“2008 წლის აგვისტოს ომის დაწყებასთან დაკავშირებით ჩვენ კითხვის ნიშნები არ გვაქვს”

16:28 - 10/04/2023

2008 წლის აგვისტოს ომის დაწყებასთან დაკავშირებით ჩვენ კითხვის ნიშნები არ გვაქვს – რაიმეს დამატებით გამოძიებას პარლამენტს შიგნით იმაზე, რაზეც საერთაშორისო სასამართლოებში ვიბრძოლეთ, რელევანტურად არ მივიჩნევთ , – ასე პასუხობს დეპუტატ ფრიდონ ინჯიას ინიციატივას პარლამენტის ვიცე-სპიკერი არჩილ თალაკვაძე.

თალაკვაძის თქმით, “ქართული ოცნების” ხელისუფლებამ გააკეთა ყველაფერი, რათა რუსეთ-საქართველოს ომთან დაკავშირებით საქართველოს სიმართლე დამტკიცებულიყო.

“2008 წლის აგვისტოს ომის თემაზე პარლამენტის საგამოძიებო კომისიის შექმნა ჩვენი ინიციატივა არ არის. ჩვენმა ხელისუფლებამ ყველაფერი გააკეთა იმისთვის, რომ ყველა საერთაშორისო სასამართლოში საქართველოს სიმართლე დამტკიცებულიყო. ჩვენ მოვიგეთ ისტორიული პროცესი სტრასბურგის ადამიანის უფლებათა სასამართლოში, სადაც პირდაპირ დადასტურდა, რომ რუსეთის ფედერაცია საქართველოს ტერიტორიების ოკუპაციას ახორციელებს და ამ ომის დროს და ომის შემდეგ ადგილი ჰქონდა ადამიანის უფლებების უხეშ დარღვევას. ასევე ჩვენმა ხელისუფლებამ უზრუნველყო მტკიცებულებების შეკრება და ჰააგაში მიმდინარე გამიძიებაზე მათი დართვა”, – განაცხადა არჩილ თალაკვაძემ.

პარტია “ევროპელი სოციალისტები” და მისი თავმჯდომარე ფრიდონ ინჯია 2008 წლის აგვისტოს ომის ფაქტების შემსწავლელი საგამოძიებო კომიისის შექმნას ითხოვს.

“ქართული ოცნება” და სასამართლო “კლანი” ერთმანეთს კვებავს” – ხატია დეკანოიძე

16:19 - 10/04/2023

იუსტიციის უმაღლესი საბჭოს თავმჯდომარის განცხადება მიანიშნებს, რომ “ქართულმა ოცნებამ” შეიძლება ახალი შემზღუდავი საკანონმდებლო ინიციატივები შემოიტანოს , – ამის შესახებ ოპოზიციონერმა დეპუტატმა ხატია დეკანოიძემ განაცხადა, რითაც გამოეხმაურა უზენაესი სასამართლოსა და იუსტიციის უმაღლესი საბჭოს თავმჯდომარის, ნინო ქადაგიძის განცხადებას.

დეკანოიძის თქმით, მთავრობა “სასამართლო კლანის” შანტაჟს დაექვემდებარა და კიდევ ერთხელ გამოჩნდა, თუ რამდენად გადახლართულია სასამართლო სისტემა და აღმასრულებელი ხელისუფლება, რაც ხელისუფლების ორი, ერთმანეთისგან დამოუკიდებელო შტო უნდა იყოს.

“ძალიან საგულისხმოა ეს ფაქტი. ჩვენ მოვისმინეთ მურუსიძის განცხადება, რომელიც იყო შანტაჟი „კლანის“ მხრიდან ხელისუფლებაზე, ამ შანტაჟს დაემორჩილა “ქართული ოცნება”, რადგან ურთიერთთანამშრომლობა აქვთ და კვებავენ ერთმანეთს “ქართული ოცნება” და სასამართლო კლანი. ამის შემდეგ ხვდება მათ ღარიბაშვილი და უცხადებს მხარდაჭერას, თუმცა სხვას არც არაფერს ველოდები, მაგრამ ის განცხადება, რომელიც გააკეთა საბჭოს თავმჯდომარემ მიმანიშნებს იმაზე, რომ შეიძლება ახალი შემზღუდავი საკანონმდებლო ინიციატივები შემოიტანოს “ქართულმა ოცნებამ”, ე.წ. სასამართლოსთან შეთანხმებით. არც ერთ ქვეყანაში არ ხდება ის, რომ ასე გადახლართულია სასამართლო სისტემა და აღმასრულებელი ხელისუფლება. კიდევ ერთხელ გამოჩნდა ძალიან აშაკარა თანამშრომლობა ორ ინსტიტუტს შორის, რომელიც უნდა იყოს დამოუკიდებელი, მაგრამ არის სრულიად ურთიერთგადახლართული და ეს ჩანს ურთიერთშანტაჟში, რომელიც გადაიქცა თითქოს მხარდაჭერად. ერთი კვებავს მეორეს და ხალხის ნდობა არ აქვს სასამართ₾ო სისტემას, ისევე როგორც ხელისუფლებას”, – განაცხადა დეკანოიძემ.

