20 ივნისს ქუთაისში +23 გრადუსი და წვიმიანი დღეა მოსალოდნელი, ღამით კი +18 გრადუსი იქნება. ოზურგეთში დღისით +22 გრადუსი დაფიქსირდება, ღამით კი +17 გრადუსია ნავარაუდევი. იწვიმებს. ბათუმში დღისით ჰაერი +24 გრადუსამდე გათბება, ღამით კი +19 გრადუსი დაფიქსირდება. მოსალოდნელია წვიმა.

ფოთში დღისით წვიმა და +24 გრადუსი დაფიქსირდება, ღამით კი +19 გრადუსია მოსალოდნელი. ზუგდიდში დღისით ტემპერატურა +23 გრადუსს მიაღწევს, ღამით კი +17 გრადუსია ნავარაუდევი. იწვიმებს. +23 გრადუსია მოსალოდნელი სოხუმში დღისით, ღამით +17 გრადუსი დაფიქსირდება.

მესტიაში დღისით +18 გრადუსი, ღამით კი +8 გრადუსი დაფიქსირდება. იწვიმებს. ამბროლაურში ჰაერი დღისით +21 გრადუსამდე გათბება, ღამით კი +16 გრადუსი დაფიქსირდება. მოსალოდნელია ნალექი.

ჭიათურაშიც დღისით წვიმა და +23 გრადუსია მოსალოდნელი, ღამით კი +17 გრადუსი. ახალციხეში დღისით ჰაერი +21 გრადუსამდე გათბება, ღამით კი ტემპერატურა +14 გრადუსამდე დაიწევს. მოსალოდნელია წვიმა.

ბორჯომშიც იწვიმებს. დღისით +22, ღამით კი +15 გრადუსი დაფიქსირდება. ბაკურიანში დღისით +16 გრადუსია მოსალოდნელი, ღამით +8 გრადუსი დაფიქსირდება. მოსალოდნელია ნალექი.

გორში დღისით +23 გრადუსია მოსალოდნელი, ღამის განმავლობაში კი +15 გრადუსი დაფიქსირდება. იწვიმებს. ცხინვალში დღისით ჰაერს ტემპერატურა +22 გრადუსი იქნება, ღამით კი +14 გრადუსი დაფიქსირდება. მოსალოდნელია ნალექი.

გუდაურშიც წვიმას ვარაუდობენ. დღისით +15 გრადუსია ნავარაუდევი, ღამით კი ჰაერის ტემპერატურა +8 გრადუსი იქნება. ანალოგიური ამინდია მოსალოდნელი ომალოშიც, სადაც დღისით +14, ღამით კი +9 გრადუსი დაფიქსირდება.

ლაგოდეხში ჰაერის ტემპერატურა დღის განმავლობაში +25 გრადუსი იქნება, ღამით კი +18 გრადუსი დაფიქსირდება. იწვიმებს. თელავში დღისით +23 გრადუსი დაფიქსირდება, ღამით კი +16 გრადუსია ნავარაუდევი. მოსალოდნელია წვიმა.

გურჯაანში დღისით +24 გრადუსი, ღამით კი +17 გრადუსი დაფიქსირდება. მოსალოდნელია ნალექი. სიღნაღში დღისით +23 გრადუსი მოსალოდნელი, ღამით +17 გრადუსი დაფიქსირდება. იწვიმებს.

რუსთავში დღისით +24 გრადუსი და წვიმაა მოსალოდნელი, ღამით კი +17 გრადუსი დაფიქსირდება.

თბილისში ჰაერის ტემპერატურა დღისით +25 გრადუსს მიაღწევს, ღამით კი +17 გრადუსი იქნება. მოსალოდნელია წვიმა.

ვერძი

ამ დღეს ყველაზე კარგად უსიამოვნო ან მოსაწყენი საქმეების კეთება გამოგდით, რომლებსაც ადრე თავს არიდებდით. გარშემო მყოფებთან ურთიერთობა თანდათან იძაბება – თანამოსაუბრე შეიძლება უხეშობით ან უსამართლო კრიტიკით გაანაწყენოთ. ამ დღეს გუნდურ მუშაობას ინდივიდუალური ჯობს.

