„ნაციონალური მოძრაობა“ არის ლიდერთა თანავარსკვლავედი და დღეს აქ რომ დგახართ, საკრებულოს გამარჯვებული მინიმუმ 60 წევრია და ყველა ვარსკვლავია, – ასე გამოეხმაურა „ნაციონალური მოძრაობის“ თავმჯდომარე ლევან ხაბეიშვილი არსებულ მოსაზრებას, რომ ხაბეიშვილი-ვაშაძის გაერთიანება „ნაციონალურ მოძრაობაში“ ლიდერთა სიმცირემ განაპირობა.

ამასთან, როგორც ხაბეიშვილმა აღნიშნა, გამარჯვების პარტია კიდევ ბევრ ლიდერს შემოიკრებს გარშემო.

„ნაციონალური მოძრაობა“ არის ლიდერთა თანავარსკვლავედი და დღეს აქ რომ დგახართ, საკრებულოს გამარჯვებული მინიმუმ 60 წევრია და ყველა ვარსკვლავია დაწყებული გიგიტელაშვილით, 22 წლის ახალგაზრდა ბიჭით, რომელმაც 62% აიღო თელავში და დაამარცხა “რუსული პარტია”. ცოტნე აბესაძე არის ვარსკვლავი, რომელმაც ტყიბულში პირველსავე ტურში დაამარცხა “რუსული პარტიის” წარმომადგენელი და ასეთი ათეულობით ადამიანია აქ. ამიტომ „ნაციონალურ მოძრაობას“ ლიდერები არ უჭირს, თუმცა ჩვენ რომ ჩვენს პლატფორმაზე კიდევ ბევრ ლიდერს გავაჩენთ და იქნება ეს, არის აპრიორი, ინერვიულონ სახელისუფლებო მედიებმა, რუსულმა პარტიებმა, ინერვიულონ ძალიან ბევრი“, – განაცხადა ხაბეიშვილმა.

მისივე თქმით, ის სხვა პარტიების პოლიტიკურ გაერთიანებასაც მიესალმება, თუმცა გამარჯვების პლატფორმა პირველობას აპირებს.

„ჩვენ მივესალმებით ყველა პროდასავლური პარტიის თუნდაც ცალკე გაერთიანებას. პირველებმა გაერთიანება გავაკეთეთ ჩვენ, შესაბამისად, მეტად სწრაფად მოუწევთ გადაწყვეტილების მიღება, რომ საზოგადოებამ იცოდეს, რა კონფიგურაციით იქნება პროდასავლური პარტიები რუსული პარტიის წინააღმდეგ. ჩვენ არავის კონკურენტად არ მივიჩნევთ. ჩვენ გვაქვს გამარჯვების პარტია შექმნილი – ჩვენ ვაპირებთ გამარჯვებას, ჩვენ ვაპირებთ პირველობას და მივესალმებით ყველა პროდასავლური პარტიის გაერთიანებას. მეტიც, ჩვენი მხრიდან „მათ ეზოში კენჭი ნასროლი არ იქნება“. მივესალმებით, ითანამშრომლონ, გამსხვილდნენ, ჩვენ მხოლოდ გაგვიხარდება“, – განაცხადა ხაბეიშვილმა.

როდესაც ჩვენ ვნახეთ, რომ თურმე ამ ქვეყნის (ხელისუფლებას რა უჭირს) საწინააღმდეგო რეზოლუციები ლობიზმის შედეგი ყოფილა, ეს, რა თქმა უნდა, რბილად რომ ვთქვათ, უხერხულია, – ამის შესახებ მამუკა მდინარაძემ პარლამენტში ჟურნალისტებთან საუბრისას განაცხადა. ფრაქცია „ქართული ოცნების“ თავმჯდომარემ FARA-ს დოკუმენტებში არსებულ იმ დეტალებზეც ისაუბრა, რომელიც მიხეილ სააკაშვილის გათავისუფლების მოთხოვნის საკითხში ქვეყნის მეოთხე პრეზიდენტის, გიორგი მარგველაშვილის ჩართულობას ეხება.

