Home Blog Page 2237

დროებითი საგამოძიებო კომისიის შექმნასთან დაკავშირებით კენჭისყრისთვის საჭირო კვორუმი მესამედაც არ შედგა

დროებითი საგამოძიებო კომისიის შექმნასთან დაკავშირებით დადგენილების პროექტის კენჭისყრისთვის საჭირო კვორუმი არ შედგა.

„ჩვენი პოზიცია უცვლელია, შეგახსენებთ, რომ ყველა დეპუტატის ვალდებულებაა გაუფრთხილდეს სახელმწიფო სუვერენიტეტს, სასამართლოს დამოუკიდებლობის პრინციპებს და სწორედ ამ პრინციპების შესაბამისად ვმოქმედებთ“, – განაცხადა საპარლამენტო უმრავლესობის ლიდერმა, ირაკლი კობახიძემ.

მისივე თქმით, უმრავლესობას სამწუხაროდ უწევს მოქმედება ამ პრინციპების დასაცავად, იმ ადამიანების საწინააღმდეგოდ, რომელთაც ეწოდებათ ოპოზიცია.

„შესაბამისად დღესაც არ გავივლით რეგისტრაციას“- აღნიშნა უმრავლესობის ლიდერმა პლენარულ სხდომაზე.
სასამართლო სისტემაში კორუფციული და სხვა კანონსაწინააღმდეგო ქმედებათა შესწავლის მიზნით საგამოძიებო კომისიის შექმნის საკითხზე კვროუმის არარსებობის გამო, კენჭისყრა ისევ არ შედგა, ვინაიდან საპარლამენტო უმრავლესობის დეპუტატებმა რეგისტრაცია კვლავ არ გაიარეს.

„ეს არის ჩვენი პრინციპული პოზიცია, რომ არ შეიქმნას კომისია და ამით ჩვენ გამოვხატავთ სოლიდარობას ქართული სახელმწიფოს და ქართული სასამართლოს მიმართ“, – აღნიშნა მამუკა მდინარაძემ.

” როდესაც მოქმედმა მოსამართლემ, ლაშა ჩხიკვაძემ გააკეთა განცხადება, რომ მასზე ზეწოლა იყო, რატომ მაშინ არ შეიქმნა საგამოძიებო კომისია”-გვრიტიშვილი

როდესაც მოქმედმა მოსამართლემ, ლაშა ჩხიკვაძემ გააკეთა განცხადება, რომ მასზე ზეწოლა იყო, უკანონო კომუნიკაცია განხორციელდა, რატომ მაშინ არ შეიქმნა საგამოძიებო კომისია. რატომ არ დაინტერესდა აშშ, გაერკვია მისი კანონიერი წარმომადგენლის ქმედების კანონიერება?, – ამის შესახებ იუსტიციის უმაღლესი საბჭოს მოსამართლე წევრმა, დიმიტრი გვრიტიშვილმა განაცხადა.

მისივე თქმით, საპარლამენტო კონტროლი არ შეიძლება მოიცავდეს სასამართლო ხელისუფლების გაკონტროლებას.

„სამართლებრივ პრობლემასაც ვხედავ. საქართველო არის დემოკრატიული რესპუბლიკა. აქ რეალიზებულია სახელმწიფოს დანაწილების პრინციპი, რაც ნიშნავს იმას, რომ ერთი სახელისუფლებო შტო არ არის უფლებამოსილი გააკონტროლოს მეორე სახელისუფლებო შტო. ანუ, საპარლამენტო კონტროლი არ შეიძლება მოიცავდეს სასამართლო ხელისუფლების გაკონტროლებას. ამ შემთხვევაში, როდესაც საუბარია პოლიტიკოსების მხრიდან საგამოძიებო კომისიის შექმნაზე, რაღაც შოუს ელემენტებს ვხედავ საზოგადოების დასანახად, რაღაც მასკარადის მოწყობას. ამ საგამოძიებო კომისიის ფარგლებში დაიბარონ მოსამართლეები და მოითხოვონ მათგან ანგარიში მათ მიერ გაწეულ საქმიანობაზე, ვხედავ, რომ ხელყოფილი იქნება ზუსტად ეს ფუძემდებლური პრინციპი ხელისუფლების დანაწილების, რამეთუ სასამართლო ხელისუფლება არ შეიძლება იყოს ამ ფორმით საპარლამენტო კონტროლის ადრესატი.

