სიონისტური რეჟიმი პასუხს აგებს ირანში მომხდარი აფეთქებების გამო, – ამის შესახებ ირანის პრეზიდენტმა, იბრაჰიმ რაისმა თეირანში შეკრებილ მოქალაქეებს განუცხადა.
„მე ვაფრთხილებ სიონისტურ რეჟიმს, თქვენ ინანებთ ამას, თქვენ ფასს გადაიხდით ამ დანაშაულისთვის. ღრმად ინანებთ დანაშაულებს, რომლებიც ჩაიდინეთ“, – თქვა ირანის პრეზიდენტმა.
შეგახსენებთ, ირანში ორი აფეთქება მოხდა. ქვეყნის სამხრეთ-აღმოსავლეთით მდებარე ქალაქ კერმანში, ირანის ისლამური რევოლუციის გუშაგთა კორპუსის მეთაურის, სოლეიმანის საფლავთან მომხდარი აფეთქებების შედეგად, სულ მცირე, 103 ადამიანი დაიღუპა, 188-ზე მეტი კი დაშავდა.