„რბილად რომ ვთქვათ, ძალიან უხერხულია, როდესაც მარგველაშვილი გამოვიდა და თქვა: „მე შევქმენი პეტიცია, მოვაწერინე ხალხს ხელი“ და თურმე არაფერი შეუქმნია – ვიღაცამ დაუწერა, ვიღაც თავის ხალხს უთხრა: „ახლა თქვენც მოაწერეთ ხელი“ და მხოლოდ ამ პატარა,​ მინი-კამპანიაში, ამ დამაზიანებლობის გავრცელებაში გადაიხადეს 11 500 დოლარი. ეს, რაც, როგორც ჩანს, აუცილებელი გახდა ფურცელზე მოხვედრილიყო. და თქვენ წარმოიდგინეთ, რასაც ეს ხალხი ერთად აკეთებდა თვეებისა და წლების განმავლობაში, ეს რა ჯდება.

მაგრამ მხოლოდ ფული საკმარისი არ არის. ამას სჭირდება მერე სხვა მხრივ მხარდაჭერა, რომელიც, ხედავთ, რომ არსებობს, სამწუხაროდ. საბოლოო ჯამში ეს ყველაფერი იყრის თავს იმაში, რომ აზიანებენ საქართველოს.

ნაყიდი მხარდაჭერა, ნაყიდი თანაგრძნობა, ნაყიდი ავადმყოფობა, თან მხარდაჭერილი დავალების მიმცემების მიერ – ეს არის როგორც მინიმუმ ძალიან უხერხული და ძალიან დამაზიანებელი ამ ქვეყნისთვის, იმიტომ, რომ ეს ქვეყანა დგას ევროპის გზაზე. კანდიდატის სტატუსის მოლოდინში ჩვენ ამ ფეიკებს არ უნდა ვებრძოდეთ – ერთად უნდა ვიბრძოდეთ ამ ქვეყნის ევროპული მომავლისთვის.

და დღეს ყველა სიტყვაში – რუსული კანონი (მოგონილი ამბავი), რუსული ნაბიჯები, რუსული გამომეტყველება – მივალთ აქამდე. არჩევნებამდე აუცილებლად მივალთ იქამდე, რომ ჩემს ჟესტიკულაციაზე შეიძლება თქვან: „რუსული მანერები“ და ამ მდაბიო პიარის, ფეიკის მსხვერპლი უნდა გახდეს ჩვენი ქვეყანა. ეს არის ძალიან ცუდი“, – განაცხადა მდინარაძემ.

FARA-ს დოკუმენტების მიხედვით, საქართველოს მეოთხე პრეზიდენტს, გიორგი მარგველაშვილს 11 500 დოლარი სააკაშვილის გათავისუფლების შესახებ პეტიციაზე მუშაობისთვის ჩაერიცხა.

ჩვენ უზრუნველვყოფთ, რომ ამ ქვეყანაში აგენტები, რამდენ კლასტერადაც არ უნდა დაიყონ, რამდენჯერაც არ უნდა დაბრუნდნენ უკან თუ სხვაგან გადავიდნენ, ვერ გაიმარჯვებენ, – ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ ჟურნალისტებს განუცხადა.

მდინარაძის თქმით, ლოგიკურია, რომ საპარლამენტო არჩევნებამდე შესაძლებელია, საქმე გვქონდეს „ნაცმოძრაობის“ რიგებში გადაჯგუფებასთან, ანუ დიდ კლასტერში, რომელიც საქართველოში რამდენიმე პარტიად არის გაშლილი.