კურო

გირჩევთ რთული დ მნიშვნელოვანი საქმეების კეთება ხვალისთვის გადადოთ და ეს დღე ძველი საქმეების დასრულებას დაუთმოთ, რაც ყოველთვის კარგად გამოგდით. ეცადეთ ადამიანთან, ვისაც დიდი ხნის წინ ეჩხუბეთ და არ ელაპარაკებით, ურთიერთობა აღადგინოთ. დღის მეორე ნახევარი ბუნებაში, სუფთა ჰაერზე უნდა გაატაროთ, რაც ენერგიის აღდგენაში დაგეხმარებათ.

ტყუპები

დროა საკუთარი ვალდებულებების შესრულებაზე და ვალების დაბრუნებაზე იზრუნოთ – ეს თქვენს სულიერ მდგომარეობაზე დადებითად აისახება. პირად ურთიერთობებში შეიძლება ნდობასთან დაკავშირებული პრობლემები გაჩნდეს – იმის ნაცვლად, რომ გამუდმებით პარტნიორის ტყუილში გამოჭერას ცდილობდეთ, მასთან გულწრფელად საუბარი და გაუგებრობის აღმოფხვრა უნდა სცადოთ.

კირჩხიბი

ახალი, იმედის მომცემი პროექტის დაწყებამდე გირჩევთ ძველი ვალდებულებები შეასრულოთ. ინფორმაციის უზარმაზარ ნაკადში გირჩევთ მხოლოდ ის საკითხები აირჩიოთ, რომლებიც უშუალოდ თქვენ ან თქვენს საქმიანობას ეხება. თუ საკუთარ დროს უფრთხილდებით გარშემო მყოფებთან ურთიერთობა უნდა შეზღუდოთ.

ლომი

რადიკალური ცვლილების დრო დადგა. უარი თქვით საქმეებზე, რომლებსაც განვითარების პერსპექტივა არ აქვთ და უკან გექაჩებიან. ეცადეთ დღე იმ ადამიანების გარემოცვაში გაატაროთ, რომლებიც შთაგაგონებენ და საინტერესო იდეებს გაწვდიან. ვარსკვლავები გირჩევენ, რომ საკუთარი გეგმები საიდუმლოდ შეინახოთ და უახლოეს ადამიანებსაც კი არ გაუმხილოთ – ამ დღეს მათგან მხარდაჭერის იმედი არ უნდა გქონდეთ.

ქალწული

თქვენს ცხოვრებაში პოზიტიური ცვლილებების დრო დგება. შეგიძლიათ, საკუთარი აზრები თამამად გამოხატოთ და არ შეგეშინდეთ, რომ ვიღაც ამის გამო გაგაკრიტიკებთ. შეზღუდეთ ურთიერთობა მარადიულად უკმაყოფილო და გაღიზიანებულ ადამიანებთან და ეცადეთ კონფლიქტური სიტუაციები თავიდან აიცილოთ.

სასწორი

ამ დღეს ინტუიცია სწორ მინიშნებებს გაძლევთ, ამიტომ გარშემო მყოფებზე მეტად, საკუთარ თავს მოუსმინეთ. თავი შეიკავეთ ახალი საქმის დაწყებისგან, რადგან მისი დასრულებისთვის ენთუზიაზმი არ გეყოფათ. ვარსკვლავები გირჩევენ, რომ დამატებითი ვალდებულებების აღებისგან თავი შეიკავოთ და ზედმეტ აქტიურობას მოერიდოთ.

