გავლენიანმა პოლიტიკურმა მიმომხილველმა და ცნობილმა მწერალმა დევიდ იგნატიუსმა გაზეთ The Washington Post-ში გამოაქვეყნა სტატია, რომელშიც არ ურჩევს ჯო ბაიდენს მიიღოს მონაწილეობა 2024 წლის საპრეზიდენტო არჩევნებში. https://www.washingtonpost.com/opinions/2023/09/12/biden-trump-election-step-aside/

იგნატიუსი აღნიშნავს რომ პირადად იცნობს ბაიდენს ორმოცი წლის განმავლობაში და დიდ პატივს სცემს, როგორც პიროვნებას და პოლიტიკოსს. იგნატიუსის აზრით, ბაიდენმა გამოიჩინა თავი როგორც ეფექტურმა პრეზიდენტმა შიდა და საგარეო პოლიტიკაში, მაგრამ ის ძალიან ასაკოვანია იმისთვის, რომ დარჩეს ეფექტური კიდევ ოთხი წლის განმავლობაში.

ამავე დროს, იგნატიუსი აღნიშნავს, რომ დემოკრატიულ პარტიაში ბაიდენს ალტერნატივა არ გააჩნია, რადგან დემოკრატების პარტიის სხვა კანდიდატებს დაბალი რეიტინგი აქვთ. „პოლიტიკოსები, რომლებიც კარგად იცნობენ ბაიდენს, ამბობენ, რომ თუ ის დარწმუნდებოდა, რომ ტრამპი ნამდვილად დამარცხდა, ჩათვლიდა, რომ შეასრულა თავისი პოლიტიკური მისია. ბაიდენი კვლავ იყრის კენჭს, თუ მტკიცედ დაიჯერებს, რომ ტრამპი გახდება რესპუბლიკური პარტიის კანდიდატი და რომ მას აქვს საუკეთესო შანსი დაამარცხოს ტრამპი“, – წერს დევიდ იგნატიუსი.

დევიდ იგნატიუსის სტატიამ ამერიკულ მედიაში დიდი აჟიოტაჟი გამოიწვია. აშშ-ის დემოკრატიული პარტია ისეთ სიტუაციაშია, როდესაც ბაიდენის მეორე ვადით წარდგენა მისი ასაკის გამო რისკებთან არის დაკავშირებული, მაგრამ დემოკრატებს არ ჰყავთ სხვა პოლიტიკოსები, რომლებსაც შეუძლიათ დონალდ ტრამპის დამარცხება. თუ ჯო ბაიდენი თავისი ძველი ნაცნობის, დევიდ იგნატიუსის რჩევას მიჰყვება, მაშინ, დიდი ალბათობით, 2024 წლის არჩევნებში რესპუბლიკური პარტიის კანდიდატი გაიმარჯვებს.

CNN-ის მიერ მიმდინარე წლის აგვისტოში ჩატარებული სოციოლოგიური გამოკითხვის მონაცემები აჩვენებს, რომ ამომრჩეველს ახალი ლიდერის მოთხოვნა აქვს. გრაფიკი აჩვენებს, რომ ჯო ბაიდენის მხარდაჭერა მცირდება, ხოლო მოთხოვნა ახალ ლიდერზე იზრდება.

ამავდროულად, CNN-ის გამოკითხვები აჩვენებენ, რომ დემოკრატი ამომრჩევლები მზად არიან მომავალ არჩევნებზე ხმა მისცენ ჯო ბაიდენს, რათა დონალდ ტრამპის გამარჯვება არ მოხდეს. ტრამპის აშშ-ს პრეზიდენტობაზე დაბრუნების საფრთხე და დემოკრატიულ პარტიაში ძლიერი კანდიდატების ნაკლებობა ხელს უწყობს ამომრჩევლების გაერთიანებას ჯო ბაიდენის გარშემო. აგვისტოში ჩატარებული გამოკითხვების მიხედვით, ბაიდენის მხარდაჭერა პარტიულ ამომრჩევლებში ივლისთან შედარებით 7%-ით გაიზარდა. ბაიდენს მნიშვნელოვანი უპირატესობა აქვს პარტიაში მის კონკურენტებთან შედარებით.

