G7-ის დეკლარაციას, უკრაინასთან დაკავშირებით 12 ქვეყანა შეუერთდა

23:12 - 02/08/2023

2023 წლის მეორე ნახევარში უკრაინის უსაფრთხოების გარანტიების პაკეტი საკმაოდ კონკრეტული გახდება. დიდ შვიდეულთან ერთობლივ დეკლარაციას კიდევ 12 ქვეყანა შეუერთდა. ამის შესახებ RBC-Ukraine, უკრაინის პრეზიდენტის ვლადიმირ ზელენსკის განცხადებაზე დაყრდნობით იუწყება.

„ამ წლის მეორე ნახევარში ჩვენი სახელმწიფოს უსაფრთხოების გარანტიების პაკეტი საკმაოდ კონკრეტული გახდება“, – განაცხადა ზელენსკიმ.

G7-თან ერთობლივ დეკლარაციას შეერთებული ქვეყნების ჩამონათვალი ასეთია: ბელგია, დანია, ირლანდია, ისლანდია, ესპანეთი, ნორვეგია, ნიდერლანდები, პორტუგალია, რუმინეთი, ფინეთი, ჩეხეთი და შვედეთი.

ზელენსკის თქმით, ელჩები განიხილავენ, რომელ ქვეყნებს შეეძლებათ კვლავ შეუერთდნენ უსაფრთხოების გარანტიებს.

ცნობისთვის, ნატოს სამიტზე დამტკიცებული დიდი შვიდეულის დეკლარაცია უსაფრთხოებისა და ეკონომიკის სფეროში უკრაინის გრძელვადიან მხარდაჭერას ითვალისწინებს. ეს გარანტიები უნდა მოქმედებდეს მანამ, სანამ უკრაინა არ გახდება ნატოს წევრი, რადგან მაშინ ისინი აღარ იქნება საჭირო.

მომავალში, G7-ის ამ დეკლარაციაში შეერთება ნებისმიერ ქვეყანას შეეძლება, რომელიც უკრაინას ორმხრივ დონეზე გარკვეული გარანტიების მიცემაზე ოფიციალურად დათანხმდება

3 აგვისტოს ასტროლოგიური პროგნოზი

23:06 - 02/08/2023

ვერძი

ხელსაყრელი დროა ხანგრძლივი მოგზაურობისთვის, ახალი ურთიერთობისა და სიყვარულისთვის, ინფორმაციის მიღებისთვის. გამორიცხული არ არის, რომ თქვენმა კომუნიკაბელურობამ ან შემთხვევითმა ნაცნობობამ ფინანსური სარგებელი მოგიტანოთ.

კურო

თავს შესანიშნავად გრძნობთ. თანდათან ყველა ურთიერთობა მოგვარდება. თავი შეიკავეთ აგრესიისგან, რადგან ეს გაღიზიანების გარდა, არაფერს მოგიტანთ. გაითვალისწინეთ, რომ გვერდით მყოფ ადამიანს თქვენი სითბო და ყურადრება აკლია.

ტყუპები

ვარსკვლავები გაფრთხილებენ, რომ ჯანმრთელობასთან დაკავშირებული პრობლემები გელით. დაავადება, რომელიც ამ დღეს გამოვლინდება, ხანგრძლივი იქნება. მგზავრობისა და მოგზაურობისთვის არახელსაყრელი დღეა. პროფესიულ საქმიანობაში მოსალოდნელია შეცდომა, რომელიც ცრუ ინფორმაციას ან სიტუაციის არასწორად შეწფასებას უკავშირდება.

კირჩხიბი

შესაძლოა, თქვენი გეგმები გავლენიანმა ადამიანებმა მოიწონონ და მათი ფინანსური მხარდაჭერა მიიღოთ. თავი შეიკავეთ ყველაფრისგან რაც თქვენს ორგანიზმს ზიანს მიაყენებს – განსაკუთრებით ალკოჰოლური სასმელისა და სიგარეტისგან.

ლომი

სასიცოცხლო პოტენციალი მაღალ დონეზეა. შესაძლოა, დღის პირველ ნახევარში პირად ცხოვრებაში მნიშვნელოვანი გადაწყვეტილების მიღება მოგიწიოთ. მხოლოდ საკუთარი თავის იმედი გქონდეთ – მეგობრების რჩვა ან დახმარება სიტუაციას უკიდურესობამდე გაამწვავებს. გირჩევთ ახლობელ ადამიანთან ან ნათესავებთან დიდი ხნის წინ დაწყებული დაპირისპირება დროულად დაასრულოთ.

