ჩვენ არ გვაქვს გეგმა „ბ“ – გეგმა „ა“-ში დარწმუნებულნი ვართ -დმიტრო კულება

უკრაინის საგარეო საქმეთა მინისტრმა, დმიტრო კულებამ განაცხადა, რომ უკრაინა აქტიურად მუშაობს დასავლეთის მხრიდან შემდგომი სამხედრო მხარდაჭერის უზრუნველყოფაზე და არ აქვს ალტერნატივა, თუ ის შეჩერდება.

ტელეკომპანია CNN-თან ინტერვიუში კითხვაზე – რა არის უკრაინის გეგმა „ბ“ იმ იარაღის ნაკლებობის ასანაზღაურებლად, რომელსაც ის ვერ მიიღებს დასავლეთის ქვეყნებიდან – კულებამ უპასუხა: ჩვენ არ გვაქვს გეგმა „ბ“. გეგმა „ა“-ში დარწმუნებულნი ვართ.

უკრაინის საგარეო უწყების ხელმძღვანელმა ხაზგასმით აღნიშნა, რომ უკრაინა ყოველთვის იბრძოლებს იმ რესურსებით, რაც აქვს.

“და როგორც ნატოს გენერალურმა მდივანმა თქვა, ის, რაც უკრაინას ეძლევა, ქველმოქმედება არ არის. ეს არის ინვესტიცია ნატოსა და ამერიკელი ხალხის კეთილდღეობის დაცვაში”, – დასძინა კულებამ.