„იგივე ლოგიკა გვეუბნება, რომ ყველაზე რადიკალი და ყველაფერზე წამსვლელი ადამიანები დღეს 5 ნომრის ქვეშ შეიკრიბნენ. ვაშაძის პოლიტიკური ხასიათი ძალიან ჰგავს „ნაცმოძრაობის“ ე.წ. თავმჯდომარის, ხაბეიშვილის პოლიტიკურ ხასიათს, რადგან ისინი არიან ყველაფერზე წამსვლელები, ყველაზე რადიკალები და ასე პოზიციონერებენ. როგორც ჩანს, ეს ჯგუფი ერთ მხარეს დააჯგუფეს. მათ არაფერს ეკითხებიან, დავალებას აძლევენ და რასაც ეტყვიან, ყველაფერს აკეთებენ. ალბათ მეორე კლასტერს ვნახავთ, რომელიც ლიბერალებზე იმუშავებს, მაგრამ, რეალურად, ფსევდოლიბერალური ღირებულებებით იქნებიან, რადგან მათ ლიბერალიზმთან საერთო არაფერი აქვთ. ამ ნაწილში იქნებიან ზურა-გირჩი ჯაფარიძე და მისი მხარე. შესაძლოა, მათთან ვიხილოთ „ლელო“, გახარია და სხვა პოლიტიკური წარმონაქმნები. ყველანი ცდილობენ, ერთად მიიღონ ხმები, რომელიც „ქართულ ოცნებას“ მოუგებს, რაც წარმოუდგენელია.

ერთ რამეში ცდებიან. მაგალითად, პირველკლასელი ბავშვი რომ გააკეთებს, „ნაცმოძრაობის“ 18 პროცენტს და ვაშაძის ორ პროცენტს მარტივად შეკრებს და ეს 20 პროცენტია, საარჩევნო არითმეტიკა ასე არ ჯდება ხოლმე. „ნაცმოძრაობის“ ამომრჩევლის ქცევა შეიძლება ისეთი იყოს, რომ 18 პროცენტს ორი პროცენტი მიუმატო და აღმოჩნდეს 15. გამარჯვებაზე ფსონს ვერ დადებენ, რადგან ჩვენ უზრუნველვყოფთ, რომ ამ ქვეყანაში აგენტები, რამდენ კლასტერადაც არ უნდა დაიყონ და რამდენჯერაც არ უნდა დაბრუნდნენ უკან თუ სხვაგან გადავიდნენ, ვერ გაიმარჯვებენ. სულ რომ ხვალ ან რამდენიმე წლის შემდეგ იყოს, ჩვენს ხელისუფლებას დავუთმობთ იმ ხალხს, ვინც აგენტები არ არიან და ამ ქვეყანაზე ზრუნავენ. შეიძლება, მათ პლიუს-მინუსი ჰქონდეთ, მაგრამ უნდა იყვნენ ამ ქვეყნის პატრიოტები. ეს ქვეყანა აგენტებს და სხვების დავალებების შემსრულებლებს არ უნდა დავუთმოთ და ამაზე უნდა შევთანხმდეთ. სრული კონსენსუსი უნდა იყოს. რეალური ევროპული მომავალი, რეალური პატრიოტიზმი და სიმართლე უნდა იყოს დომინირებული და გამარჯვებული არჩევნებში. ამ შემთხვევაში ოპოზიციაში დიდი სიამოვნებით გადავალთ. ხელისუფლებაში ყოფნა უდიდესი პასუხისმგებლობაა, მაგრამ ოპოზიციაში მხოლოდ მაშინ გადავალთ, როცა მივხვდებით და ქართველი ხალხი დაინახავს, რომ ოპოზიციაში არიან ის ადამიანები, რომლებსაც შეუძლიათ, რომ კარნახით კი არ იმოქმედონ, არამედ შეუძლიათ ქართველი ხალხის კარნახით მოქმედება და ქვეყნის ეროვნული ინტერესებით მოქმედება“, – განაცხადა მამუკა მდინარაძემ.

გვინდა, რომ ბევრი ხორვატიული კომპანია იყოს საქართველოში და ველით, რომ გაიზრდება ქართული კომპანიების ინტერესი, ხორვატიაში ექსპორტის მიმართულებით,-ამის შესახებ ხორვატიის რესპუბლიკის პრემიერ-მინისტრმა ანდრეი პლენკოვიჩმა საქართველოს პრემიერ-მინისტრთან ირაკლი ღარიბაშვილთან ერთად გამართულ ბრიფინგზე განაცხადა.

ანდრეი პლენკოვიჩის თქმით, საქართველოსა და ხორვატიის რესპუბლიკას ევროინტეგრაციის გზაზე ტექნიკურ პროექტებში გამოცდილების გაზიარების და თანამშრომლობის დიდი გამოცდილება აქვთ.

