“ფერი ფერსა მადლი ღმერთსა” – აშშ-ს საელჩოს დიდებული არჩევანი!”- გოგა ხაინდრავა

12:45 - 09/05/2023

“დიდებული არჩევანი! ასკინკილა ავღანური ეპოპეის გამოძახილი”- გოგა ხაინდრავა ლომჯარიას მოადგილის აშშ-ს საელჩოს მრჩევლად დანიშვნაზე

კინორეჟისორი გოგა ხაინდრავა ტვიტერით ეხმიანება აშშ-ს საელჩოში ყოფილი სახალხო დამცველის მოადგილის გიორგი ბურჯანაძის მრჩევლად დასაქმებას:

“ფერი ფერსა მადლი ღმერთსა”. აშშ-ს საელჩოს დიდებული არჩევანი!

ასკინკილა ავღანური ეპოპეის გამოძახილი. პერსპექტიულ მრჩეველთა სია: გირჩი
შარვალჩახდილი უკუსვლითი შეტევების ოსტატი ლяკა ГРУ-ს მეთოდისტი კიკუ
ქოლცენტრმშენებელი ჭუტა მედიასაროსკიპოთ მცოდნე”- გოგა ხაინდრავა.

"ფერი ფერსა მადლი ღმერთსა".
აშშ-ს საელჩოს
დიდებული არჩევანი!
ასკინკილა
ავღანური ეპოპეის გამოძახილი.
პერსპექტიულ მრჩეველთა სია:
გირჩი
შარვალჩახდილი უკუსვლითი
შეტევების ოსტატი
ლяკა
ГРУ-ს მეთოდისტი
კიკუ
ქოლცენტრმშენებელი
ჭუტა მედიასაროსკიპოთ
მცოდნე
…https://t.co/OV42ncdv5i

— Goga Khaindrava (@KhaindravaGoga) May 9, 2023

“ეს ნეოფაშისტები ქვეყანას მეორე პოლიგონად გადააქცევდნენ” – პრემიერი ოპოზიციაზე

12:41 - 09/05/2023

ეს ნეოფაშისტები და ულტრარადიკალები რომ ყოფილიყვნენ ხელისუფლებაში, ვინმეს ეჭვი გეპარებათ, რომ დღეს აქ მშვიდად გამოვიდოდით?! ქვეყანა აღარ გვექნებოდა, ქვეყანას მეორე პოლიგონად გადააქცევდნენ, -ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებთან საუბრისას განაცხადა.

როგორც მთავრობის მეთაურმა აღნიშნა, 1%-იანი, ხელმოცარული, გაკოტრებული, ანტიეროვნული ძალები, ჩვენს ქვეყანაში ვერაფერს ვერ მოაწყობენ, ხალხი ბრძენია და ძალიან კარგად ხედავს, რაც ხდება.

„ზურა ჯაფარიძე, რომ ავიღოთ, ეს ადამიანი არის 1 %-იანი პარტიის ლიდერი. რამდენად დიდ უტოპიაშია ეს ადამიანი და როგორ წამლავს საზოგადოებას, ეგ ცალკე საკითხია, თავის ახალგაზრდებს და მის მიერ შემოკრებილ, თავისი იდეების, აზრების გამზიარებლებს. რა თქმა უნდა, შეიძლება მის ამ განცხადებებს ვუწოდო სისულელე და უბრალოდ არასერიოზული, ვინაიდან ეს 1%-იანი, ხელმოცარული, გაკოტრებული, ანტიეროვნული ძალები, ჩვენს ქვეყანაში ვერაფერს ვერ მოაწყობენ. ჩვენი ხალხი ბრძენია, ძალიან კარგად ხედავს რაც ხდება და ჩვენ მთავარი შევინარჩუნეთ, ჩვენ შევინარჩუნეთ მშვიდობა და არა მხოლოდ შევინარჩუნეთ, ჩვენ ქვეყანა გადავარჩინეთ. აი ეს ნეოფაშისტები და ასეთი ულტრარადიკალები რომ ყოფილიყვნენ ხელისუფლებაში, ვინმეს ეჭვი გეპარებათ, რომ დღეს აქ მშვიდად გამოვიდოდით?! ქვეყანა აღარ გვექნებოდა, მეგობრებო. ქვეყანას ესენი მეორე პოლიგონად გადააქცევდნენ. ეს იყო მიზანი. ახლა ბატონი მეკითხებოდა, რომ არახამიას უნდოდაო, არახამიას კი არა, უკრაინის ეროვნული უშიშროების საბჭოს მდივანი საჯაროდ გამოვიდა, თქვენ გახსოვთ, თქვა, რომ ჩვენ, ანუ მათ უნდოდათ მეორე ფრონტის გახსნა საქართველოში.
თქვენ ქართველები ხომ ხართ?! ჩვენი ქვეყნის მოქალაქეები ხომ ხართ?! ამაზე რატომ არ შეგტკივათ გული?! ვიღაცას, უცხო ქვეყნის მოქალაქეს, თქვენს ქვეყანაში უნდოდა მეორე ფრონტის გახსნა, ანუ ჩვენი ქვეყნის პოლიგონად გადაქცევა, რაც ხდება, კი უყურებთ უკრაინაში და თქვენ ამაზე პროტესტიც კი არ გაქვთ, რეაქცია არ გაქვთ, პოზიციას არ გამოხატავთ და იმეორებთ ერთსა და იგივეს”,-განაცხადა პრემიერ-მინისტრმა.

