Home Blog Page 2851

10 საუკეთესო ღვინის რეგიონს შორის საქართველო პირველ ადგილზე დასახელდა

10 საუკეთესო ღვინის რეგიონი, რომელსაც 2023 წელს  უნდა ესტუმრო –  ტოპ ათეულში საქართველო პირველ ადგილს იკავებს.

სტატიას ამერიკის შეერთებულ შტატებში ერთ-ერთი უდიდესი ღვინის ციფრული პლატფორმა VinePair აქვეყნებს. გამოცემა მკითხველს საქართველოში მოგზაურობას და კახეთში ღვინის დაგემოვნებას ურჩევს.

 საუკეთესო მიმართულებად  საქართველოსთან ერთად საფრანგეთი, პორტუგალია, პერუ, იტალია, ესპანეთი, ხორვატია, ახალი ზელანდია,  კალიფორნია და ტეხასი დასახელდა.

„ღვინის მომზადების უძველესი ტექნიკა საქართველოში იღებს სათავეს. ამიტომ სულ არ არის გასაკვირი, რომ ახლა საქართველო ღვინის პოპულარული რეგიონია. ღვინის წარმოების 8 ათასწლოვანი ისტორიით  საქართველო ღვინის სამშობლოდ არის მიჩნეული. დღეს ქართული ღვინო სწრაფად ხდება პოპულარული და ექსპორტი ყოველწლიურად რეკორდულად იზრდება. ეს ხელს უწყობს საქართველოს პოპულარიზაციას, ტურისტულ ბუმს და ეკონომიკის გაზრდას. ამიტომ თუ ხართ სასმელების მოყვარული დაჯავშნეთ თქვენი მოგზაურობა საქართველოში.“-წერს გამოცემის მიმომხილველი ჰანა სტაბი.

„ღვინოში ჩასაძირად კახეთზე უკეთესი რეგიონი არ არსებობს.  ეს საქართველოში ღვინის წარმოების საუკეთესო რეგიონია.   თბილისიდან ერთი საათის სავალზე მდებარე რეგიონში  საუკეთესო  ყურძნის ჯიშებია, მათ შორისაა: საფერავი და რქაწითელი. ღვინის ფერმენტაცია  თიხის ჭურჭელში, ქვევრში ხდება. ეს ტრადიცია იუნესკოს მსოფლიო მემკვიდრეობის სიაშია შესული“,-წერს  ჰანა სტაბი.

სტატიაში კახეთის მარნები, ღვინის ქარხნები და მუზეუმებია მიმოხილული. მათ შორისაა წინანდლის მუზეუმიც. VinePair-ის ცნობით  წინანდლის მამულში სტუმრებს ვენახებთან ერთად შეუძლიათ დაათვალიერონ  1814 წელს გამოშვებული 15000 ბოთლი ღვინო.

“ვადასტურებ, რომ ყველა „ნაცის“ წინაპარი კანიბალი იყო” – გია აბაშიძე

„ვადასტურებ, რომ ყველა „ნაცის“ წინაპარი კანიბალი იყო, სხვანაირად როგორ შეიძლება? „ნაცმა“ კაც კლა და კაც ანადგურა,“ – ასე ეხმაურება ანალიტიკოსი გია აბაშიძე ილიაუნის ლექტორის გიგი თევზაძის განცხადებას იმის შესახებ, რომ დღევანდელი საზოგადოების წინაპრები კანიბალები იყვნენ.

აბაშიძის თქმით, თევზაძემ სწორედ „ნაციონალური მოძრაობის“ წარმომადგენლების წინაპრები იგულისხმა, როდესაც ფეისბუკზე გამოქვეყნებულ სტატუსში სიტყვები „ჩვენი წინაპრები“ გამოიყენა, რასაც ამ პარტიის იდეოლოგიაც ადასტურებს.

„ვადასტურებ, რომ ყველა „ნაცის“ წინაპარი კანიბალი იყო, სხვანაირად როგორ შეიძლება? „ნაცმა“ კაც კლა და კაც ანადგურა. ამიტომ სწორს ამბობს გიგი თევზაძე, როდესაც სიტყვებს – ჩვენს წინაპრებს – იყენებს. ჩვენში სწორედ „ნაცმოძრაობას“ გულისხმობს… კი და ამიტომაც არის ამ პარტიის იდეოლოგია დამყნობილი კანიბალიზმზე და ადამიანების დაჭმაზე,“ – წერს გია აბაშიძე ფეისბუკზე.

