ბათუმი-ახალციხის გზაზე სოფ. გულებთან მეწყრის განვითარების გამო მოძრაობა შეზღუდულია.

საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, უხვი ნალექის შედეგად, შიდასახელმწიფოებრივი მნიშვნელობის ბათუმი(ანგისა)-ახალციხის საავტომობილო გზის 38-ე კილომეტრზე, სოფელი გულების მონაკვეთზე, განვითარდა მეწყერი, რამაც გამოიწვია საავტომობილო გზის ჩაკეტვა.

ამ დროისთვის, აღნიშნულ მონაკვეთზე ავტოტრანსპორტის მოძრაობა შეზღუდულია. ადგილზე მობილიზებულია საავტომობილო გზების დეპარტამენტის ტექნიკა და ადამიანური რესურსი. მიმდინარეობს გაწმენდითი სამუშაოები, რათა უმოკლეს ვადებში მოხდეს მოძრაობის აღდგენა.

მაღალი გამავლობის ავტოტრანსპორტის მოძრაობა შესაძლებელია სოფელ აქუცაზე გამავალი, ადგილობრივი მნიშვნელობის საავტომობილო გზის გამოყენებით.

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ფარავნის უღელტეხილზე ცალკეული სახის ავტოტრანსპორტის მოძრაობა აკრძალულია.

„რთული მეტეოროლოგიური პირობების (ქარბუქი და შეზღუდული მხედველობა) გამო შიდასახელმწიფოებრივი მნიშვნელობის კოდა–ფარცხისი–მანგლისი–წალკა-ნინოწმინდის საავტომობილო გზის კმ94-კმ147 (ფარავანის უღელტეხილი-ნინოწმინდა) მონაკვეთზე აკრძალულია მისაბმელიანი, ნახევრადმისაბმელიანი და 30 ადგილზე მეტი ტევადობის ავტობუსების მოძრაობა, ხოლო დანარჩენი სახის ავტოტრანსპორტის გადაადგილება თავისუფალია. საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია“, – აღნიშნულია ინფორმაციაში.

ვერძი

გარკვეული ცვლილებებისთვის უნდა მოემზადოთ – როგორც სამსახურში, ისე სოციალურ ურთიერთობებში. შესაძლოა, მეგობრების დახმარებით პრობლემის მოგვარების ახალი მეთოდი აღმოაჩინოთ. დღის მეორე ნახევარში მოულოდნელი შეთავაზებები, მაგალითად, გასართობ ღონისძიებაზე მიპატიჟება. ყურადღებით მოუსმინეთ გარშემო მყოფთა საუბრებს და შეიძლება, ბევრ კითხვაზე პასუხი იპოვოთ.

კურო

ამ დღეს წინა პლანზე გამოვა პარტნიორული ურთიერთობები – როგორც პირადი, ისე საქმიანი. ხელსაყრელი დღეა პროფესიულ საქმიანობაში თანამოაზრეების პოვნისა და ერთობლივი პროექტის დაწყებისთვის. ვარსკვლავები თქვენს მხარეს არიან, ამიტომ თამამად შეგიძლიათ აკეთოთ ყველაფერი, რასაც ადრე ვერ ბედავდით.

ტყუპები

ამ დღეს საოჯახო საქმეები დიდ დროს წაგართმევთ. დღის მეორე ნახევარში შეიძლება სასურველი სტუმარი გეწვიოთ, რაც ძალიან გაგახარებთ.საქმიანი მოლაპარაკებები თქვენთვის სასურველი სცენარით განვითარდება, მაგრამ ყველა დაპირებას, რომელსაც დღეს მოისმენთ, არ უნდა დაუჯეროთ. გირჩევთ, უცნობ ადამიანებთან ურთიერთობა მინიმუმამდე შეამციროთ.

კირჩხიბი

კარგი დღეა დასვენებისა და გართობისთვის, ასევე, რომანტიკული ნაცნობობისა და პაემნებისთვის. შესაძლოა, ადამიანმა, რომელსაც ამ დღეს გაიცნობთ, თქვენს ცხოვრებაში მნიშვნელოვანი როლი შეასრულოს. მეტი იაქტიურეთ, რათა შესაძლებლობა ხელიდან არ გაუშვათ. დროა, საკუთარი ცხოვრება უსარგებლო ნივთების ან ადამიანებისგან გაათავისუფლოთ.

ლომი

სავარაუდოდ, ამ დღეს დიდი ხნის უნახავი ადამიანები გეწვევიან. ძველ მეგობრებთან ერთად წარსულის გახსენება სასიამოვნო ემოციებით აგავსებთ. გამორიცხული არ არის, რომ ახალმა გატაცებამ, სიამოვნების გარდა, დამატებითი შემოსავალიც მოგიტანოთ. ყურადღებით მოუსმინეთ გარშემო მყოფთა საუბრებს და შეიძლება ყველა კითხვაზე პასუხი იპოვოთ.

ქალწული

შეხვედრებითა და ურთიერთობებით სავსე დღეა. სახლში დარჩენას არ გირჩევთ, უმჯობეისა ყველაზე ხალხმრავალ ადგილზე წახვიდეთ და იმხიარულოთ. ეს საშუალებას მოგცემთ, დამღლელი და სტრესული სამუშაო ცოტა ხნით მაინც დაივიწყოთ. ყურადღებით იყავით – შესაძლოა, წარმატებას ერთი ნაბიჯი გაშორებთ. შეთავაზებაზე, რომელსაც საღამოს მიიღებთ, უარი არ უნდა თქვათ.