“რუსეთის ფედერაციის არმიამ და ხალხმა დაიწყო „წმინდა ბრძოლა მშვიდობისთვის“ – კიმ ჩენ ინი

12:40 - 09/05/2023

ჩრდილოეთ კორეის ლიდერმა კიმ ჩენ ინმა რუსეთის პრეზიდენტს ვლადიმერ პუტინს გამარჯვების დღესთან დაკავშირებით მისალოცი დეპეშა გაუგზავნა.

როგორც რუსული სამთავრობო მედია წერს, კიმ ჩენ ინმა გამარჯვების დღე მიულოცა პუტინს და რუს ხალხს.

„თბილ მილოცვას გიგზავნით თქვენ, რუსეთის მეგობრულ მთავრობასა და ხალხს იმ ისტორიულ დღესთან დაკავშირებით, როდესაც რუსმა ხალხმა ბრწყინვალე გამარჯვება მოიპოვა დიდ სამამულო ომში“, – ნათქვამია დეპეშაში.

კიმ ჩენ ინმა თქვა, რომ „გამარჯვება არის რუსეთის თანდაყოლილი ტრადიცია“ და დასძინა, რომ „ომში გამარჯვების დიდება ისტორიაში დიდხანს გაბრწყინდება, მიუხედავად დროის გასვლისა და თაობების შეცვლისა“.

„ძლიერი და სამართლიანი რუსი ხალხი გააგრძელებს გამარჯვებისკენ სწრაფვას, რათა ხელი შეუშალოს მტრული ძალების მხრიდან ყოველგვარ პროვოკაციას“, – აცხადებს კიმ ჩენ ინი.

“რუსეთმა საკადრისი პასუხი გასცა საერთაშორისო ტერორიზმს” – პუტინი

12:25 - 09/05/2023

რუსეთის წინააღმდეგ კვლავ გაჩაღდა ომი, მაგრამ ქვეყანამ საკადრისი პასუხი გასცა საერთაშორისო ტერორიზმს, ის უზრუნველყოფს საკუთარ უსაფრთხოებას და ასევე დაიცავს დონბასის მცხოვრებლებს, – ამის შესახებ რუსეთის პრეზიდენტმა, ვლადიმერ პუტინმა მოსკოვში, „გამარჯვების დღის“ აღსანიშნავად გამართულ აღლუმზე სიტყვით გამოსვლისას განაცხადა.

„ჩვენი სამშობლოს წინააღმდეგ ნამდვილი ომი კიდევ ერთხელ გაჩაღდა, მაგრამ ჩვენ მოვიგერიეთ საერთაშორისო ტერორიზმი, დავიცავთ დონბასის მცხოვრებლებსაც, უზრუნველვყოფთ ჩვენს უსაფრთხოებას”, – აღნიშნა პუტინმა აღლუმზე.

მისი თქმით, ქვეყანა ამაყობს იმ ადამიანებით, ვინც ე.წ. „სპეციალურ სამხედრო ოპერაციაში“ მონაწილეობს.

„ახლა თქვენს სამხედრო საქმეზე მნიშვნელოვანი არაფერია. ქვეყნის უსაფრთხოება ახლა თქვენზეა დამოკიდებული. თქვენზეა დამოკიდებული ჩვენი სახელმწიფოებრიობისა და ჩვენი ხალხის მომავალი. თქვენ ღირსეულად ასრულებთ თქვენს სამხედრო მოვალეობას, იბრძვით რუსეთისთვის”, – განაცხადა პუტინმა.

ვლადიმერ პუტინმა სიტყვით გამოსვლისას დასავლეთი კიდევ ერთხელ გააკრიტიკა და განაცხადა, რომ ისინი ანადგურებენ ტრადიციულ ღირებულებებს, რათა განაგრძონ თავიანთი წესების კარნახი.

„დასავლეთის ქვეყნები პროვოცირებენ კონფლიქტებს და გადატრიალებებს, ანადგურებენ ტრადიციულ ღირებულებებს, რათა განაგრძონ თავიანთი წესების კარნახი, ფაქტობრივად – ძარცვისა და ძალადობის სისტემა, – აღნიშნა პუტინმა.