“ილიაუნში გენეტიკური კანიბალები ასწავლიან ჩვენს სიმპატიურ, მომხიბვლელ და გემრიელ ახალგაზრდებს”

„ეს იგივეა, პედოფილიით შეპყრობილი ადამიანი საბავშვო ბაღის გამგედ ან დამრიგებლად მუშაობდეს. ძალიან სახიფათო ტენდენციაა“, – ასე გამოეხმაურა „ხალხის ძალის“ წევრი დავით ქართველიშვილი ილიაუნის ლექტორის, გიგი თევზაძის განცხადებას: ჩვენი ყველა წინაპარი კანიბალი იყო.

დავით ქართველიშვილის თქმით, როგორც ჩანს, თევზაძე საკუთარ წინაპრებზე საუბრობს.

„როგორც ჩანს, საკუთარ ნათესავ-წინაპარზე საუბრობს, რაც ძალიან სახიფათო განცხადებაა, ვინაიდან მძიმე გენეტიკური გადახრის მატარებელია. კანიბალიზმით შეპყრობილ ადამიანებს, ჩემი აზრით, უნდა ეკრძალებოდეს ახალგაზრდა პოტენციურ „საკვებთან“ ვიწრო წრეში არაკონტროლირებადი ურთიერთობა, ლექციების წაკითხვა, პრაქტიკული მეცადინეობა და ა.შ.

ეს იგივეა, პედოფილიით შეპყრობილი ადამიანი საბავშვო ბაღის გამგედ ან დამრიგებლად მუშაობდეს. ძალიან სახიფათო ტენდენციაა. მე მგონი, განათლების სამინისტრომ უნდა განიხილოს მისი პროფესიული ვარგისიანობის საკითხი, ხოლო პირადად მას ჩაუტარდეს ფსიქიატრიული ექსპერტიზა – ის შესაძლოა, იმაზე მეტად ავად იყოს, ვიდრე ეს წარმოგვიდგენია.

მე დარწმუნებული ვარ, IRI-მ ან NDI-მ თავის კვლევებში რომ დასვას კითხვა: „გყავდათ თუ არა წინაპრებში კანიბალები?“ – გამოკითხულთა 99,9% ამ კითხვას უარყოფით პასუხს გასცემს. ასე რომ, მე გამიფრთხილებიხართ – ილიაუნში გენეტიკური კანიბალები ასწავლიან ჩვენს სიმპათიურ, მომხიბვლელ და გემრიელ ახალგაზრდებს!“- წერს დავით ქართველიშვილი.

მარტში მშენებლობის ღირებულების ინდექსი წინა თვესთან შედარებით 1.7 პროცენტით გაიზარდა – საქსტატი

„საქსტატის“ მონაცემებით, 2023 წლის მარტში მშენებლობის ღირებულების ინდექსი წინა თვესთან შედარებით 1.7 პროცენტით გაიზარდა.

„საქსტატის“ ინფორმაციით, აღნიშნული ცვლილება, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 14.8-პროცენტიანი ზრდით, რამაც 2.55 პროცენტული პუნქტი შეიტანა ჯამური ინდექსის ცვლილებაში.

„2022 წლის თებერვალთან შედარებით მშენებლობის ღირებულების ინდექსი გაიზარდა 6.6 პროცენტით. ინდექსის ზრდა, ძირითადად, გამოწვეული იყო სამშენებლო მასალებზე ფასების 4.8 პროცენტიანი ზრდით, რამაც 2.69 პროცენტული პუნქტი შეიტანა ჯამური ინდექსის ცვლილებაში“, – ნათქვამია ინფორმაციაში.

თიბისი კაპიტალის ყოველკვირეული განახლება მთავარი ეკონომისტისგან – ამ კვირაში შერბილების ციკლის დაწყებაა მოსალოდნელი

აპრილის ინფლაცია თიბისი კაპიტალის საკმაოდ ოპტიმისტურ მოლოდინებთან შედარებითაც კი უფრო დაბალია. მნიშვნელოვანია, რომ მართალია ჯერჯერობით მხოლოდ ყოველთვიურ ჭრილში, თუმცა ადგილობრივი და დიდწილად მომსახურების ინფლაცია უკვე რამდენიმე თვეა სამიზნეზეა. თიბისი კაპიტალის შეფასებით, თუ ლარი არ გაუფასურდა, სამომხმარებლო ფასების წლიური ცვლილება მალე ნეგატიურიც კი იქნება. თიბისი კაპიტალი არ ფიქრობს, რომ საქართველოში გარკვეული პერიოდის განმავლობაში დეფლაცია ეკონომიკის ზრდისა და დასაქმების კუთხით მნიშვნელოვანი გამოწვევაა. თუმცა, თავისთავად, ცალკე აღებული ეს ფაქტორი სამომავლოდ ლარის კურსისათვის ნეგატიურია.

