ბათუმში რაც ხდება, ეს ჩემთვის არის კიდევ ერთი დემონსტრირება ორმაგი სტანდარტის – მაშინ გამოვიდნენ და ლარსზე დადგნენ, რომელიც მათმა ბელადმა გახსნა რუსებისთვის, – ასე ეხმიანება სოჭიდან შემოსულ გემთან დაკავშირებით ბათუმში გამართულ საპროტესტო აქციას ირაკლი ზარქუა.

მისი თქმით, “ხელმოცარული ოპოზიცია მიხვდა, რომ პულსი არ ესინჯება რეიტინგში” და ამიტომ მიმართავს მსგავს ნაბიჯებს.

“ბოდიშს გიხდით, მაგრამ სახმელეთო საზღვარზე რომ ეპატიჟებოდა მათი ლიდერი, როცა ჯერ კიდევ ბოლი ასდიოდა ჩვენს დაბომბილ სახლებს, ჩვენი ბიჭების ცხედრები რომ ისევ ბრძოლის ველზე იყო დაყრილი, ეს როგორ არის?! გემით შემოვა თუ ლარსის ხეობით ავტომობილი, რა განსხვავებაა? თუ ჰგონიათ, ვინც ლარსიდან შემოდის ლ, ყველა ისე ფიქრობს, როგორც ჩვენ გვაწყობს?! როგორ უნდა გააპროტესტოს “ნაციონალურმა მოძრაობამ” ლაინერით შემოსული რუსი, თუნდაც, ის გაუგებარი ქალბატონი, რომ ვერ გაურკვევია რა როგორ არის? ასეთი ბევრი იქნება იქ, სადაც სახმელეთოდ შემოდიან, მაშინ იქ დადგნენ სააკაშვილი და მაშინდელი “ენჯეოშნიკები” რომ ეპატიჟებოდნენ რუსებს, აი ქალბატონი “ლაკა”, რუსული ფულით რომ ფინანსდება, ახლა რომ ვაშაძე გაემიჯნა. ვაშაძე რომ გაგემიჯნება და ხაბეიშვილს რომ მიანიჭებს უპირატესობას, წარმოიდგინე რა პოლიტიკოსი ხარ, შემირცხვენია ასეთი პოლიტიკოსი. კიდევ მიტინგების ფასიანი წამყვანი რომ არის მშვილდაძე, გახსოვთ მათი განცხადებები რუსეთთან დაკავშირებით, შემოვიდნენ ფული უნდა დახარჯონო, ახლა არ მოსწონთ? ეს არის ორმაგი სტანდარტი. გამოდით და ლარსზე დადექით მაშინ და ყველა მანქანა, ვინც შემოვა გადაამოწმეთ, კითხვა დაუსვით, აღიარებენ თუ არა, რომ აფხაზეთი საქართველოა, ამიტომ ხართ უსახურები და ამიტომ მოგისროლა ქართველმა ხალხმა შეგნებულად პოლიტიკურ სანაგვეზე. ლარსს იმიტომ გერ ირჩევენ, რომ ლარსი მათმა ბელადმა გახსნა რუსებისთვის,” – განაცხადა ზარქუამ.

“როდესაც შენ ხარ მიზეზზე, რომ პროვოკაცია მოაწყო, ეს არის მარტივად გასაშიფრი. როდესაც შენ არც გქონია და არც გაქვს პრობლემა, რომ სახმელეთო გზით თავისუფლად გადაადგილდებიან რუსეთის მოქალაქეები, მათ შორის ეთნიკურად ქართველები, საქართველოში, რატომ გახდა პრობლემა გემითა და თვითმფრინავით შემოსვლა?” – ამის შესახებ მედიასთან “ხალხის ძალის” ერთ-ერთმა ლიდერმა ბათუმში ჩატარებული საპროტესტო აქციის შესახებ საუბრისას განაცხადა.

მისი თქმით, თუკი რუსეთიდან მოქალაქეები შემოდიან საჰაერო და სახმელეთო გზით, მაშინ სრულიად ნათელია, რატომ გახდა გემით მათი შემოსვლა პრობლემა – ეს არის პროვოკაცია ოპოზიციის მხრიდან.

