც მოაწერენ ხელს კლასიკურ ბოლშევიკურ სტილში… ბორჯომში რაც უნდა ელაპარაკათ, ის რომ საჯაროდ თქვან, მარტო ჩვენი მოძრაობა კი არა, მთელი საქართველო გარეთ გამოვა და გადათელავს ამ ანტიქართველებს! რა ქნან, ეტკინათ სიმართლე და მართალი ხალხის პოზიცია – სხვათა შორის გამოხატვის თავისუფლების ფარგლების სრული დაცვით! საქართველო უპირველეს ყოვლისა!“ – წერს ვატო შაქარიშვილი ფეისბუკზე.