ამ ფონზე და იმის გათვალისწინებით, რომ სავალუტო ბაზარზე გამყარების ზეწოლა გრძელდება და ასევე ბოლო პერიოდში დაკრედიტების სავალუტო კომპოზიციაში უცხოური ვალუტა ჭარბობს, თიბისი კაპიტალის აზრით, მონეტარული პოლიტიკის შერბილების ციკლი უკვე ამ კვირაში დაიწყება. თიბისი კაპიტალის შეფასებით, რეფინანსირების განაკვეთი 0.5 პროცენტული პუნქტით დაიწევს, წლის ბოლომდე კი, არსებული 11%-დან სულ მცირე 9.5%-მდე მაინც შემცირდება.

გაეცანით პუბლიკაციის სრულ ვერსიას ბმულზე.

 

“„მაისიდან მთავრობამ ადამიანების ყველაზე დიდი ძარცვა დაიწყო”- დავით ჭიჭინაძე

პარტია „ტრიბუნას“ თავმჯდომარის, დავით ჭიჭინაძის განცხადებით, საქართველოს მთავრობამ ბანკების ხელშეწყობით „ადამიანების ძარცვა დაიწყო“.

„მაისიდან მთავრობამ ადამიანების ყველაზე დიდი ძარცვა დაიწყო და რა თქმა უნდა, ბანკების ხელშეწყობით. თითქოს სასიკეთო გადაწყვეტილება მიიღეს, ბანკებს ამხელა მოგება არ უნდა ჰქონდეთო და მოგების გადასახდი გაუზარდეს, რასაც ბანკებმა საპროცენტო განაკვეთის 40-50 %-ის გაზრდით უპასუხეს. ამას ემატება მომსახურების პროცენტები, გაზრდილი საკომისიოები და ფინალში გამოვიდა, რომ ისევ ხალხი იძარცვება და ისჯება. ყველაზე მეტად მაინც ემიგრანტები და მათი ოჯახები იძარცვებიან, მითუმეტეს ხელოვნურად დაწეული ლარის კურსის ფონზე და პენსიონერები. ყოველი ტრანზაქცია ბანკში მათ მინიმუმ 20%-ს ატოვებინებს“,- განაცხადა დავით ჭიჭინაძემ.

 

ჩვენი ყველა წინაპარი კანიბალი იყო – გიგი თევზაძე

ქელეხის და საფლავზე ქეიფის წესი არც ქრისტიანულია და არც რომელიმე რელიგიის, – წერს სოციალურ ქსელში  ილიაუნის ლექტორი, გიგი თევზაძე.

“ისევ ტრადიციების შესახებ:

ქელეხის და საფლავზე ქეიფის წესი არც ქრისტიანულია და არც რომელიმე რელიგიის:

ადამიანის ძალიან ძველი ქცევის რიტუალიზაციაა: ჩვენი ყველა წინაპარი კანიბალი იყო (დამტკიცებულია).

ამიტომ, ქელეხით და სასაფლაოზე სმა-ჭამით ასრულებთ მიცვალებულის ჭამის უძველეს რიტუალს.

სულებს რომ სასაფლაოზე არაფერი ესაქმებათ, ქრისტიანობის მიხედვით, ეგ ხომ ისედაც იცით.” – წერს თევზაძე Facebook-ზე.

https://www.facebook.com/permalink.php?story_fbid=pfbid06DLC1xdRypQDaDJ7tE8Gou7fWPZ6zqizv2tQoF9EHrcBT7XeCqxAV4raGhTMGZ9vl&id=100086697394019

 

ნესტან აბდუშელიშვილის გამოფენა თიბისი კონცეპტში

თიბისი კონცეპტის მულტიფუნქციური სივრცე, „ქოლგა თბილისი ფოტო 2023″-ის ფარგლებში, მასპინძლობს ხელოვან ნესტან აბდუშელიშვილის სოლო გამოფენას „ვარდობისთვე“.

