ჩრდილოეთ კორეამ პანდემიის დაწყების შემდეგ პირველი საერთაშორისო ფრენა შეასრულა. ამის შესახებ BBC იტყობინება.
ავიაკომპანია Air Koryo-ს თვითმფრინავმა ფხენიანი დღეს დილით დატოვა და ადგილობრივი დროით 09:16 საათზე პეკინში ჩაფრინდა.
ჯერჯერობით უცნობია, რამდენი მგზავრი იმყოფებოდა ბორტზე. რეისი Tu-204 ტიპის თვითმფრინავმა შეასრულა, რომელსაც 210 მგზავრის გადაყვანა შეუძლია.
დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის დირექტორის, თეა გოდოლაძის განცხადებით, ოჯახური ძალადობის შესახებ ბრალდებასთან დაკავშირებით მედიაში გავრცელებული ინფორმაცია 2 წლის წინანდელ ფაქტს ეხება, სადაც ის არა მოძალადე, არამედ თავად იყო ფიზიკური და ფსიქოლოგიური ძალადობის მსხვერპლი.
ამის შესახებ თეა გოდოლაძე სოციალურ ქსელში წერს.
„ეს საკითხი ეხება ჩემ პირად ცხოვრებას და ძალიან მძიმეა ჩემთვის. 2022 წლის 7 აპრილს, ღამით, ადგილი ჰქონდა ყოფილი პარტნიორისაგან ჩემზე ფიზიკურ და ფსიქოლოგიურ ძალადობას, რის გამოც 2022 წლის აპრილის თვიდან გავდიოდი მკურნალობას. ამ ეტაპზე, საქმე სასამართლოშია. „რუსთავი 2“-ის მიერ გავრცელებული ინფორმაცია ეხება 2 წლის წინ მომხდარ შემთხვევაზე დაფუძნებულ შეთითხნილ ბრალდებას. ჩემმა ყოფილმა პარტნიორმა, თეიმურაზ შერგელაშვილმა, რომელიც ამჟამად ბრალდებულია ჩემ მიმართ განხორციელებულ ფიზიკურ და ფსიქოლოგიურ ფაქტთან დაკავშირებით, გენდერული დისკრიმინაციის მოტივით, შეთითხნა ცრუ ბრალდებები, მტკიცებულებების გარეშე, პროვოკაციის მოწყობის მიზნით. მისი გასაჯაროებით ხელისუფლება ცდილობს გამაჩუმოს, რომ აღარ ვილაპარაკო შოვში მომხდარ ტრაგედიასა და სხვა საფრთხეებზე. ასე იყო 2021 წელს, „ნამოხვანის“ დროსაც. მაშინაც ააგორეს კამპანია ჩემ წინააღმდეგ, ამიტომ ცხადია, რომ ეს ყველაფერი უკავშირდება შოვის, ჭიათურის და ზოგადად მშენებლობების თემებთან მიმართებაში გაკეთებულ ჩემს განცხადებებსა და პოზიციას. ჩემი შანტაჟი პირადი ცხოვრებით არ გამოგივათ! არ გავჩუმდები! ნუ ცდილობთ ჩემს გაშავებას და ყურადღების გადმოტანას ჩემზე. უპასუხეთ ხალხს! არ გავჩუმდები! ქალზე ძალადობის „გაპრავებაც“ და საქმის მოტრიალებაც არ გამოვა! ყველა დაჩაგრული ქალის ინტერესს დავიცავ“, – წერს თეა გოდოლაძე.
ცნობისთვის, „რუსთავი 2-მა” გაავრცელა ინფორმაცია, რომლის მიხედვითაც თეა გოდოლაძეს ბრალი წარუდგინა 126-ე პრიმა მუხლით, რაც ოჯახის წევრის მიმართ ძალადობას გულისხმობს. მათივე ცნობით, ამჟამად თეა გოდოლაძეს 2 000 -ლარიანი გირაო აქვს შეფარდებული, ხოლო საქმე სასამართლოში განიხილება.
ბელგიის საგარეო და ევროპული ურთიერთობების საქმეთა, საგარეო ვაჭრობისა და კულტურული ინსტიტუტების მინისტრი ჰაჯა ლაჰიბი ერევანს, თბილისსა და ბაქოს ოთხდღიანი ვიზიტით ეწვევა. ამის შესახებ ის სოციალურ ქსელში წერს.
როგორც ბელგიელი დიპლომატი აღიშნავს, ვიზიტის მიზანია სამხრეთ კავკაიის რეგიონში გრძელვადიანი მშვიდობის ხელშეწყობა.