როდესაც მოქმედმა მოსამართლემ, ლაშა ჩხიკვაძემ გააკეთა განცხადება, რომ მასზე ზეწოლა იყო, უკანონო კომუნიკაცია განხორციელდა, რატომ მაშინ არ შეიქმნა ასეთი საგამოძიებო კომისია?!რატომ არ დაინტერესდა აშშ, გაერკვია მისი კანონიერი წარმომადგენლის ქმედების კანონიერება?!

უპირველესი ოპოზიციური კანდიდატი მომავალ საპრეზიდენტო არჩევნებში აკეთებს განცხადებას, რომელსაც აშშ-ში მრავალმილიონიანი მხარდაჭერა აქვს, აკეთებს განცხადებას, რომ სასამართლო არის კორუმპირებული და პოლიტიზებული. რატომ იქ არ იქმნება მაშინ მსგავსი საგამოძიებო კომისიები?!“, – განაცხადა გვრიტიშვილმა.

აშშ-ის მიერ 4 ქართველი მოსამართლის სანქცირების შემდეგ, ოპოზიცია პარლამენტში სასამართლო სისტემის შემსწავლელი დროებით საგამოძიებო კომისიის შექმნას ითხოვს.

პარლამენტის 18 აპრილის პლენარულ სხდომაზე სასამართლოსთან დაკავშირებით დროებითი საგამოძიებო კომისიის შექმნის საკითხისთვის უნდა ეყარათ კენჭი, თუმცა, კვორუმის არარსებობის გამო კენჭისყრა ვერ შედგა.

სასამართლოს შესახებ საგამოძიებო კომისიის შექმნაზე კენჭისყრა ისევ კვორუმის არარსებობის გამო ვერც 19 აპრილს შედგა. ამის მიზეზი მმართველი გუნდის პოლიტიკური გადაწყვეტილება იყო.

“არ არსებობს მოსამართლეების თემაზე გამოძიების დაწყების საფუძველი”

პარლამენტის პირველი ვიცე-სპიკერი გია ვოლსკი მიიჩნევს, რომ საგამოძიებო კომისიასთან დაკავშირებით აშშ-ის ელჩის, კელი დეგნანის განცხადება საკითხისადმი სუბიექტურ მიდგომას აჩვენებს, ვინაიდან არ არსებობს კომისიის შექმნის საფუძველი.

მისივე თქმით, არ არსებობს შესაბამისი ფაქტები და ამიტომ სწორია საპარლამენტო უმრავლესობის გადაწყვეტილება, მხარი არ დაუჭიროს პარლამენტში სასამართლოსთან დაკავშირებით საგამოძიებო კომისიის შექმნას.

„განცხადება უნდა განვიხილოთ, როგორც საკითხისადმი სუბიექტური მიდგომა, ვინაიდან არ არსებობს ამ თემაზე გამოძიების დაწყების ფაქტი და საფუძველი. სამართალდამცავი სტრუქტურების მხრიდან იქნება გამოძიება თუ საპარლამენტო საგამოძიებო კომისიის მიერ, ნებისმიერ შემთხვევაში აუცილებელია ფაქტები და როდესაც სახეზეა ამ ფაქტების არარსებობის შემთხვევა, როცა სახელმწიფო დეპარტამენტისადმი მიწოდებული ინფორმაცია ემყარება მხოლოდ ღია წყაროებს, სუბიექტური მიდგომაა და სწორია ის გადაწყვეტილება, რაც უმრავლესობამ მიიღო, მხარი არ დაუჭიროს პარლამენტში საგამოძიებო კომისიის შექმნას.