ნესტან აბდუშელიშვილი გამოფენაზე „ვარდობისთვე“ ზრუნვის კონცეპტს, მისი მრავალგანზომილებიანობის კვლევას წარმოგვიდგენს. ნამუშევრებში ზრუნვა არეკლილია ინდივიდუალური და კოლექტიური გამოვლინებებით. ფოტოებში ზრუნვის მთლიანი სპექტრია გამოკვლეული – უზრუნველობიდან გადამეტებულ ზრუნვამდე, ცხოველურიდან ადამიანურამდე, ზრუნვა როგორც, გარემოსთან, სხვასთან და საკუთარ თავთან ურთიერთობის ფორმა. ნამუშევრებში მნიშვნელოვანი ადგილი ეთმობა თანამედროვე სამყაროს ინდივიდუალური გაუცხოებისა და თანაგრძნობისგან დაცლილ, უტილიტარისტულ ქაოსში გულგრილობისა და ზრუნვის ფენომენს. ხელოვანი ეხება ზრუნვის ინსტინქტურ, დედობრივ ხასიათს და სხვაზე ზრუნვის მისტიურობას.

გამოფენა აერთიანებს პეიზაჟებს, პორტრეტებს, ნატურმორტებს,  სტატიკურ და მოძრავ გამოსახულებებს, ყვავილებს და ადამიანებს, ამინდისა და გარემოსგან ტრანსფორმირებულ მიტოვებულ ქანდაკებებს. ნამუშევრების ეს ერთობლიობა ღიად აჩვენებს ხელოვანის ფიქრის დინებას.

ნესტან აბდუშელიშვილი (1989) მუშაობს და ცხოვრობს თბილისში. მისი ძირითადი მიმართულება  ესქპერიმენტული ფოტოგრაფიაა. ხელოვანისთვის არსებითია როგორც გადაღების პროცესი, ასევე ბეჭდვისას სხვადასხვა მასალის გამოყენება, რომლებსაც საბოლოოდ ობიექტებად აქცევს.

ნესტანის ბოლოდროინდელი სოლო და ჯგუფური გამოფენებია:

„ის რაც მიდის და რჩება“, სახელოვნებო სივრცე რაუმი, 2023;

„სიცილი სიცილისთვის და მწუხარება სიცრუისთვის“, ობსკურა, 2022;

‘In the Shoeshop Near the Bakery’, გალერეა 4710, 2022;

„ელემენტი – დავიწყებული გრძნობები“, გალერეა ნექტარი, 2020;

2017-2018 წლებში სწავლობდა  ფოტოგრაფიას  IED მადრიდში.

გამოფენის კურატორია მარიამ წიქარიძე.

 გამოფენის ხანგრძლივობა: 11 მაისი  – 20 ივნისი, 2023

 გამოფენის გახსნა: 11 მაისი , 18:00 საათი

სამუშაო საათები: ორშაბათიდან  შაბათის ჩათვლით10:00 – 20:00 სთ.

მისამართი: თიბისი კონცეპტი, მარჯანიშვილის 7.

 

R

სააკაშვილი უკრაინის მოქალაქეა და კანონით ჩვენ უნდა გადმოგვეცეს – დავით არახამია

“სააკაშვილი უკრაინის მოქალაქეა და კანონით ჩვენ უნდა გადმოგვეცეს… მას უნდა მისცენ საზღვარგარეთ მკურნალობის საშუალება,” – ამის შესახებ უკრაინის რადის ფრაქცია “ხალხის მსახურის” თავმჯდომარემ დავით არახამიამ “მთავარ არხთან” ინტერვიუში განაცხადა.

“დიახ მე ვიცი, რომ სააკაშვილთან დაკავშირებით მათ აქვთ პერსონალური დამოკიდებულება, მას მტრად აღიქვამენ, მაგრამ ახლა საკითხი უკვე პოლიტიკურ თემასაც გასცდა, ჩვენ ვსაუბრობთ პრეზიდენტის სიცოცხლეზე. არ ვიცი სად ხდება ასე კიდევ სხვაგან, ალბათ აფრიკის ქვეყნებში – პრეზიდენტის ციხეში იყოს და ასე ექცეოდნენ, პოლიტიკურის გარდა აქ არის ჰუმანიტარული საკითხი. მას უნდა მისცენ საზღვარგარეთ მკურნალობის საშუალება…

…ეს აზარალებს ურთიერთობებს, სააკაშვილი უკრაინის მოქალაქეა და კანონით ის ჩვენ უნდა გადმოგვეცეს. თუკი სისხლის სამართლის დამნაშავეა, ჩვენ ვამბობდით, რომ აქ მოიხადოს სასჯელი.