https://edition.cnn.com/2019/08/20/politics/cnn-poll-democrats-2020-biden-rebound/index.html

ამრიგად, ჯო ბაიდენი მოქმედებს როგორც ანტიტრამპი, ამერიკის „მხსნელი“ პოპულისტი და დემაგოგი ტრამპისგან, რომელიც საფრთხეს უქმნის ამერიკული დემოკრატიის საფუძვლებს. ამომრჩევლები დიდად არ აფასებენ ჯო ბაიდენის წარმატებებს ეკონომიკასა და საგარეო პოლიტიკაში, მაგრამ ამჟამად არ არსებობს შეერთებულ შტატებში სხვა პოლიტიკოსი, რომელსაც შეუძლია შეაჩეროს დონალდ ტრამპი. ეს არის საკმაოდ იშვიათი შემთხვევა ამერიკულ პოლიტიკაში, როდესაც ამომრჩევლებს უწევთ არჩევანის გაკეთება ცუდსა და ძალიან ცუდ ვარიანტს შორის.

სატელევიზიო კომპანიის CNN-ის გამოკითხვები აჩვენებენ, რომ ბაიდენს მხარს უჭერენ როგორც ტრამპის საწინააღმდეგო ფიგურას, მაშინ როცა ტრამპის ამომრჩეველთა ძირითადი ბირთვი მისი თანმიმდევრული მხარდამჭერები არიან. https://edition.cnn.com/2023/09/10/politics/2024-trump-biden-referendum/index.html

ორივე აშშ-ის პარტია ლიდერების კრიზისს განიცდის. დონალდ ტრამპი აშკარად ლიდერობს რესპუბლიკელ ამომრჩევლებს შორის. რონ დე სანტისი, რომელზეც გარკვეული იმედები ჰქონდათ რესპუბლიკურ პარტიაში, მნიშვნელოვნად ჩამორჩება ტრამპს და უშვებს შეცდომებს თავის საარჩევნო კამპანიაში, რაც ამცირებს მის შანსს გახდეს რესპუბლიკელი საპრეზიდენტო კანდიდატი.

რესპუბლიკელების ამომავალი ვარსკვლავი, ინდუსური წარმოშობის, ვივეკ რამასვამი, თავისი პოპულისტური რიტორიკის წყალობით, სწრაფად აფართოებს  მხარდამჭერთა ბაზას, მაგრამ ის ჯერ კიდევ შორს არის პარტიაში წამყვანი პოზიციის დასაკავებლად.

პარადოქსული სიტუაცია შეიქმნა სხვა რესპუბლიკელ კანდიდატთან, ნიკი ჰეილისთან დაკავშირებით. გამოკითხვების თანახმად, ნიკი ჰეილი ჯო ბაიდენთან პირისპირ არჩევნებში გაიმარჯვებს, თუ ის რესპუბლიკური პარტიის კანდიდატი იქნება. მაგრამ ჰეილის ძალიან მცირე შანსი აქვს, დაამარცხოს ტრამპი და გახდეს რესპუბლიკელი საპრეზიდენტო კანდიდატი.

ამგვარად, ამ ეტაპზე ჯო ბაიდენისა და დონალდ ტრამპის „მატჩი-რევანში“ გარდაუვალია. რაც შეეხება ბაიდენის ასაკის შესახებ პრეტენზიებს, ტრამპი მხოლოდ სამი წლით უმცროსია თავის კონკურენტზე – დონალდ ტრამპი უკვე 77 წლისაა. თუ პროფესიონალურ კრივთან ანალოგიებს გავავლებთ, ორივე კანდიდატი ერთნაირი „წონით“ კატეგორიაშია.

ამერიკის არჩევნები ყოველთვის საინტერესო შოუა. როგორც ჰოლივუდურ ფილმებში, მაყურებელი დაინტერესებულია სიუჟეტის განვითარებით. წინააღმდეგ შემთხვევაში მოსაწყენ „ფილმს“ არავინ უყურებს.