„მივემართები ერევანში, თბილისსა და ბაქოში ოთხდღიან მოგზაურობაში, რომელიც სავსეა მნიშვნელოვანი შეხვედრებით. მიზანია ბელგიის სახელით და ევროკავშირის პოზიციის შესაბამისად, რეგიონში გრძელვადიანი მშვიდობისა და ჩვენი გამაერთიანებელი კავშირების გაძლიერების ხელშეწყობა“, – წერს ჰაჯა ლაჰიბი.
საბჭოთა კავშირიც ასეთი იყო – ჩერნობილის კატასტროფასაც ასე მალავდნენ…
თუმცა, რაც უფრო აგრესიულად ეცდებიან სიმართლის მთქმელების “გაშავებას”, უფრო დარწმუნდება საზოგადოება, რომ მართლაც, არც თუ ცოტა აქვთ დასამალი.. – წერს “ნაციონალური მოძრაობის” ყოფილი თავმჯდომარე ნიკა მელია სოციალურ ქსელში:
“შოვის ტრაგედიასთან დაკავშირებით, ინფორმაციის დამალვისა და “სხვა რეალობის” შექმნის პროცესში, ოცნების პროპაგანდა საკუთარ ფსკერსაც კი ჩაცდა.
არ უნდა არსებობდეს “მოწმე”, რომელიც იტყვის სიმართლეს, რომ იბრძოლა სიცოცხლისთვის და ისე გადარჩა…ან თუ არსებობს უნდა “გააშავონ”.
არ უნდა არსებობდეს მეცნიერი, რომელიც იტყვის სიმართლეს, რომ სტიქიის არა, მაგრამ ამხელა მსხვერპლის თავიდან არიდება შეიძლებოდა. ახლა ცდილობენ თეა გოდოლაძის გაშავებას, რომ შეცვალონ რეალობა.
საბჭოთა კავშირიც ასეთი იყო – ჩერნობილის კატასტროფასაც ასე მალავდნენ…
თუმცა, რაც უფრო აგრესიულად ეცდებიან სიმართლის მთქმელების “გაშავებას”, უფრო დარწმუნდება საზოგადოება, რომ მართლაც, არც თუ ცოტა აქვთ დასამალი..”-წერს ნიკა მელია
ამერიკელმა ბიზნესმენმა, ილონ მასკმა პენტაგონის წარმომადგენლებს განუცხადა, რომ პირადად ესაუბრა რუსეთის პრეზიდენტს, ვლადიმერ პუტინს.
ამის შესახებ The New Yorker-ის სტატიაში ნათქვამი, რომლის სახელწოდებაა “მასკის ჩრდილოვანი რეჟიმი”.
აღნიშნულია, რომ მასკმა გასული წლის ოქტომბერში ინფორმაცია თავდაცვის მდივნის მაშინდელ მოადგილეს, კოლინ კალს ნებაყოფლობით მიაწოდა.
მაშინ აქტუალური იყო საკითხი იმის შესახებ, რომ უკრაინელმა სამხედროებმა Starlink-თან კონტაქტს კარგავენ. საუბარი იყო უკრაინის მიერ გათავისუფლებულ ტერიტორიებზე, რომლებსაც რუსეთი „თავისად“ მიიჩნევს.
“ჩემი დასკვნა მდგომარეობს იმაში, რომ ილონ მასკი ნერვიულობდა, რომ Starlink-ის ჩართულობა რუსეთში სულ უფრო მეტად განიხილებოდა, როგორც უკრაინისთვის ომში ხელშეწყობად და ეძებდა რუსების დასამშვიდებელ გზას”, – დასძინა კალმა.
პენტაგონის ოფიციალური პირის თქმით, მასკმა თავად თქვა, რომ პუტინს ესაუბრა.
“მშვენიერი საუბარი მქონდა პუტინთან”. და ჩვენ ვიფიქრეთ, “ღმერთო ჩემო, ეს არ არის კარგი”, – თქვა პენტაგონის მაღალჩინოსანმა.
გაზეთის კიდევ ერთი წყაროს თქმით, მასკმა თქვა, რომ პუტინთან რამდენიმე კვირით ადრე ისაუბრა, ვიდრე “ტვიტერში” სამშვიდობო გეგმის თავის ვერსიას გამოაქვეყნებდა.
აზერბაიჯანი-სომხეთის საზღვარზე აზერბაიჯანელი ჯარისკაცი დაჭრეს. ინფორმაციას „კავკაზსკი უზელი“ ავრცელებს.
აზერბაიჯანის თავდაცვის სამინისტროს ცნობით, სომეხმა სამხედროებმა ნახიჩევანსა და ლაჩინის რაიონში მდებარე აზერბაიჯანულ საგუშაგოებს ცეცხლი გაუხსნეს, რომლის შედეგად ერთი აზერბაიჯანელი ჯარისკაცი დაიჭრა.