უზენაესი სასამართლოს და იუსტიციის უმაღლესი საბჭოს თავმჯდომარე ნინო ქადაგიძემ პრემიერ-მინისტრ ირაკლი ღარიბაშვილთან შეხვედრის შემდეგ განაცხადა, რომ დადგა ის ეტაპი, როცა მთავრობა უნდა ჩაერიოს რიგ საკითხებში და ნორმატიული ჩარჩო უნდა შემუშავდეს, რომელიც გამორიცხავს სასამართლოში რაიმე ფორმით ჩარევას და მინიმუმამდე დაიყვანს სასამართლოში პოლიტიკის გავლენას.

“სასამართლოს მიმართ ნდობა ისტორიულ მაქსიმუმზეა” – პრემიერი

15:59 - 10/04/2023

მართლმსაჯულების ინდექსის მიხედვით, ჩვენი ქვეყანა ევროკავშირის 11 წევრ ქვეყანას და ნატოს წევრ 13 ქვეყანას უსწრებს, სასამართლოს მიმართ ნდობა ისტორიულ მაქსიმუმზეა, – ამის შესახებ საქართველოს პრემიერ-მინისტრმა ირაკლი ღარიბაშვილმა იუსტიციის უმაღლესი საბჭოს წევრებთან შეხვედრის შემდეგ, უზენაეს სასამართლოში, ჟურნალისტების კითხვის საპასუხოდ განაცხადა.

მთავრობის მეთაურის თქმით, მოქალაქეებს სიამაყის განცდა უნდა ჰქონდეთ იმის გამო, რომ ჩვენი სასამართლო ბევრ ევროპულ სასამართლოზე წინ დგას.

„თქვენ, როგორც მოქალაქეს, უნდა გქონდეთ სიამაყის განცდა იმისა, რომ ჩვენი სასამართლო ბევრ ევროპულ სასამართლოზე წინ დგას. ეს ერთი და მე გთხოვთ, რომ ყველამ ძალიან დიდი პატივისცემით მოიხსენიოთ ყველა მოსამართლე და მიმართოთ პატივისცემით. ამას მოვითხოვ მე, როგორც პრემიერ-მინისტრი და კიდევ ერთხელ მოგიწოდებთ, რომ იყოთ კორექტულნი და კორექტულად მიმართოთ ადამიანებს და მოქალაქეებს. მართლმსაჯულების ინდექსის მიხედვით, ჩვენი ქვეყანა (მათ შორის კორუფციის აღქმის რეიტინგებში) ევროკავშირის 11 წევრ ქვეყანას და ნატოს წევრ 13 ქვეყანას უსწრებს. სასამართლოს მიმართ ნდობა არის ისტორიულ მაქსიმუმზე. წინა ხელისუფლების დროს იყო თითქმის ნულზე. კიდევ ერთხელ გავიმეორებ, მე, როგორც მთავრობის მეთაური, გავაკეთებ მაქსიმუმს, რომ სასამართლო იყოს დაცული ნებისმიერი ჩარევისგან როგორც მთავრობის, თუ მთავრობის წევრების, როგორც საშინაო თუ საგარეო ჩარევებისგან. მე მგონი, ყველაფერი გასაგებია“, – განაცხადა ირაკლი ღარიბაშვილმა.

როგორც პრემიერ-მინისტრმა აღნიშნა, ყველა ის მოსამართლე, რომელზეც გავრცელდა აშშ-ის გადაწყვეტილება, ძალიან მაღალკვალიფიციური, პროფესიონალი მოსამართლეები არიან, რომლებიც მთელი თავისი შეგნებით ემსახურებიან ჩვენი ქვეყნის დამოუკიდებლობასა და სახელმწიფოს გაძლიერებას.

„ყველა ის მოსამართლე, რომელზეც გავრცელდა აშშ-ს სახელმწიფო დეპარტამენტის გადაწყვეტილება, მე ვიცი და ყველამ ვიცით, რომ არის ძალიან მაღალკვალიფიციური, პროფესიონალი მოსამართლეები, რომლებიც მთელი თავისი შეგნებით ემსახურებიან ჩვენი ქვეყნის დამოუკიდებლობას, სახელმწიფოს გაძლიერებას და შესაბამისად, მე ვფიქრობ, რომ აღნიშნულს არ ექნება რაიმე გავლენა. კიდევ ერთხელ მინდა გავიმეორო, რომ ყველა ხელისუფალის და თითოეული მოქალაქის ვალდებულება უნდა იყოს და ჩვენი მოვალეობაა, რომ მაქსიმალურად დავეხმაროთ ჩვენს მოსამართლეებს მათი ინტერესებისა და სასამართლოს დაცვაში. აი, ამას, მე როგორც პრემიერ-მინისტრი ვაკეთებ და ხვალაც გავაკეთებ კიდევ უფრო მეტი შემართებით“, – განაცხადა პრემიერ-მინისტრმა.