ჰოლივუდთან ანალოგებს თუ გავაკეთებთ, გავიხსენებთ ფილმების სერიას  „შეუჩერებელნი“ (The Expendables), რომელშიც მთავარ როლებს ასრულებდნენ ჰოლივუდის ვეტერანები სილვესტერ სტალონე, არნოლდ შვარცენეგერი, დოლფ ლუნდგრენი, ჩაკ ნორისი და სხვები. ლეგენდარულმა გმირებმა, რომლებმაც მიაღწიეს საპენსიო ასაკს, აჩვენეს მაყურებელს, რომ მათ ჯერ კიდევ შეუძლიათ გადაარჩინონ სამყარო ბოროტი ძალებისგან. სხვათა შორის, ფილმებს დიდი წარმატება ხვდა წილად.

ამიტომ, 2024 წელს „შეუჩერებელ“ ჯო ბაიდენსა და დონალდ ტრამპს შორის ბრძოლა დრამატული და ამაღელვებელი სპექტაკლი იქნება. ბაიდენი “კარგი ბიჭის” როლს ასრულებს, ტრამპი – “ცუდი ბიჭის”. ტრადიციის თანახმად, ამერიკული ფილმები მთავრდება “ბე

გავლენიანმა პოლიტიკურმა მიმომხილველმა და ცნობილმა მწერალმა დევიდ იგნატიუსმა გაზეთ The Washington Post-ში გამოაქვეყნა სტატია, რომელშიც არ ურჩევს ჯო ბაიდენს მიიღოს მონაწილეობა 2024 წლის საპრეზიდენტო არჩევნებში. https://www.washingtonpost.com/opinions/2023/09/12/biden-trump-election-step-aside/

იგნატიუსი აღნიშნავს რომ პირადად იცნობს ბაიდენს ორმოცი წლის განმავლობაში და დიდ პატივს სცემს, როგორც პიროვნებას და პოლიტიკოსს. იგნატიუსის აზრით, ბაიდენმა გამოიჩინა თავი როგორც ეფექტურმა პრეზიდენტმა შიდა და საგარეო პოლიტიკაში, მაგრამ ის ძალიან ასაკოვანია იმისთვის, რომ დარჩეს ეფექტური კიდევ ოთხი წლის განმავლობაში.

ამავე დროს, იგნატიუსი აღნიშნავს, რომ დემოკრატიულ პარტიაში ბაიდენს ალტერნატივა არ გააჩნია, რადგან დემოკრატების პარტიის სხვა კანდიდატებს დაბალი რეიტინგი აქვთ. „პოლიტიკოსები, რომლებიც კარგად იცნობენ ბაიდენს, ამბობენ, რომ თუ ის დარწმუნდებოდა, რომ ტრამპი ნამდვილად დამარცხდა, ჩათვლიდა, რომ შეასრულა თავისი პოლიტიკური მისია. ბაიდენი კვლავ იყრის კენჭს, თუ მტკიცედ დაიჯერებს, რომ ტრამპი გახდება რესპუბლიკური პარტიის კანდიდატი და რომ მას აქვს საუკეთესო შანსი დაამარცხოს ტრამპი“, – წერს დევიდ იგნატიუსი.

დევიდ იგნატიუსის სტატიამ ამერიკულ მედიაში დიდი აჟიოტაჟი გამოიწვია. აშშ-ის დემოკრატიული პარტია ისეთ სიტუაციაშია, როდესაც ბაიდენის მეორე ვადით წარდგენა მისი ასაკის გამო რისკებთან არის დაკავშირებული, მაგრამ დემოკრატებს არ ჰყავთ სხვა პოლიტიკოსები, რომლებსაც შეუძლიათ დონალდ ტრამპის დამარცხება. თუ ჯო ბაიდენი თავისი ძველი ნაცნობის, დევიდ იგნატიუსის რჩევას მიჰყვება, მაშინ, დიდი ალბათობით, 2024 წლის არჩევნებში რესპუბლიკური პარტიის კანდიდატი გაიმარჯვებს.