„დაჭრილი ჯარისკაცი სამხედრო-სამედიცინო დაწესებულებაშია გადაყვანილი, მის სიცოცხლეს საფრთხე არ ემუქრება. აზერბაიჯანის არმიის ქვედანაყოფები გადამწყვეტ საპასუხო ზომებს მიიღებენ. სომხური მხარის პროვოკაციებზე პასუხისმგებლობა სრულად სომხეთის სამხედრო-პოლიტიკურ ხელმძღვანელობას აკისრია“, – ნათქვამია უწყების განცხადებაში.
თავის მხრივ, სომხეთის თავდაცვის უწყება ბრალდებებს უარყოფს და აცხადებს, რომ ცეცხლის შეწყვეტის რეჟიმი აზერბაიჯანმა დაარღვია.
ინციდენტის ადგილი არ ზუსტდება.
უკრაინის ეროვნული უსაფრთხოებისა და თავდაცვის საბჭოს მდივნის ოლექსი დანილოვის განცხადებით, უკრაინა ყირიმს სამხედრო გზით დაიბრუნებს, რადგან ჯერჯერობით, სხვა ვარიანტები არ არსებობს.
„[ყირიმს] გავათავისუფლებთ და დიდი ალბათობით, ეს სამხედრო გზით მოხდება, თუ იმ დროისთვის, აგრესორი ქვეყანა ვერ გაიგებს, რომ უნდა დატოვოს ჩვენი ტერიტორია. სხვა ვარიანტი არ გვაქვს.
იქნება თუ არა ეს რთული? დიახ – რთული იქნება. ეცდებიან თუ არა ჩვენს გადარწმუნებას ფარულად? სავარაუდოდ, შეტყობინებები გამოიგზავნება“, – აცხადებს დანილოვი.
მისივე თქმით, ყირიმის დეოკუპაციის გარეშე არ შეიძლება, ომი დასრულებულად ჩაითვალოს.
„ეს კი იმას ნიშნავს, რომ შემდეგი თაობები ვერ შეძლებენ მშვიდად ცხოვრებას და ომი, მემკვიდრეობით გადავა. მხოლოდ ყირიმის ტერიტორიიდან რუსეთის გაძევებით გავიგებთ, რომ ჩვენს სახელმწიფოს ექნება უსაფრთხოების გარკვეული გარანტიები, გარკვეული პერიოდის განმავლობაში“, – ამბობს ოლექსი დანილოვი.
უკრაინამ ევროკავშირისგან 1,5 მილიარდი ევროს ოდენობის მაკროფინანსური დახმარების მორიგი ტრანში მიიღო. ამის შესახებ ინფრომაციას სოციალურ ქსელ „ტვიტერში“ ევროკომისიის პრეზიდენტი ურსულა ფონ დერ ლაიენი ავრცელებს, რომელიც ცოტა ხნის წინ ათენში ვოლოდიმირ ზელენსკის შეხვდა.
„ჩვენ მხარს ვუჭერთ უკრაინის ძალისხმნევას, აღადგინოს ქვეყან და უზრუნველყოს სახელმწიფოს ფუნქციონირება. დღეს ჩვენ უკრაინას დამატებით 1,5 მილიარდი ევრო გამოვუყავით. კიდევ მეტი იქნება, მიმდინარე წელს და მომავალში“, – აღნიშნა ფონ დერ ლაიენმა.
ევროკომისიის პრეზიდენტის ცნობით, ევროკავშირის მიერ უკრაინისთვის 2022 წლის მარტიდან გამოყოფილმა მაკროფინანსურმა დახმარებას 19,2 მილიარდი ევრო მიაღწია.
საჰაერო თავდაცვის გაძლიერება უკრაინული ძალების ნომერ პირველ პრიორიტეტად რჩება. უკრაინას ასევე სჭირდება მეტი ჭურვები და ყველა ტიპის ჯავშანტექნიკა, – მედიის ინფორმაციით, ამის შესახებ უკრაინის თავდაცვის მინისტრმა, ოლექსი რეზნიკოვმა ოდესაში, ბულგარეთის თავდაცვის მინისტრ ტოდორ ტაგარევთან ერთობლივ პრესკონფერენციაზე განაცხადა.
„რა იარაღს ველოდებით ჯერ კიდევ? პრიორიტეტები არ შეცვლილა. ნომერ პირველი პრიორიტეტი არის საჰაერო თავდაცვა. ჩვენ უნდა გავზარდოთ უკრაინის ცის თავდაცვის ქსელი“, – აღნიშნა რეზნიკოვმა.
