სხვა სახის განცხადება უნდა გაკეთდეს: რა სახის აქტივობებში იყო მათი თანამშრომელი ჩართული, საერთოდ იყო თუ არა და რატომ არის მისი გვარი მითითებული ამ ანგარიშში – ხელისუფლებისკენ ხელის გაშვერა არ წაადგება ჩვენს ურთიერთობებს და არც აშშ- ის იმიჯს , – ასე ეხმიანება აშშ- ის საელჩოს განცხადებას პარლამენტის პირველი ვიცე-სპიკერი გია ვოლსკი.

მისი თქმით, “ხელისუფლებასთან ჩვეული ჭიდილი ნამდვილად არ არის სწორი”.

“თუ რაიმე პრეტენზია არსებობს, ეს საელჩოს განცხადებაში იქნება, მარგველაშვილის განცხადებაში, თუ ნებისმიერ სხვა განცხადებაში, ხელისუფლებას და იმ ადამიანებს კი არ უნდა მიუტრიალდნენ და საყვედური უთხრან, რომლებიც ამ თემაზე საუბრობდნენ, არამედ ანგარიშს, რომელიც გამოქვეყნდა და მადლობა ღმერთს, რომ გამოქვეყნდა. ჩამოთვლილია, გვარებია მითითებული ადამიანების, რომლებიც თანხის სანაცვლოდ სამუშაოს ასრულებენ, პირადად იღებენ, ეს სამუშაო რესურსია, რაიმე სხვა შესაძლებლობების გამოყენება – მედია სტატიების შეკვეთა თუ სხვა, ადამიანის გვარი ფიგურირებს საკმაოდ ავტორიტეტული ორგანიზაციის ანგარიშებში, ეს არის მთავარი და საქართველოს ხელისუფლებასთან ჩვეული ჭიდილი ნამდვილად არ არის სწორი.

თუკი ფარას ანგარიშში მოხსენიებულია საელჩოს თანამშრომელი და მითითებულია თანხა, რომლის რეალიზაციაში, გამოყენებასა და გახარჯვაში მითითებულია, რომ აშშ- ის საელჩოს თანამშრომელია ჩართული, კონკრეტული უარყოფაა საჭირო და არავისკენ ხელის გაშვერა, მით უმეტეს ასეთი მოკავშირე ქვეყნის ხელისუფლებისკენ, რომელიც აშშ-სთან ერთად მონაწილეობს ოპერაციებში, ითვლება სტრატეგიულ პარტნიორად, სწორი არაა, არ წაადგება ორი ქვეყნის ურთიერთობებს და აშშ- ის იმიჯსაც რასაკვირველია. აქედან გამომდინარე, სხვა სახის განცხადება უნდა გაკეთდეს, რა სახის აქტივობებში იყო ეს ადამიანი ჩართული, საერთოდ იყო თუ არა და რატომ არის მისი გვარი მითითებული ამ ანგარიშში”, – განაცხადა ვოლსკიმ.

ინფორმაციისთვის, საქართველოში აშშ-ის საელჩო განცხადებას ავრცელებს და აცხადებს, რომ ამერიკის შეერთებულმა შტატებმა, თბილისსა და ვაშინგტონში, შეშფოთება გამოთქვა საქართველოს საგარეო საქმეთა სამინისტროსთან ბოლო დღეების განმავლობაში აშშ-ის საელჩოსა და თანამშრომლების საქმიანობასთან დაკავშირებით ზოგიერთი მედიასაშუალებების მიერ გამოქვეყნებულ “დეზინფორმაციასა და პოლიტიკური მოღვაწეების მიერ ამ დეზინფორამციის გავრცელებასთან დაკავშირებით”.