CNN-ის მიერ მიმდინარე წლის აგვისტოში ჩატარებული სოციოლოგიური გამოკითხვის მონაცემები აჩვენებს, რომ ამომრჩეველს ახალი ლიდერის მოთხოვნა აქვს. გრაფიკი აჩვენებს, რომ ჯო ბაიდენის მხარდაჭერა მცირდება, ხოლო მოთხოვნა ახალ ლიდერზე იზრდება.

ამავდროულად, CNN-ის გამოკითხვები აჩვენებენ, რომ დემოკრატი ამომრჩევლები მზად არიან მომავალ არჩევნებზე ხმა მისცენ ჯო ბაიდენს, რათა დონალდ ტრამპის გამარჯვება არ მოხდეს. ტრამპის აშშ-ს პრეზიდენტობაზე დაბრუნების საფრთხე და დემოკრატიულ პარტიაში ძლიერი კანდიდატების ნაკლებობა ხელს უწყობს ამომრჩევლების გაერთიანებას ჯო ბაიდენის გარშემო. აგვისტოში ჩატარებული გამოკითხვების მიხედვით, ბაიდენის მხარდაჭერა პარტიულ ამომრჩევლებში ივლისთან შედარებით 7%-ით გაიზარდა. ბაიდენს მნიშვნელოვანი უპირატესობა აქვს პარტიაში მის კონკურენტებთან შედარებით.

https://edition.cnn.com/2019/08/20/politics/cnn-poll-democrats-2020-biden-rebound/index.html

ამრიგად, ჯო ბაიდენი მოქმედებს როგორც ანტიტრამპი, ამერიკის „მხსნელი“ პოპულისტი და დემაგოგი ტრამპისგან, რომელიც საფრთხეს უქმნის ამერიკული დემოკრატიის საფუძვლებს. ამომრჩევლები დიდად არ აფასებენ ჯო ბაიდენის წარმატებებს ეკონომიკასა და საგარეო პოლიტიკაში, მაგრამ ამჟამად არ არსებობს შეერთებულ შტატებში სხვა პოლიტიკოსი, რომელსაც შეუძლია შეაჩეროს დონალდ ტრამპი. ეს არის საკმაოდ იშვიათი შემთხვევა ამერიკულ პოლიტიკაში, როდესაც ამომრჩევლებს უწევთ არჩევანის გაკეთება ცუდსა და ძალიან ცუდ ვარიანტს შორის.

სატელევიზიო კომპანიის CNN-ის გამოკითხვები აჩვენებენ, რომ ბაიდენს მხარს უჭერენ როგორც ტრამპის საწინააღმდეგო ფიგურას, მაშინ როცა ტრამპის ამომრჩეველთა ძირითადი ბირთვი მისი თანმიმდევრული მხარდამჭერები არიან. https://edition.cnn.com/2023/09/10/politics/2024-trump-biden-referendum/index.html

ორივე აშშ-ის პარტია ლიდერების კრიზისს განიცდის. დონალდ ტრამპი აშკარად ლიდერობს რესპუბლიკელ ამომრჩევლებს შორის. რონ დე სანტისი, რომელზეც გარკვეული იმედები ჰქონდათ რესპუბლიკურ პარტიაში, მნიშვნელოვნად ჩამორჩება ტრამპს და უშვებს შეცდომებს თავის საარჩევნო კამპანიაში, რაც ამცირებს მის შანსს გახდეს რესპუბლიკელი საპრეზიდენტო კანდიდატი.

რესპუბლიკელების ამომავალი ვარსკვლავი, ინდუსური წარმოშობის, ვივეკ რამასვამი, თავისი პოპულისტური რიტორიკის წყალობით, სწრაფად აფართოებს  მხარდამჭერთა ბაზას, მაგრამ ის ჯერ კიდევ შორს არის პარტიაში წამყვანი პოზიციის დასაკავებლად.