“ურნაში ნაპოვნი პირადობის მოწმობები ვაშაძის იუსტიციის სამინისტროში მუშაობის დროს იყო დაბეჭდილი”-ავთანდილ ენუქიძე

15:42 - 10/04/2023

ურნაში ნაპოვნი პირადობის მოწმობები ვაშაძის იუსტიციის სამინისტროში მუშაობის დროს იყო დაბეჭდილი, მაგაზე რომ არ აგებინეს პასუხი, დღეს გრძელი ენა აქვს, ამბობს, ხალხის რაღაცები მაწუხებსო და ახალ წელს სან-პაულოში იყო, არავიზე არაფერს ვამბობ და გაჩუმდნენ, მახსოვს ყველაფერი, ვინ რას აკეთებდა, – ამის შესახებ „ევროპელი სოციალისტების“ წევრმა, ავთანდილ ენუქიძემ განაცხადა.

ავთანდილ ენუქიძემ კომენტარი გააკეთა „სტრატეგია აღმაშენებლის“ წევრის, პაატა მანჯგალაძის იმ განცხადებაზე, სადაც მანჯგალაძე აღნიშნავს: „ოპოზიციაში ბევრი თვითმარქვიაა, ასეთია ფრიდონ ინჯიას პარტია, სხვა ვერსიებიც მსმენია, ჩვენს საქმიანობაზე კითხვა არასოდეს გაჩენილა“.

ავთანდილ ენუქიძე ამბობს, რომ „ევროპელ სოციალისტებს“ დესტრუქციული ძალები ოპოზიციად არ მიაჩნია.

„პაატა მანჯგალაძეს ერთ მხარეს გიორგი ვაშაძე უზის, მეორე მხარეს – დავით უსუფაშვილი. უსუფაშვილმა და თავისმა ცოლმა არჩევნების დროს წარმოადგინეს დაბეჭდილი პირადობის მოწმობები, რომლებიც ლევან თარხნიშვილს წარუდგინეს და შემდეგ ეს ურნაში იპოვეს. ის პირადობის მოწმობები დაბეჭდილი იყო ვაშაძის იუსტიციის სამინისტროში მუშაობის დროს. მაგაზე რომ არ აგებინეს პასუხი და გრძელი ენა რომ აქვს, იკითხეთ, ახალი წელი სად გაატარა? – ამბობს, ხალხის რაღაცები მაწუხებსო და ახალ წელს სან-პაულოში იყო. ხომ ხედავთ, არავიზე არაფერს ვამბობ და გაჩუმდნენ. როცა ჩვენ აფხაზეთში ვომობდით და ტყვიას გვესროდნენ, რომან გოცირიძე აქ კუპონებს აჯდა და ყველა ჭკვიანად იყოს. მახსოვს ყველაფერი, ვინ რას აკეთებდა. როგორც კი ასეთ კომენტარებს მოვისმენ, პასუხს მიიღებენ. თქვენ რა გაქვთ სალაპარაკო, ჩემმა სადაზღვევო კომპანიამ გადაიხადა, თქვენი ტელევიზიის პატრონმა ჭუტლექსამ რომ ავარია გააკეთა და ბავშვი დაიღუპა. ჩვენ დესტრუქციული ძალები არ მიგვაჩნია ოპოზიციად, თუ რაიმე სათქმელია, არ ვერიდები. იმაზე ვერ გადავეწყობი, რომელ ტელევიზიას, რისი თქმა უნდა“, – განაცხადა ავთანდილ ენუქიძემ.

“ბოლო სამი პრეზიდენტის ხელში, ქვეყნის სახელმწიფო ჯილდოები გაუფასურდა”

15:41 - 10/04/2023

ეროვნული ღალატია, როდესაც ქვეყნის მეხუთე პრეზიდენტი ეროვნულ საპოლიციო დანაყოფებს გენერალ როდიონოვის დამსჯელ რაზმებს ადარებს. ეროვნული ღალატია, როდესაც 9 აპრილს 21 დაღუპული ქართველი გოგო/ბიჭის, მათი მამებისა თუ ბებიების სულის მოსახსენებლად წუთიერი დუმილიც გეზარება, რომლის გამოხატვა, უკრაინის მიმართ პარლამენტში არცერთ მოსვლაზე არ გავიწყდება, – ამის შესახებ „ხალხის ძალის“ წევრი, დავით ქართველიშვილი სოციალურ ქსელში წერს.

მისი განცხადებით, ბოლო სამი პრეზიდენტის ხელში, ქვეყნის სახელმწიფო ჯილდოები გაუფასურდა, ვინაიდან სხვადასხვა ორდენი მიღებული აქვთ მეგის ქარდავას, კოხტა კოდუასა და სხვა მსჯავრდადებულებს.

ქართველიშვილი ასევე ეროვნულ ღალატად აფასებს პრეზიდენტის მზაობას, პოლიციელის ცოცხლად დაწვის ინიციატორი „ღირსების ორდენით“ დააჯილდოოს, მსჯავრდადებულები კი – შეიწყალოს, თუმცა, მას ამ ნაბიჯების გადადგმისგან ხალხის მოსალოდნელი რეაქცია აშორებს.

