დავით არახამიას განცხადებამ რეალურად დაადასტურა ის, რასაც ვამბობდით ჩვენს განცხადებაში, ეს არის დამოკიდებულება, რომელსაც აჩვენებს უკრაინის ხელისუფლების კონკრეტულად ეს წარმომადგენელი, ეს ძალიან დასანანი და სამწუხაროა, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა.

როგორც ირაკლი კობახიძემ აღნიშნა, საქართველო ძალიან მყარად უჭერს მხარს უკრაინელ ხალხს.

„ჩვენ სოლიდარობას ვუცხადებთ უკრაინის სახელმწიფოს, რაც არის გამოხატული არა მხოლოდ სიტყვებით, არამედ კონკრეტული საქმით, ეს არის 600-ზე მეტი მხარდაჭერილი აქტი, რეზოლუციები და დოკუმენტები, სხვა გადაწყვეტილებები, ეს არის ფართო ჰუმანიტარული დახმარება. როდესაც ასეთ ფონზე კეთდება გაუგებარი განცხადებები, ეს ამყარებს ჩვენს რწმენას, რომ რაღაცები არ ხდება ისე, როგორც უნდა ხდებოდეს. თუმცა, უკრაინა დღეს არის მძიმე ვითარებაში, უკრაინელი ხალხი არის ომის მდგომარეობაში, ძალიან მძიმე მდგომარეობაა უკრაინაში, აქედან გამომდინარე, ჩვენ პირველ რიგში, პატივს ვცემთ უკრაინელ ხალხს და შესაბამისად, არ ვაპირებთ არახამიასთან თუ სხვა პოლიტიკოსებთან პოლემიკაში შესვლას. არ მინდა, პოლემიკაში შევიდე, ფაქტია რასთანაც გვქონდა საქმე მთელი ამ ორი წლის განმავლობაში – ჯერ როდესაც ხდებოდა საქართველოდან უკრაინის ელჩის გაწვევა, აბსოლუტურად გაუგებარი იყო ეს გადაწყვეტილება, როდესაც პრაქტიკულად გააძევეს ჩვენი ელჩი უკრაინიდან საბაბი იყო თითქოს მომაკვდავ მდგომარეობაში სააკაშვილის ყოფნა, დღეს ღიმილის მომგვრელიც კი აღარ არის უკვე ეს საბაბი.

შეგახსენებთ მეორე ფრონტთან დაკავშირებით პოდოლიაკის, დანილოვის და სხვების განცხადებებს, შეგახსენებთ იმას, რომ ძებნილები, დამნაშავეები დღეს უკრაინაში კვლავაც იკავებენ მაღალ თანამდებობებს, ეს არ შეესაბამება იმ ისტორიულ, მეგობრულ ურთიერთობებს, რომლებიც არსებობს უკრაინელ და ქართველ ხალხებს, უკრაინისა და საქართველოს სახელმწიფოებს შორის. ეს არის სრული აცდენა ამ ისტორიულ-მეგობრული სულისკვეთებიდან. შესაბამისად, კიდევ ერთხელ მოვუწოდებ უკრაინის ხელისუფლებას, მიიღოს ისეთ გადაწყვეტილებები, რომლებიც ხელს შეუწყობს ისტორიული მეგობრობის კიდევ უფრო გაღრმავებას და ხელს არ შეუწყობს ხალხების, ქვეყნების ხელოვნურად დაშორებას“, – განაცხადა კობახიძემ.

უკრაინის რადას ფრაქცია „ხალხის მსახურის“ თავმჯდომარე დავით არახამია საქართველოს მთავრობის განცხადებას გამოეხმაურა. როგორც არახამია აღნიშნავს: „დაგვიბრუნდეს მიხეილ სააკაშვილი, შეწყდეს ფრენები რუსეთთან, აგრესორის დახმარება სანქციების გვერდის ავლაში, მაშინ ურთიერთობების ნორმალიზებაც მარტივად მოხდება“.