პარადოქსული სიტუაცია შეიქმნა სხვა რესპუბლიკელ კანდიდატთან, ნიკი ჰეილისთან დაკავშირებით. გამოკითხვების თანახმად, ნიკი ჰეილი ჯო ბაიდენთან პირისპირ არჩევნებში გაიმარჯვებს, თუ ის რესპუბლიკური პარტიის კანდიდატი იქნება. მაგრამ ჰეილის ძალიან მცირე შანსი აქვს, დაამარცხოს ტრამპი და გახდეს რესპუბლიკელი საპრეზიდენტო კანდიდატი.

ამგვარად, ამ ეტაპზე ჯო ბაიდენისა და დონალდ ტრამპის „მატჩი-რევანში“ გარდაუვალია. რაც შეეხება ბაიდენის ასაკის შესახებ პრეტენზიებს, ტრამპი მხოლოდ სამი წლით უმცროსია თავის კონკურენტზე – დონალდ ტრამპი უკვე 77 წლისაა. თუ პროფესიონალურ კრივთან ანალოგიებს გავავლებთ, ორივე კანდიდატი ერთნაირი „წონით“ კატეგორიაშია.

ამერიკის არჩევნები ყოველთვის საინტერესო შოუა. როგორც ჰოლივუდურ ფილმებში, მაყურებელი დაინტერესებულია სიუჟეტის განვითარებით. წინააღმდეგ შემთხვევაში მოსაწყენ „ფილმს“ არავინ უყურებს.

ჰოლივუდთან ანალოგებს თუ გავაკეთებთ, გავიხსენებთ ფილმების სერიას  „შეუჩერებელნი“ (The Expendables), რომელშიც მთავარ როლებს ასრულებდნენ ჰოლივუდის ვეტერანები სილვესტერ სტალონე, არნოლდ შვარცენეგერი, დოლფ ლუნდგრენი, ჩაკ ნორისი და სხვები. ლეგენდარულმა გმირებმა, რომლებმაც მიაღწიეს საპენსიო ასაკს, აჩვენეს მაყურებელს, რომ მათ ჯერ კიდევ შეუძლიათ გადაარჩინონ სამყარო ბოროტი ძალებისგან. სხვათა შორის, ფილმებს დიდი წარმატება ხვდა წილად.

ამიტომ, 2024 წელს „შეუჩერებელ“ ჯო ბაიდენსა და დონალდ ტრამპს შორის ბრძოლა დრამატული და ამაღელვებელი სპექტაკლი იქნება. ბაიდენი “კარგი ბიჭის” როლს ასრულებს, ტრამპი – “ცუდი ბიჭის”. ტრადიციის თანახმად, ამერიკული ფილმები მთავრდება “ბედნიერი დასასრულით” (Happy End) – სიკეთე ამარცხებს ბოროტებას.

ავტ: ავთანდილ წულაძე

პოლიტოლოგი, პოლიტოლოგიის დოქტორი

„ნაციონალური მოძრაობის“ თავმჯდომარის, ლევან ხაბეიშვილის განცხადებით, დაიწყეს კამპანია, რომლის ფარგლებში ქვეყნის ყველა სოფელში ჩავლენ და საქართველოსა და ევროკავშირის დროშებს აღმართავენ.

ხაბეიშვილის თქმით, კამპანია გულისხმობს იმას, რომ საქართველოს ადგილი ევროპაშია.

აღნიშნულის შესახებ ინფორმაციას „ნაციონალური მოძრაობის“ პრესსამსახური ავრცელებს.