„ამ ქვეყანაში ცხოვრობს, მოღვაწეობს და ქმნის ისტორიას უამრავი თავმდაბალი პატრიოტი, რომელიც ასევე შეუმჩნევლად ტოვებს წუთისოფელს, მაგრამ სახელმწიფო ზუსტად რომ მათნაირების მიწიერ დანატოვარზე აგრძელებს თავის არსებობას. მათი ღვაწლის დაფასების ერთ-ერთი კრიტერიუმია სახელმწიფო ჯილდო, ორდენი, მედალი, რომელიც, უღირსი პრეზიდენტის ხელში, ეროვნულ სირცხვილად და ღირსეული ადამიანების დაცინვად იქცევა.

როგორ შეიძლება ქვეყნის ნორმალურ დამსახურებულ მოღვაწეს, ღირსების, ბრწყინვალებისა და ვახტანგ გორგასლის „ორდენოსნობა“ უხაროდეს მეგის ქარდავას, კოხტა კოდუას, ვიქტორ იანუკოვიჩის ან სხვა უამრავი დაჯილდოებული არაკაცების, ჯალათებისა და კრიმინალების გვერდით. ჯონ ლენონმა 1969 წელს ბრიტანეთის უმაღლესი ჯილდო დედოფალს მისი ქვეყნის უღირსი საგარეო პოლიტიკის გაპროტესტების ნიშნად დაუბრუნა. ხოლო საქართველოს ბოლო სამი უღირსი პრეზიდენტის ხელში რა დონემდე გაუფასურდა ქვეყანაში სახელმწიფო ჯილდოს ფასი – ეს არის სრული კოშმარი, კატასტროფა და ეროვნული ღალატი.

ეროვნული ღალატია, როდესაც ქვეყნის მეხუთე პრეზიდენტი ეროვნულ საპოლიციო დანაყოფებს გენერალ როდიონოვის დამსჯელ რაზმებს ადარებს. ეროვნული ღალატია, როდესაც 9 აპრილს 21 დაღუპულ ქართველი გოგო/ბიჭის, მათი მამების თუ ბებიების სულის მოსახსენებლად წუთიერი დუმილიც გეზარება, რომლის გამოხატვა უკრაინის მიმართ პარლამენტში არცერთ მოსვლაზე არ გავიწყდება.

ეროვნული ღალატია, როდესაც შინაგანად მზად ხარ, პოლიციის ცოცხლად დაწვის ინიციატორი „ღირსების ორდენით“ დააჯილდოო, ქვეყნის უახლოეს ისტორიაში უდიდესი ჯალათები და კრიმინალები ციხიდან გამოუშვა. ხოლო ერთადერთი, რაც ამ ეტაპზე ამ ნაბიჯებიდან გაშორებს – ხალხის შიშია, რომლის უსამართლობით გადავსებული ფიალა შეიძლება იმ დონემდე მიიყვანო, რომ ორბელიანის სასახლიდან საზღვარგარეთ გაქცევა, მესამე პრეზიდენტისა არ იყოს, სანატრელი გაგიხდეს“, – წერს დავით ქართველიშვილი.

“ჩვენი კომენტარები და შეფასებები რესპუბლიკური საავადმყოფოს მყისიერად რეაბილიტაციას, ან დემონტაჟს არ ითვალისწინებდა”

15:36 - 10/04/2023

ჩვენი კომენტარები და შეფასებები რესპუბლიკური საავადმყოფოს მყისიერად რეაბილიტაციას, ან დემონტაჟს არ ითვალისწინებდა – არ არსებობს სამსახურის დაკარგვის საშიშროება, ან იმის, რომ კლინიკა თავისით დაიშალოს და ყურადღება არ მივაქციოთ, პაციენტი ვერ მიიღონ, – ამის შესახებ ჯანდაცვის მინისტრმა, ზურაბ აზარაშვილმა რესპუბლიკური საავადმყოფოს მედპერსონალთან შეხვედრის შემდეგ განაცხადა, სადაც კლინიკასთან დაკავშირებულ საკითხებზე იმსჯელეს.

მინისტრის თქმით, წლის ბოლომდე აუცილებლად გვეცოდინება, რესპუბლიკური საავადმყოფოს დემონტაჟი ჩატარდება თუ რეაბილიტაცია.

„ჩვენი კომენტარები და შეფასებები ამ შენობის მყისიერად რეაბილიტაციას ან დემონტაჟს არ ითვალისწინებდა. ჩვენ ექსპერტების მხრიდან საბოლოო დასკვნებს ველოდებით. ჩვენი კომენტარები და შეფასებები პირველადი შეფასებებიდან გამომდინარე იყო, რომელიც ამ ეტაპზე გვაქვს და დიდი ალბათობით იგულისხმებოდა შენობის რეაბილიტაციის ნაცვლად, ხარჯთეფექტიანობიდან გამომდინარე შენობის დემონტაჟი და მის ნაცვლად თანამედროვე სტანდარტების ახალი კლინიკის აშენება.