„ვთვლით, რომ ნებისმიერი იდეოლოგია, რომელიც უპირატესობას ემყარება, არსებითად ამაზრზენი და კრიმინალურია, თუმცა, დასავლური გლობალისტური ელიტები კვლავ საუბრობენ მათ ექსკლუზიურობაზე, ადამიანებს ერთმანეთს ჰკიდებენ, საზოგადოებას ყოფენ, იწვევენ სისხლიან კონფლიქტებსა და გადატრიალებებს, თესავენ სიძულვილს, რუსოფობიას, აგრესიულ ნაციონალიზმს, ანადგურებენ ოჯახურ ტრადიციულ ღირებულებებს, რომლებიც ადამიანს ადამიანად აქცევს“, – განაცხადა პუტინმა აღლუმზე.

პარლამენტში საარჩევნო კოდექსში შესატანი ცვლილებების პროექტი დარეგისტრირდა – დეტალები

12:07 - 09/05/2023

საარჩევნო კოდექსში შესატანი ცვლილებების პროექტი პარლამენტში უკვე დარეგისტრირდა. მმართველი გუნდის მიერ წარმოდგენილი ცვლილებების მიხედვით, ცესკოს თავმჯდომარისა და რამდენიმე წევრის კანდიდატურების შერჩევის და პარლამენტისთვის წარდგენის უფლებამოსილება, პრეზიდენტის ნაცვლად, პარლამენტის თავმჯდომარეს ექნება. იცვლება მათ არჩევასთან დაკავშირებული პროცედურა და კვორუმი. კერძოდ, თუ პარლამენტი ცესკოს თავმჯდომარესა და წევრებს 76 ხმით მხარს დაუჭერს, თანამდებობას ხუთი წლის ვადით დაიკავებენ. რაც შეეხება შერჩევის პროცედურას, ცვლილებებით, ცესკოს თავმჯდომარისა და წევრების შესარჩევ კონკურს გამოაცხადებს და საკონკურსო კომისიას პარლამენტის თავმჯდომარე შექმნის, ასევე პარლამენტის თავმჯდომარე წარუდგენს საკანონმდებლო ორგანოს კანდიდატურებს.

საკონკურსო კომისიის შემადგენლობაში პრეზიდენტის ერთი წარმომადგენელი იქნება.

“უკრაინას და უკრაინელ ხალხს ვუსურვებ მშვიდობას და ამ დიდი, დამანგრეველი ომის მალე დასრულებას”

12:05 - 09/05/2023

ესეიგი არახამიაზე, ვიღაც არარაობაზე თქვენ გინდათ, რომ მე გავაკეთო კომენტარი. მე არახამიას ნათქვამზე, რა თქმა უნდა, სერიოზულ კომენტარს ვერ გავაკეთებ. ერთი მინდა ვთქვა – მე უკრაინას და უკრაინელ ხალხს ვუსურვებ მშვიდობას და ამ დიდი, დამანგრეველი ომის მალე დასრულებას, – საქართველოს პრემიერ-მინისტრმა ირაკლი ღარიბაშვილმა “ვეტერანთა კულტურისა და დასვენების პარკში” ჟურნალისტებთან საუბრისას განაცხადა, სადაც მთავრობის მეთაურმა მეორე მსოფლიო ომში დაღუპულთა ხსოვნას პატივი მიაგო.

მთავრობის მეთაურმა უკრაინას საკუთარი ტერიტორიების დაბრუნება და მშვიდობა უსურვა.

„კიდევ ერხელ მინდა ერთი რამ ვუთხრა საზოგადოებას, ესაა კიდევ ერთი მტკიცებულება იმისა, რომ თქვენს მიერ ნათქვამი ადამიანი და ჩვენი ექსტრემისტული, რადიკალური ოპოზიცია არიან სრულ კოორდინაციაში, იყვნენ ომამდეც, ომის შემდეგაც და დღესაც ერთადერთი მიზნით, რომ აქ რაიმე მომხდარიყო, გადატრიალება, ხელისუფლების ძალადობრივი შეცვლა, რომ მოეყვანათ ის ფაშისტური, ნეოფაშისტური რეჟიმი, რომელიც მართავდა ჩვენს ქვეყანას. ჩვენ ძალიან ბევრი ფაქტი ვნახეთ, საზოგადოებამ ძალიან ბევრი ფაქტი ნახა ამ კოორდინაციის, შეთანხმებული მოქმედებების და ეს რა თქმა უნდა ძალიან სამწუხაროა, რომ ბატონი არახამია არის ჩართული პირდაპირ ჩვენი ქვეყნის შიდა საქმეებში და მას არავინ ეკითხება აქ ჩვენ, ჩვენი ხალხი და ჩვენი მთავრობა როგორ მოვაწყობთ ზოგადად ჩვენს საქმეს და ჩვენს პოლიტიკას. მიხედოს ბატონმა არახამიამ თავის თავს. ერთი რამ მინდა ვთქვა, უკრაინას ვუსურვებ საკუთარი ტერიტორიების დაბრუნებას, მშვიდობას და ამ ომის მალე დასრულებას,”– აღნიშნა პრემიერმა.