ორი წელი ცდილობდნენ საზოგადოება მოეტყუებინათ, რომ მიხეილ სააკაშვილი იყო მომაკვდავ მდგომარეობაში, რომ ნებისმიერ დღეს შეიძლებოდა დამდგარიყო ფატალური შედეგი. ეს იყო ყალბი კამპანია, რასაც ჩვენ მთელი ორი წლის განმავლობაში ვუყურებდით. საბოლოო ჯამში დამტკიცდა, რომ ეს ყველაფერი იყო სრული სიცრუე და სიყალბე, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებთან განაცხადა.

„ამ ფონზე, როდესაც კიდევ ერთხელ კეთდება განცხადებები და მოწოდებები იმასთან დაკავშირებით, რომ სააკაშვილი უნდა გავათავისუფლოთ და ა.შ. ეს არის რბილად რომ ვთქვათ არასწორი, რბილად რომ ვთქვათ გაუგებარი. მეტ კომენტარს ამაზე არ გავაკეთებ. მე შეიძლება მქონდეს ჩემი შეხედულებები კონკრეტულ ადამიანებთან დაკავშირებით, რომლებიც მაგალითად რუსულ ენაზე მიმართავდნენ ქართულ საზოგადოებას ორი წლის წინ, მაგრამ არ მინდა ასეთ ადამიანებთან პოლემიკაში შესვლა“, – აღნიშნა პრემიერმა.

შეიქმნა მორიგი, ალბათ, ორპროცენტიანი პარტია, ეს ორი პროცენტი საბოლოო ჯამში დააკლდება „ნაციონალურ მოძრაობას“, – ასე გამოეხმაურა საქართველოს პრემიერ-მინისტრი ირაკლი კობახიძე ნიკა მელიასა და ნიკა გვარამიას მიერ პარტია „ახალის“ დაფუძნებას.

მისი თქმით, რაც მეტი 2-3 პროცენტიანი პარტია შეიქმნება, მით უკეთესი იქნება „ქართული ოცნების“ საბოლოო შედეგისთვის.

„რაც მეტი 2-3 პროცენტიანი პარტია შეიქმნება, მით უკეთესი ჩვენი საბოლოო შედეგისთვის. შეიქმნა მორიგი, ალბათ ორპროცენტიანი პარტია, ეს ორი პროცენტი საბოლოო ჯამში დააკლდება „ნაციონალურ მოძრაობას.“ ეს არის კარგი იმისათვის, რომ ჩვენ საბოლოოდ მივიღოთ საკონსტიტუციო უმრავლესობა პარლამენტში“, – განაცხადა ირაკლი კობახიძემ.

უკრაინა დღეს არის ძალიან მძიმე ვითარებაში, აქედან გამომიდინარე ჩვენ პატივს ვცემთ უკრაინელ ხალხს და შესაბამისად არ ვაპირებთ არახამიასთან თუ სხვა პოლიტიკოსებთან პოლემიკაში შესვლას, – ამის შესახებ საქართველოს პრემიერ-მინისტრმა ირაკლი კობახიძემ განაცხადა.

კობახიძე უკრაინის ხელისუფლებას მოუწოდებს, მიიღონ ისეთი გადაწყვეტილებები, რაც ორი ქვეყნის ისტორიულ მეგობრობას გაამყარებს და არა პირიქით.

