ზუგდიდი-ჯვარი-მესტიის გზაზე, სადაც დიდი კლდოვანი მასა ჩამოიშალა, მძიმე ტექნიკა მუშაობს

119
spot_img

ზუგდიდი-ჯვარი-მესტიის საავტომობილო გზის 73-ე კმ-ზე, ხაიშის მონაკვეთთან, დიდი მოცულობის კლდოვანი მასა ჩამოიშალა, რამაც საავტომობილო მოძრაობის სრული პარალიზება გამოიწვია.

ადგილზე, დილიდან მუშაობს მძიმე ტექნიკა. ჩახერგილი გზის მონაკვეთი იწმინდება მძიმე ლოდებისგან და ჩამოშლილი კლდოვანი მასისგან. საგზაო დეპარტამენტის წარმომადგენლების ინფორმაციით, ჩამოშლილი მასის მოცულობიდან გამომდინარე, გზის გახსნას რამდენიმე საათი დასჭირდება. სოფელ ხაიშთან კლდოვანი მასა წუხელ გვიან ღამით ჩამოწვა.

ამ დროისთვის ზუგდიდის მუნიციპალიტეტიდან სვანეთის მიმართულებით ავტოტრანსპორტით მოძრაობა შესაძლებელია მხოლოდ სოფელ ხაიშამდე.