“კეზერაშვილმა და მისმა თაღლითებისგან შემდგარმა ბანდამ გაძარცვა მთელი ევროპის პენსიონერები” – ირაკლი ღარიბაშვილი

11:46 - 09/05/2023

კეზერაშვილმა და მისმა თაღლითებისგან შემდგარმა ბანდამ გაძარცვა მთელი ევროპის პენსიონერები, ერთი მილიარდი ევრო არის მოპარული, – ამის შესახებ პრემიერ-მინისტრმა, ირაკლი ღარიბაშვილმა ე.წ. ქოლ – ცენტრების საქმესთან დაკავშირებით ჟურნალისტებს განუცხადა. როგორც მან აღნიშნა, დავით კეზერაშვილი არის ოლიგარქი, რომელიც მთელ ოპოზიციას და ოპოზიციურ არხებს აფინანსებს.

„ჩვენ ვხედავთ უსუსურ მცდელობას ისედაც გაკოტრებული, ხელმოცარული ოპოზიციის მხრიდან, რომ რამენაირად ეს დიდი სკანდალი, მსოფლიო დონის, საერთაშორისო მასშტაბის თაღლითობის სქემა, რომელიც იქნა გაშიფრული და BBC-ის მიერ გამოძიებული, ვგულისხმობ კეზერაშვილის მიერ ჩადენილ საერთაშორისო დანაშაულს, ე.წ. ქოლ – ცენტრების სქემის აწყობას, რომლითაც მილიარდი დოლარი იქნა მოპარული, ჩვენ ამას ვამბობდით და BBC-ის გამოძიების შედეგად დადასტურებულია, რომ კეზერაშვილმა და მისმა თაღლითებისგან შემდგარმა ბანდამ გაძარცვა მთელი ევროპის პენსიონერები, ერთი მილიარდი ევრო არის მოპარული, ამხელა სკანდალის გადაფარვას ცდილობენ ეს არასერიოზული ადამიანები. რა თქმა უნდა, ეს საინტერესო არ არის. საინტერესო არის ის, რომ ჩვენი მეგობარი სახელმწიფოების, ევროპის ქვეყნების პენსიონერებისგან ამ კაცმა და მისმა კომპანიებმა მოიპარეს ერთი მილიარდი დოლარი. საერთოდ რაზე საუბარი?! ახლა მთავარი მინდა ვთქვა-თქვენ იცით, რომ კეზერაშვილი რამდენიმე კვირით ადრე, სანამ ეს ფაქტი გასაჯაროვდებოდა, გამოვიდა და ფაქტობრივად, დაადასტურა, რომ ის არის ოლიგარქი, რომელიც მთელ ოპოზიციას აფინანსებს. სამწუხაროდ, თქვენს ტელევიზიებსაც ყველას და ნაძარცვი ფულით აფინანსებს მთელ ოპოზიციურ მოძრაობას“, – განაცხადა პრემიერმა.

ირაკლი ღარიბაშვილმა ოპოზიციურ ტელეარხებს მიმართა, რომ ისინი ცილს სწამებენ ადამიანებს და დავით კეზერაშვილმა მათი არხების დაფინანსება თავად აღიარა.

„თქვენ ბრალდებებს კი არა, ყველაზე ამორალურ ცილს სწამებთ ადამიანებს. რა ბრალდებაზე ვლაპარაკობთ, კაცი გამოვიდა და თავად აღიარა, რომ მე ვაფინანსებ და დავაფინანსებო. ეს ეხება ყველა ოპოზიციურ არხს და ყველასთვის კარგად არის ეს ცნობილი. მე ვარ პრემიერ-მინისტრი და თქვენზე მეტი ინფორმაცია მაქვს. მთავარი თემა არის შემდეგი- საზოგადოებამ ვერ მოისმინა ახსნა-განმარტება, რომ ასეთი საუკუნის ძარცვა ჩადენილი იყო კეზერაშვილის მიერ და ეს კაცი ჯერ კიდევ გამოთქვამს პრეტენზიებს, მის მიერ დაფინანსებული ოპოზიციური პარტიებიც გამოთქვამენ პრეტენზიებს, რომ ხელისუფლებაში მოვიდნენ, ეს არის შემაშფოთებელი. თქვენ ამაზე უნდა დასვათ კითხვები და ჩვენმა ხალხმა პასუხები უნდა მიიღოს. ისევე, როგორც მჯერა, ევროპელი საგამოძიებო სამსახურები ამ საქმეს ბოლომდე მიიყვანენ. იცით, რომ ჩვენ გერმანულ გამოძიებასთან აქტიურად ვითანამშრომლეთ ბოლო 2 წლის განმავლობაში. ძალიან ბევრი ფაქტი ერთად გამოვიძიეთ, გავხსენით და საბოლოოდ, ამ რეალობას ნათელი მოეფინა“,-განაცხადა პრემიერმა.

