უკრაინის აღსადგენად გაერო ერთ მილიარდ დოლარს გამოყოფს

77
spot_img

უკრაინის აღსადგენად გაეროს განვითარების პროგრამა ერთ მილიარდ დოლარს გამოყოფს. ამის შესახებ ინფორმაციას უკრაინის პრემიერმინისტრი დენის შმიგალი ავრცელებს. მან პროგრამის დირექტორს, ახიმ შტაინერს, 17 ივნისს კიევში უმასპინძლა.

როგორც შმიგალი ამბობს, შეხვედრაზე საუბარი უკრაინის სწრაფ აღდგენასა და ჰუმანიტარულ დახმარებას ეხებოდა. მხარეებმა იმ მცირე და საშუალო ბიზნესის მხარდაჭერაზეც ისაუბრეს, რომლებიც ომის გამო იძულებულნი გახდნენ საქმიანობა შეეწყვიტათ, ახლა კი მისი ნულიდან დაწყება სურთ.

უკრაინის პრემიერის ცნობით, გაერო მხარს უკრაინაში ენერგეტიკული ინფრასტრუქტურის აღდგენასაც დაუჭერს.

“გმადლობთ ამ დროული ნაბიჯისთვის…მადლობელი ვარ გაეროს განვითარების პროგრამის დახმარებისთვის სრულმასშტაბიანი ომის დროს,” – აცხადებს შმიგალი.