წლის ბოლომდე აუცილებლად გვეცოდინება, მოხდება დემონტაჟი, თუ რეაბილიტაცია. ზუსტი თარიღის თქმა გამიჭირდება, თუმცა მედპერსონალი ჩვეულებრივად გააგრძელებს საქმიანობას. პაციენტებს ჩვეულებრივ რეჟიმში მიიღებენ.

რესპუბლიკური საავადმყოფო იმ სტანდარტებში იქნება მოქცეული, რისი მიღწევაც კლინიკებს 2025 წლისთვის მოუწევთ. აქედან გამომდინარეა დაჩქარებული ის პროცესები, რაც შესწავლას გულისხმობს. არ არსებობს სამსახურის დაკარგვის საშიშროება, ან იმის, რომ კლინიკა თავისით დაიშალოს და ყურადღება არ მივაქციოთ, პაციენტი ვერ მიიღონ“,- აღნიშნავს მინისტრი.

Stephane, the Most Popular Pop Singer from Georgia, to Perform Live in New York

15:34 - 10/04/2023

New York, NY – [Date: 26 May 2023] – We are proud to announce the live performance of Stephane, the most popular pop singer from Georgia, in New York on May 26th, 2023.

The concert will take place at Webster Hall, an iconic venue with a rich history of hosting legendary artists such as Madonna, Tina Turner, Prince, U2, Aerosmith, Guns N’ Roses, Sting, B.B King, Mick Jagger, and JayZ. With a capacity of 1,500 people, Webster Hall provides an intimate setting for Stephane’s performance, the first-ever Georgian artist to perform at Webster Hall.

Stephane is known for his unique blend of pop music. The concert in New York will give the Georgian diaspora in the United States a rare opportunity to experience Stephane’s music live. The event promises to be a memorable night, filled with soulful melodies and unforgettable performances.

“We are thrilled to bring Stephane to New York and provide a platform for the Georgian diaspora to celebrate their culture,” says organizer, Salome Liluashvili. “Stephane’s music is a perfect blend of modern jazz, blues, and pop. He will be backed by a full band of talented musicians and will perform a selection of his most beloved hits, as well as new material from his upcoming album. We are excited to share it with the diverse New York audience.”

The event is supported by Globalize, a leading organization helping Georgian startups and exporters to expand globally. Globalize will host a conference and exhibition of export products throughout the day.

Tickets for the concert will be available on [Ticketing Platform] starting on April 1. Early bird tickets are available at a discounted price of [Price], with prices increasing closer to the event.

For more information, please visit [Organizer’s Website].

“გვჭირდება გარანტია, რომ ბელარუსის წინააღმდეგ აგრესიის შემთხვევაში, რუსეთი დაიცავს ბელარუსს”

15:23 - 10/04/2023

ჩვენ გვჭირდება გარანტია, რომ, ბელარუსის წინააღმდეგ აგრესიის შემთხვევაში, რუსეთი დაიცავს ბელარუსს, როგორც საკუთარ ტერიტორიას, – ამის შესახებ ბელარუსის პრეზიდენტმა, ალექსანდრ ლუკაშენკომ მინსკში რუსეთის თავდაცვის მინისტრთან, სერგეი შოუგუსთან შეხვედრაზე განაცხადა.

ბელარუსის სახელმწიფო მედიის ცნობით, ლუკაშენკომ და შოიგუმ განიხილეს ის შეთანხმებები, რომლებზეც ბელარუსის პრეზიდენტმა და რუსეთის ლიდერმა გასულ კვირას მოსკოვში ისაუბრეს.

ლუკაშენკოს განცხადებით, „დასავლეთის ქვეყნები არ ასრულებენ ბუდაპეშტის მემორანდუმით ნაკისრ უსაფრთხოების გარანტიებს, რომლებიც ბირთვული იარაღის გატანის სანაცვლოდ იყო მიცემული“. ბელარუსის პრეზიდენტის თქმით, ეს ეხება ეკონომიკურ უსაფრთხოებასაც, კერძოდ, მან ახსენა რუსეთისა და ბელარუსის წინააღმდეგ დაწესებული სანქციები.

როგორც ალექსანდრ ლუკაშენკომ აღნიშნა, ასეთ პირობებში მას სურს, უსაფრთხოების სრული გარანტიები მიიღოს რუსეთისგან.

შეგახსენებთ, მანამდე ალექსანდრ ლუკაშენკო მოსკოვში იმყოფებოდა, სადაც რუსეთის პრეზიდენტს, ვლადიმერ პუტინს შეხვდა.

Коба Кобаладзе встретился с Александром Тевдорадзе

15:16 - 10/04/2023

6 апреля этого года директор Государственной службы по делам ветеранов, генерал-майор Коба Кобаладзе встретился с директором компании объединенного водоснабжения Грузии Александром Тевдорадзе. Всреча проходила в главном офисе компании.

Целью встречи сторон была содействие и поддержка компании объединенного водоснабжения в инфраструктурном развитии “Ассоциации ветеранов-фермеров”, которая основана в регионе Гурии.

Стороны подчеркнули важность совместного содействия и поддержки государственных институции и общественности в преодолении социальных и экономических вызовов, стоящих перед ветеранами, которые проживают в регионе.