ქალწული

ეს დღე სულიერი წონასწორობის მოპოვებასა და განვითარების ახალ ეტაპზე გადასვლას განასახიერებს. დღე სასიამოვნო ინფორმაციით დაიწყება, დიდი სიურპრიზით გაგრძელდება და საყოველთაო აღიარებით დასრულდება. ხელსაყრელი დღეა შეძენისთვის. ნათესავებთან და ახლობელ ადეამიანთან ურთიერთობის დროს ეცადეთ ტაქტი გამოიჩინოთ – ეს ერთადერთი საშუალებაა პრობლემების ასაცილებლად.

სასწორი

სიახლეების დღეა. ცვლილებებს, რომლებიც ამ დღეს გელით, როგორც დადებითი ისე უარყოფითი ტენდენციები ახლავს, ამიტომ ეცადეთ, გონივრულად და წინდახედულად იმოქმედოთ.

მორიელი

წინა დღეების დაღლილობა თავს იჩენს, ამიტომ შესაძლოა, თავი შეუძლოდ იგრძნოთ და ხასიათი გაგიფუჭდეთ. დაუფიქრდით რას ამბობთ და რას აკეთებთ და ოჯახის წევრების მიმართ ყურადღება გამოიჩინეთ. თქვენი დაუფიქრებელი სიტყვით შეიძლება ვიღაცას გული ძალიან ატკინოთ, რაც თქვენს ურთიერთობაზე ცუდად აისწახება. ასჯერ გაზომეთ დაერთხელ გაჭერით.

მშვილდოსანი

შესანიშნავი მეხსიერება, გამჭრიახობა და არასტანდარტული გამოსავლის პოვნის უნარი ნებისმიერ საქმეშჭი წარმატებას მოგიტანთ. მოსალოდნელია ჯანმრთელობასთან დაკავშირებული პრობლემები. გაითვალისწინეთ, რომ დღეს გამოვლენილი დაავადება ხანგრძლივი იქნება. ეს განსაკუთრებით მამაკაცებს ეხებათ.

თხის რქა

ვარსკვლავები გაფრთხილებენ, რომ უფროსთან ან პარტნიორებთან მოსალოდნელია კონფლიქტები. გამორიცხული არ არის უცნობი ადამიანების მხრიდან უხეშობა და აგრესია. სიფრთხილე გამოიჩინეთ ნებისმიერი კოლექტყიური საქმიანობის დროს. ილუზიებმა და არასწორმა ინფორმაციამ შესაძლოა, თქვენგან გამოუკიდებელი მიზეზების გამო ფინანსურად დაგაზარალოთ.

მერწყული

სავარაუდოდ, მთელ დღეს პირადი და ოჯახური პრობლემების მოგვარებას დაუთმობთ და სამსახური და ბიზნესი მეორეხარისხოვანი გახდება. ახლობელ ადამიანთან ურთიერთობაში მოსალოდნელია პრობლემები. კამათი შეიძლება ურთიერთობის გაწყვეტით დასრულდეს. ერიდეთ მოზარდ შვილებთან მბრძანებლური ტონით საუბარს გაითვალისწინეთ, რომ ყველა პრობლემის მოგვარება შეიძლება სიყვარულისა და პატივისცემის ატმოსფეროში.

თევზები

მოსალოდნელია ახლობელ ადამიანებთან დაკავშირებული უსიამოვნო ამბავი, რაც თქვენს განწყობასა და ჯანმრთელობაზე არასახარბიელოდ აისახება. ეცადეთ, ფსიქოლოგიურად დაიცვათ თავი ყველანაირი მოულოდნელობისგან და მშვიდად მიიღოთ ყველაფერი, რასაც ეს დღე გიმზადებთ. მოსალოდნელია შემთხვევითი ნაცნობობა, რომელიც თქვენს ცხოვრებაზე მნიშვნელოვან გავლენას მოახდენს.