რაც შეეხება კეზერაშვილის მიმართ დამოკიდებულებას, რომ თემა უნდა განიხილოს საგამოძიებო სტრუქტურებმა და შემდეგ სასამართლოს გადაეცეს, შეიძლება ჩავთვალოთ, რომ მართებული მიდგომაა, მაგრამ ასეთივე მართებულ მიდგომას მოითხოვს იმ მოსამართლეების საკითხიც, რომლებიც ასე ხელაღებით დაადანაშაულეს კორუფციაში. თუ ვინმე დასვამს შეკითხვას ორმაგი სტანდარტის შესახებ, ამ შეკითხვას საკმაოდ მყარი საფუძველი ექნება“, – აღნიშნა გია ვოლსკიმ.

ცნობისთვის, კვორუმის არარსებობის გამო სასამართლოსთან დაკავშირებით დროებითი საგამოძიებო კომისიის შექმნის საკითხზე პარლამენტის პლენარულ სხდომაზე კენჭისყრა ვერც გუშინ შედგა. კენჭისყრის დაწყებამდე საპარლამენტო უმრავლესობის ლიდერმა, ირაკლი კობახიძემ განაცხადა, რომ კიდევ ერთხელ უცხადებენ მხარდაჭერას სასამართლოს დამოუკიდებლობას და სოლიდარობას – ქართველ მოსამართლეებს. შესაბამისად, საპარლამენტო უმრავლესობამ კვლავ არ გაიარა რეგისტრაცია.

ამასთან დაკავშირებით საქართველოში აშშ-ის ელჩმა, კელი დეგნანმა განაცხადა, რომ „ოთხი ადამიანის დაცვა, რომლებზეც არის სანდო ინფორმაცია კორუფციულ ქმედებებში მონაწილეობასთან დაკავშირებით, არ არის სოლიდარობა პროფესიონალი მოსამართლეების მიმართ“.

“უნდა ვიცოდეთ ზოგადი წესი, რომ ომის თავიდან აცილების ასპროცენტიანი გარანტია არ არსებობს”

ადრე ლაჩრობა სირცხვილი იყო! ახლა პოლიტიკური პოზიციაა და არგუმენტად გამოიყენება! რადგან ასე მოხდა, ჩვენც უნდა მოვერგოთ სიტუაციას და შესაბამისად ვილაპარაკოთ, – ამის შესახებ სოციალურ ქსელში ანალიტიკოსი ლევან შენგელია წერს.

მისი თქმით, წინასწარ უნდა ვიცოდეთ ზოგადი წესი, რომ ომის თავიდან აცილების ასპროცენტიანი გარანტია არ არსებობს!

“მაშ ასე- რჩევები იმათთვის, ვისაც ომის ეშინია!
(“აბა, ომი გინდა?!”)
ომი თითქმის არავის უნდა! ოღონდ წინასწარ უნდა ვიცოდეთ ზოგადი წესი, რომ ომის თავიდან აცილების ასპროცენტიანი გარანტია არ არსებობს!

აი, როგორ შევამციროთ ომის შანსი – ამაზე ვილაპარაკოთ!
თუ გეშინია – შეიარაღდი, რადგან მტერი შეუიარაღებელზე თავდასხმას უფრო ადვილად გადაწყვეტს!
თუ გეშინია – ეძებე მეგობრები, ვინც დაგეხმარება ომის დროს! ( ოღონდ ისიც იცოდე – მეგობრობას ერთი ნაკლი აქვს – მეგობრობა ორმხრივია და მეგობარი იგივეს ელის შენგან!)

თუმცა, არსებობენ ისეთებიც, ვისაც არ ეშინია და ომი უნდა! თუ ომი გინდა – გამოაცხადე, რომ ხელის განმძრევი არ ხარ და ძალიან მალე მტერს დაინახავ საკუთარ ოჯახში შემოვარდნილს, რადგან კაპიტულანტი იოლი მოსაკლავია და მტერი ამ შანსს ხელიდან არ გაუშვებს!

