არცერთი ადამიანის სიცოცხლე არ შერჩება რუსულ პარტიას და მნიშვნელოვანია საზოგადოებას ჰქონდეს ინფორმაცია, კონკრეტული დამნაშავეების შესახებ, – ამის შესახებ „ნაციონალური მოძრაობის“ თავმჯდომარე ლევან ხაბეიშვილმა შოვის ტრაგედიაზე პარლამეტში დროებითი საგამოძიებო კომისიის შექმნასთან დაკავშირებით განაცხადა.

„საზოგადოებას აინტერესებს კითხვებზე პასუხი და არა რუსი კობახიძის მიერ უკვე გამოძიებული, რომელიც ამბობს, რომ თურმე არაფერი არ შეშლია ხელისუფლებას. იმ პირობებში, როდესაც მთელმა საქართველომ პირდაპირ ეთერში იხილა, რამდენიმე საათის განმავლობაში როგორ ებრძოდნენ ადამიანები სტიქიას. ამიტომ, არცერთი ადამიანის სიცოცხლე არ შერჩება რუსულ პარტიას და მნიშვნელოვანია საზოგადოებას ჰქონდეს ინფორმაცია, კონკრეტული დამნაშავეების შესახებ. რუსული პარტიის რუსი შოთაძე-კობახიძე ამას არ გამოიძიებს, ეს ყველამ კარგად იცის, ამიტომ უმნიშვნელოვანესია ამ საგამოძიებო კომისიის შექმნა“,- განაცხადა ხაბეიშვილმა.

კითხვაზე, რატომ არ არის ამ საკითხში ოპოზიციის ერთობა, ხაბეიშვილს მიაჩნია, რომ აჩქარება არაა საჭირო.

„დაველოდოთ მოვლენების განვითარებას. ნუ იჩქარებთ. დარწმუნებული ვარ, რომ ყველა საღად მოაზროვნე ადამიანმა, არ აქვს მნიშვნელობა ოპოზიციის წარმომადგენელია თუ ხელისუფლების, უნდა იგრძნოს პასუხისმგებლობა. ეს არის საკითხი, რაზეც ყველანი უნდა ვიყოთ ერთიანები, რადგან ადამიანებს, მოქალაქეებს, სჭირდებათ პასუხი“, – აღნიშნა ხაბეიშვილმა.

ეს ვიზიტი იქნება ძალიან ბევრი ახალი საკითხის დაძვრის საწინდარი. ეს არის, პირველ რიგში, თავისუფალი ვაჭრობის შესახებ ხელშეკრულება, რომელსაც ხელი მოეწერა საქართველოს საგარეო საქმეთა მინისტრის ვიზიტის დროს ისრაელში და დაიწყება მოლაპარაკებები 2024 წლისთვის, – ამის შესახებ საქართველოს საგანგებო და სრულუფლებიანმა ელჩმა ისრაელის სახელმწიფოში ლაშა ჟვანიამ საქართველოს პრემიერ-მინისტრის ირაკლი ღარიბაშვილის ისრაელის სახელმწიფოში ვიზიტის შესახებ საუბრისას განაცხადა.

მისი თქმით, ეს ახალ დასაბამს მისცემს ორ ქვეყანას შორის ეკონომიკურ ურთიერთობებს, მათ შორის, ინვესტიციების შემოდინებას საქართველოში.

„ისრაელსა და საქართველოს შორის ნაყოფიერი ურთიერთობებია უკვე წლების მანძილზე, უფრო მაღალ დონეზე არის აყვანილი ბოლო წლებში და ამას მოწმობს ბოლო წელიწადნახევრის მანძილზე საქართველოს პრემიერ-მინისტრის მეორედ ისრაელში ვიზიტი. ეს იმას ნიშნავს, რომ უმაღლეს პოლიტიკურ დონეზე ბევრი საკითხი არის განსახილველი, ბევრი არის დაგროვილი, ბევრი გადასაწყვეტია. ეს ვიზიტი იქნება ძალიან ბევრი ახალი საკითხის დაძვრის საწინდარი. ეს არის, პირველ რიგში, თავისუფალი ვაჭრობის შესახებ ხელშეკრულება, რომელსაც ხელი მოეწერა საქართველოს საგარეო საქმეთა მინისტრის ვიზიტის დროს ისრაელში და დაიწყება მოლაპარაკებები 2024 წლისთვის. ეს ახალ დასაბამს მისცემს ორ ქვეყანას შორის ეკონომიკურ ურთიერთობებს, მათ შორის, ინვესტიციების შემოდინებას საქართველოში. ბუნებრივია, ყველამ ვიცით, რომ ტურიზმი არის ერთ-ერთი დიდი პრიორიტეტი და ძალიან ბევრი ტურისტი ჩამოდის ისრაელიდან საქართველოში, კიდევ მეტი შეგვიძლია მივიღოთ. სხვა, სამხედრო, პოლიტიკურ, თავდაცვის საკითხებში თანამშრომლობა ისევე, როგორც რეგიონულ საკითხებში თანამშრომლობა არის ერთ-ერთი პრიორიტეტი ჩვენთვის, იმიტომ, რომ ისრაელი არის მეგობარი ქვეყანა“, – განაცხადა ჟვანიამ.