მორიელი

საყვარელ ადამიანებთან გულწრფელი საუბარი საშუალებას მოგცემთ შეთანხმებას მიაღწიოთ და ურთიერთობა გააძლიეროთ. მოერიდეთ მძიმე ფიზიკურ ან გონებრივ დატვირთვას, წინააღმდეგ შემთხვევაში მოსალოდნელია ჯანმრთელობასთან დაკავშირებული პრობლემები. დღის მეორე ნახევარში დრო გამონახეთ უფროსი ნათესავის მონახულებისთვის, რომელიც დიდი ხანია, არ გინახავთ.

მშვილდოსანი

ყურადღება მიაქციეთ ბედისწერის მინიშნებებს – ამ დღეს შეიძლება ძალიან გაგიმართლოთ. საყვარელ ადამიანებთან მტკივნეულ თემებზე საუბარი დიდი კონფლიქტით დასრულდება, ამიტომ ეცადეთ, სხვების მიმართ მეტი ტაქტი და პატივისცემა გამოიჩინოთ. ფიზიკური აქტივობა და სპორტი დაგროვილი დაძაბულობისგან გაგათავისუფლებთ.

თხის რქა

დროა შეისვენოთ – მიეცით სხვა ადამიანებს საშუალება, რომ გადაწყვეტილება მიიღონ და პასუხისმგებლობა აიღონ. უცნობ ადამიანებთან ურთიერთობამ შეიძლება თქვენი ცხოვრება სასიამოვნო ცვლილებებით აავსოს, ამიტომ სახლიდან გამოდით და ახალი ადამიანების გაცნობის ნუ შეგეშინდებათ. იზრუნეთ საკუთარი და ახლობელი ადამიანების ჯანმრთელობაზე – ეცადეთ, მზეზე დიდხანს არ გაჩერდეთ და მეტი სუფთა წყალი დალიოთ.

მერწყული

ამ დღეს გარშემომყოფების დახმარება ჰაერივით გჭირდებათ, ამიტომ გირჩევთ დაუკავშირდეთ და საკუთარ პრობლემებზე უამბოთ. ახლობელი ადამიანი შექმნილი ვითარებიდან საუკეთესო გამოსავალს გიკარნახებთ. გადაწყვეტილების მიღებისას გირჩევთ ყველა რისკი და მოსალოდნელი შედეგი გამოთვალოთ.

თევზები

ხელსაყრელი დღეა ახალი ადამიანების გაცნობისა და ახალი ინფორმაციის მიღებისთვის. სიახლემ, რომელსაც ამ დღეს გაიგებთ, შეიძლება თქვენი ცხოვრება მთლიანად შეცვალოს. თუ დაწყებული საქმე შეფერხდა, მისი დასრულებისთვის მეტი მოთმინება და მონდომება უნდა გამოიჩინოთ.

შპს „თამ მენეჯმენტი“ საგანგებო განცხადებას ავრცელებს, რომელსაც “ჯორჯიან თაიმსი”  უცვლელად გთავაზობთ:

„ტელეკომპანია „მთავარი არხზე“ ა.წ 11 და 14 ივნისს გავიდა რეპორტაჟები, სადაც დამახინჯებულია ფაქტები, რის გამოც რეპუტაციული ზიანი მიადგა შპს „თამ მენეჯმენტს“.

შპს „თამ მენეჯმენტი“ მკაფიოდ და გადაჭრით ვაცხადებთ, რომ ჩვენს კომპანიას არც წარსულში და არც დღეს არა აქვს არანაირი თანამშრომლობა იმ მტრული ქვეყნის უწყებებთან, რომელსაც ოკუპირებული აქვს საქართველოს ტერიტორიის მნიშვნელოვანი ნაწილი და დღეს საშინელ ომს აწარმოებს უკრაინის წინააღმდეგ. მკაფიოდ და გადაჭრით ვაცხადებთ, რომ ოკუპანტ ქვეყანასთან გამორიცხულია ყოველგარი თანამშრომლობა მესამე პირების (ქვეყნების) მეშვეობით, მათ შორის თვითმფრინავების მარაგ ნაწილების მიწოდება. ვგმობთ რუსეთის დამპყრობლურ ომს უკრაინის წინააღმდეგ და სრულ მხარდაჭერას და სოლიდარობას ვუცხადეთ უკრაინელ ხალხს.