„მას შემდეგ, რაც თბილისში იმყოფებოდა ჩვენი საგარეო საქმეთა მინისტრი, გადაწყდა, რომ ჩვენ გავაუმჯობესებთ ჩვენს ეკონომიკურ ურთიერთობებს, ჩვენ ძალიან ახლოს ვართ, დინამიკაც, ეკონომიკური ურთიერთობების, უნდა გაუმჯობესდეს. ასევე, მივესალმებით სხვადასხვა კომპანიის ჩართულობას, ხორვატიის მხრიდან საქართველოში-„კონჩარი”, „იანდერ ლაბორატორი”, „დოკინგ სპან” და სხვა კომპანიები, რომლებიც უკვე ფუნქციონირებენ საქართველოში, საქართველოს ბაზარზე, თავიანთი პროექტებით და გვინდა, რომ ბევრი ხორვატიული კომპანია იყოს საქართველოში. ასევე, ველით, რომ გაიზრდება ქართული კომპანიების ინტერესი, ხორვატიაში ექსპორტის მიმართულებით. ევროპული ინტეგრაციის გზაზე, ჩვენ ბევრჯერ მიგვიღია მონაწილეობა ტექნიკურ პროექტებში. გვითანამშრომლია დაძმობილების პროექტის ფარგლებში და ჩვენი ექსპერტები საქართველოს მთავრობას მივამაგრეთ, ევროკავშირის პროექტების ფარგლებში. ასევე, საქართველოდან გვყოლია ექსპერტები, რომლებიც ხორვატიაში ჩამობრძანდნენ და იხილეს, რა არის ჩვენი გამოცდილება იმიტომ, რომ ჩვენი გამოცდილება ძალიან ახალია, შეიძლება ასე ითქვას და ჩვენ კარგად ვიცით, როგორ უნდა მოხდეს ევროკავშირთან ჰარმონიზაცია, ევრო დირექტივების გადმოტანა ქვეყნის კანონმდებლობაში. ყველა ეს მიმართულება ძალიან მომთხოვნია. რამდენიმე კლასტერი არსებობს, რომელიც კარგად განსაზღვრავს ამ პუნქტებს”,- განაცხადა ანდრეი პლენკოვიჩმა.

უკრაინაში ომის დაწყების დღიდან რუსეთის ტერიტორია დატოვეს უზარმაზარმა კომპანიებმა, „ფოლკსვაგენმა“, „მერსედესმა“, „სონიმ“. დღეს რომ პატრიოტი ხელისუფლება გვყავდეს, ამ კომპანიებთან კარდაკარ ივლიდა, – ამის შესახებ „სტრატეგია აღმაშენებლის“ ლიდერმა, გიორგი ვაშაძემ „ნაციონალური მოძრაობის“ თავმჯდომარესთან, ლევან ხაბეიშვილთან ერთად, „გამარჯვების პლატფორმის“ ფარგლებში, ქვეყნის მასშტაბით საკრებულოს წევრებთან შეხვედრაზე განაცხადა.

ვაშაძის თქმით, ამ კომპანიების ნაცვლად, ხელისუფლება რუსეთს ელაპარაკება.

„წამოვიღე იმ კომპანიების სია, რომლებმაც დატოვეს რუსეთის ფედერაცია. ეს არის „ფოლკსვაგენი“, „მერსედესი“, „სონი“, სხვადასხვა უზარმაზარი კომპანია. ომის დაწყების დღიდან დატოვეს რუსეთის ტერიტორია. დღეს რომ ჩვენ გვყავდეს პატრიოტი ხელისუფლება, ამ კომპანიებთან ივლიდა კარდაკარ და ეტყოდა, მოდი, ჩამოდი საქართველოში, გადმოიტანე შენი წარმოება საქართველოში. ერთ რაიონში „ფოლკსვაგენის“ წარმოებას გავხსნიდით, მეორე რაიონში „მერსედესს“ შემოვიყვანდით, მესამეში – „სონის“, ეს ხომ უზარმაზარ ინვესტიციებს და ნამდვილ ეკონომიკურ ზრდას მოიტანდა. მოიტანდა იმ მაღალანაზღაურებად სამუშაო ადგილებს, რომლებიც ახლა სჭირდება ქვეყანას. ამის ნაცვლად, რას აკეთებს მოღალატე ხელისუფლება, ამ კომპანიებს არ ელაპარაკება და ელაპარაკება რუსეთს. უნდა, რომ 250 მილიონი, ჩვენი ფული დახარჯოს რუსეთთან გზების გაფართოებაზე, მაშინ როდესაც 11 წლის განმავლობაში სარკინიგზო გზის პროექტი, რომელიც ჩვენ დავიწყეთ 2012 წლამდე, რიკოთის გავლით ვერ მიიყვანა ბოლომდე.