Александр Тевдорадзе заручился перед Кобой Кобаладзе поддержкой и содействием, которая будет оказана “Ассоциации ветеранов-фермеров Гурии” и отметил, что для сотрудничества, ориентированного на результат, со стороны компании будут предприняты действенные шаги.

Коба Кобаладзе поблагодарил Александра Тевдорадзе и компанию объединенного водоснабжения Грузии за чуткость, внимание и поддержку.

На встрече также присутствовала заместитель директора компании объединенного водоснабжения Грузии Нинона Розашвили.

ჩაფიძის გულის ცენტრმა, ვეტერანებისთვის, 142-ე საქველმოქმედო აქცია ნიქოზში ჩაატარა

15:11 - 10/04/2023

ვეტერანების საქმეთა სახელმწიფო სამსახურის ორგანიზებით, აკადემიკოს გ.ჩაფიძის სახელობის გადაუდებელი კარდიოლოგიის ცენტრის ექიმებმა, გორის მუნიციპალიტეტის, სოფელ ნიქოზში, ომისა და თავდაცვის ძალების ვეტერანებისა და მათი ოჯახის წევრებისათვის, ურთიერთთანამშრომლობის მემორანდუმის ფარგლებში, რიგით 142-ე საქველმოქმედო-სამედიცინო აქცია ჩაატარეს.

აქცია მოიცავდა კარდიოლოგიური პროფილის უფასო გამოკვლევებს ( ექიმი-კარდიოლოგის კონსულტაცია, ელექტროკარდიოგრამა, გულის ექოსკოპია, ლაბორატორიული კვლევები ). საქველმოქმედო სამედიცინო აქციით უსასყიდლოდ ისარგებლა სამსახურის 65 -მა ბენეფიციარმა, განხორციელდა 90 სამედიცინო ვიზიტი.

აქციის მიმდინარეობას ადგილზე გაეცნენ: ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, დირექტორის მოადგილე, ჯანდრი უბირია, მონიტორინგისა და აუდიტის სამმართველოს უფროსი, გია ედილაშვილი და რეგიონული მართვის დეპარტამენტის შიდა ქართლის სამმართველოს უფროსი, ზვიად საბაშვილი.

ვეტერანების საქმეთა სახელმწიფო სამსახურსა და აკადემიკოს გ.ჩაფიძის სახელობის გადაუდებელი კარდიოლოგიის ცენტრს შორის, პირველი მემორანდუმი 2017 წელს გაფორმდა; ხუთწლიანი, ნაყოფიერი თანამშრომლობის შემდეგ კი, 2022 წლის 16 აპრილს, მემორანდუმი, კვლავ 5 წლით გაგრძელდა.

მემორანდუმის ფარგლებში, ვეტერანებისა და მათი ოჯახის წევრებისათვის, საქველმოქმედო სამედიცინო აქციები, მთელი საქართველოს მასშტაბით, პერმანენტულად იმართება. დღეის ჩათვლით, ვეტერანების საქმეთა სახელმწიფო სამსახურის ორგანიზებით, აკადემიკოს გ.ჩაფიძის სახელობის გადაუდებელი კარდიოლოგიის ცენტრის ექიმებმა 142 საქველმოქმედო სამედიცინო აქცია ჩაატარეს; უფასო სამედიცინო მომსახურება გაეწია 12 626 ბენეფიციარს.

მემორანდუმის ფარგლებში, ვეტერანებისა და მათი ოჯახის წევრებისათვის, საქველმოქმედო სამედიცინო აქციები, მთელი ქვეყნის მასშტაბით, კვლავ ჩატარდება, რომელთა შესახებ ინფორმაცია, ვეტერანებს, წინასწარ მიეწოდებათ.

როგორ დაანგრია პუტინმა რუსეთის იმპერიისა და საბჭოთა კავშირის მიღწევები – უცხოური პრესა

15:06 - 10/04/2023

როგორ დაანგრია პუტინმა რუსეთის იმპერიისა და საბჭოთა კავშირის მიღწევები“ (ავტორი – დანილა გალპეროვიჩი). გთავაზობთ პუბლიკაციას შემოკლებით: ნატოში ფინეთის სრულუფლებიანი წევრობა, რომელიც გასულ კვირას ოფიციალურად განხორციელდა, ვლადიმერ პუტინისათვის ერთ-ერთი ყველაზე საშინელი კოშმარი უნდა იყოს – მიუნხენის ცნობილი გამოსვლიდან, სულ მცირე 16 წლის განმავლობაში, იგი მუდამ ცდილობდა ნატოს გაფართოება დაემუხრუჭებინა, პირიქით კი გამოუვიდა.

