უკანასკნელი 30 წელიწადში აშშ და საქართველო ვიქეცით სტრატეგიულ პარტნიორებად, ვმუშაობთ ერთად ისეთი საქართველოსთვის, რომელიც სრულად იქნება ინტეგრირებული ევროატლანტიკურ ოჯახში. ჩვენ მიერ ინდივიდუალური პირის მიმართ დაწესებული ვერც ერთი სანქცია ამ ხედვას ვერ შეცვლის ჩვენს ურთიერთობებში, – ამის შესახებ აშშ-ის სახელმწიფო დეპარტამენტის პრესსპიკერმა, მეთიუ მილერმა ქართველი ჟურნალისტის კითხვის საპასუხოდ განაცხადა, რომელიც აშშ-ის მიერ დღეს გამოცხადებულ სანქციებს ეხებოდა.

ჟურნალისტმა მეთიუ მილერს ჰკითხა – „წელს უკვე მეორე შემთხვევაა, როდესაც საქართველოს მოქალაქეების წინააღმდეგ სანქციები დაწესდა. მანამდე სანქციები შეეხოთ საქართველოს უზენაესი სასამართლოს მოსამართლეებს. ხომ არ იქონიებს ეს გავლენას საქართველო-აშშ-ის ურთიერთობაზე“.

„მე არ მსურს, ასეთი დასკვნის გამოტანა. მე ვიტყვი, რომ ჩვენ სანქციები დავუწესეთ 150-ზე მეტ იურიდიულ და ფიზიკური პირს. არ ვისაუბრებ თითოეული სანქციის დეტალებზე. გადაგამისამართებთ ჩვენს და სახაზინო დეპარტამენტის მიერ გავრცელებულ ინფორმაციასთან, თუმცა 150 პირზე ცალ-ცალკე დეტალურად ვერ ვისაუბრებ. ჩვენ ყოველთვის ვიყავით სოლიდარული ქართველი ხალხისადმი და მათი მისწრაფებისადმი, იყვნენ თავისუფალი, სუვერენული სახელმწიფო საერთაშორისოდ აღიარებულ საზღვრებში. უკანასკნელ 30 წელიწადში ჩვენ ვიქეცით სტრატეგიულ პარტნიორებად, ვმუშაობთ ერთად ისეთი საქართველოსთვის, რომლის ხედვასაც ვიზიარებთ, საქართველოსთვის, რომელიც სრულად იქნება ინტეგრირებულო ევროატლანტიკურ ოჯახში და ჩვენ მიერ ინდივიდუალური პირის მიმართ დაწესებული ვერც ერთი სანქცია ამ ხედვას ვერ შეცვლის ჩვენს ურთიერთობებში“, – განაცხადა მეთიუ მილერმა.

აშშ რუსეთის მიერ უკრაინაში უკანონო ომის წარმოებასთან დაკავშირებით, 150-ზე მეტ ფიზიკურ და იურიდიულ პირს სანქციებს უწესებს. სანქცირებულ პირთა შორის არის საქართველოს ყოფილი მთავარი პროკურორი ოთარ ფარცხალაძე.

ჰანტერ ბაიდენს სამი მუხლით ბრალი წაუყენეს, – ინფორმაციას „ბიბისი“ ავრცელებს.

ბრალდების მიხედვით, ჰანტერ ბაიდენმა 2018 წელს კოლტის ტიპის რევოლვერის ყიდვისას, ოფიციალური დოკუმენტებში იცრუა, რომ ნარკოტიკებს აღარ მოიხმარდა. კიდე ერთი ბრალდება უკავშირდება პრეზიდენტის შვილის მიერ იარაღის ფლობის პერიოდში ნარკოტიკების მოხმარებას. აშშ-ის ფედერალური კანონის მიხედვით, ნარკოტიკების მომხმარებლის მიერ ცეცხლსასროლი იარაღის ფლობა დანაშაულია.

ჰანტერ ბაიდენმა 2023 წლის ივნისში დაიწყო მოლაპარაკება პროკურატურასთან საპროცესო შეთანხმებაზე, რომელიც ეხებოდა ჰანტერ ბაიდენის მიერ იარაღის შესყიდვისას ტყუილს და მის მიერ გადასახადების დაგვიანებით გადახდის ბრალდებებს. თუმცა საპროცესო შეთანხმება ივლისში ჩაიშალა.