შპს „თამ მენეჯმენტი“ შეიქმნა 2015 წელს, მას შემდეგ რაც 2010 წელს სააკაშვილის რეჟიმის მმართველობის პერიოდში თბილისის საავიაციო ქარხანა ერთ ღამეში, იძულებისა და შანტაჟის გზით წაართვეს კანონიერ მესაკუთრეებს (25 აქციონერს). სწორედ საავიაციო ქარხნის დაზარალებულმა აქციონრებმა (მენეჯმენტის ჯგუფმა) დააფუძნა ახალი კომანია შპს „თამ მენეჯმენტი“, რომელმაც დროებით სარგებლობაში აიღო თბილისის საავიაციო ქარხნის (სს „თბილავიამშენის“) მხოლოდ ერთი ანგარი, სადაც ამჟამად ვეწევით საქმიანობას, ხოლო თავად სს „თბილავიამშენი“ 2010 წლიდან დღემდე არის სახელმწიფოს უკანონო საკუთრებაში.

ტელეკომპანია „მთავარი არხის“ 11 ივნისის სიუჟეტში მტკიცებით ფორმაში საუბარი იყო შპს „თამ მენეჯმენტის“ აფილაციის შესახებ სახელმწიფო სტრუქტურებთან, ქვეყნის მართვასთან დაკავშირებულ პირებთან და ბიძინა ივანიშვილთან. სიუჟეტში განგებ დამალული იყო ის გარემოება, რომ კომპანიის დაზარალებულ აქციონრებს, (რომლებიც 2010 წლამდე იყვნენ სს „თბილავიამშენის“ აქციონრები) 2013 წლიდან სასამართლო დავა გვაქვს სახელმწიფოსთან სწორედ სს „თბილავიამშენის“ უკანონოდ ჩამორთმეული ქონების/აქციების უკან დაბრუნების მოთხოვნით. 11 წელია უშედეგოდ გრძელდება ეს სასამართლო დავა. როგორც მოსალოდნელი იყო წაგვაგებინეს პროცესები პირველ და მეორე ინსტანციებში, ხოლო უზენაეს სასამართლოში ჩვენი საკასაციო საჩივარი ყოველგვარი კანონის დარღვევით სამი წელიწადია განუხილველად დევს.

განსაკუთრებით აღმაშფოთებელია ჩვენი კომპანიის დადანაშაულება რუსეთთან ირიბ თანამშრომლობაში. ეს არა თუ დიდი ტყუილია, დიდი ღალატიც არის, რომლის მიზანია საკუთარი ქვეყნის ძალზე მნიშვნელოვანი ინდუსტრიის განადგურება. რუსეთი ყოველთვის განიხილავდა ქართულ საავიაციო წარმოებას (საავიაციო ქარხნის სახით) მის კონკურენტად და ყოველმხრივ ცდილობდა ხელი შეეშალა და გაეჩერებინა ქართული საავიაციო ქარხანა. ოკუპანტ ქვეყანას თავად გააჩნია სუ-25 ტიპის თვითმფრინავების რამოდენიმე სარემონტო ქარხანა, ამას ემატება ასეთივე ქარხანა ბელორუსიაში. ქართული წარმოების მიმართ რუსეთის ისტორიული მტრობის უტყუარი მტკიცებულებაა 2008 წლის აგვისტოს ომში რუსეთის მიერ ჩვენი საავიაციო ქარხნის დაბომბვა. რუსეთის მიზანი იყო და არის ქართული საავიაციო წარმოების სრული განადგურება. რესეთმა ეს ვერ მოახერხა 2008 წელს, სამწუხაროდ, ამას აკეთებენ მავანნი ამგვარი შეკვეთილი სიუჟეტებით.