მაგრამ ახლა საქმე სულ სხვაგვარადაა. მან თავისი წონის 2/3-ი დაკარგა. ის ცუდადაა, მესმის, რომ მისი პრეზიდენტობის მიმართ განსხვავებული დამოკიდებულებაა, ბევრს უყვარს, ბევრს შეიძლება სძულს, მაგრამ საქმე ამაში აღარაა. კარგი გააკეთა, ცუდი გააკეთა, ამაზე ვიკამათოთ, მაგრამ მან ბევრი გააკეთა. წარმოიდგინეთ ერთი წუთით, რომ ის ციხეში მოკვდეს. არა მგონია ბევრმა ქართველმა პირველ რიგში ეს საკუთარ თავს აპატიოს და შემდეგ მთავრობას. ასეთი მთავრობა კი ვეღარასოდეს იქნება სახელმწიფოს სათავეში ამის შემდეგ.

მე რომ ხელისუფლების რომელიმე შტოს წარმომადგენელი ვიყო, არ დავუშვებდი, რომ პრეზიდენტი სიკვდილამდე მიიყვანონ. ჩვენ აქაც გვაქვს წინააღმდეგობები, პოროშენკოს წინააღმდეგ არის სისხლის სამართლის საქმეები, მაგრამ არასოდეს გვიფიქრია მისი ციხეში ჩასმა და ბარბაროსული მეთოდებით მასთან ბრძოლა”, – ამბობს არახამია.

საქართველოში შემოწმებული 1241 ადამიანიდან, ნარკოტიკული თრობა 928-ს დაუდასტურდა – შსს

2023 წლის პირველი სამი თვის მონაცემების მიხედვით, შინაგან საქმეთა სამინისტროს საექსპერტო – კრიმინალისტიკური დეპარტამენტის ნარკოლოგიური შემოწმების სამსახურმა, ქვეყნის მასშტაბით, ნარკოტიკულ ზემოქმედებაზე 1241 ადამიანი შეამოწმა, საიდანაც 928-ს ნარკოტიკული თრობა დაუდასტურდა.

როგორც შინაგან საქმეთა სამინისტროს მიერ ვებგვერდზე გამოქვეყნებულ საჯარო ინფორმაციაშია აღნიშნული, 2023 წლის პირველ კვარტალში ნარკოტიკულ ზემოქმედებაზე შემოწმებულ პირთაგან არცერთი არ იყო არასრულწლოვანი, ხოლო 32 მათგანი ქალია.

დოკუმენტის მიხედვით, შსს საექსპერტო – კრიმინალისტიკური დეპარტამენტის ნარკოლოგიური შემოწმების სამსახურმა, იანვარ-მარტში, ყველაზე მეტი 754 მამაკაცი 25-44 ასაკობრივი კატეგორიიდან შეამოწმა, საიდანაც 574-ს ნარკოლოგიური თრობა დაუდასტურდა. რაც შეეხება ქალების შემოწმების შედეგებს, 32 ქალიდან, ოფიციალური ინფორმაციის მიხედვით, დადებითი ნარკოლოგიური შედეგი 13 მათგანს ჰქონდა.

ამასთან, შინაგან საქმეთა სამინისტროს საჯარო ინფორმაციის მიხედვით, საექსპერტო – კრიმინალისტიკური დეპარტამენტის ნარკოლოგიური შემოწმების სამსახურმა, ნარკოტიკულ ზემოქმედებაზე ყველაზე მეტი ადამიანი თბილისსა და სამეგრელოს რეგიონში შეამოწმა.

რაც შეეხება 2022 წლის მონაცემებს, დოკუმენტის მიხედვით, შსს საექსპერტო – კრიმინალისტიკური დეპარტამენტის ნარკოლოგიური შემოწმების სამსახურმა, ქვეყნის მასშტაბით, ნარკოლოგიურ თრობაზე 5052 ადამიანი შეამოწმა, საიდანაც ნარკოტიკული თრობა 3631-ს დაუდასტურდა.

ცნობისთვის, შინაგან საქმეთა სამინისტროს მიერ გამოქვეყნებული ინფორმაციით, 2021 წლის განმავლობაში, ქვეყნის მასშტაბით, სულ 4225 პირი შეამოწმეს, ნარკოტიკული თრობა 2689-ს დაუდასტურდა. შემოწმებულ პირთაგან 71 ქალი იყო, მათ შორს, ნარკოტიკული თრობა 17 ქალს დაუდასტურდა. რაც შეეხება არასრულწლოვანებს, 2021 წლის განმავლობაში, ჯამში, ქვეყნის მასშტაბით, 30 არასრულწლოვანი შეამოწმეს, მათ შორის 28 ბიჭი და 2 გოგო, აქედან ნარკოტიკული თრობა 19-ს აქვს დადასტურებული 17 – ბიჭს და 2 – გოგოს.