ასობით მილიონი დახარჯა არაფერში, როცა შემოვლითი გზა ვერ გააკეთა, როცა რიკოთზე გზა ვერ გაჰყავს. ეს არ არის სამართლიანი. ამიტომაა, რომ რაიონები იცვლება, ამიტომ არის, რომ ასობით ათასი ადამიანი ქვეყნიდან გარბის. 2022 წელი უნდა გამოცხადდეს დემოგრაფიული კატასტროფის წლად, 42 ათასზე ჩამოვიდა შობადობის მაჩვენებელი, 49 ათასი ადამიანი გარდაიცვალა. პირველად საქართველოს დამოუკიდებლობის ისტორიაში ასეთი დაბალი ნიშნული გვაქვს შობადობის, რადგან ხალხი ქვეყნიდან გარბის. დაიცალა სოფლები, ქალაქები, სად არის ხალხი“, – განაცხადა გიორგი ვაშაძემ.

ჩემი პირველი ოფიციალური ვიზიტია ხორვატიაში, ქვეყანაში, რომელსაც საქართველო ახლო მეგობრად და სანდო პარტნიორად მივიჩნევთ, ჩვენ ძალიან ვაფასებთ ხორვატიასთან ურთიერთობას, ეს არის სამაგალითო სახელმწიფო საქართველოსთვის სამხრეთ-აღმოსავლეთ ევროპის რეგიონში, – ამის შესახებ საქართველოს პრემიერ-მინისტრმა, ირაკლი ღარიბაშვილმა ხორვატიაში ვიზიტისას განაცხადა.

პრემიერის თქმით, 30-წლიანი დამოუკიდებლობის პერიოდში ხორვატიამ საგარეო პოლიტიკის მთავარი ორიენტირები სისრულეში მოიყვანა, როდესაც ევროპული და ევროატლანტიკური ოჯახის სრულუფლებიანი წევრი გახდა.

„ევროკავშირში გაწევრიანების პერიოდში ხორვატიამ ქმედითად დაასრულა ევროკავშირში ინტეგრაციის პროცესი, როდესაც ევროზონასა და შენგენის სივრცეს მიუერთდა. წელს ხორვატია და საქართველო დიპლომატიური ურთიერთობების დამყარებიდან 30 წლის იუბილეს აღნიშნავენ, რაც ამ ვიზიტს კიდევ უფრო დიდ მნიშვნელობას ანიჭებს. ამასთან, დღეს განსაკუთრებული დღეა, რადგან ოფიციალურად იხსნება საქართველოს საელჩო ზაგრებში. ხორვატიაში დიპლომატიური მისიის გახსნა მეტყველებს არა მხოლოდ ჩვენი ორმხრივი ურთიერთობების მზარდ დინამიკაზე, არამედ საქართველოს გაზრდილ ჩართულობასა და აქტიურობაზე მიუთითებს სამხრეთ-აღმოსავლეთ ევროპაში. ეს იმას ნიშნავს, რომ ჩვენი ორმხრივი ურთიერთობები გაძლიერდება და კავშირები კიდევ უფრო გამყარდება“, – განაცხადა პრემიერმა.

ირაკლი ღარიბაშვილის განცხადებით, საქართველო მზად არის, გამოიყენოს ყველა შესაძლებლობა, რომ ხორვატიასთან თანამშრომლობა გააღრმაოს.