განცხადების თანახმად, თბილისში აშშ-ის საელჩოში არავის მიუღია მონაწილეობა ყოფილი პრეზიდენტის, სააკაშვილის ლობირებაში და არც დახმარებია მის ლობისტებს რაიმე შეხვედრის დაგეგმვაში. აშშ-ის საელჩო აცხადებს, რომ “მავნებლური ინფორმაცია”, რაც ამტკიცებს, ან გულისხმობს, რომ საელჩოს თანამშრომლებმა ლობისტური ფირმებისგან ფული მიიღეს, “ერთმნიშვნელოვნად ცრუ და უპასუხისმგებლოა”.

პარტია „საქართველოსთვის“ ლიდერის, გიორგი გახარიას განცხადებით, „ნაციონალური მოძრაობისა“ და „ქართული ოცნების“ თანამშრომლობის ბევრი მაგალითი არსებობს, მათ შორის პარლამენტშიც.

როგორც გახარიამ აღნიშნა, „ნაციონალური მოძრაობისა“ და „ქართული ოცნების“ თანამშრომლობის საუკეთესო მაგალითია ე.წ. ქოლცენტრების საქმე.

„მუნიციპალურ დონეზე „ოცნების“ და „ნაცების“ თანამშრომლობის უკვე იმდენი ფაქტია, პარლამენტშიც. აი, იუსტიციის საბჭოს წევრები ერთად აირჩიეს. “ქოლცენტრები” არის იდეალური მაგალითი, როგორ თანამშრომლობენ ერთმანეთთან „ნაცები“ და „ქოცები“. “ქოლცენტრები” არის იდეალური მაგალითი, ქართული სახელმწიფოს რეპუტაციის ხარჯზე, როგორ შოულობენ მილიარდებს „ნაცებიც“ და „ქოცებიც“ და მერე გამოვლენ და იტყვიან, რომ კოალიცია არ გვაქვსო. შენ, როდესაც სახელმწიფო ინსტიტუტებს იყენებ იმისთვის, რომ ძალაუფლება შეინარჩუნო, ძალაუფლება გინდა იმისთვის, რომ ფული იშოვო, ფულს ვისთანაც შოულობ, ის არის შენი ნამდვილი პარტნიორი, ის კი არა პარლამენტში ვისთანაც ოპოზიციაში ხარ. მთავარია ფულს ვისთან ერთად შოულობ და ვისთან ერთად იყოფ. ეს „ქოლცენტრები” არის ყველაზე კარგი, იდეალური მაგალითი „ქოცების“ და „ნაცების“ თანამშრომლობის. თუ ასე არ არის, აბა ან ერთმა, ან მეორემ თვითონ დააინიციირონ ამ კომისიის შექმნა. ამიტომ არის, რომ გამოძიება არ უნდათ და ამ კომისიის შექმნა. ეს კომისია რომ შეიქმნას, ერთმანეთზე მოუწევთ ჩვენების მიცემა. ამ ორმა, ქვეყნისთვის სახიფათო, დესტრუქციულმა ძალამ, ერთად 50% ვერ უნდა გადალახონ. კი არ უნდა გაქრნენ, არა, უნდა იყვნენ, უბრალოდ 50% ვერ უნდა გადალახონ. საქართველოს მოქალაქეებს არ უნდათ გააკეთონ არჩევანი „ნაცსა“ და „ოცნებას“ შორის. რატომ? იმიტომ, რომ ძალიან კარგად ახსოვს „ნაცი“ როგორ ძალადობდა ფიზიკურად და კარგად ხედავს დღეს „ოცნება“ როგორ ძალადობს ფსიქოლოგიურად. ადამიანმა არჩევანი ხომ დაიმსახურა? ახლა ფაქტობრივად არჩევანი არ არსებობს. არსებობს ფსიქოლოგიური მოძალადე, რომელიც გაშინებს და გაშანტაჟებს ფიზიკური მოძალადით. მერე გამოვლენ და გეტყვიან ღირსებაზე რამეს. ღირსებაა ეს? ეს ყველაფერი რომ ხდებოდეს სხვაგან და სხვა დროს, შეიძლება კომპრომისებზე გვეფიქრა. წითელი ხაზები უკვე გადაკვეთილია. ამიტომ ეგრე ვეღარ იქნება“, – განაცხადა გახარიამ.