სასწორი

ამ დღეს ყველაფერი ფულის გარშემო ტრიალებს. შესაძლოა, ხელფასი ან შესრულებული სამუშაოსთვის ჯილდო მიიღოთ, რომელიც საშუალებას მოგცემთ, საოცნებო ნივთი შეიძინოთ. თუმცა, მოერიდეთ ნაჩქარევ გადაწყვეტილებას და ფული დაუფიქრებლად არ დახარჯოთ. სავარაუდოდ, საღამოს სტუმრების დასახვედრად მზადება მოგიწევთ. სახლში სასიამოვნო ატმოსფერო განწყობას აგიმაღლებთ. გირჩევთ, უცნობ ადამიანებთან ურთიერთობა მინიმუმამდე შეამციროთ.

მორიელი

ამ დღეს საკუთარ გარეგნობას განსაკუთრებულ ყურადღებას აქცევთ – მანიკიური, პედიკიური, ახალი ვარცხნილობა თუ ლამაზი ჩაცმულობა – საკუთარ თავს უარს არაფერზე ეუბნებით, რაც საშუალებას გაძლევთ, რომ საჭირო ადამიანებზე შთაბეჭდილება მოახდინოთ. ეცადეთ, მთელი ყურადღება პერსპექტიული საქმეებისკენ მიმართოთ, რომლებიც მომავალში მოგებას და წარმატებას მოგიტანთ.

მშვილდოსანი

ხმაურიანი დღეებისა და სტუმრიანობის შემდეგ განმარტოება და მშვიდად ფილმის ყურება გსურთ. ყველაზე მეტად ხმაურიან კომპანიებს და ხალხის თავშეყრის ადგილებს გაურბიხართ. შეგიძლიათ მყუდრო კაფე იპოვოთ, სადაც გემრიელ კერძებს დააგემოვნებთ. ჯერჯერობით თავი შეიკავეთ ახალი პროექტის დაწყებისგან – ჯობს თაროზე შემოდებული საქმეები ჩამოიღოთ და დაასრულოთ.

თხის რქა

სხვადასხვა მოვლენით მდიდარი დღეა. საინტერესო ადამიანებთან შეხვედრაზე თქვენთვის მნიშვნელოვან ბევრ ინფორმაციას გაიგებთ, რაც უახლოეს ხანებში ძალიან გამოგადგებათ. შეიძლება ზოგიერთ საკითხში გასარკვევად ძველი კავშირების ან ურთიერთობების აღდგენა მოგიწიოთ.

მერწყული

პასუხისმგებლობის გრძნობა გაიძულებთ, წახვიდეთ შეხვედრაზე, რომელზედაც წასვლა არ გსურთ. უფროს ნათესავთან ან ხელმძღვანელთან მნიშვნელოვანი საუბარი კარგად ჩაივლის და თქვენთვის სასურველი შედეგით დასრულდება. ყურადღებით იყავით – შესაძლოა, წარმატებას ერთი ნაბიჯი გაშორებთ. შეთავაზებას, რომელსაც საღამოს მიიღებთ, დათანხმდით – შესაძლოა, ის თქვენთვის საინტერესო შანსი იყოს..

თევზები

ამ დღეს საქმეებზე ფიქრისთვის განწყობილი არ ხართ. შეიძლება გაგიჩნდეთ სურვილი, ვინმეს გაუზიაროთ საკუთარი გამოცდილება, ცოდნა, ან თუნდაც ვინმეზე იზრუნოთ, დაარიგოთ, „ცრემლი მოწმინდოთ“… ვარსკვლავები გაფრთხილებენ, რომ სამართლიანობა კარგია, მაგრამ არ დაუშვათ, რომ „სუსტები და დაჩაგრულები“ ნელ-ნელა კისერზე დაგასხდნენ.

შიდასახელმწიფოებრივი მნიშვნელობის ქუთაისი (ჭომა)-ალპანა-მამისონის უღელტეხილის საავტომობილო გზის 47-ე კმ-ზე ჩამოსულია კლდოვანი მასა, რომელმაც გზის სავალი ნაწილი ჩაკეტა. ინფორმაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ავრცელებს.

უწყების ცნობით, ქვათაცვენის გამო, აღნიშნულ მონაკვეთზე აკრძალულია ყველა სახის ავტოტრანსპორტის მოძრაობა.

როგორც საავტომობილო გზების დეპარტამენტის ინფორმაციაშია აღნიშნული, არასათანადო ხილვადობის გამო, გაწმენდითი სამუშაოები ხვალ დილით განახლდება.

59 წლის ასაკ­ში, მომ­ღე­რა­ლი კა­კუ­ლი გუ­რი­ე­ლაშ­ვი­ლი გარ­და­იც­ვა­ლა. ინ­ფორ­მა­ცი­ას სო­ცი­ა­ლურ ქსელ­ში მისი ვაჟი მი­შელ გუ­რი­ე­ლაშ­ვი­ლი ავ­რცე­ლებს.

„დიდი მწუ­ხა­რე­ბით ვწერ, რომ მა­მა­ჩე­მის სული სამ­ყა­როს შე­მოქ­მედ­მა ჩა­ი­ბა­რა…” – წერს მომ­ღერ­ლის შვი­ლი.