„ჩვენ, რა თქმა უნდა, მზად ვართ, გამოვიყენოთ ყველა შესაძლებლობა იმისათვის, რომ კიდევ უფრო გავაღრმაოთ პარტნიორობა ჩვენს ქვეყნებს შორის. ასევე, მინდა, ვახსენო, რამდენად ვაფასებთ ხორვატიის მტკიცე მხარდაჭერას საქართველოს სუვერენიტეტისა და ტერიტორიული მთლიანობისადმი, ისევე როგორც ევროპული და ევროატლანტიკური ინტეგრაციისადმი. ამ გზაზე თქვენი შემდგომი აქტიური მხარდაჭერისა და ძლიერი ადვოკატირების იმედი გვაქვს. განსაკუთრებით მადლობელი ვარ პრემიერ-მინისტრი კლინკოვიჩისადმი ამ მტკიცე მხარდაჭერისთვის ევროატლანტიკური ინტეგრაციის მისწრაფების გზაზე. დარწმუნებული ვარ, რომ ჩვენს ქვეყნებს შორის არსებული ისტორიული, კულტურული და ტერიტორიული მსგავსება მრავალი მიმართულებით შეიტანს დადებით წვლილს ჩვენს სახელმწიფოებს შორის კავშირების გაღრმავებაში, გაძლიერებაში, ხალხთა შორის მნიშვნელოვანი ურთიერთობების დამყარებაში“, – განაცხადა ღარიბაშვილმა.

მიმდინარე წლის დეკემბერში ველოდებით სამართლიან გადაწყვეტილებას, სტრატეგიულ, ვიტყოდი, პოლიტიკურ გადაწყვეტილებას ევროპიდან, რომელიც ჩვენი კანდიდატობის სტატუსს ეხება, – ამის შესახებ საქართველოს პრემიერ-მინისტრმა, ირაკლი ღარიბაშვილმა, ზაგრებში, ხორვატიის პრემიერ-მინისტრთან ერთობლივ ბრიფინგზე განაცხადა.

მთავრობის მეთაურის თქმით, ეს კიდევ ერთი ისტორიული გადაწყვეტილება და დამსახურებული აღიარება იქნება ქვეყანაში განხორციელებული წარმატებული რეფორმებისა და პოზიტიური ტრანსფორმაციისა.

„ბოლო წლებში საქართველომ შესანიშნავ შედეგებს მიაღწია კანონის უზენაესობისა და დემოკრატიის, ეკონომიკური განვითარებისა და სოციალური სამართლიანობის უზრუნველყოფის საქმეში და ვხედავთ ავტორიტეტული საერთაშორისო ორგანიზაციების აღიარებას.

იდეალური თავისუფლება განაპირობებდა საქართველოს სურვილს, გაწევრიანებულიყო ევროკავშირში, და ჩვენ ამ ეროვნულ მიზანთან ახლა უფრო ახლოს ვართ, ვიდრე როდესმე ვყოფილვართ.

ვიზალიბერალიზაცია, ევროკავშირთან ასოცირების შეთანხმება, ღრმა და ყოვლისმომცველი თავისუფალი ვაჭრობის სივრცით ის  მიღწევებია, რაც ჩვენი მთავრობის დიდმა ძალისხმევამ მოიტანა. გასულ წელს ევროპულმა საბჭომ – ევროკავშირის ლიდერებმა – გადაწყვეტილება მიიღეს და საქართველოს ევროპული პერსპექტივა აღიარეს, რითიც უპრეცედენტო მუხტი შეიქმნა ევროპული ინტეგრაციის გზაზე.

ერთ წელზე მეტი გავიდა ამ ისტორიული გადაწყვეტილებიდან და ჩვენ დავამტკიცეთ, რომ უძლიერესი ნება გაგვაჩნია ნაკისრი ვალდებულებების შესრულებისა და ევროკავშირის წევრობის მიმართულებით. მიმდინარე წლის დეკემბერში ველით სამართლიან გადაწყვეტილებას, სტრატეგიულ, ვიტყოდი პოლიტიკურ გადაწყვეტილებას ევროპიდან, რომელიც ჩვენი კანდიდატობის სტატუსს ეხება. ეს კიდევ ერთი ისტორიული გადაწყვეტილება და დამსახურებული აღიარება იქნება ქვეყანაში განხორციელებული წარმატებული რეფორმებისა და პოზიტიური ტრანსფორმაციისა.