“რუსეთსა და უკრაინას შორის სამშვიდობო მოლაპარაკებები, შესაძლოა, მიმდინარე წლის ბოლომდე დაიწყოს”

რუსეთსა და უკრაინას შორის სამშვიდობო მოლაპარაკებები, შესაძლოა, მიმდინარე წლის ბოლომდე დაიწყოს, – ამის შესახებ აშშ-ის ყოფილმა სახელმწიფო მდივანმა, ჰენრი კისინჯერმა „სიბიესთან“ ინტერვიუში განაცხადა.

ამერიკელმა ყოფილმა მაღალჩინოსანმა მოლაპარაკებებში ჩინეთის როლის მნიშვნელობას გაუსვა ხაზი.

„ახლა, როდესაც ჩინეთი შევიდა მოლაპარაკებებში, ვფიქრობ, წლის ბოლომდე მოლაპარაკებები იქნება. ჩვენ ვისაუბრებთ მოლაპარაკების პროცესებზე და რეალურ მოლაპარაკებებზეც კი. ჩინეთის ხელახალი შესვლა საერთაშორისო სისტემაში მოხდებოდა. ამას საერთაშორისო სისტემიდან ვერ გამორიცხავთ“, – აღნიშნა ჰენრი კისინჯერმა.

“ყველაფერზე იბოდიალა, „ქოლ-ცენტრებისა” და ომის დროს, მისი ძმის სახელით, უზარმაზარი ფართის ქირავნობის გარდა”- ამირან სალუქვაძე

სამხედრო ექსპერტი ამირან სალუქვაძე უკრაინის უმაღლეს რადაში ფრაქცია „ხალხის მსახურის“ ხელმძღვანელის, დავით არახამიას ტელეკომპანია „მთავარ არხთან” მიცემულ ინტერვიუს ეხმიანება.

როგორც სალუქვაძე წერს, არახამიამ ყველაფერზე ისაუბრა იმ მნიშვნელოვანი თემების გარდა, რაც ე.წ ქოლცენტრების საქმეს და მისი ძმის სახელით, აღმაშენებელზე ფართის ქირავნობას ეხება.

„გუშინ არახამიამ ყველაფერზე იბოდიალა, „ქოლ-ცენტრებისა” და ომის დროს, მისი ძმის სახელით, აღმაშენებელზე 4 ათას ლარად(?) უზარმაზარი ფართის ქირავნობის გარდა.

ახლა ჭკუას გვარიგებს დღეს საქართველოს ომი არ აწყობსო. შარშან მარტიდან მოყოლებული იქაური გონჩარენკოები და აქაური ლომჯარიები ვენებს იჭრიდნენ, ცეცხლის წვიმა გვირჩევნიაო, გინდათ თუ არა ოფიციალურად სამხედრო დახმარება გაგვიწიეთო და ა.შ. ვინ იყო ამ ყველაფრის დირიჟორი? ვინ იყო მთავრობების დონეზე ურთიერთობების გაფუჭების ინიციატორი?

დღემდე კოლექტიური ხოშტარიები შავ ხვრელებს ეძებენ. არ იციან, რომ (ყველაფერს ვერ დავწერ) ჩვენი საზღვარი 100%-ით გამჭვირვალეა ჩვენი პარტნიორებისთვის?

საკმარისია. არ ღირს უფრო ვრცლად. ათასჯერაა გადაღეჭილი. არახამია არაა უკრაინა, მით უმეტეს არაა საქართველო. არავის სჭირდება მისი დამოძღვრა. დედამიწაზე 8 მლრდ ადამიანი ცხოვრობს. ეს ერთ-ერთია.”- წერს ამირან სალუქვაძე სოციალურ ქსელში

1...2,8502,8512,852...3,002Page 2,851 of 3,002
ჩვენი არქივი

კონტაქტი

მის: ქ.თბილისი, მ.კოსტავას 59

ტელ: +995 32 93 44 05

ელ.ფოსტა: editor@geotimes.ge

ნავიგაცია

ონლაინ გაზეთი Geotimes.ge

დამატებითი რესურსი