თუ ომი გინდა და არ გეშინია – თამამად უარი თქვი მეგობრებზე, რადგან მეგობრების ყოლამ შეიძლება მტერი შეაფიქრიანოს და ომზე ხელი ააღებინოს!

მოკლედ, არჩევანი შენზეა – თუ ასე გეშინია ომის, შეიარაღდი და მეგობრებთან ერთად ემზადე ომისთვის, რადგან მხოლოდ ამით თუ აიცილებ ომს!

ხოლო თუ უშიშარი ხარ და ერთი სული გაქვს ომში ამოყო თავი – იარაღზე და მეგობრებზე უარი თქვი, რათა მტერი უყოყმანოდ და სიხარულით დაგესხას თავს!”– წერს ლევან შენგელია.

“რუსეთის წინააღმდეგ საქართველოს მთავრობის საჩივარში განსაკუთრებული ყურადღება ეთმობა არჩილ ტატუნაშვილის, გიგა ოთხოზორიასა და დავით ბაშარულის მკვლელობებს”

მთავრობის საჩივარში განსაკუთრებული ყურადღება ეთმობა არჩილ ტატუნაშვილის, გიგა ოთხოზორიასა და დავით ბაშარულის მკვლელობებს, სასამართლომ ხაზი გაუსვა, რომ აღნიშნული საქმეები წარმოადგენს რუსეთის მიერ ადამიანის უფლებათა მასობრივი დარღვევის საილუსტრაციო შემთხვევებს, – ამის შესახებ საქართველოს იუსტიციის სამინისტროს განცხადებაშია აღნიშნული.

როგორც იუსტიციის სამინისტროში აცხადებენ, „დღევანდელი განჩინებით სტრასბურგის სასამართლომ სახელმწიფოთაშორისი საჩივარი საქმეზე „საქართველო რუსეთის წინააღმდეგ“, ე.წ. განგრძობადი ოკუპაციის საქმე, სრულად დასაშვებად გამოაცხადა და კიდევ ერთხელ დაადასტურა, რომ საქართველოს მოსახლეობის მიმართ ჩადენილ მასობრივ დარღვევებზე პასუხისმგებელია რუსეთი, რადგან დღემდე განგრძობითად ახორციელებს ეფექტურ კონტროლს ცხინვალის რეგიონსა და აფხაზეთზე“.

„საქართველოს მიერ რუსეთის ფედერაციის წინააღმდეგ წარდგენილი მე-4 სახელმწიფოთაშორისი საჩივარი ეხება რუსეთის მიერ საქართველოს ოკუპირებულ ტერიტორიებსა და საოკუპაციო ხაზის გასწვრივ საქართველოს მოსახლეობის მასობრივი შევიწროების, დაკავების, თავდასხმების, მკვლელობისა და ამგვარი ფაქტებისადმი რუსეთის ოფიციალური შემწყნარებლობის ადმინისტრაციულ პრაქტიკას. აღნიშნულ საქმეზე საქართველოს მთავრობის კომპლექსური სამართლებრივი პოზიციები და მტკიცებულებები გაიგზავნა 2021 და 2022 წლებში, მათ შორის, მასალა ეროვნული არქივებიდან; საქართველოს სამთავრობო უწყებების მიერ რუსეთის ფედერაციის დარღვევების შესახებ დოკუმენტირებული ინფორმაცია და სტატისტიკა; ეროვნული სასამართლოების მიერ გამოტანილი გადაწყვეტილებები სისხლის სამართლის შესაბამის საქმეებზე; საერთაშორისო ორგანიზაციების ანგარიშები; რუსეთის მთავრობის წარმომადგენლების საჯარო განცხადებები; სეპარატისტი დე ფაქტო „ხელისუფლებების“ და რუსეთის ფედერაციის „ურთიერთობის“ ამსახველი წყაროები (ინფორმაცია მათ შორის არსებულ პოლიტიკურ, ფინანსურ, სამხედრო და სხვა ტიპის მჭიდრო კავშირებზე). აღსანიშნავია, რომ სტრასბურგის სასამართლომ სრულად გაიზიარა საქართველოს სამართლებრივი პოზიცია წარდგენილ მტკიცებულებებთან ერთად და დასაშვებად ცნო საქართველოს მთავრობის ყველა პრეტენზია“, – ნათქვამია განცხადებაში.