„გაჟღერებულია, რომ რადიკალურ ოპოზიციას სურს პროვოკაციების მოწყობა, რასაც, სამწუხაროდ, ზოგიერთი უცხოელი პოლიტიკოსის განმარტებებიც ხელს უწყობს. როდესაც საუბარია იმაზე, რომ სახმელეთო გზით შემოდიან როგორც რუსეთის, ისე საქართველოს მოქალაქეები, ისინი შეიძლება, შემოვიდნენ თვითმფრინავითა და გემითაც. რა განსხვავებაა ავტომობილითა და თვითმფრინავით, თუ გემით შემომსვლელებს შორის, ეს უნდა ახსნან. რადგან როდესაც შენ ხარ მიზეზზე, რომ პროვოკაცია მოაწყო, ეს არის მარტივად გასაშიფრი. როდესაც შენ არც გქონია და არც გაქვს პრობლემა, რომ სახმელეთო გზით თავისუფლად გადაადგილდებიან რუსეთის მოქალაქეები, მათ შორის ეთნიკურად ქართველები, საქართველოში, რატომ გახდა პრობლემა გემითა და თვითმფრინავით შემოსვლა? ეს სულაც არაა გაუგებარი, ეს არის სრულიად გასაგები, რადგან ემსახურება პროვოკაციას, რომელიც არ გამოუვათ”, – განაცხადა გურამ მაჭარაშვილმა.

თბილისის მერის კახა კალაძის განცხადებით, „ქართული ოცნების“ მიერ გადადგმული ნაბიჯების შედეგად, ქვეყანაში მშვიდობა შენარჩუნდა, რასაც ებრძვიან.

თბილისის მერმა „საქსტატის“ მონაცემები შეაფასა, რომლის მიხედვით, ივნისში საქართველოს ეკონომიკა 7,7%-ით გაიზარდა. როგორც კალაძემ აღნიშნა, ვისაც სამშობლო უყვარს, რუსეთის წინააღმდეგ სანქციებთან მიერთებას და ქვეყანაში „მეორე ფრონტს“ არ მოითხოვს.

„ძალიან მნიშვნელოვანია ის, რომ ქვეყანა ეკონომიკურად ვითარდება. შემთხვევითი არ არის ის, რომ მაგალითად, გასულ წელს ორნიშნა ეკონომიკური ზრდა გვქონდა. ეს შედეგი ჩვენ მივიღეთ იმ პოლიტიკური ნაბიჯების შედეგ, რომელიც ქვეყანამ გადადგა, საქართველოში შევინარჩუნეთ მშვიდობა და ზუსტად ამას ებრძვიან. არ უნდათ, რომ ქვეყანა ეკონომიკურად ვითარდებოდეს. შენ თუ შენი სამშობლო გიყვარს, რატომ უნდა მოითხოვო მაგალითად, სანქციებთან მიერთება? რატომ უნდა მოითხოვო „მეორე ფრონტის“ გახსნა ქვეყანაში, მაგრამ ეს ყველაფერი მიზანმიმართულად ხდება. სანქციების მიერთებასთან დაკავშირებით რას მივიღებდით? ეკონომიკური ზრდა კი არ გვექნებოდა, ქვეყანაში ბიზნესი კი არ იქნებოდა განვითარებული, ისევ და ისევ ჩვენი ქვეყნის მოქალაქეებს, გლეხებს დავაზიანებდით, რომელიც 24 სთ-იან რეჟიმში შრომობს. მაგალითად, კახეთში იმისთვის, რომ ყურძენი მოიყვანოს და შემდეგ ღვინო გააკეთოს, ამ პროდუქციის რეალიზება მოახდინოს, თუნდაც რუსულ ბაზარზე. რა არის ამაში ცუდი, რომ ეს თანხები ისევ საქართველოს ეკონომიკაში შემოდის და ისევ ისე გლეხი გაძლიერდება, უფრო მეტ ადამიანს დაასაქმებს, თავის შვილებს, მეგობრებს, ახლობლებს. რატომ არის ეს ცუდი? შესაბამისად, ჩვენ გავაგრძელებთ ამ პოლიტიკის განხორციელებას“,-განაცხადა კალაძემ.

ამასთან, როგორც თბილისის მერმა აღნიშნა, მშენებლობის მიმართულებით კვალიფიციური კადრების დეფიციტია.