შპს „თამ მენეჯმენტის“ პარტნიორთა სტრუქტურა შედგება დარგის კვალიფიციური და უნიკალური სპეციალისტებისა და მენეჯმენტისაგან (ჩამორთმეული „სავიაციო ქარხნის“ ყოფილი აქციონრებისაგან). სატელევიზიო სიუჟეტში არაერთხელ გაიჟღერა ბ-ნი თ. სომხიშვილის გვარმა, რომელიც ნამდვილად წარმოადგენს კომპანიის ერთ-ერთ, არაპირდაპირ პარტნიორს და შესაბამისად, მისი მონაწილეობა ჩვენს კომპანიაში შემოიფარგლება მხოლოდ პარტნიორი კომპანიის მფლობელის სტატუსით და იგი არ მონაწილეობს “თამ მენეჯმენტის“ მართვასა და ბიზნესის ოპერირებაში. ყოველგვარი ბრადლება მისი ან „თამ მენეჯმენთის“ რაიმე სამართლებრივი ან სხვაგვარი კავშირის შესახებ რუსულ კონცერ „სუხოისთან“, სრული აბსურდი და ასევე დიდი ტყუილია. კონცერნი „სუხოი“ შეიქმნა გასული საუკუნის 90-იან წლებში, ხოლო შპს „თამ მენეჯმენტი“ 2015 წელს. ამდენად, შპს „თამ მენეჯმენტი“ ვერ მიიღებდა მონაწილეობას „სუხოის“ დაფუძნებაში და არც ოდესმე შეუძენია მისი რაიმე წილი.

„მთავარი არხის“ სიუჟეტში საუბარი იყო კონგოს და ჩადის საკუთრებაში მყოფ თვითმფრინავებზე, რომელთა ნაწილებითაც თითქოსდა მარაგდება რუსული თვითმფრინავები, რომლებიც ბომბავენ უკრაინას. ეს თეორიული დაშვებაც კი სრული აბსურდი და აღმაშფოთებელი სიცრუეა, ვინაიდან ჩვენს კომპანიის ამ ქვეყნებთან თანამშრომლობის ფარგლებში (2021-2023 წლები) ჯერ არ განუხორციელებია არცერთი თვითმფრინავის მიწოდება ან რემონტი. ამასთან, აფრიკის სახელმწიფოთა ბაზარი ქართულ საავიაციო წარმოებას დამკვიდრებული აქვს უკვე მრავალი წლის მანძილზე და ეს თანამშრომლობა არ არის ახალი ან უჩვეულო. ჩვენი კომპანია ასევე მჭიდროდ თანამშრომლობს ყაზახეთის, უკრაინის და აზერბაიჯანის შესაბამის სახელმწიფო სტრუქტურებთან და საავიაციო ინდუსტრიებთან, მიმდინარეობს მოლაპარაკებები ლათინური ამერიკის სახელმწიფოებთან და კომპანიებთან.

ჩვენს მიერ 2015 წელს დაარსებულმა კომპანიამ განახორციელა 7 მლნ. აშშ დოლარის ინვესტირება ახალ საავიაციო წარმოებაში. შპს „თამ მენეჯმენტში“ დასაქმებულია 300 ადამიანი. ჩვენ ხელახლა შევძელით შეგვექმნა თანამედროვე სტანდარტების ავია წარმოება, რომელიც ფლობს ხარისხის საერთაშორისო სერტიფიკატებს ISO და EN, ახორციელებს სამხედრო დანიშნულების თვითმფრინავების და ვერტმფრენების რემონტს და მოდერნიზებას. ჩვენი კომპანიის საკონსტრუქტორი სამსახურის მიერ შეიქმნა 9 ადგილიანი ბიზნეს ჯეტისა და უპილოტო საფრენი აპარატის წარმატებული კონსტრუქციული პროექტები, რომელთა წარმოებაც იგეგმება კომპანიის მიერ. ჩვენს მიერ დადებული საერთაშორისო კონტრაქტების შესრულება კი უმეტესწილად ხორციელდება უკრაინულ კომპანიებთან და სხვა პარტნიორებთან სტრატეგიული თანამშრომლობით და დახმარებით.