საქართველოდან რუსეთსა და ბელარუსში ავტომობილების ექსპორტი აიკრძალა

22:27 - 02/08/2023

შემოსავლების სამსახურის ინფორმაციით, აშშ-ისა და ევროკავშირის მიერ დაწესებული სანქციების შესაბამისად, 1-ელი აგვისტოდან საქართველოდან აიკრძალა აშშ-დან შემოყვანილი მანქანების რეექსპორტი რუსეთსა და ბელარუსში. მათივე ცნობით, 26 სექტემბრიდან იკრძალება ევროკავშირიდან შემოყვანილი მანქანების რეექსპორტი რუსეთსა და ბელარუსში. „1-ელი აგვისტოდან იკრძალება საქართველოს ტერიტორიიდან მხოლოდ ამერიკის შეერთებული შტატებიდან შემოყვანილი მანქანების რეექსპორტი/ექსპორტი რუსეთსა და ბელარუსში. ხოლო 26 სექტემბრიდან იკრძალება საქართველოს ტერიტორიიდან მხოლოდ ევროკავშირიდან შემოყვანილი მანქანების რეექსპორტი/ექსპორტი რუსეთში და ბელარუსში, როგორც ამას ითვალისწინებს დაწესებული სანქციების მე-11 პაკეტი“, აცხადებენ შემოსავლების სამსახურში.

,,იცოდნენ, რომ გაყალბება არ ყოფილა, მაგრამ უტიფრად აგრძელებდნენ ჩვენი ქვეყნის რყევას”- ზარქუა

21:50 - 02/08/2023

იცოდნენ, რომ არანაირი გაყალბება არ ყოფილა, მაგრამ უტიფრად მაინც აგრძელებდნენ ჩვენი ქვეყნის რყევას, – ამის შესახებ პარლამენტის რეგიონული პოლიტიკისა და თვითმმართველობის კომიტეტის თავმჯდომარის პირველმა მოადგილემ ირაკლი ზარქუამ ISFED-ზე საუბრისას განაცხადა. მან 2020 წლის არჩევნებზე პარალელური დათვლის მცდარ შედეგებსა და აშშ-ის ყოფილი პრეზიდენტისთვის, დონალდ ტრამპისთვის კაპიტოლიუმზე შტურმის საქმეზე წაყენებულ ბრალდებას შორის გაავლო პარალელი.

„ზუსტად ანალოგიური საქმისთვის ახლა ბრალი აქვს წაყენებული ბატონ ტრამპს და აქ კიდე არავინ დასჯილა. მინდა ვთხოვო ამერიკის საელჩოს, იმიტომ რომ ისინი აფინანსებენ ამ ორგანიზაციებს – რანაირად ხდება ეს, ორმაგი მიდგომა გვაქვს? იქ თუ ეს დანაშაულად ითვლება, აქ ყველაფერი მოსულა?“ – ამბობს ზარქუა.

ნაფიცმა მსაჯულებმა მხარი დაუჭირეს დონალდ ტრამპისთვის ბრალის წაყენებას 2020 წლის საპრეზიდენტო არჩევნების შედეგების გაუქმების მცდელობის საქმეზე.

დონალდ ტრამპის ბრალდებაზე, საქართველოში საპარლამენტო არჩევნებს იხსენებენ, რა დროსაც ადგილი ჰქონდა პარალელური დათვლის შედეგების გაყალბებას. „ისფედი“ არჩევნებიდან რამდენიმე დღეში მმართველი გუნდის ლიდერებმა ამხილეს.

,,დამნაშავე გამოიკვეთება და აგებს შესაბამის პასუხს”- რატი ბრეგაძე

21:40 - 02/08/2023

იუსტიციის სამინისტრო ყველა სიტუაციაში მოქალაქეების ინტერესების სადარაჯოზეა. დღეს, იუსტიციის სახლში, ბოროტმოქმედის ცრუ შეტყობინების საფუძველზე მომხმარებელთა და თანამშრომლების უსაფრთხოების უზრუნველსაყოფად, დროულად განხორციელდა ევაკუაცია, – ამის შესახებ იუსტიციის მინისტრი რატი ბრეგაძე სოციალურ ქსელში წერს.

მინისტრი აღნიშნავს, რომ იუსტიციის სახლის გადაუდებელი აუცილებლობით გამოწვეული დაკეტვის მიუხედავად, მომხმარებლებს სათანადო მომსახურება გაეწიათ.