სრულად ვაცნობიერებთ, რომ ევროკავშირში გაწევრიანებას მოჰყვება გრძელვადიანი ვალდებულებები და პასუხისმგებლობა. ეს არის ხანგრძლივი, თუმცა კმაყოფილების მომტანი  პროცესი. ჩვენ არ ვარიდებთ თავს ვალდებულებების აღებას. მზად ვართ, გავაკეთოთ ყველაფერი, რაც დანიშნულების ადგილამდე მისვლას სჭირდება, რათა გავხდეთ ევროკავშირის წევრი სახელმწიფო“, – განაცხადა პრემიერმა.

ხორვატია გააგრძელებს საქართველოს მხარდაჭერას რეფორმების ძალისხმევის, ევროკავშირისა და ნატო-ში გაწევრიანების ამბიციის მიმართულებით, – ამის შესახებ ხორვატიის პრემიერ-მინისტრმა, ანდრეი პლენკოვიჩმა საქართველოს პრემიერ-მინისტრთან, ირაკლი ღარიბაშვილთან გამართული ერთობლივი განცხადებებისას აღნიშნა.

მისივე თქმით, საქართველოს გააჩნია ამბიცია, გახდეს ევროკავშირის, ნატო-ს წევრი და აღნიშნა, რომ ხორვატია მხარს უჭერს ამ მისწრაფებებს.

„ბოლო 30 წლის განმავლობაში ხორვატიის რესპუბლიკაში ეს არის ირაკლი ღარიბაშვილის პირველი ოფიციალური ვიზიტი. მას შემდეგ, რაც ვაღიარეთ ერთმანეთის დამოუკიდებლობა და მადლობას ვუხდი მას ვიზიტისთვის. დღეს საუბარი გვქონდა ურთიერთობების გაუმჯობესებაზე ხორვატიასა და საქართველოს შორის. ჩვენ ასევე შევეხეთ საქართველოს ევროპულ პერსპექტივას და იმ ამბიციებს, რომელიც ქვეყანას გააჩნია ნატო-ში გაწევრიანების თაობაზე. ვისაუბრეთ უკრაინაში მიმდინარე მოვლენებზე, რუსეთის აგრესიაზე, ეკონომიკურ მდგომარეობაზე საქართველოში და ასევე, შევეხეთ სამხრეთ-აღმოსავლეთ ევროპაში არსებულ მდგომარეობას. საქართველოს გააჩნია ამბიცია, გახდეს ევროკავშირისა და ნატო-ს წევრი და ჩვენ მხარს ვუჭერთ ამ მისწრაფებებს.

გასულ წელს ევროპულ საბჭოში გადავწყვიტეთ, რომ უკრაინა, მოლდოვა კანდიდატის სტატუსის მქონენი არიან, ხოლო საქართველოს მიენიჭა ევროპული პერსპექტივა და 12 ვალდებულება განესაზღვრა. ეს ევროკომისიის დასკვნაშია გაწერილი. მოხარული ვარ, რომ საქართველო ამ ვალდებულებებს ასრულებს. იმედი მაქვს, განვიხილავთ ამ საკითხებს სამივე ქვეყანასთან მიმართებით, საქართველოსთან მიმართებით ჩვენ ვნახავთ პროგრესს ინსტიტუციურად და ევროკავშირში გაწევრიანების გზაზე გვექნება წინსვლა.