“ბიბისის” გამოძიების გასაჯაროებამდე რამდენიმე კვირით ადრე კეზერაშვილმა დაადასტურა, რომ ოლიგარქია და მთელ ოპოზიციას და ტელევიზიას ნაძარცვი ფულით აფინანსებს”- პრემიერი

11:45 - 09/05/2023

“ბიბისის” გამოძიების გასაჯაროებამდე რამდენიმე კვირით ადრე კეზერაშვილმა დაადასტურა, რომ ოლიგარქია და მთელ ოპოზიციას და ტელევიზიას ნაძარცვი ფულით აფინანსებს-ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებთან საუბარში განაცხადა.

მთავრობის მეთაურის თქმით, საქართველო აქტიურად თანამშრომლობს ევროპულ საგამოძიებო სამსახურებთან და საბოლოო ჯამში ნათელი მოეფინება ყველაფერს.

“ჩვენ ვხედავთ უსუსურ მცდელობას ისედაც გაკოტრებული, ხელმოცარული ოპოზიციის მხრიდან, რომ რაიმენაირად ეს დიდი სკანდალი, მსოფლიო დონის, მე ასე ვიტყოდი, საერთაშორისო მასშტაბის თაღლითობის სქემა, რომელიც იქნა გაშიფრული და “ბიბისის” მიერ იქნა გამოძიებული, მე ვგულისხმობ კეზერაშვილის მიერ ჩადენილ საერთაშორისო დანაშაულს, ე.წ. “ქოლცენტრების” სქემის აწყობას, რომლითაც მილიარდი დოლარი იქნა მოპარული. ჩვენ ამას ვამბობდით, გახსოვთ, რომ მილიარდი და დადასტურებულია “ბიბისის” გამოძიების შედეგად, თქვენ ნახეთ, რომ კეზერაშვილმა და მისმა თაღლითებისგან შემდგარმა ბანდამ გაძარცვა მთელი ევროპის პენსიონერები. 1 მილიარდი დოლარი არის მოპარული. აი, ამხელა სკანდალის გადაფარვას ცდილობენ ეს არასერიოზული ადამიანები. რა თქმა უნდა, ეს საინტერესო არ არის. საინტერესოა ის, რომ ჩვენი მეგობარი სახელმწიფოების, ევროპის ქვეყნების პენსიონერებისგან, ამ კაცმა და მისმა კომპანიებმა მოიპარეს 1 მილიარდი დოლარი. საერთოდ რაზეა საუბარი?! მთავარი მინდა ვთქვა. თქვენ იცით, რომ კეზერაშვილი, რამდენიმე კვირით ადრე, სანამ ეს ფაქტი იქნებოდა გასაჯაროებული, გამოვიდა და ფაქტიურად დაადასტურა, რომ იგი არის ოლიგარქი, რომელიც აფინანსებს მთელ ოპოზიციას, სამწუხაროდ, თქვენს ტელევიზიასაც, ყველას და ნაძარცვი ფულით აფინანსებს აი ამ მთელ ოპოზიციურ მოძრაობას. თქვენ ბრალდებებს კი არა, ყველაზე ამორალურს, ცილს სწამებთ ადამიანებს. რა ბრალდებაზე ლაპარაკობთ, კაცი გამოვიდა, თავად აღიარა, რომ მე ვაფინანსებ ყველას და მე დავაფინანსებო. ეს ერთი. მთავარზე მინდა გავაკეთო, ყველა ოპოზიციური არხი, ძირითადად, ეს ყველასთვის ძალიან კარგად არის ცნობილი, მე ვარ პრემიერ-მინისტრი და თქვენზე მეტი ინფორმაცია მაქვს. მთავარი თემა არის შემდეგი, რომ საზოგადოებამ ვერ მოისმინა პასუხი, ახსნა-განმარტება, რომ აი ასეთი საუკუნის ძარცვა, იქნა ჩადენილი კეზერაშვილის მიერ და ეს კაცი ჯერ კიდევ გამოთქვამს პრეტენზიას და მის მიერ დაფინანსებული ოპოზიციური პარტიები გამოთქვამენ პრეტენზიებს, რომ ხელისუფლებაში მოვიდნენ. ეს არის შემაშფოთებელი. თქვენ ამაზე უნდა დასვათ კითხვები და ჩვენმა ხალხმა უნდა მიიღოს პასუხები. ისევე როგორც, მე მჯერა, რომ ევროპული საგამოძიებო სამსახურები ამ საქმეს მიიყვანენ ბოლომდე. თქვენ იცით, რომ გერმანულ გამოძიებასთან ჩვენ აქტიურად ვითანამშრომლეთ ბოლო 2 წლის განმავლობაში, ჩვენ ძალიან ბევრი ფაქტი გამოვიძიეთ ერთად, გავხსენით და საბოლოო ჯამში ნათელი მოეფინა ამ რეალობას”,-განაცხადა პრემიერ-მინისტრმა.