როგორც „ბიბისი“ წერს, ეს აშშ-ის ისტორიაში პირველი შემთხვევაა, როდესაც მოქმედი პრეზიდენტის შვილი სისხლის სამართლის დანაშაულშია ბრალდებული. დანაშაულის დამტკიცების შემთხვევაში ჯო ბაიდენის შვილს 25 წლით თავისუფლების აღკვეთა ემუქრება.

ვიმედოვნებთ, რომ ევროკომისია თავის სიტყვას შეასრულებს და უკრაინულ მარცვლეულზე ემბარგოს გააუქმებს. ამის შესახებ უკრაინის საგარეო საქმეთა მინისტრი დმიტრო კულება “ტვიტერის” საკუთარ გვერდზე წერს.

მისი თქმით, უკრაინა იმედოვნებს, რომ ევროკომისია გააუქმებს უკრაინული სოფლის მეურნეობის პროდუქციის იმპორტზე შეზღუდვებს, რომელსაც მოქმედების ვადა 15 სექტემბერს ეწურება.

მისი აზრით, უკრაინისთვის შეზღუდვების არცერთი ფორმა არი არის მისაღები, „რადგან ეს ძირს უთხრის ერთიანი ბაზრის პრინციპს, ასოცირების შეთანხმებასა და ნდობას ევროკავშირის ვალდებულებების მიმართ“.

ცნობისთვის, ივნისში ევროკომისიამ შეზღუდვები 15 სექტემბრამდე გააგრძელა, რომელიც ბოლო მსგავსი გადაწყვეტილება უნდა ყოფილიყო. მიუხედავად ამისა, ევროკავშირის აღმასრულებელ ხელისუფლებას საბოლოო გადაწყვეტილება დღემდე არ მიუღია.

სახელმწიფო დეპარტამენტს სასანქციო სიაში რუსეთის სადაზვერვო სამსახურის ოფიცერი და ერთი ქართველ-რუსი ოლიგარქი შეჰყავს, რომელსაც რუსეთის სასარგებლოდ საქართველოს საზოგადოებასა და პოლიტიკაში ჩარევისთვის იყენებდნენ. ამის შესახებ აშშ-ის სახელმწიფო მდივნის ენტონი ბლინკები განცხადებაში წერია.

ბლინკენი აღნიშნავს, რომ აშშ-ის სახელმწიფო დეპარტამენტი და სახაზინო დეპარტამენტი უკრაინაში რუსეთის უკანონო შეჭრასთან დაკავშირებით კიდევ 150-ზე მეტი კომპანიასა და პირს ასანქცირებენ.

მისი თქმით, აღნიშნული ქმედებით აშშ-ის ხელისუფლება სამიზნეში იღებს იმ პირებსა და კომპანიებს, რომლებიც ჩართული არიან სანქციებისთვის გვერდის ავლაში, ვინც უკრაინის წინააღმდეგ რუსეთის ომის წარმოების შესაძლებლობებს აფართოებენ, და ვინც პასუხისმგებელნი არიან რუსეთის ენერგეტიკის სამომავლო წარმოების გაძლიერებაზე.

“სახელმწიფო დეპარტამენტი ასევე ასანქცირებს რუსეთის სადაზვერვო სამსახურის ერთ ოფიცერს და ერთ ქართველ-რუს ოლიგარქს, რომელზეც რუსეთის უშიშროების ფედერალურმა სამსახურმა (“ეფესბემ”) ქართულ საზოგადოებრივ და პოლიტიკურ ცხოვრებაზე რუსეთის სასარგებლოდ გავლენისთვის ზემოქმედება მოახდინა”, – წერს ბლინკენი.

ლიბიაში დამანგრეველი წყალდიდობის შედეგად დაღუპულთა რაოდენობამ 11 000-ს გადააჭარბა, 20 000-ზე მეტი კი დაკარგულად მიიჩნევა. ამის შესახებ BBC წერს.

გაეროში აცხადებენ, რომ გამაფრთხილებელი სიგნალის ამოქმედების შემთხვევაში, ამ შემზარავი სტატისტიკის თავიდან აცილება შეიძლებოდა.

სამოქალაქო ავიაციის მინისტრის, ჰიშემ აბუ ჩკიუატის განცხადებით, გარდაცვლილთა რიცხვი შეიძლება გაორმაგდეს.