და ბოლოს, ყალბი სიუჟეტის მომზადებისას „მთავარმა არხმა“ ფორმალურადაც კი არ მოგვცა მის ბრალდებებზე „პასუხის უფლება“. ამ წერილით ვპასუხობთ საზოგადოების კანონიერ უფლებას იცოდეს სიმართლე“, – ნათქვამია შპს „თამ მენეჯმენტის მიერ გავრცელებულ განცხადებაში.

პარლამენტის შენობასთან  ჭიათურელმა მაღაროელებმა საპროტესტო აქცია გამართეს.

ადგილზე შეკრებილები იყვნენ სამოქალაქო აქტივისტებიც, რომლებიც მაღაროელებს სოლიდარობას უცხადებდნენ.

მათი მოთხოვნა ხელფასის 40%-ით გაზრდაა. დასაქმებულები ამბობენ, რომ ვიდრე მათი მოთხოვნები სრულად არ დაკმაყოფილდება, პროტესტი გაგრძელდება.

ჭიათურის მაღაროში დასაქმებულები პარლამენტის შენობასთან რჩებიან. აქციის მონაწილეებმა ცოტა ხნის წინ რუსთაველის გამზირზე კარვები გაშალეს.

აქციის მონაწილეების განცხადებით, ღამეს საკანონმდებლო ორგანოსთან გაათენებენ. მაღაროელების თქმით, პარლამენტის წინ დარჩებიან, ვიდრე მათი მოთხოვნები არ შესრულდება.

ამასთან, ადგილზე მყოფები აცხადებენ, რომ აქცია პარლამენტის შენობასთან ხვალ, 18:00 საათიდან განახლდება. მანამდე კი, 16:00 საათზე მაღაროელები პარლამენტის შენობიდან „ჯორჯიან მანგანეზის“ ოფისამდე მსვლელობას გამართავენ.

ჭიათურის მაღაროში დასაქმებულთა გაფიცვა უკვე მე-14 დღეა, გრძელდება. ისინი ხელფასის გაზრდას, სამუშაო პირობების გაუმჯობესებას, შრომითი უსაფრთხოების ნორმების დაცვას, ჰიგიენის პირობებისა და კვების საკითხების გაუმჯობესებას ითხოვენ. მაღაროელთა ნაწილმა რამდენიმე დღის წინ შიმშილობა გამოაცხადა. გაფიცულებსა და დამსაქმებელს შორის მედიატორის ჩართულობით რამდენიმე შეხვედრა გაიმართა, თუმცა შეთანხმების მიღწევა ვერ მოხერხდა.

რაც შეეხება კომპანიის პოზიციას, „ჯორჯიან მანგანეზში“ განაცხადეს, რომ კომპანიამ ძველ სამუშაო გრაფიკზე დაბრუნების, ხელფასების ხუთი პროცენტით გაზრდის, აუდიტის ჩატარებისა და ერთობლივი კომისიის შექმნის გადაწყვეტილება მიიღო. „ჯორჯიან მანგანეზის“ გენერალური დირექტორის განცხადებით, აქვთ მზაობა, კონსენსუსამდე მივიდნენ და ნდობა ამაღლდეს. მისივე თქმით, მნიშვნელოვანია გარე პირების ჩართულობა, მათ შორის აუდიტორის.

გარემოს დაცვისა და ბუნებრივი რესურსების სამმართველომ ზღვის წყლის ხარისხობრივ მაჩვენებლებზე მონიტორინგის პროგრამის ფარგლებში სარფი ჩოლოქის მონაკვეთზე 7 წერტილში (ბათუმის ცენტრალური პლაჟი, აკვაპარკის მიმდებარე ტერიტორია, კვარიათი, სარფი, ქობულეთის ცენტრალური პლაჟი, ბობოყვათის მიმდებარე ტერიტორია და მწვანე კონცხი) ზღვის წყლის ბაქტერიოლოგიური კვლევები ჩაატარა. ინფორმაციას აჭარის მთავრობის პრესსამსახური ავრცელებს.

