წყალქვეშა ნავი, რომელიც „ტიტანიკის“ ნამსხვრევებს იკვლევდა, გაუჩინარდა.
ინფორმაციას „როიტერი“ ავრცეებს
როგორც გამოცემა წერს, ამ დროისთვის მიმდინარეობს სამძებრო-სამაშველო ოპერაცია.
წყალქვეშა ნავი, რომელიც ტიტანიკის ნამსხვრევების შესასწავლად ტურისტები გადაჰყავდა, კანადის სამხრეთ-აღმოსავლეთ სანაპიროსთან გაუჩინარდა. მედიის ცნობით, ხომალდზე, სავარაუდოდ, ხუთი ადამიანი იმყოფებოდა.
აშშ-ის სანაპირო დაცვისა და კანადის თავდაცვის სამინისტროს განცხადებით, ამ ქვეყნების ხელისუფლებებმა დაიწყეს სამძებრო-სამაშველო ოპერაცია, გაუჩინარებულ წყალქვეშა ნავს თვითმფრინავებითა და გემებით ეძებენ.
საექსპედიციო კომპანიაში განაცხადეს, რომ ხომალდს წყალქვეშ ყოფნა დაახლოებით 96 საათის განმავლობაში შეუძლია, თუმცა უცნობია, წყალქვეშა ნავი ისევ წყლის ქვეშაა თუ ზედაპირზე ამოცურა და ხმელეთთან დაკავშირებას ვერ ახერხებს.