მათივე ცნობით, დღეს, „გამარჯვების პლატფორმის“ კამპანიის ფარგლებში „ერთიანი ნაციონალური მოძრაობის“ თავმჯდომარე ლევან ხაბეიშვილი და „სტრატეგია აღმაშენებლის“ თავმჯდომარე გიორგი ვაშაძე, პარტიის სხვა წევრებთან ერთად, წყალტუბოში საქართველოსა და ევროკავშირის დროშები აღმართეს

„ევროკავშირი გვჭირდება საქართველოსთვის, საქართველოს უსაფრთხოებისთვის, ეკონომიკური კეთილდღეობისთვის. ევროკავშირი გვჭირდება იმისთვის, რომ ქართველი ხალხი ევროკავშირში კი არ უნდა გარბოდეს სამუშაოდ, არამედ საქართველოში იქმნებოდეს ეკონომიკა, დოვლათი, საქართველოს მოქალაქე იყოს საქართველოში, თავის ოჯახთან, ევროპული პენსია, ევროპული შემოსავალი, ევროპული უსაფრთხოება და ამისთვის ჩვენ დავიწყეთ კონკრეტული კამპანია ,რაც გულისხმობს შემდეგს – ყველა მუნიციპალიტეტში, ყველა სოფელში ჩავალთ და აღვმართავთ საქართველოს და ევროკავშირის დროშებს იმის ნიშნად, რომ საქართველოს ადგილი არის ევროპაში და საქართველოს მომავალი უკავშირდება ევროპას. ჩვენი უსაფრთხოება, კეთილდღეობა, ხალხის უზრუნველი ცხოვრება სწორედ შესაძლებელია ევროკავშირთან ერთად. დღეს დავიწყეთ წყალტუბოდან, იმ სოფლიდან, სადაც არასდროს „რუსულ ოცნებას“ 2012 წლის შემდეგ არ მოუგია, ესეც სიმბოლურია, შესაბამისად, აქ აღვმართეთ საქართველოს და ევროკავშირის დროშები. ამას გავაკეთებთ აბსოლუტურად ყველა მუნიციპალიტეტში და ძალიან ბევრ სოფელში”, – განაცხადა ლევან ხაბეიშვილმა.

საქართველოს პრემიერ-მინისტრი ირაკლი ღარიბაშვილი დელეგაციასთან ერთად ამერიკის შეერთებულ შტატებში გაემგზავრა.

საქართველოს პრემიერ-მინისტრის პრესსამსახურის ინფორმაციით, მთავრობის მეთაური ნიუ იორკში, ვიზიტის ფარგლებში, გაერო-ს გენერალური ასამბლეის 78-ე სესიის გენერალური დებატების მონაწილეებს სიტყვით მიმართავს.

სიტყვით გამოსვლამდე პრემიერ-მინისტრი გაერო-ს გენერალური ასამბლეის 78-ე სესიის გახსნის ცერემონიას დაესწრება.

ვიზიტის ფარგლებში, ირაკლი ღარიბაშვილი ორმხრივ, მაღალი დონის შეხვედრებს გამართავს.

მინდა, როშ ჰაშანას დღესასწაული მივულოცო ჩვენს ებრაელ ძმებს საქართველოში და ებრაელ ხალხს მთელ მსოფლიოში, – ამის შესახებ საქართველოს პრემიერ-მინისტრის ირაკლი ღარიბაშვილის მილოცვაშია ნათქვამი.

როგორც მთავრობის მეთაური აღნიშნავს, ქართულ-ებრაული ძმობის ისტორია ასეთი განსაკუთრებული არ იქნებოდა იმ დიდი სიყვარულის გარეშე, რომელიც ორ ერს საუკუნეებია, აკავშირებს.

„ქართულ-ებრაული ძმობის ისტორია ასეთი განსაკუთრებული არ იქნებოდა იმ დიდი სიყვარულის გარეშე, რომელიც ჩვენს ხალხს საუკუნეებია, აკავშირებს. სწორედ ამ სიყვარულმა განაპირობა ის, რომ ებრაელებმა ასე შეინარჩუნეს საკუთარი ეროვნულობა საქართველოში, რომლითაც ჩვენ, ქართველები, ძალიან ვამაყობთ.
მინდა, გავიზიარო თქვენი დღესასწაულის დიდი სიხარული და გისურვოთ მშვიდობა, კეთილდღეობა, წარმატება თქვენ და თქვენს ოჯახებს“, – აცხადებს პრემიერი.