ვერ გავიგე, „ხაბეს” ფული არ უნდა?! შეეშვას მელია ეჭვიანობას, თუ ერთი ადგილი აქვს, ღირსეულად ცალკე გადავიდეს, იქ იმოძრაოს და იქ იშოვოს ფული, „ხაბეს“ დაუთმოს, „ხაბეს” დროა, – ასე ეხმიანება საპარლამენტო უმრავლესობის წევრი ირაკლი ზარქუა ჟურნალისტებთან ნიკა მელიას განცხადებას “ნაციონალური მოძრაობაში” არაფორმალურ მართვაზე.

ზარქუას თქმით, მელია იმავეს აკეთებდა, რასაც ახლა ხაბეიშვილზე საუბრობს.

“მელია მგონი ჩემს “ხაბეზე” ეჭვიანობს, თორემ რაიმე ახალი თქვა?! თვითონ რისთვის იყო ამ პარტიაში მისული, რაიმე ქმედითი გააკეთა? ბიუჯეტიდან აქვს ამ პარტიას მილიონობით ლარი და იმას ინაწილებდნენ, იგივეს აგრძელებს და ვერ გავიგე, “ხაბეს” რა, ფული არ უნდა?! კეზერაშვილის ფულის განაწილება არ უნდათ დანარჩენებს?! თვითონ იგივეს აკეთებდა და ეჭვიანობს ახლა, რადგან გამოაბუნძულეს იქიდან, ჩემმა “ხაბემ” გააკეთა ეს. ახლა თამაშგარედ დარჩა ბიჭი და ამიტომ ლაპარაკობს, თორემ თვითონ რა გააკეთა?! ჩემი „ხაბე” ქე მაინც დარბის, აგერ პირად კონტროლზე ჰყავს აყვანილი ფლორა, ფაუნა, ამინდის პროგნოზი, ამას აკეთებს და ამასაც ვერ აკეთებდა თვითონ. ასე რომ, შეეშვას ეჭვიანობას, თუ რამე აქვს, ერთი ადგილი აქვს, ღირსეულად ცალკე გადავიდეს, იქ იმოძრაოს და იქ იშოვოს ფული და “ხაბეს” დაუთმოს, “ხაბეს” დროა,”- განაცხადა ზარქუამ.

თბილისში აშშ-ის საელჩოში არავის მიუღია მონაწილეობა ყოფილი პრეზიდენტის, სააკაშვილის ლობირებაში და არც დახმარებია მის ლობისტებს რაიმე შეხვედრის დაგეგმვაში, – ამის შესახებ საქართველოში ამერიკის შეერთებული შტატების საელჩოს მიერ გავრცელებულ განცხადებაშია აღნიშნული.

მათივე განცხადებით, მავნებლური ინფორმაცია, რაც ამტკიცებს, ან გულისხმობს, რომ აშშ-ს საელჩოს თანამშრომლებმა ლობისტური ფირმებისგან ფული მიიღეს, ერთმნიშვნელოვნად ცრუ და უპასუხისმგებლოა.

„ამერიკის შეერთებულმა შტატებმა, თბილისსა და ვაშინგტონში, შეშფოთება გამოთქვა საქართველოს საგარეო საქმეთა სამინისტროსთან ბოლო დღეების განმავლობაში აშშ-ის საელჩოსა და ჩვენი თანამშრომლების საქმიანობასთან დაკავშირებით ზოგიერთი მედიასაშუალებების მიერ გამოქვეყნებულ დეზინფორმაციასა და პოლიტიკური მოღვაწეების მიერ ამ დეზინფორამციის გავრცელებასთან დაკავშირებით.

როგორც აღვნიშნეთ, თბილისში აშშ-ის საელჩოში არავის მიუღია მონაწილეობა ყოფილი პრეზიდენტის, სააკაშვილის ლობირებაში და არც დახმარებია მის ლობისტებს რაიმე შეხვედრის დაგეგმვაში. მავნებლური ინფორმაცია, რაც ამტკიცებს, ან გულისხმობს, რომ საელჩოს თანამშრომლებმა ლობისტური ფირმებისგან ფული მიიღეს, ერთმნიშვნელოვნად ცრუ და უპასუხისმგებლოა,“ – აღნიშნულია განცხადებაში.