„სტრატეგია აღმაშენებელს“, „ნაციონალურ მოძრაობასა“ და დამოუკიდებელ ექსპერტებს შექმნილი გვაქვს ჯგუფი, სანამ ტრაგედია, ასე ვთქვათ, ცხელია, ყველა ფაქტს აღვრიცხავთ, – ამის შესახებ ჟურნალისტებს „სტრატეგია აღმაშენებლის“ ლიდერმა, გიორგი ვაშაძემ განუცხადა.

მისივე თქმით, შოვის ტრაგედიასთან დაკავშირებით მმართველი გუნდის წარმომადგენლებს საგამოძიებო კომისიის შექმნა იმიტომ არ უნდათ, რომ დანაშაული აქვთ ჩადენილი.

„რატომ არ უნდათ კომისიის შექმნა. იმიტომ, რომ მათ დანაშაული აქვთ ჩადენილი და ამ დანაშაულის გამოაშკარავება მოხდება ფაქტობრივად, ამიტომ ეწინააღმდეგებიან ამ კომისიას. ამის პარალელურად, ჩვენ, „ნაციონალურ მოძრაობასთან“ ერთად სპეციალური ჯგუფი გვაქვს შექმნილი და არც თუ ისე შორეულ მომავალში სერიოზულ დ დასკვნებს ნახავთ. ჩათვალეთ, საგამოძიებო ჯგუფი მუშაობს იმისთვის, რომ საზოგადოებამ სიმართლე ნახოს. არ შეიძლება, ამხელა მსხვერპლი შერჩეს ხელისუფლებაში მყოფ ძალას. იმდენად უტიფრები არიან, პასუხისმგებლობასაც კი არავინ იღებს თავის თავზე. ერთი ადამიანიც კი არ გამოსულა, რომ თქვას – მე ვარ პასუხიგებელი“, – აღნიშნა გიორგი ვაშაძემ.

მისივე თქმით, „სტრატეგია აღმაშენებლის“, „ნაციონალური მოძრაობისა“ და დამოუკიდებელი ექსპერტების ჯგუფი შოვის ტრაგედიასთან დაკავშირებით ყველა ფაქტს აღრიცხავს.

„„სტრატეგია აღმაშენებელს“, „ნაციონალურ მოძრაობას“ და დამოუკიდებელ ექსპერტებს შექმნილი გვაქვს ჯგუფი, სანამ ტრაგედია, ასე ვთქვათ, ცხელია, პარალელურად ყველა ფაქტს ავღრიცხავთ, რა მოხდა, როგორ მოხდა, როგორ უნდა მომხდარიყო, აბსოლუტურად ყველაფერს აღვრიცხავთ. ყველა დოკუმენტაციას ნახავთ დასაბუთებულად, ვის რა უნდა გაეკეთებინა და არ გააკეთა, ვინ როგორ მოიქცა, ვინ როგორ ხელი შეუწყო ან ხელი შეუშალა ამ ყველაფერს, როგორი იყო რეაგირება. ყველაფერს ნახავთ წესებით, კანონებით და იმ ინსტრუქციებით გაწერილს, რომელიც უნდა ყოფილიყო შესრულებული და რომელიც, სამწუხაროდ, არ გააკეთა „ქართულმა ოცნებამ““, – განაცხადა გიორგი ვაშაძემ.

გიორგი ვაშაძის თქმით, იმედოვნებს, რომ დროებითი კომისიის შექმნაზე აზრს გიორგი გახარიას პარტიაც შეიცვლის და საღი აზრი გაიმარჯვებს.