„სამშენებლო მიმართულებით არის გარკვეული პრობლემები. არის კვალიფიციური კადრების დეფიციტი. დავიწყეთ მნიშვნელოვანი პროგრამების განხორციელება, ადამიანებს შესაძლებლობას ვაძლევთ, კვალიფიკაცია ყოველგვარი გადასახადის გარეშე აიმაღლონ. მერიას აქვს შესაბამისი პროგრამები. ნებისმიერ ადამიანს შეუძლია სხვადასხვა მიმართულებით კვალიფიკაცია აიმაღლოს და შემდეგ ხელი შევუწყოთ დასაქმებაში. მივესალმებით იმას, რომ ეკონომიკა ვითარდება“,-განახადა კალაძემ.

დედაქალაქის მერმა, კახა კალაძემ ჩინეთში საქართველოს პრემიერ-მინიტრ ირაკლი ღარიბაშვილის ოფიციალური ვიზიტი შეაფასა და განაცხადა, რომ აღნიშნულ ვიზიტს საქართველოსთვის სასარგებლო ეკონომიკური შედეგები მოჰყვება.

მისი თქმით, პრემიერის ვიზიტი საფუძველს უყრის ქვეყნისთვის ახალი საინვესტიციო შესაძლებლობების შექმნას.

„მივესალმები აღნიშნულ ვიზიტს. ძალიან მნიშვნელოვანი ვიზიტი ჰქონდა პრემიერ-მინისტრს. მნიშვნელოვანია, საქართველოსა და ჩინეთს შორის არსებული ურთიერთობები კიდევ უფრო გაღრმავდეს. ძალიან დიდი შესაძლებლობებია ეკონომიკური განვითარების თვალსაზრისით, რომ ინვესტიციები წამოვიდეს საქართველოში, უფრო დიდი თანხები ჩაიდოს, ახალი სამუშაო ადგილები შეიქმნას. ყველამ ვნახეთ, თუ რამდენად მნიშვნელოვანი განცხადებები და გზავნილები გაკეთდა.  რა თქმა უნდა, ამას კონკრეტული შედეგები მოჰყვება, სადაც გათვალისწინებული იქნება ჩვენი ქვეყნის ინტერესები. საქართველო და ქართველი ხალხი კიდევ უფრო მეტ სარგებელს მიიღებს. ეს ვიზიტი მნიშვნელოვანია ჩვენი ქვეყნისა და მისი მომავლისთვის“, – განაცხადა კახა კალაძემ.

რუსეთის მოქალაქეებს ჩვეულებრივად შეუძლიათ შემოვიდნენ საქართველოში ტურისტული მიზნით, – ამის შესახებ თბილისის მერმა, კახა კალაძემ განაცხადა.

მისი თქმით, ადამიანები, რომლებიც დღეს ტურისტების შემოსვლას აპროტესტებენ, 2008 წლის ომიდან რამდენიმე დღეში, რუსეთის ფედერაციასთან ურთიერთობების დათბობას ცდილობდნენ.

„სამშობლოს დღეს რა აქვს დასაცავი კონკრეტული ხომალდიდან, რომელიც ბათუმში შემოვიდა? რუსეთის მოქალაქეებს ჩვეულებრივად შეუძლიათ შემოვიდნენ საქართველოში ტურისტული მიზნით. იცით, რომ ხმელეთით ეს წლების განმავლობაში იყო შესაძლებელი, არსებობდა პირდაპირი ფრენებიც. ასევე, შესაძლებელია ხომალდით შემოვიდნენ და რამდენიმე საათი დაჰყონ საქართველოში, დახარჯონ თანხა. საერთოდ ვერ ვხედავ ამაში პრობლემას. რასაც დღეს ვხედავთ, არის ფარისევლობა, რადგან გვახსოვს, 2008 წლის ომიდან მესამე-მეოთხე დღეს, ის ადამიანები, რომლებიც რუსი ტურისტების შემოსვლას აპროტესტებენ, წერილებს აგზავნიდნენ რუსეთის ფედერაციაში, რომ სახალხო ურთიერთობები დაეთბოთ, კონცერტები გაემართათ“, – განაცხადა კახა კალაძემ.

თბილისის მერის თქმით, ქვეყნის მაშინდელი პრეზიდენტი ყვავილებით ხვდებოდა რუს ტურისტებს და მიესალმებოდა.