რაც შეეხება საქართველოს ამბიციას ნატო-ში გაწევრიანების თაობაზე, საქართველოს საგარეო საქმეთა მინისტრი ილია დარჩიაშვილი ბრძანდებოდა სამიტზე და გააჟღერა გზავნილები. საქართველოს ამჟამად ორი ოკუპირებული ტერიტორია გააჩნია აფხაზეთისა და სამხრეთ ოსეთის სახით, რომლებიც რუსეთის მხრიდან არიან ოკუპირებული. ფორმალურად, რუსეთმა მოახდინა ანექსია, ჩვენ ამას გაყინულ კონფლიქტს ვუწოდებთ. ყირიმი, დონეცკი, ლუგანსკის რეგიონები მსგავსი გამოწვევის წინაშე დადგნენ. ამ მხრივ, პოლიტიკური და უსაფრთხოების სიტუაცია საქართველოში ძალიან მომთხოვნი და სენსიტიურია. პრინციპში, სამხრეთ ოსეთის ნაწილიდან თბილისამდე არსებობს ადმინისტრაციული საზღვარი და დედაქალაქიდან 40 წუთის სავალზეა. მას შემდეგ, რაც თბილისში იმყოფებოდა ჩვენი საგარეო საქმეთა მინისტრი, გადაწყდა, რომ ხორვატია და საქართველო გავაუმჯობესებთ ჩვენს ეკონომიკურ ურთიერთობებს, ძალიან ახლოს ვართ, უნდა გაუმჯობესდეს დინამიკაც, ეკონომიკური ურთიერთობებიც.

ასევე, მივესალმებით ხორვატიის მხრიდან საქართველოში სხვადასხვა კომპანიის ჩართულობას. კომპანიები ფუნქციონიერებენ საქართველოს ბაზარზე თავიანთი პროექტებით და გვინდა, ბევრი ხორვატიული კომპანია იყოს საქართველოში. ასევე, ველოდებით, რომ გაიზრდება ქართული კომპანიების ინტერესი ხორვატიაში ექსპორტის მიმართულებით. ევროპული ინტეგრაციის კვალობაზე, ბევრჯერ მიგვიღია მონაწილეობა ტექნიკურ პროექტებზე, გვითანამშრომლია დაძმობილების პროექტების ფარგლებში, ჩვენი ექსპერტები საქართველოს მთავრობას მივამაგრეთ ევროკავშირის პროექტების ფარგლებში. ასევე, საქართველოდან გვყოლია ექსპერტები, რომლებიც ხორვატიაში ჩამობრძანდნენ და ნახეს, რა არის ჩვენი გამოცდილება. ჩვენი გამოცდილება ძალიან ახალია და ჩვენ კარგად ვიცით, როგორ უნდა მოხდეს ევროკავშირთან ჰარმონიზაცია, ევროდირექტივების გადმოტანა ქვეყნის კანონმდებლობაში“, – განაცხადა ანდრეი პლენკოვიჩმა.

​მისივე თქმით, ირაკლი ღარიბაშვილს ხორვატიაში არსებული ეკონომიკური მდგომარეობის შესახებ აცნობა.

„ვესაუბრე ჩვენი მთლიანი შიდა პროდუქტის შესახებ. ჩვენი მშპ 66 მილიარდი დოლარია, ბოლო შვიდი წლის განმავლობაში 22 პროცენტით გაიზარდა. ჩვენ დავადასტურეთ, რომ გავზარდეთ ტურისტული, ეკონომიკური მაჩვენებლები და გარდაქმნა, რომელიც ვიქონიეთ ევროზონის მიმართულებით. მოგეხსენებათ, ჩვენ ვართ ევროზონისა და შენგენის სივრცის წევრი. ეს არის ის სამიზნეები, რომლებიც შესრულდა წელს. ხორვატია გააგრძელებს საქართველოს მხარდაჭერას რეფორმების ძალისხმევის, ევროკავშირისა და ნატო-ში გაწევრიანების ამბიციის მიმართულებით. ჩვენ გამოვიყენებთ ამ ვიზიტს, რათა გაუმჯობესდეს ჩვენი ეკონომიკური ურთიერთობები. ძალიან მიხარია იმის თქმა, რომ დღეს ზაგრებში გავხსნით ხორვატიაში საქართველოს საელჩოს. დიდ მადლობას მოგახსენებთ, პრემიერ-მინისტრო, ძალიან მაღალი დონის ანალიზისთვის, ქართული ხედვის გაცნობისთვის უკრაინისა და შავი ზღვის მიმართულებით, თქვენი დისკუსია ძალიან ქმედითი იყო დღეს“, – განაცხადა ხორვატიის პრემიერ-მინისტრმა.