საქართველოს იუსტიციის სამინისტროში აცხადებენ, რომ დასაშვებობის დადგენის შედეგად, ე.წ. განრძობადი ოკუპაციის საქმე ახლა გადაინაცვლებს არსებითი განხილვის ეტაპზე.

„სტრასბურგის სასამართლომ მიიჩნია, რომ დასაშვებობის ეტაპისთვის არსებობს რუსეთის მიერ ევროპული კონვენციის შემდეგი მუხლების დარღვევის ადმინისტრაციული პრაქტიკის დასადგენად საკმარისი მტკიცებულებები: მე-2 (სიცოცხლის უფლება), მე-3 (წამების აკრძალვა), მე-5 (თავისუფლებისა და უსაფრთხოების უფლება), მე-8 (პირადი და ოჯახური ცხოვრების დაცულობის უფლება), მე-13 (სამართლებრივი დაცვის ქმედითი საშუალების უფლება), მე-14 (დისკრიმინაციის აკრძალვა), მე-18 (უფლების შეზღუდვათა გამოყენების ფარგლები) მუხლები, დამატებითი ოქმის 1-ლი (საკუთრების უფლება) და მე-2 (განათლების უფლება) მუხლები და მე-4 ოქმის მე-2 მუხლი (მიმოსვლის თავისუფლება). აღსანიშნავია, რომ მთავრობის საჩივარში განსაკუთრებული ყურადღება ეთმობა არჩილ ტატუნაშვილის, გიგა ოთხოზორიასა და დავით ბაშარულის მკვლელობებს. სტრასბურგის სასამართლომ ხაზი გაუსვა, რომ აღნიშნული საქმეები წარმოადგენს რუსეთის მიერ ადამიანის უფლებათა მასობრივი დარღვევის საილუსტრაციო შემთხვევებს და განხილული იქნება ზემოხსენებული ადმინისტრაციული პრაქტიკის ფარგლებში. ამასთან, ხაზგასასმელია, რომ ევროპული სასამართლო კონკრეტულად ამ საქმეების ფაქტობრივ გარემოებებზე იმსჯელებს ინდივიდუალური საჩივრების ჭრილში, სადაც საქართველოს მთავრობა ერთვება მესამე მხარედ და წარადგენს სამართლებრივ პოზიციას მომჩივანთა მხარდასაჭერად. დასაშვებობის დადგენის შედეგად, ე.წ. განრძობადი ოკუპაციის საქმე ახლა გადაინაცვლებს არსებითი განხილვის ეტაპზე, სადაც სასამართლო შეისწავლის საქართველოს მთავრობის მიერ რუსეთის წინააღმდეგ გასაჩივრებულ ადამიანის უფლებათა მასობრივ და კონკრეტულ დარღვევებს. საქართველოს იუსტიციის სამინისტრო აღნიშნულ საქმეში მტკიცებულებების შეგროვების ეტაპზე აქტიური ჩართულობისთვის მადლობას უხდის სახელმწიფო უწყებებს, განსაკუთრებით საქართველოს გენერალურ პროკურატურას, სახელმწიფო უსაფრთხოების სამსახურსა და შინაგან საქმეთა სამინისტროს“, – ნათქვამია განცხადებაში.

ადამიანის უფლებათა ევროპულმა სასამართლომ საქართველოს საჩივარი საქმეზე „საქართველო რუსეთის წინააღმდეგ“ ერთხმად დასაშვებად ცნო.

“ქვეყნისთვის მტრულად განწყობილი უვარგისი და დესტრუქციული ძალის მუქარების არავის ეშინია”-ალუდა ღუდუშაური

ქვეყნისთვის მტრულად განწყობილი უვარგისი და დესტრუქციული ძალის მუქარების არავის ეშინია, ჩვენ „ნაციონალური მოძრაობის“ ამ ნარჩენებს საკადრის პასუხს გავცემთ ქართველ ხალხთან ერთად, – ამის შესახებ საპარლამენტო უმრავლესობის წევრმა, ალუდა ღუდუშაურმა განაცხადა.