„არახამიას განცხადებამ დაადასტურა ის, რასაც ვამბობდით ჩვენ, ეს არის დამოკიდებულება, რომელსაც უკრაინის ხელისუფლების ეს წარმომადგენელი აჩვენებს. ეს ძალიან სამწუხაროა. თქვენ იცით, რომ უკრაინელ ხალხს ჩვენს მხარს ვუჭერთ და სოლიდარობას ვუცხადებთ უკრაინის სახელმწიფოს, რაც არის გამოხატული კონკრეტული საქმით, ეს არის 600-ზე მეტი მხარდაჭერილ აქტი, რეზოლუციები და სხვა დოკუმენტები, ეს არის ძალიან ფართო ჰუმანიტარული დახმარება და როდესაც ასეთ ფონზე, ასეთი განცხადებები კეთდება, ეს ამყარებს ჩვენს რწმენას, რომ რაღაცები ისე არ ხდება, როგორც უნდა ხდებოდეს. თუმცა, უკრაინა დღეს არის ძალიან მძიმე ვითარებაში, აქედან გამომიდინარე ჩვენ პატივს ვცემთ უკრაინელ ხალხს და შესაბამისად არ ვაპირებთ არახამიასთან თუ სხვა პოლიტიკოსებთან პოლემიკაში შესვლას. კიდევ ერთხელ ჩამოვთლი, რასთანაც გვქონდა საქმე ორ წლის განმავლობაში, ჯერ როდესაც საქართველოდან უკრაინის ელჩის გაწვევა ხდებოდა, როდესაც ჩვენი ელჩი გააძევეს უკრაინიდან და საბაბი იყო თითქოს მომაკვდავ მდგომარეობაში სააკაშვილის ყოფნა. შეგახსენებთ, განცხადებებს მეორე ფრონტთან დაკავშირებით, შეგახსენებთ იმას, რომ ძებნილები, დამნაშავეები დღეს უკრაინაში კვლავაც მაღალ თანამდებობებს იკავებენ. ეს ყველაფერი არ შეესაბამება იმ მეგობრულ ურთიერთობებს, რომელიც არსებობს უკრაინასა და საქართველოს შორის. ეს არის სრული აცდენა ამ ისტორიული მეგობრობის სულისკვეთებიდან, შესაბამისად ჩვენ კიდევ ერთხელ მოვუწოდებთ უკრაინის ხელისუფლებას, ისეთი გადაწყვეტილებების მიღებას, რომელიც ხელს შეუწყობს ამ ისტორიული მეგობრობის გაღრმავებას“, – აღნიშნა კობახიძემ.

„თბილისი პრაიდს“, ლგბტ თემის წარმომადგენლებს, მათ დამცველებს, რადიკალურ ოპოზიციასა და არასამთავრობო სექტორის დიდ ნაწილს აფინანსებს ერთი პატრონი – ეს არის უცხოური ძალა, – ამის შესახებ „ხალხის ძალის“ ერთ-ერთმა ლიდერმა გურამ მაჭარაშვილმა ლგბტ პროპაგანდის საკითხზე საუბრისას განაცხადა.

„ბუნებრივია, ამიტომაც ხმას ვერ იღებს ვერც ერთი ოპოზიციონერი. პირდაპირი აღიარებითი ჩვენება დაწერა პრაქტიკულად „თბილისი პრაიდმა“, რომ მარტის მოვლენებისას, მათ და მათმა დონორებმა „მოლოტოვის კოქტეილების“ გადაიხადეს ფული და უზრუნველყვეს აქ რადიკალური პროცესები, იმავეს აპირებენ ახლა“, – აღნიშნა მაჭარაშვილმა.

„ქრონიკამ“ ექსკლუზიურად მოიპოვა ოპოზიციის სტრატეგია, რომელსაც ლგბტ პროპაგანდის წინააღმდეგ ბრძოლის საკითხზე პარტიები მიჰყვებიან და რასაც „თბილისი პრაიდი“ ათანხმებს საერთაშორისო პარტნიორებთან. წერილიდან ირკვევა, რომ „თბილისი პრაიდი“ სამოქალაქო საზოგადოებასთან ერთად კანონპროექტის დამტკიცების შემთხვევაში საპროტესტო აქციებს გეგმავს.

დემოკრატიის ყველაზე ფუნდამენტური იდეა გვეუბნება, რომ არ შეიძლება კეთილი ზრახვების უკეთური საშუალებებით მიღწევა. ამიტომაც, იუსტიციის რეფორმის კრიმინალების ხელით გატარება კანონის უზენაესობის პრინციპებს ეწინააღმდეგება, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.