ესტონეთის ყოფილი პრეზიდენტი თომას ჰენდრიკ ილვესი „ამერიკის ხმის“ რუსული სამსახურისათვის (Голос Америки) მიცემულ ინტერვიუში, როცა ფინეთის ნატოში გაწევრიანების საკითხს შეეხო, ასეთი კომენტარი გაუკეთა კრემლის „წარმატებას“ ჩრდილოატლანტიკური ალიანსის აღმოსავლეთისაკენ გაფართოების „დამუხრუჭებასთან“ დაკავშირებით: ვლადიმერ პუტინმა უკრაინაში შეჭრით დიდი ბიძგი მისცა ორი ტრადიციულად ნეიტრალური სახელმწიფოს ლტოლვის გაძლიერებას ნატოში გაწევრიანების მიზნით. შვედეთი სამხედრო ბლოკებს 1809 წლიდან თავს არიდებდა და ის, რომ სტოკჰოლმმა აზრი შეიცვალა, ამაში, რასაკვირველია, პუტინის „მიღწევა“ ნამდვილად არის: კრემლმა ერთი დაუფიქრებელი ნაბიჯით შვედეთის თითქმის ორსაუკუნოვანი ტრადიცია გააუქმა. ფინეთი, რომელიც ნეიტრალური იყო მთელი 80 წლის განმავლობაში, უკვე ნატოს წევრია. ორივე ქვეყანამ ნატოში გაწევრიანების გადაწყვეტილება მას შემდეგ მიიღო, რაც მათ უკრაინაში რუსეთის მიერ ჩადენილი ბოროტება დაინახეს. თომას ჰენდრიკ ილვესი დარწმუნებულია, რომ სწორედ რუსეთის ხელმძღვანელობისა და რუსეთის არმიის სარდლობის მოქმედება იყო მთავარი მოტივი იმისა, რომ ფინელებმა და შვედებმა რუსეთში საშიში მეზობელი დაინახეს – „ბუჩაში და სხვა ქალაქებში რუსების მიერ ჩადენილმა ბოროტებამ – მკვლელობებმა, გაუპატიურებებმა, წამების საკნებმა და სხვა საშინელებებმა შვედებს და ფინელებს ნატოსადმი მიერთება გადააწყვეტინათ. ისინი მიხვდნენ, რომ მოწოდებები „მოდით, მეგობრულად ვიცხოვროთ“ და „ხელი-ხელს ჩავკიდოთ“ მეტად აღარ მუშაობს“. შვედეთს 200 წლის განმავლობაში მართლაც შეგნებულად არ სურდა სამხედრო ბლოკებში გაერთიანება. კაცმა რომ თქვას, ეს იმპერიული რუსეთის იმპერიული დიპლომატიის შედეგი იყო. ფინეთი კი, იმის გამო, რომ ას წელზე მეტი ხნის განმავლობაში რუსეთის შემადგენელ ნაწილს წარმოადგენდა, მცირე გამონაკლისი პერიოდის გარდა, სხვა ევროპული სახელმწიფოებისაგან განსხვავებით, რუსეთის (სსრკ-ს) მიმართ მეგობრული ურთიერთობით გამოირჩეოდა. დღეს ეს ყველაფერი უკვე წარსულს ჩაბარდა. პუტინის პოლიტიკური კარიერის მკვლევრებს კარგად ახსოვთ, რომ იყო დრო, როცა რუსეთის ლიდერს თვითონაც სურდა ნატოს წევრი გამხდარიყო და ალიანსის გადაწყვეტილებებში მონაწილეობა მიეღო, ხოლო რუსეთის სამხედრო სარდლობა 2000-იან წლების დასაწყისიდან აქტიურად თანამშრომლობდა ჩრდილოატლანტიკურ ალიანსთან.

მაშინდელი თავდაცვის მინისტრი სერგეი ივანოვი ნატოში არაფერს საშიშს არ ხედავდა. პუტინის ტონი ერაყის ომის შემდეგ შეიცვალა, მაგრამ მისი მოქმედების რადიკალური ცვლილება საქართველოში და უკრაინაში მომხდარი მოვლენების შემდეგ გამოიკვეთა – როცა კრემლმა ჩათვალა, რომ დასავლეთს რბილი თუ მკაცრი ხელით სხვადასხვა ქვეყნებში რეჟიმის შეცვლა აქვს განზრახული. როგორც ოსლოში (ნორვეგია) არსებული მსოფლიოს პრობლემების კვლევითი საერთაშორისო ინსტიტუტის (PRIO) წამყვანი მენიერ-თანამშრომელი პავლე ბაევი ამბობს „ამერიკის ხმასთან“ საუბარში, ვლადიმერ პუტინს ძალიან აღელვებდა რაკეტების განლაგება რუსეთთან ახლოს (რუმინეთში), ასევე რუსეთის ტერიტორიის სიახლოვეს ნატოს გემების ცურვა (მაგალითად, ნორვეგიის ფიორდებში და შავი ზღვის აკვატორიაში). თუმცა ექსპერტი თვლის, რომ ვლადიმერ პუტინს, პრინციპში, ნატოს გაფართოებისა მაინცდამაინც არ ეშინოდა. უბრალოდ, იგი ამ ფაქტს საფრთხობელასა და მუქარის სახით იყენებდა იმავე დასავლეთის წინააღმდეგ. მას ამ მხრივ საკმაოდ ფართო აუდიტორია ჰყავდა – მას უსმენდნენ მემარჯვენე და მემარცხენე ექსპერტები, პოლიტიკოსები და ა.შ.“. თომას ჰენდრიკ ილვესიც აღნიშნავს, რომ ვლადიმერ პუტინის თეზისს – „ნატოს გაფართოება რუსეთისათვის საფრთხეს წარმოადგენს“ – დასავლეთში საკმაოდ ბევრი მომხრე ჰყავდა: იცით, დასავლეთში ბევრი სასარგებლო იდიოტია, რომელსაც კრემლის პროპაგანდისა სჯერათ… მაგრამ საჭიროა გავიხსენოთ, რომ 2021 წლის დეკემბრამდე ვლადიმერ პუტინი ფაქტობრივად, ეთანხმებოდა ნატოს გაფართოებას, შემდეგ კი მან იმ ქვეყნების ალიანსიდან გამოსვლა მოითხოვა, რომლებიც მას ახლახან შეუერთდნენ“. ახალ კი ჩრდილოატლანტიკური ალიანსის გაფართოების პროპაგანდა, როცა ნატომ თავისი მიჯნები რუსეთთან ბევრად გაზარდა, შეიძლება კრემლის არსენალიდან გაქრეს, რათა არ გაახსენოს რუსეთის მოსახლეობას, თუ ვინ ცდილობდა გაფართოების დამუხრუჭებას და რამდენად წარმატებით განახორციელა დანაპირები. განა მოეწონებათ რუსებს იმის გახსენება, რომ ვლადიმერ პუტინმა ნატოს აღმოსავლეთით გაფართოება კი არ დაამუხრუჭა და შეწყვიტა, არამედ პირიქით, უფრო დააჩქარა.