„საბედნიეროდ ყველაფერი მშვიდობიანად დასრულდა. დამნაშავე გამოიკვეთება და აგებს შესაბამის პასუხს.

მთავარი კი ის არის, რომ იუსტიციის სახლის, გადაუდებელი აუცილებლობით გამოწვეული, დაკეტვის მიუხედავად, შევძელით, რომ მომხმარებლისთვის გაგვეწია სათანადო მომსახურება და ადამიანებს იმედი და ნდობა გავუმართლეთ.

ეს ყველაფერი შესაძლებელი გახდა მობილური იუსტიციის სახლების მეშვეობით. წარმატებული პროექტის შედეგად ჩვენს მოსახლეობას არა მარტო სოფლად, არამედ კრიზისულ სიტუაციებში ქალაქებშიც ვემსახურებით. ამის ერთი ნათელი მაგალითი ქუთაისშიც გვქონდა ცოტა ხნის წინ, როდესაც წყალდიდობით გამოწვეული შეფერხების მიუხედავად მოსახლეობას სპეციალური მიკროავტობუსების მეშვეობით მივაწოდეთ ყველა საჭირო სერვისი.

საამაყოა ჩვენი თანამშრომლების მონდომება, ორგანიზებულობა და კოორდინაცია არაორდინალურ სიტუაციებშიც. მინდა ყველას მადლობა გადაგიხადოთ.

ვემსახურებით საქართველოს“, – წერს მინისტრი.

თბილისის ცენტრალური იუსტიციის სახლი ინფორმაციას ავრცელებს

21:31 - 02/08/2023

თბილისის ცენტრალური იუსტიციის სახლი 3 აგვისტოს 9:00 საათიდან მუშაობას განაახლებს. ამის შესახებ ინფორმაციას

იუსტიციის სახლი ავრცელებს.

ამავე ცნობებით, მობილური იუსტიციის სახლების საშუალებით მზა დოკუმენტების გაცემა თბილისის ცენტრალური იუსტიციის სახლის ავტოსადგომის ტერიტორიიდან შეუფერხებლად მიმდინარეობს.

მობილური იუსტიციის სახლები მომხმარებლებს, ამ რეჟიმში, 21:00 საათამდე მოემსახურება;

„მიღებულ შეტყობინებასთან დაკავშირებით, კანონმდებლობის შესაბამისად უსაფრთხოებასთან დაკავშირებული ყველა აუცილებელი ზომა იქნა მიღებული, გატარდა შესაბამისი ღონისიძიებები.

იუსტიციის სახლის სატელეფონო ცენტრმა განაახლა მუშაობა და აგრძელებს მომხმარებლების მომსახურებას ჩვეულ რეჟიმში, დღე-ღამის ნებისმიერ დროს, 24 საათი“, – აღნიშნულია განცხადებაში.

შეგახსენებთ, თბილისის იუსტიციის სახლში, ასაფეთქებელი ნივთიერების არსებობის შესახებ ანონიმური შეტყობინების საფუძველზე, ევაკუაცია გამოცხადდა.

,,გამარჯვების პლატფორმას აუცილებლად ეყოლება პრემიერ-მინისტრობის კანდიდატი”- ვაშაძე

21:20 - 02/08/2023

გამარჯვების პლატფორმას აუცილებლად ეყოლება პრემიერ-მინისტრობის კანდიდატი, ასევე იქნება ჩრდილოვანი კაბინეტი, – ამის შესახებ “სტრატეგია აღმაშენებლის” ლიდერმა გიორგი ვაშაძემ ჟურნალისტებთან განაცხადა.

„მე მზად ვარ ავიღო პასუხისმგებლობა საქმის კეთებაზე. რა ფუნქციასაც დამაკისრებს ხალხი, იმ ფუნქციით ვიქნები“, – აცხადებს ვაშაძე.

20 ივლისს გიორგი ვაშაძემ და ლევან ხაბეიშვილმა განაცხადეს, რომ ახალ პოლიტიკურ პლატფორმას ქმნიან.

,,ახლა ორივე ხელით უნდა ჩავაფრინდეთ ამ უნიკალურ შანსს” – სააკაშვილი

20:20 - 02/08/2023

საქართველოს ექსპრეზიდენტი მიხეილ სააკაშვილი ქუთაისის აეროპორტის განვითარებასთან დაკავშირებით ამერიკის საელჩოს შემოთავაზებას მიესალმება და აღნიშნავს, რომ ეს შესაძლებლობა ხელიდან არ უნდა გავუშვათ. ამასთან დაკავშირებით სააკაშვილი საკუთარ „ფეისბუკ“ გვერდზე წერს.