მისი თქმით, უკრაინის მთავრობის მიერ ქართველი კრიმინალის, ზურაბ ადეიშვილის შეფარება და გენერალური პროკურორის მრჩევლად დანიშვნა, ასევე ადეიშვილის ბოლოდროინდელი ოფიციალური შეხვედრები გერმანიასა და ევროკავშირის სახელისუფლებო ინსტიტუციებში არასწორ სიგნალებს გვიგზავნის, რომლებიც ძირს უთხრის დემოკრატიული ცვლილებებისკენ მიმართულ საერთაშორისო თანამშრომლობას.

„ადეიშვილის კრიმინალური წარსული კარგადაა დოკუმენტირებული ქართული სასამართლოს მიერ. მას ექვსწლიანი პატიმრობა აქვს მისჯილი ხუთი სისხლის სამართლის დანაშაულისათვის, უკანონო გატაცებით დაწყებული კომპანიების უკანონო გაკოტრებით გაგრძელებული. კიდევ ორ სისხლის სამართლის საქმეზე სასამართლო პროცესები გრძელდება. განაჩენების შეკრებითობის პრინციპი რომ არ გაგვეუქმებინა, რომლის შემოტანაში წვლილი თავად ადეიშვილმაც შეიტანა, მას, მთლიანობაში, ციხეში 18-წლის გატარება მოუწევდა. ის იყო სააკაშვილის ჯალათი და ძალადობრივი მართლმსაჯულების და პენიტენციური სისტემის ერთ-ერთი მთავარი არქიტექტორი. შეუძლებელია, რომ ადეიშვილი ვინმემ დემოკრატიულ რეფორმატორად წარმოუდგინოს ან ქართველ ხალხს, ან საერთაშორისო თანამეგობრობას.

ცხადია, უკრაინელი ხალხის ბრძოლამ საერთაშორისო დახმარება და აღტაცება გამოიწვია. საქართველოს მთავრობა და ქართველი ხალხი ყველანაირად დაეხმარა უკრაინელების ბრძოლას რუსული აგრესიის წინააღმდეგ. საერთაშორისო ასპარეზზე უკრაინის მხარდაჭერითა და რუსეთის საწინააღმდეგო სანქციების აღსრულებით დაწყებული, ათიათასობით უკრაინელი ლტოლვილის შეფარებითა და ჰუმანიტარული დახმარებით გაგრძელებული, საქართველოს მთავრობამ და ქართველმა ხალხმა უკრაინის მხარდაჭერის კეთილი ნება გამოავლინა. სამწუხაროდ, ეს კეთილი ნება ორმხრივი არ აღმოჩნდა. გაუგებარია, რომ უკრაინის მთავრობამ გაიწვია საკუთარი ელჩი თბილისიდან და მოითხოვა კიევიდან საქართველოს ელჩის გამოწვევაც, მიუხედავად იმისა, რომ საქართველოს ელჩი თითქმის ერთადერთი უცხოელი დიპლომატი იყო, რომელიც რჩებოდა უკრაინის დედაქალაქში მაშინაც კი, როდესაც რუსული ოკუპაციის საფრთხე 2022 წლის გაზაფხულზე აშკარა იყო“, – აცხადებს პაპუაშვილი.

მისი თქმით, უკრაინა ომშია, მაგრამ გაუგებარია, რა საჭიროა ქართველი კრიმინალების შეფარება და საქართველოსთვის მათ გადმოცემაზე უარის თქმა.

„დღემდე, საქართველოს მთავრობა თავს იკავებდა საჯაროდ გამოეტანა უკრაინის მთავრობასთან უთანხმოება ქართველი კრიმინალების შეფარების გამო. უკრაინა ომშია, მაგრამ გაუგებარია, რა საჭიროა ქართველი კრიმინალების შეფარება და საქართველოსთვის მათ გადმოცემაზე უარის თქმა. ადეიშვილის გარდა, რომელიც სერიოზული დამნაშავეა, გიორგი ლორთქიფანიძე უკრაინის დაზვერვის უფროსის მოადგილეა, რომელიც, სხვა საქმეებს შორის, დადანაშაულებულია სააკაშვილის საქართველოში უკანონო შემოყვანაში, 2021 წლის არჩევნებამდე რამდენიმე დღით ადრე.