მან მეორე პრიორიტეტად „ჭურვები, ჭურვები და კიდევ ჭურვები“ დაასახელა.
მინისტრმა რეზნიკოვმა მნიშვნელოვანი უწოდა ბულგარეთის მთავრობის გადაწყვეტილებას, შეუერთდეს ევროკავშირის პროგრამას უკრაინისთვის 155 მმ-იანი საარტილერიო საბრძოლო მასალის მიწოდებასთან დაკავშირებით.
„მესამე, რაც უკრაინის შეიარაღებულ ძალებს სჭირდება, არის ყველა ტიპის ჯავშანტექნიკა“, – აღნიშნა რეზნიკოვმა.
მინისტრმა ასევე აღნიშნა, რომ მნიშვნელოვანია უკრაინელი სამხედროების სხვადასხვა მიმართულებით მომზადება.
„ბრიქსის“ სამიტზე დასასწრებად სამხრეთ აფრიკაში, პუტინის ნაცვლად, რუსეთის საგრეო საქმეთა მინისტრი სერგეი ლავროვი ჩავიდა.
სამიტზე მიწვეული რუსეთის პრეზიდენტი ვლადიმერ პუტინი იყო, თუმცა მონაწილეობას პუტინი ვიდეოკონფერენციის საშუალებით მიიღებს.
„ბრიქსის“ სამიტი იოჰანესბურგში 22 აგვისტოდან 24 აგვისტოს ჩათვლით გაიმართება. მოწვეულთა შორის აფრიკის 54 ქვეყნის ლიდერია.
შეგახსენებთ, ვლადიმერ პუტინზე საერთაშორისო სისხლის სამართლის დაკავების ორდერია გაცემული. ვინაიდან სამხრეთ აფრიკა სისხლის სამართლის საერთაშორისო სასამართლოს რომის სტატუტის ხელმომწერია, რუსეთის პრეზიდენტის ქვეყანაში შესვლის შემთხვევაში, სამხრეთ აფრიკას მისი დაპატიმრება მოეთხოვებოდა. რუსული მედიის ცნობით, სხვა საკითხებთან ერთად, ვლადიმერ პუტინი სამიტის მონაწილეებს 2024 წელს რუსეთის თავმჯდომარეობის პრიორიტეტებს გააცნობს.
საქართველოს საელჩო საბერძნეთში საქართველოს მოქალაქეებს ხანძრის ახალი კერების შესახებ ინფორმაციას აწვდის. შესაბამის განცხადებას საქართველოს საელჩო სოციალურ ქსელში ავრცელებს და აცხადებს, რომ შექმნილი ვითარებიდან გამომდინარე უწყვეტ რეჟიმში მოქმედებს საქართველოს საელჩოს ცხელი ხაზი.
„საბერძნეთში მყოფი საქართველოს მოქალაქეების საყურადღებოდ!
საბერძნეთის საგანგებო მდგომარეობების სამსახურის მიერ ვრცელდება ინფორმაცია ხანძრების ახალი კერების წარმოქმის შესახებ ასპროპირგოში, ელეფსისში, პლაკაში, დიკელაში, მაკრისში, Nea Chili-ში, ბეოტიაში, კიტნოსსა და იასმოსში.
საბერძნეთის ტერიტორიაზე შექმნილი ვითარებიდან გამომდინარე შეგახსენებთ, რომ უწყვეტ რეჟიმში მოქმედებს საქართველოს საელჩოს ცხელი ხაზი +306952220000.
აქვე გაცნობებთ შემდეგ ტელეფონის ნომრებს:
საგანგებო და გადაუდებელი მდგომარეობისას ცხელი ხაზი – 112, საბერძნეთის პოლიცია – 100, სახანძრო სამსახური – 199, სასწრაფო დახმარება – 166“, – ნათქვამია განცხადებაში.
პაკისტანში 8 ადამიანის, მათ შორის 6 ბავშვის გადარჩენას ცდილობენ, რომლებიც საბაგიროზე, გონდოლაში არიან გაჭედილები. ამის შესახებ BBC წერს.
გამოცემის ინფორმაციით, ინციდენტი ქვეყნის ჩრდილოეთ-დასავლეთით, ბატაგრამში მოხდა. ბავშვები სკოლაში მიდიოდნენ, როდესაც საბაგიროს ერთ-ერთი კაბელი გაწყდა და გონდოლა ხეობის თავზე, 274 მეტრის სიმაღლეზე გაჩერდა.
შემთხვევა ადგილობრივი დროით დაახლოებით 07:00 საათზე მოხდა. სამაშველო სამუშაოები სამხედრო ვერტმფრენებია ჩართული.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge