“საქართველო-ჩინეთის სტრატეგიული ურთიერთობების შესახებ დოკუმენტში კატეგორიულად არ მომწონს პოლიტიკური ნაწილი”-მამუკა გამყრელიძე

142
spot_img

ამ წუთას გადავავლე თვალი დოკუმენტს საქართველო-ჩინეთის სტრატეგიული ურთიერთობების შესახებ. სამწუხაროდ ჩემი შიში ქოცნების ხელისუფლების წინდაუხედავობის (მოდი ასე დავარქმევ და თქვენ, როგორც გნებავთ ისე შეამკეთ) შესახებ გამართლდა. დოკუმენტი რამდენიმე ნაწილისგან შედგება, რომლებშიც მთავარი ეკონომიკური და პოლიტიკური ნაწილებია. – ამის შესახებ მამუკა გამყრელიძე სოციალურ ქსელში წერს.

” დავიწყოთ იქიდან, რომ უმჯობესი იქნებოდა საერთოდ აგვერიდებინა თავი პოლიტიკისთვის და მხოლოდ ეკონომიკით და კულტურით შემოვფარგლულიყავით. მინიმუმ, ძალიან გაკვრით უნდა გვეხსენებინა. არა ! მაინც ჩააკვეხეს პოლიტიკა. ამ ნაწილშიც, ჩემი ზედაპირული შეფასებითაც კი, საკმარისად არის წყალქვეშა თუ ზედაპირზე მცურავი ნაღმები. აუცილებლად, უფრო დეტალურად გავეცნობი დოკუმენტს, შევადარებ ჩინეთის კომპარტიის XX ყრილობის რეზოლუციებს, რომელთა შინაარსიც შემომეფეთა ამ დოკუმენტში და მერე მოგახსენებთ ჩამოყალიბებულ აზრს. ახლა კი ვიტყვი, რომ კატეგორიულად არ მომწონს დოკუმენტის პოლიტიკური ნაწილი.” – წერს მამუკა გამყრელიძე “ფეისბუკში”.

საქართველოს მთავრობის ადმინისტრაციამ ჩინეთის სახალხო რესპუბლიკის და საქართველოს სტრატეგიული პარტნიორობის დამყარების შესახებ ერთობლივი განცხადება გაავრცელა