„სრულიად მივესალმები ამერიკის მთავრობის შემოთავაზებას ქუთაისის აეროპორტის განვითარებასთან დაკავშირებით!

ახლა ორივე ხელით უნდა ჩავაფრინდეთ ამ უნიკალურ შანსს, სანამ შესაძლებლობების ფანჯარა მორიგ ჯერზე ჩაგვეკეტება“, – წერს სააკაშვილი.

ის ასევე ამბობს, რომ ქუთაისის აეროპორტს თავად მიანიჭა დავით აღმაშენებლის სახელი და აცხადებს, რომ ამ წლებში ხშირად უნანია ამ აეროპორტის არსებობა ქართველების ქვეყნიდან გადინების გამო.

„ქუთაისის აეროპორტი ჰოლანდიურ კომპანიასთან ერთად ავაშენეთ, 2008 წელს რუსების მიერ ნახევარტონიანი ბომბებით დაბომბილი კოპიტნარის აეროპორტის ნაცვლად, მე თავად მივანიჭე მას დავით აღმაშენებლის სახელი.

2012 წელს მთავრობამ ერთ-ერთ პირველ ბრალდებად წამიყენა ამ აეროპორტზე დახარჯული თანხების არამიზნობრივად ხარჯვა, შემდეგ შემოვიყვანეთ ვიზიარიც.

ამ წლებში ხშირად მინანია ამ აეროპორტის არსებობა, იმდენი ქართველი გადის იქიდან სამუდამოდ“, – წერს სააკაშვილი „ფეისბუკზე“.

ცნობისთვის, 1-ელ აგვისტოს აშშ-ს საელჩომ, საქართველოში ამერიკის ელჩის, კელი დეგნანის ქუთაისის საერთაშორისო აეროპორტში ვიზიტისას გაავრცელა განცხადება, რომ შეერთებული შტატები მზად არის ქუთაისის აეროპორტს სატრანსპორტო ჰაბად ქცევაში დაეხმაროს.

„ამერიკა დაღმასვლის მდგომარეობაში მყოფი ქვეყანაა”- ტრამპი

20:02 - 02/08/2023

უაღრესად წარმატებული ყოფილი პრეზიდენტისა და წამყვანი კანდიდატისთვის ბრალის წაყენება უპრეცედენტოა, – განაცხადა აშშ-ის ყოფილმა პრეზიდენტმა, დონალდ ტრამპმა, რომელსაც ბრალი წაუყენეს 2020 წლის საპრეზიდენტო არჩევნების შედეგების გაუქმების მცდელობის საქმეზე.

დონალდ ტრამპის თქმით, მის წინააღმდეგ წაყენებულმა ბრალდებებმა გააღვიძა მსოფლიო კორუფციით, სკანდალითა და წარუმატებლობით, რომელსაც შეერთებულ შტატებში ბოლო სამი წლის განმავლობაში აქვს ადგილი.

„ამერიკა დაღმასვლის მდგომარეობაში მყოფი ქვეყანაა, მაგრამ ჩვენ მას კვლავ დიდებულს გავხდით, უფრო დიდებულს, ვიდრე ოდესმებ ყოფილა“, – აღნიშნა ტრამპმა.

,,2024 წლის არჩევნების შედეგების გაყალბებისთვის მზადება ოპოზიციაში უკვე დაწყებულია” – ჩიბურდანიძე

19:12 - 02/08/2023

„ხალხის ძალის“ წევრი, ანალიტიკოსი თამარ ჩიბურდანიძე სოციალურ ქსელში ეხმაურება იმ ფაქტს, რომ აშშ-ის ყოფილ პრეზიდენტს, დონალდ ტრამპს საპრეზიდენტო არჩევნების შედეგების შეცვლის მცდელობის საქმეზე ბრალი წაუყენეს.

როგორც თამარ ჩიბურდანიძე წერს, ამით ამერიკამ მკვეთრი მესიჯი გამოუგზავნა საქართველოში მისი სახელით მოსაუბრე ცრუ დემოკრატებს, რომ არჩევნებს ვეღარ გააყალბებენ.