მათი ცნობით, ჩატარებული ლაბორატორიული კვლევების მიხედვით ზღვის წყლის ხარისხი მთელ პერიმეტრზე 7-ვე წერტილში დასაშვები ნორმის ფარგლებშია და იგი გასული წლის მაჩვენებლებთან შედარებით გაუმჯობესებულია. მიმდინარე წელსაც როგორც ყოველთვის ყველაზე უკეთესი მაჩვენებლები დაფიქსირდა სარფი-კვარიათისა და მახინჯაური-მწვანე კონცხის ტერიტორიებზე, დადებითი მაჩვენებლებია სხვა დანარჩენ წერტილებშიც.

კვლევები ტარდება შემდეგ მაჩვენებლებზე: ნაწლავის ჩხირის ჯგუფის ბაქტერიები, ლაქტოზადადებითი ნაწლავის ჩხირები, ენტეროკოკი, კოლიფაგები, სალმონელას ბაქტერიები. სინჯების აღება ხდება მცურავი საშუალების გამოყენებით ნაპირიდან 50 მეტრის რადიუსში.

1 ოქტომბერს ქართველ მსმენელს დაუვიწყარი გამოცდილება ელოდება – ბრუნო მარსი „Starring Georgia-ს“ ფარგლებში თბილისში კონცერტს გამართავს. მსოფლიო ვარსკვლავი მსმენელის წინაშე „დინამო არენაზე“ წარდგება. ბრუნო მარსის კონცერტის მთავარი პარტნიორები არიან თიბისი და VISA.

კონცერტის ბილეთების გაყიდვა 20 ივნისს დაიწყება. ბილეთების შეძენისას,  tkt.ge-ზე და Super App-ში თიბისის ყველა  Visa ბარათზე იმოქმედებს 20%-იანი ფასდაკლება, ხოლო კონცეპტის Visa ბარათზე – 30% -იანი ფასდაკლება Orbit კატეგორიის ბილეთებზე. სხვა სივრცეების ბილეთებზე, კონცეპტის Visa ბარათით ყიდვისას გავრცელდება 20 %-იანი ფასდაკლება.

მოსწავლის და სტუდენტური ბარათით გადახდისას იმოქმედებს 30 %-იანი ფასდაკლება, რომელიც გავრცელდება 5000 star ring კატეგორიის ბილეთზე.

ბრუნო მარსი 15 გრემის ჯილდოს, 4 Brit Awards-ის, 4 გინესის რეკორდისა და უამრავი მუსიკალური პრიზის მფლობელი ამერიკელი მუსიკოსია, რომელიც თანამედროვე შემოქმედებითი ინდუსტრიის ერთ-ერთ მნიშვნელოვან და გავლენიან არტისტად მიიჩნევა. ამერიკელი მუსიკოსის, მომღერლისა და მულტი-ინსტრუმენტალისტის სადებიუტო ალბომი „Doo-Wops & Hooligans“ გამოსვლითანავე ნამდვილი სენსაციად, ბრუნო მარსი კი, გლობალურ სუპერვარსკვლავად იქცა.

სტუდიური მუშაობის პარალელურად, ბრუნო მარსი ახალი თაობის ფავორიტ „ლაივ“ შემსრულებლად იქცა, რომელსაც საკონცერტო და საფესტივალო სივრცეებში ახლებური ენერგიის აკუმულირება შეეძლო.

ბრუნო მარსის ვარსკვლავური სტატუსი კიდევ ერთხელ დამტკიცდა მომდევნო ალბომებში, სადაც, R&B და ჰიპ-ჰოპის პარალელურად, მუსიკოსი არც საცეკვაო მუსიკის ტენდენციებს ივიწყებდა.

სხვადასხვა მასშტაბური ფესტივალის, ტურნესა თუ ცალკეული ჰიტის დამსახურებით, ამერიკელი მუსიკოსი დღემდე რჩება სხვადასხვა თაობის საყვარელ შემოქმედად.

R