რაც არ უნდა ისაუბროს მელიამ, ვერაფერი გაათეთრებს ვერც მას და ვერც იმ პარტიას, სადაც იყო, არის და რომელსაც ხელმძღვანელობდა, – ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა განაცხადა, რითაც “ნაციონალური მოძრაობის” ყოფილი თავმჯდომარის, ნიკა მელიას განცხადებებს გამოეხმაურა დავით კეზერაშვილის მიერ პარტიის არაფორმალურ მართვაზე.

ოხანაშვილმა “სტრატეგია აღმაშენებლის” და “ნაციონალური მოძრაობის” გაერთიანებაზეც ისაუბრა და აღნიშნა, რომ არც გიორგი ვაშაძე და არც ლევან ხაბეიშვილი გადაწყვეტილების მიმღები პირები არ არიან.

“მელიას ამ ნათქვამით დადასტურდა, რასაც ჩვენ აქამდეც ვამბობდით, რომ “ნაციონალური მოძრაობა” ვიწროპარტიულ ინტერესებზე ორიენტირებული პარტიაა. მეორე, რაც დადასტურდა, არის ის, რომ მელიამ ამის შესახებ ან გვიან შეიტყო (და ეს ერთი უბედურებაა, თუ პარტიის თამჯდომარემ არ იცის, რა ხდება პარტიაში) ან მან ძალიან კარგად იცოდა, ვის რა ინტერესები ჰქონდა, მაგრამ იყო იმ მოცემულობაში და სიხარბესა და ანგარებაზე ორიენტირებულ ადამიანებთან ერთად აკეთებდა იმ საქმეს, რასაც ჰქვია ქვეყნის წინააღმდეგ მოქმედება. ამიტომ რაც არ უნდა ისაუბროს, ვერაფერი გაათეთრებს ვერც მას და ვერც იმ პარტიას, სადაც იყო და არის და რომელსაც ხელმძღვანელობდა.

გაერთიანებას რაც შეეხება, ხმამაღალი ნათქვამია, რომ ხაბეიშვილი და ვაშაძე გაერთიანდნენ. რა თქმა უნდა, არც ხაბეიშვილს და არც ვაშაძეს არ ეკითხებიან ამ პარტიაში გადაწყვეტილებებს. ისინი არიან გამხმოვანებლები და რადიკალიზაციის მუხტის შემქმნელები დავალებების გათვალისწინებით. ვაშაძე დიდი ხანია არის ამ პარტიის აქტივისტი. ის ამ პარტიაში იყო მაღალ თანამდებობაზე და არაერთ საქმეში იყო პოლიტიკურად ჩართული, როცა კონკრეტულ ქმედებებს ჰქონდა ადგილი მოქალაქეების საწინააღმდეგოდ,” – განაცხადა ოხანაშვილმა.

დავით კეზერაშვილს, ვანო მერაბიშვილს და ზაზა გოროზიას „ნაციონალურ მოძრაობაში“, ფულის შოვნის გარდა, არაფერი უნდათ, – ამის შესახებ „ნაციონალური მოძრაობის“ ყოფილმა თავმჯდომარემ, ნიკა მელიამ განაცხადა.

მელიას თქმით, ოპოზიციაში რომ არიან ადამიანები, რომლებიც არანაკლებ მდიდრდებიან, ვიდრე სახელისუფლებო შტოების წარმომადგენლები, ახალი არ არის.

ამასთან, როგორც მელიამ აღნიშნა, ჰქონდა შესაძლებლობა, პარტიისგან მსგავსი ადამიანები ჩამოეშორებინა.