არასრულწლოვანზე სავარაუდო სექსუალური ძალადობის ფაქტზე მამა და მეზობელი დააკავეს

11:37 - 09/05/2023

შინაგან საქმეთა სამინისტროს სამეგრელო ზემო-სვანეთის პოლიციის დეპარტამენტის წალენჯიხის რაიონული სამმართველოს თანამშრომლებმა არასრულწლოვნის მიმართ ჩადენილი სქესობრივი დანაშაულის ბრალდებით ორი პირი დააკავეს.

სამინისტროს ცნობით, 1976 წელს დაბადებულ პ.კ.-ს ბრალი წინასწარი შეცნობით ოჯახის არასრულწლოვანი წევრის გაუპატიურებაში ედება, ხოლო 1995 წელს დაბადებული ტ.თ. არასრულწლოვნის გაუპატიურების ბრალდებითაა დაკავებული.

„დანაშაულები 15-დან 20 წლამდე ან უვადო თავისუფლების აღკვეთას ითვალისწინებს.

გამოძიებით დადგინდა, რომ პ.კ. არასრულწლოვან შვილთან, მისი ნების საწინააღმდეგოდ ამყარებდა სქესობრივ კავშირს, ხოლო ფაქტის გახმაურების შემთხვევაში სიცოცხლის მოსპობით ემუქრებოდა. მამის მუქარას არასრულწლოვანი რეალურად აღიქვამდა, რის გამოც ის მომხდარს წლების განმავლობაში მალავდა. გამოძიებით ასევე დადგინდა, რომ არასრულწლოვან გოგონასთან, სქესობრივ კავშირს სისტემატიურად ამყარებდა მეზობელი, ტ.თ.

გამოძიება წინასწარი შეცნობით არასრულწლოვნის გაუპატიურების და წინასწარი შეცნობით ოჯახის არასრულწლოვანი წევრის გაუპატიურების ფაქტებზე, საქართველოს სისხლის სამართლის კოდექსის 137-ე მუხლის მეოთხე ნაწილის „გ“ ქვეპუნქტით და 11 პრიმა 137-ე მუხლის მეოთხე ნაწილის „გ“ ქვეპუნქტით მიმდინარეობს“, – აღნიშნულია ინფორმაციაში.

“ქედს ვიხრი ჩვენი გმირი ქართველების ხსოვნის წინაშე” – პრემიერი

11:33 - 09/05/2023

პრემიერ-მინისტრმა ირაკლი ღარიბაშვილმა მეორე მსოფლიო ომის ვეტერანებს ფაშიზმზე გამარჯვება მიულოცა და აღნიშნა, რომ ქედს იხრის იმ გმირი ქართველების წინაშე, ვინც გმირულად შეეწირა ამ იდეას.

„მინდა გმირ ვეტერანებს მივულოცო დღევანდელი დღე. ამ დიდი ბოროტების, ფაშიზმის დამარცხების და ჩვენი გამარჯვების დღე მინდა მივულოცო ჩვენს ვეტერანებს. მინდა აღვნიშნო, რომ რა თქმა უნდა ჩვენი ქვეყნისa და ჩვენი ქართველების, ჩვენი ხალხის როლი ამ დიდი სამამულო ომის გამარჯვებაში არის უდავოდ შეუფასებელი. 700 ათასი ქართველი მონაწილეობდა ამ ომში. აქედან ნახევარზე მეტი გმირულად შეეწირა ამ იდეას, რასაც ერქვა ფაშიზმზე გამარჯვება. ამიტომ კიდევ ერთხელ ქედს ვიხრი ჩვენი გმირი ქართველების ხსოვნის წინაშე და ჩვენს გმირ ვეტერანებს მინდა კიდევ ერთხელ მადლობა გადავუხადო ჩვენი მთავრობის სახელით ყველაფრისთვის“, – განაცხადა პრემიერ-მინისტრმა.

„ბახმუტის მიმართულებით, რუსები აქტიურად, მაგრამ წარუმატებლად უტევდნენ ივანოვსკოეს დასახლებას”

11:24 - 09/05/2023

რუსეთ-უკრაინის ომის 440-ე დღე

უკრაინელმა მებრძოლებმა, გასული დღის განმავლობაში, ფრონტის ოთხი მიმართულებით – ლიმანის, ბახმუტის, ავდიივკასა და მარინკას მიმართულებით – მოწინააღმდეგის 42 შეტევა მოიგერიეს. ამის შესახებ უკრაინის შეიარაღებული ძალების გენერალური შტაბის დილის ანგარიშშია აღნიშნული.