„გვახსოვს, მათი ბელადი, პრეზიდენტი ყვავილებით, ია-ვარდებით როგორ ხვდებოდა რუს ტურისტებს და მიესალმებოდა. არ მახსოვს, მაშინ კითხვა დაესვა რომელიმე მათგანისთვის, აფხაზეთი საქართველოა თუ არა. არ არსებობს ასეთი რამ და იმიტომ. გვახსოვს ვიდეოკადრებიც იმ ადამიანების, რომლებიც აპროტესტებენ რუსი ტურისტების შემოსვლას – მაშინ პირდაპირ მიესალმებოდნენ მათ. შეგიძლიათ მოიძიოთ არქივში, როდესაც მაშინდელი შინაგან საქმეთა მინისტრი პარლამენტის ტრიბუნიდან მოგვიწოდებდა, რუსულ ფულს სუნი არ ასდისო. ალბათ ისიც არ გახსოვთ, რომ ქვეყნის სტრატეგიული ობიექტები რუსულ კომპანიებზე გასხვისდა. ამ კონკრეტულ ადამიანებს, ვინც პირიქით, მიესალმებოდა რუსი ტურისტების შემოსვლას საქართველოში, მაშინ მათი პატრონები ეუბნებოდნენ, რომ უნდა დაეთბოთ ურთიერთობები რუსეთთან და ეს პოლიტიკა უნდა გაეტარებინათ. დღეს კი მათი პატრონები ეუბნებიან, რომ უნდა იყვნენ რაც შეიძლება გაბრაზებული და ბრაზიანი სახეები აჩვენონ, რაც სამწუხარო და საუბედურო რეალობაა. საქართველოს ხელისუფლება ყველაფერს აკეთებდა და გააკეთებს, რომ ჩვენი ქვეყნის, მისი მოსახლეობის ინტერესები იყოს დაცული“, – აღნიშნა კახა კალაძემ.

რაც შეეხება ბათუმში რუსი ტურისტების შემოსვლის ფაქტსა და საპროტესტო აქციას, თბილისის მერი აცხადებს, რომ ქვეყანაში დაცულია გამოხატვის თავისუფლება და კანონის ფარგლებში, საკუთარი მოსაზრების დაფიქსირება ყველას შეუძლია.

„ამას თუ ვინმე აპროტესტებს, იცით, რომ ქვეყანაში დაცულია გამოხატვის თავისუფლება და, რა თქმა უნდა, ნებისმიერ ადამიანს შეუძლია, კანონის ფარგლებში, საკუთარი შეხედულება გამოხატოს. თუ კანონს ვინმე გადასცდება, ამას შესაბამისი რეაგირება მოჰყვება“, – განაცხადა დედაქალაქის მერმა.

შეიძლება, განვაზოგადოთ დავით დარჩიაშვილის განცხადება, ესაა „ნაცმოძრაობის“ ხელწერა, ახლა კი გაემიჯნა და ცალკეა, მიხვდა, რომ „ნაცებთან“ დგომა სირცხვილია, ამოეფარა თავის ბუნების სტიქიას, „ენჯეოს“ დაუბრუნდა, – ამის შესახებ „ქართული ოცნების“ წევრმა, ირაკლი ზარქუამ განაცხადა.

მისი თქმით, სინამდვილეში დარჩიაშვილის განცხადებაში „ნაციონალური მოძრაობის“ ხელწერა იკითხება.

„იქ შეაფარა დარჩიაშვილმა თავი, სადაც არის არა ქართული ინტერესების დაცვა, არამედ რაღაც გაუგებარი ინტერესების დაცვა და ჩვენი ახალგაზრდების მოწამლის მცდელობა, ახლა იქიდან ყვირის. სინამდვილეში ეს მათი ხელწერაა. მათთვის ყოველგვარი სასამართლო ზედმეტი იყო. არ მოეწონებოდა, დაკვეთა იყო და კლავდნენ ადამიანს. არაერთი შემთხვევაა და დღემდე ძიებაშია. ეს არის ამათი ხელწერა და დარჩიაშვილის ეს განცხადება კიდევ ერთხელ შეგვახსენებს, რა ჭირი მოაშორა 2012 წელს ქართულმა საზოგადოებამ ჩვენს ქვეყანას. ეს არასდროს არ უნდა განმეორდეს და არც განმეორდება, ამის გარანტი საქართველოს მოსახლეობის უმრავლესობაა“, – განაცხადა ზარქუამ.

დავით დარჩიაშვილმა სოციალურ ქსელში დაწერა: „შავაძის დაღუპვის ამბის ერთი ვერსიაა, რომ 2008 წელს მოკლეს; მეორეა, რომ ქართველთა პოზიციები გასცა, ოღონდ სტრასბურგს ამას ვერ აუხსნი, ყორღანაშვილსაც დაიცავდა“.