„ISFED-ს და მის ირგვლივ გაყალბების დიდ შეთქმულებაში მონაწილე პოლიტიკოსები, საერთაშორისო ორგანიზაციები თუ ოპოზიციის ლობისტები უცხოეთიდან, ალბათ შოკში არიან ამერიკაში მიმდინარე პროცესების გამო. ამერიკამ მკვეთრი მესიჯი გამოუგზავნა საქართველოში მისი სახელით მოსაუბრე ცრუ დემოკრატებს, რომ არჩევნებს ვეღარ გააყალბებენ.

დარწმუნებული ვარ, 2024 წლის არჩევნების შედეგების გაყალბებისთვის მზადება ოპოზიციაში უკვე დაწყებულია, მაგრამ, მათ ისევ დასავლეთიდან აუნთეს წითელი. ამაზე მეტყველებს თუნდაც ვაშაძის მიერ გაკეთებული განცხადება, რომ თურმე დასავლეთი 2024 წლის არჩევნების შედეგებს არ ცნობს, თუ ისინი ვერ გაიმარჯვებენ. ვაშაძემ ამხილა მათი მზაკვრული გეგმა, რომ უკვე მუშაობენ კონკრეტულ პირებთან, რათა საპარლამენტო არჩევნების შედეგი არ აღიარონ. მათ კარგად იციან, რომ სასტიკი დამარცხება ელით, ამიტომ ემზადებიან არა არჩევნებში გასამარჯვებლად, არამედ, შედეგების გასაყალბებლად ისევ საერთაშორისო ორგანიზაციებისა და მათი ლობისტების დახმარებით.

მათ ავიწყდებათ ის, რომ ხალხმა უკვე მიიღო ამ მიმართულებით გარკვეული გამოცდილება და მჯერა, მომავალი წლის არჩევნების შედეგებს არავის გააყალბებინებენ, მათ შორის, არც უცხოეთის მაღალი თანამდებობის პირებს.“, – წერს თამარ ჩიბურდანიძე.

ფოთში უბედური შემთხვევა მოხდა

18:31 - 02/08/2023

ფოთში, უბედური შემთხვევა მოხდა. 75 წლამდე მამაკაცი ზღვაში დაიხრჩო. როგორც ცნობილია, ის ზღვაში შევიდა, რა დროსაც შეუძლოდ გახდა.

მაშველებმა მამაკაცი ზღვიდან მალევე ამოიყვანეს, თუმცა, სამწუხაროდ, მისი გადარჩენა ვერ მოხერხდა. სასწრაფო დახმარების ჯგუფს კაცი უკვე გარდაცვლილი დახვდა.

“უკრაინის სამხრეთ ნაწილში მდებარე იზმაილის პორტზე რუსეთის მიერ განხორციელებული თავდასხმის შემდეგ, ჩიკაგოს ბირჟაზე მარცვლეულზე ფასი 6,5%-ით გაიზარდა”

18:19 - 02/08/2023

უკრაინის სამხრეთ ნაწილში მდებარე იზმაილის პორტზე რუსეთის მიერ განხორციელებული თავდასხმის შემდეგ, ჩიკაგოს ბირჟაზე მარცვლეულზე ფასები 6,5%-ით გაიზარდა. ამის შესახებ Reuters-ი იუწყება.

სააგენტოს ცნობით, ზარალის ოდენობა „სერიოზულია“.

„თავდასხმის შემდეგ მარცვლეულზე ფასი ჩიკაგოს ბირჟაზე 4%-ით გაიზარდა და მოგვიანებით ამ მაჩვენებელმა კიდევ 2,5%-ით მოიმატა, რაც უკრაინის, როგორც მსოფლიოს ერთ-ერთი უმსხვილესი ექსპორტიორის, ბაზრიდან გამოთიშვის მცდელობით არის განპირობებული”, – ნათქვამია განცხადებაში.

“რუსეთის თავდასხმა იზმაილის პორტზე ნიშნავს იმას, რომ კრემლი უკრაინის საზღვაო საექსპორტო ბლოკადის აღდგენისთვის ძალის გამოყენებას ზრდის”, – წერს Reuters-ი.

1...1,7871,7881,789...2,308 Page 1,788 of 2,308