უწყების ცნობით, ბახმუტისა და მარინკას მიდამოებში ურთულესი ვითარებაა.

„ბახმუტის მიმართულებით, რუსები აქტიურად, მაგრამ წარუმატებლად უტევდნენ ივანოვსკოეს დასახლებასა და ქალაქ ჩასოვ-იარის მიმართულებით, რომლებზეც გადის უკრაინული ჯარების ძირითადი მარშრუტები ბახმუტში. მარინკას მიმართულებით, უკრაინელმა მებრძოლებმა ქალაქ მარინკაზე განხორციელებული ბევრი თავდასხმა მოიგერიეს.

ლიმანის მიმართულებით, მტრის ძირითადი ძალისხმევა კონცენტრირებული იყო სოფელ ბელოგოროვკაზე შეტევის განხორციელებაზე. ავდიივკას მიმართულებით, ოკუპანტები თავს დაესხნენ თავად ქალაქს, ასევე სოფელ პერვომაისკოეს, მაგრამ უშედეგოდ“, – აცხადებენ გენშტაბში.

რუსულმა ძალებმა უკრაინის ტერიტორიას საზღვაო და საჰაერო ბაზირების ფრთოსანი რაკეტებით დაარტყა, – ამის შესახებ უკრაინის შეიარაღებული ძალების მთავარსარდალმა, ვალერი ზალუჟნიმ განაცხადა.

მისივე თქმით, 8 მაისს, ადგილობრივი დროით, დაახლოებით, 22:00 საათზე, მოწინააღმდეგემ შავ ზღვაში განთავსებული ხომალდებიდან უკრაინის აღმოსავლეთ რეგიონების მიმართულებით „კალიბრის“ ტიპის 8 ფრთოსანი რაკეტა გაუშვა, თუმცა საჰაერო თავდაცვის სარდლობა „ვოსტოკის“ ძალებმა და საჰაერო თავდაცვის საშუალებებმა 8-ვე მათგანი გაანადგურეს.

ვალერი ზალუჟნის ინფორმაციით, 9 მაისს, უკრაინის დროით დილის 04:00 საათზე, რუსულმა ძალებმა სტრატეგიული საავიაციო თვითმფრინავებიდან – ოთხი Tu-95MS ბომბდამშენიდან – Х-101/Х-555 ტიპის 17 ფრთოსანი რაკეტა გაუშვეს. აქედან 15 უკრაინის საჰაერო თავდაცვის ძალებმა და საშუალებებმა გაანადგურეს. რაინის შეიარაღებული ძალების მთავარსარდლის განმარტებით, უკრაინის დაბომბვის ორი ტალღის შედეგად, ოკუპანტებმა „კალიბრისა“ და Х-101/Х-555 ტიპის 25 რაკეტა გაუშვეს, მათგან 23 უკრაინის შეიარაღებული ძალების საჰაერო ძალების საჰაერო თავდაცვამ უკრაინის თავდაცვის ძალების სხვა კომპონენტებთან თანამშრომლობით გაანადგურა.

უკრაინელებმა, წინასწარი ინფორმაციით, კიევის თავზე მტრის ბომბდამშენიდან გასროლილი ყველა რაკეტა ჩამოაგდეს. ამის შესახებ კიევის საქალაქო სამხედრო ადმინისტრაციის ხელმძღვანელმა, სერგეი პოპკომ განაცხადა.

მისი ინფორმაციით, თავდასხმა განხორციელდა კასპიის ზღვის რეგიონიდან, „ტუ-95MS“ ტიპის 4 სტრატეგიული ბომბდამშენის გამოყენებით.

სერგეი პოპკომ განაცხადა, რომ ჩამოგდებული რაკეტის ნამსხვრევების ჩამოგდების შედეგად გოლოსევსკის რაიონში, კერძო სახლის ეზოში ხანძარი გაჩნდა. მისი ინფორმაციით, რაკეტის ფრაგმენტები აღმოაჩინეს საავტომობილო გზაზე შევჩენკოს რაიონშიც.

კიევის სამხედრო ადმინისტრაციის ცნობით, ამ დროისთვის არსებული ინფორმაციით, არავინ დაღუპულა ან დაშავებულა.

პოლონეთმა უკრაინას, დღემდე, „მიგ-29“-ის ტიპის 10 საბრძოლო თვითმფრინავი გადასცა, – გამოცემა Defence24-ის ცნობით, ამის შესახებ პოლონეთის თავდაცვის მინისტრმა, მარიუშ ბლაშჩაკმა კანადაში ვიზიტის დროს განაცხადა.