„კეზერაშვილმა და ბატონმა მერაბიშვილმა უნდა გადაწყვიტონ, ნიკა მელია, უამრავ სხვა ადამიანთან ერთად, რომელ გზას დაადგება? გგონიათ, ამისკენ მივისწარფით? ადამიანებს, რომლებსაც დროის აღქმა აქვთ დაკარგული და არ იციან, მომავალ წელს კალენდრით რომ 2024 წელია, ჰგონიათ, გარეთ 2004 წელია. მიხეილ სააკაშვილმა ის პროცესი, რომელიც დააგვირგვინა გამარჯვებით, სიმართლით, ღირსებით, ახლებური მიდგომით დაიწყო და არა სიძველით, სიყალბით, სიყალბის ლაბორატორიად გადაქცეული ორგანიზმიდან იდეების მსხვრევით. ამიტომ დაგვირგვინდა მაშინ წარმატებით. ვანო მერაბიშვილს, დავით კეზერაშვილს, ზაზა გოროზიას რა უნდათ ენმ-ში? ფულის შოვნის გარდა, არაფერი არ უნდათ. ვერცერთ მეგრელს ვერ იპოვი, რომელიც ალალად გეტყვის, ზაზა გოროზია იბრძვის იმიტომ, რომ ნებისმიერი მეგრელის, ქართველის თუ არაქართველის კეთილდღეობა გაზარდოსო. ხშირად მეკითხებიან, რა არის პრობლემა, რომლის განვითარებისთვის ხელის შეშლა შემეძლო, რაზეც ჩემი პასუხია: შემეძლო პარტია სარეველასაგან გამეთავისუფლებია, რიგი ადამიანები ჩამომეშორებია, მაგრამ ერთობა მიმაჩნდა ძალიან ძვირფასად ბიძნა ივანშვილის წინააღმდეგ საბრძოლველად, მაგრამ ახლა უკვე დავრწმუნდი, რომ სწორი ერთობაა მნიშვნელოვანი, რომელიც 24 საათი იმაზე კი არ ფიქრობენ, როგორ იშოვონ და მოიპარონ ფული. სამწუხაროდ, ოპოზიციაში არიან ადამიანები, რომლებიც არანაკლებ მდიდრდებიან, ვიდრე სახელისუფლო შტოების წარმომადგენლები, ეს ახალია? შეუძლებელია, იყო ბიძინა ივანიშვილის წინააღმდეგ ბრძოლაში ათი წლის განმავლობაში და მილიონობით შეფასებულ სახლს მიმდინარე წელს ამთავრებდე. ანატომიურად ვიცნობ ამ ადამიანებს“, – განაცხადა მელიამ „ტვ პირველის“ ეთერში.

მისივე თქმით, ზაზა გოროზია ფრიდონ ინჯიას უახლოესი ბიზნესპარტნიორია.

„ივანიშვილი არის ბედნიერი, როდესაც ამათ უყურებს, რადგან იცის, გოროზია არის უახლოესი მოკავშირე ფრიდონ ინჯიასი. ზაზა გოროზიასთან ერთად სამეგრელოში რა უნდა მოხდეს? ადგილობრივი თვითმმართველობის არჩევნების დროს გოროზიამ, ინჯიას უახლოესმა ბიზნესპარტნიორმა, „ნაციონალური მოძრაობის“ კანდიდატები რამდენიმე სოფელში არ დააყენა. ადგილობრივ პარტიას მოელაპარაკა, ინჯიას პარტიის წარმომადგენლები დაეყენებინათ. დაუჯერეს, „ნაციონალურმა მოძრაობამ“ საკუთარი კანდიდატები არ დააყენა ინჯიასა და გოროზიას შეთანხმების საფუძველზე. ოპოზიციამ ჯამურად მეტი მანდატი მოიპოვა მარტვილის საკრებულოში, მაგრამ ინჯია-გოროზიას კანდიდატებმა, რომლებიც დეპუტატები გახდნენ, რა ქნეს პირველივე დღეს? ხმა მისცეს „ქართულ ოცნებას“, – განაცხადა ნიკა მელიამ.