წყარო

“მიუღებელი და დაუშვებელია სუვერენული ქვეყნის დამოუკიდებელ სასამართლოში რაიმე ფორმით ჩარევა”- პრემიერი

14:59 - 10/04/2023

ეს იყო „სურპრიზი” ჩემთვისაც და ჩვენთვისაც, მე არასოდეს მომისმენია, რომ რაღაც გარკვეული კითხვები არსებობდა. ალბათ პირიქით უნდა მომხდარიყო და თუ ასეთი ფაქტები ვინმეს აქვს ჩვენ რა თქმა უნდა მზად ვართ ყოველთვის მოვისმინოთ. ერთი რამ მინდა ვთქვა ხაზგასმით, მიუღებელი და დაუშვებელია სუვერენული ქვეყნის დამოუკიდებელ სასამართლოში რაიმე ფორმით ჩარევა ან ნებისმიერი გადაწყვეტილება, ქმედება თუ განცხადება, რომელიც აღქმას შექმნის, განცდას შექმნის სასამართლოში რაიმე ფორმით ჩარევის. ეს არის დაუშვებელი, – ამის შესახებ საქართველოს პრემიერ-მინისტრმა ირაკლი ღარიბაშვილმა იუსტიციის უმაღლესი საბჭოს წევრებთან შეხვედრის შემდეგ, უზენაეს სასამართლოში, ჟურნალისტების კითხვის საპასუხოდ განაცხადა.

მისივე თქმით, ხელისუფლების სურვილია, რომ კიდევ უფრო მეტად თავისუფალი, დამოუკიდებელი, ძლიერი სასამართლო გვქონდეს.

„მე გეტყვით, რომ ჯერ ერთი არა თუ მე, არამედ არც ერთ მოქალაქეს ჩვენი ქვეყნისა არ უნახავს არც ერთი მტკიცებულება, რომელიც თან ახლავდა ამ გადაწყვეტილებას, რომელზეც თქვენ ახლა საუბრობთ. შესაბამისად ჩემთვის დიდ კითხვის ნიშანს აჩენს ეს გადაწყვეტილება, სამწუხაროა და გაუგებარია, ამის თაობაზე თქვენ ალბათ გაეცანით საგარეო საქმეთა მინისტრის განცხადებას და წერილს, რომლითაც მან მიმართა თავის კოლეგას. მე ვფიქრობ სიმართლე გაირკვევა, ჩვენ გვექნება საუბარი ჩვენს პარტნიორებთან და არც ერთი პასუხგაუცემელი კითხვა არ დარჩება, მე ამის მჯერა.

ხელისუფლებები, მთავრობები აკეთებენ ყველაფერს, რომ მაქსიმალურად გააძლიერონ დამოუკიდებელი სასამართლოები. ყველა ქვეყანაში ესაა ერთგვარი ტაბუ, რომ არ შეიძლება, მიუღებელია, უკანონოა მოსამართლეზე ზეწოლა და სასამართლოში ჩარევა. მე გიყვებით ზოგადად, ჩვენ ამ პოლიტიკას მივდევთ, როგორც მთავრობა და ამ პოლიტიკას კიდევ უფრო მეტად განვამტკიცებთ. ესაა ჩვენი საერთო სურვილი, რომ კიდევ უფრო მეტად თავისუფალი, დამოუკიდებელი, ძლიერი სასამართლო გვქონდეს,”- განაცხადა პრემიერმა.

1...2,2752,2762,277...2,307 Page 2,276 of 2,307