”ჩვენ უკრაინას 10 „მიგ-29“ მივაწოდეთ“, – აღნიშნა ბლაშჩაკმა.

პოლონეთის თავდაცვის მინისტრი ოფიციალური ვიზიტით კანადაში იმყოფება. მედიის ინფორმაციით, კანადის თავდაცვის მინისტრთან შეხვედრაზე მარიუშ ბლაშჩაკმა და ანიტა ანანდმა უკრაინის შემდგომ მხარდაჭერა და ნატო-ს ფარგლებში თანამშრომლების საკითხები განიხილეს.

შეგახსენებთ, მარტში პოლონეთი და სლოვაკეთი უკრაინისთვის „მიგ-29“-ის ტიპის საბრძოლო თვითმფრინავების გადაცემაზე შეთანხმდნენ. გავრცელდა ინფორმაცია, რომ 13 გამანადგურებელი სლოვაკეთს უნდა მიეწოდებინა. პირველი თვითმფრინავები სლოვაკეთიდან უკრაინაში მარტის ბოლოს გააგზავნეს. აპრილის დასაწყისში ცნობილი გახდა, რომ პოლონეთმა უკრაინას პირველი 4 დაპირებული „მიგ-29“ გადასცა.

შეერთებული შტატები უკრაინისთვის დახმარების ახალი, 1.2 მილიარდი აშშ დოლარის ღირებულების დახმარების გამოცხადებას გეგმავს. ინფორმაციას Associated Press-ი ავრცელებს.

გამოცემის ცნობით, პაკეტი მოცავს დრონებს, საარტილერიო საბრძოლო მასალასა და საჰაერო თავდაცვის რაკეტებს, ასევე სხვა შესაძლებლობებს.

ამასთან, დახმარების პაკეტის მიწოდება უკრაინის უსაფრთხოების დახმარების ინიციატივის (USAI) ფარგლებში განხორციელდება, რაც ნიშნავს, რომ ის იქნება შეთანხმებული და შეძენილი მწარმოებლებისგან და არა უშუალოდ თავდაცვის სამინისტროს მარაგებიდან ამოიღებენ.

ამასთან, USAI-ით გათვალისწინებული დახმარების პაკეტები გამიზნულია არა იმისთვის, რომ უკრაინას იარაღი ამჟამინდელი საჭიროების მიხედვით მიაწოდოს, არამედ იმისთვის, რომ ქვეყნისთვის საშუალო და გრძელვადიანი მარაგი შექმნას.

გასულ კვირას პენტაგონმა უკრაინისთვის 300 მილიონი დოლარის ღირებულების პაკეტი გამოაცხადა, რომელიც მოიცავდა დამატებით საბრძოლო მასალას HIMARS-ის სარაკეტო სისტემისთვის, საარტილერიო და სატანკო საბრძოლო მასალას, ტანკსაწინააღმდეგო იარაღს და სხვა.

Коба Кобаладзе и Андрей Касьянов возложили венки у мемориала героев, борющихся за свободу Грузии и Украины

11:21 - 09/05/2023

Директор Государственной службы по делам ветеранов, генерал-майор Коба Кобаладзе, вместе с исполняющим обязанности поста Украины, Андреем Касьяновым и военным атташе Украины, генерал-майоро Сергеем Кравчуком, в Парке имени героев, борющихся за свободу Грузии и Украины на озере Лиси, возложил венки к мемориалу героев, борющихся за свободу Грузии и Украины, и отдали уважения их памяти. Об этом указано в пресс-релизе Государственной службы по делам ветеранов.

Коба Кобаладзе выражает сочувствие семьям военных, погибших в войне.

“То, что сегодня мы находимся здесь, еще одно подтверждение того, что мы отдаем дань уважения всем тем, кто борется за свободу, кто независимость своей страны защищает от агрессора, от врага. Для нас это знакомо. С тех пор, как эта страна обрела независимость, с того периода мы все время пребываем в борьбе, в кровопролитии. А недостатка в героях, благодаря богу, эта страна не испытывает. Я выражаю соболезнования в первую очередь их семьям, их родине. Довольно много количество тех парней, которых привезли из Украины погибшими и у государства есть четко выраженная позиция, чтобы они были похоронены с военными почестями. Для нас это трагедия, для кого то это может быть статистикой”, – заявил Коба Кобаладзе.

На мероприятии также присутствовали: первый заместитель директора Государственной службы по делам ветеранов Николоз Квезерели, заместитель директора Мирон Чигогидзе, советник директора ведомства Владимир Имнадзе, представители Государственной службы по делам ветеранов, посольства Украины, ветераны и граждане.

“Парк имени героев, борющихся за свободу Грузии и Украины на озере Лиси при поддержке Лиси девелопмент был открыт 29 апреля этого года”, – указано в пресс-релизе.

1...1,5631,5641,565...1,720 Page 1,564 of 1,720