უკრაინას რაღაც მიზეზი მაინც აქვს, ომის სახით, რომელიც შეუძლია ქართველი კრიმინალების საკითხში ჩაუღრმავებლობის საბაბად მოიტანოს. მაგრამ გერმანიისა და ევროკავშირის ინსტიტუტებს არანაირი საბაბი არ გააჩნიათ, რომ მათ მიმართ კეთილი ნება გამოავლინოს. გასულ კვირას ჩვენ ვნახეთ, რომ ადეიშვილი ამაყად იყო წარმოდგენილი ბუნდესტაგის სტუმრებს შორის. მეტიც, იგი, უკრაინის დელეგაციის შემადგენლობაში, მონაწილეობდა გერმანელ და ევროპელ მაღალჩინოსნებთან მოლაპარაკებებში ბერლინსა და ბრიუსელში. ქართველებისთვის ეს ერთგვარი დეჟავიუ იყო, რამაც სააკაშვილის თავისუფალი მიმოსვლა გაგვახსენა ევროპასა და შეერთებულ შტატებში, მიუხედავად იმისა, რომ საქართველოში ჩადენილი დანაშაულებისთვის იძებნებოდა.

ევროკავშირთან ურთიერთობის ახალი „9 ნაბიჯის“ მთავარი აქცენტი დეზინფორმაციასთან ბრძოლაა. საქართველოს მთავრობა ენთუზიაზმით შეხვდა ამ ჩანაწერს. მაგრამ რა არის ადეიშვილის მიღება ევროპის მაღალ დიპლომატიურ დონეზე, თუ არა დეზინფორმაცია იმაზე, თუ რას წარმოადგენს ადეიშვილი? როგორ აპირებენ გერმანული და ევროპული ინსტიტუციები დაარწმუნონ ქართველები, რომ კრიმინალი ადეიშვილი დემოკრატიას აშენებს უკრაინაში და დიპლომატიურ მოლაპარაკებებში მისი მოთმენა შესაძლებელია?

კანონის უზენაესობა მხოლოდ იდეალისტური პრინციპი არ არის. მას პრაქტიკული პოლიტიკური შედეგები აქვს. გავიხსენოთ, რომ სააკაშვილს დასავლეთში თავისუფალი გადაადგილების საშუალება ჰქონდა და ამას ბევრი ჩვენი პარტნიორი არ იმჩნევდა, თითქოს სერიოზული არაფერი ხდებოდა. ამასობაში, თავისუფალი გადაადგილებისა და უკრაინული თანამდებობის პრივილეგიების წყალობით, სააკაშვილი ბოროტად ერეოდა ქართულ პოლიტიკაში და პოლიტიკური რადიკალიზაციის კოცონს აგიზგიზებდა. მერე კი იგი უკვე საქართველოში ვნახეთ, საჭირო დროს, არჩევნების დღეს, არეულობა რომ მოეწყო. მხოლოდ ქართული სპეცსამსახურების წყალობით მოხდა, რომ იგი სწრაფად იპოვეს და დააკავეს, რის გამოც მისი გეგმა ჩაიშალა, რომელსაც საქართველოში სტაბილურობისთვის სერიოზული საფრთხის შექმნა შეეძლო. ამ თვალსაზრისით, სააკაშვილის და, ახლა უკვე, ადეიშვილის მიმღებლობა დასავლეთის მიერ სულაც არ არის ისეთი უვნებელი, როგორც გამოიყურება. ეს მიმღებლობა ძირს უთხრის ღირებულებებს, რომლებზეც საქართველოს ევროპული მისწრაფებები დგას. მეტიც, არაფერი აზიანებს ქართველების ნდობას ევროპული ღირებულებების მიმართ უფრო მეტად, ვიდრე ძალადობრივი კრიმინალების შეფარება უკრაინისა და ევროპული დემოკრატიების მიერ.

რაც უფრო მალე მორჩება ეს ფარისევლობა, მით უკეთესი. ქართველი ხალხი მოელის, რომ ევროპელი პოლიტიკოსები და ბიუროკრატები ერთგულნი იქნებიან ჩვენი საერთო ღირებულების კანონის უზენაესობის მიმართ, უარს იტყვიან რუხ ზონებზე და საჭირო ნაბიჯებს გადადგამენ. კანონის უზენაესობა ევროკავშირში არჩევითი კი არა, აუცილებელია“, – აცხადებს პარლამენტის თავმჯდომარე.

ქართველი ხალხი მოელის, რომ ევროპელი პოლიტიკოსები და ბიუროკრატები ერთგულნი იქნებიან ჩვენი საერთო ღირებულების კანონის უზენაესობის მიმართ, უარს იტყვიან რუხ ზონებზე და საჭირო ნაბიჯებს გადადგამენ. კანონის უზენაესობა ევროკავშირში არჩევითი კი არა, აუცილებელია – ამის შესახებ პარლამენტის თავმჯდომარე სოციალურ ქსელში წერს.

შალვა პაპუაშვილის განმარტებით, ადეიშვილის კრიმინალური წარსული კარგადაა დოკუმენტირებული ქართული სასამართლოს მიერ.

„მას 6-წლიანი პატიმრობა აქვს მისჯილი ხუთი სისხლის სამართლის დანაშაულისათვის, უკანონო გატაცებით დაწყებული კომპანიების უკანონო გაკოტრებით გაგრძელებული. კიდევ ორ სისხლის სამართლის საქმეზე სასამართლო პროცესები გრძელდება. განაჩენების შეკრებითობის პრინციპი რომ არ გაგვეუქმებინა, რომლის შემოტანაში წვლილი თავად ადეიშვილმაც შეიტანა, მას, მთლიანობაში, ციხეში 18-წლის გატარება მოუწევდა.

ის იყო სააკაშვილის ჯალათი და ძალადობრივი მართლმსაჯულების და პენიტენციური სისტემის ერთ-ერთი მთავარი არქიტექტორი. შეუძლებელია, რომ ადეიშვილი ვინმემ დემოკრატიულ რეფორმატორად წარმოუდგინოს ან ქართველ ხალხს, ან საერთაშორისო თანამეგობრობას.

ცხადია, უკრაინელი ხალხის ბრძოლამ საერთაშორისო დახმარება და აღტაცება გამოიწვია. საქართველოს მთავრობა და ქართველი ხალხი ყველანაირად დაეხმარა უკრაინელების ბრძოლას რუსული აგრესიის წინააღმდეგ. საერთაშორისო ასპარეზზე უკრაინის მხარდაჭერითა და რუსეთის საწინააღმდეგო სანქციების აღსრულებით დაწყებული, ათიათასობით უკრაინელი ლტოლვილის შეფარებითა და ჰუმანიტარული დახმარებით გაგრძელებული, საქართველოს მთავრობამ და ქართველმა ხალხმა უკრაინის მხარდაჭერის კეთილი ნება გამოავლინა. სამწუხაროდ, ეს კეთილი ნება ორმხრივი არ აღმოჩნდა. გაუგებარია, რომ უკრაინის მთავრობამ გაიწვია საკუთარი ელჩი თბილისიდან და მოითხოვა კიევიდან საქართველოს ელჩის გამოწვევაც, მიუხედავად იმისა, რომ საქართველოს ელჩი თითქმის ერთადერთი უცხოელი დიპლომატი იყო, რომელიც რჩებოდა უკრაინის დედაქალაქში მაშინაც კი, როდესაც რუსული ოკუპაციის საფრთხე 2022 წლის გაზაფხულზე აშკარა იყო“, – აცხადებს პაპუაშვილი.