„მათ ურჩევნიათ საკუთარ პარტიაში გაერკვნენ რა ხდება. ხან ნიკანორ მელია უწესებს სანქციას „ქურქუმალ ვაითს“, ანუ მის ფორმალურ ლიდერს, თავმჯდომარეს, ხაბეიშვილს და ხან ხაბეიშვილი ემუქრება თავისი მაღალი დონის ინგლისურით მელიასა და მის ჯგუფს. ქვეყნისთვის მტრულად განწყობილი უვარგისი და დესტრუქციული ძალის მუქარების არავის ეშინია, მაგრამ კიდევ ერთხელ ხაზს ვუსვამ, რომ ჩვენ „ნაციონალური მოძრაობის“ ამ ნარჩენებს საკადრის პასუხს გავცემთ ქართველ ხალხთან ერთად“, – აღნიშნა ღუდუშაურმა.

1 აშშ დოლარის ოფიციალური ღირებულება 2.5140 ლარი გახდა

1 აშშ დოლარის ოფიციალური ღირებულება 2.5140 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.5140 ლარი გახდა. კურსი, რომელიც დღეს მოქმედებდა, 2.5170 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0030 ლარი შეადგინა.

რაც შეეხება ევროს, მისი კურსი 2.7581 ლარია. მაშინ, როცა დღეს მოქმედი კურსი 2.7536 ლარს შეადგენდა. შესაბამისად, ევროს ცვლილებამ 0.0045 ლარი შეადგინა.

დღევანდელი ვაჭრობის შედეგად მიღებული კურსები ძალაში ხვალ შევა.

“დროა, ნატო-მ უკრაინა ალიანსში მიიწვიოს”- ვოლოდიმირ ზელენსკი

დროა, ნატო-მ უკრაინა ალიანსში მიიწვიოს, – ამის შესახებ უკრაინის პრეზიდენტმა, ვოლოდიმირ ზელენსკიმ კიევში ნატო-ს გენერალურ მდივანთან, იენს სტოლტენბერგთან ერთობლივ ბრიფინგზე განაცხადა.

სტოლტენბერგმა და ზელენსკიმ შეხვედრაზე რამდენიმე მნიშვნელოვან საკითხზე ისაუბრეს, მათ შორის ხვალ დაგეგმილ რამშტაინის ფორმატის შეხვედრაზე, ნატო-ს მომავალ სამიტსა და უკრაინის ალიანსში გაწევრიანების რეალურ შანსებზე.

ზელენსკის თქმით, ვილნიუსში, ივლისში დაგეგმილი სამიტი შეიძლება, გახდეს ისტორიული.

„არ არსებობს ობიექტური მიზეზი, რომ პოლიტიკური გადაწყვეტილება არ იქნეს მიღებული უკრაინის ნატო-ში მიწვევასთან დაკავშირებით. განსაკუთრებით ახლა, როდესაც ნატო-ს წევრ ქვეყნებში მოსახლეობის და უკრაინელთა უმეტესობა მხარს უჭერს ქვეყნის ალიანსში გაწევრიანებას. დადგა შესაბამისი გადაწყვეტილებების მიღების დრო. შეუძლებელია ევროატლანტიკური გარემოს უსაფრთხოების წარმოდგენა უკრაინის გარეშე და ეს ხალხს ესმის. ჩვენ ურთიერთობის დღევანდელ ფორმატზე მეტი გვჭირდება. ჩვენ ძალიან ვაფასებთ ნატო-ს ქვეყნების მხრიდან სამხედრო დახმარებას, მაგრამ გვინდა, გავიგოთ, როდის გახდება უკრაინა ნატო-ს წევრი. ჩვენ გვინდა უსაფრთხოების გარანტიებიც ნატო-ში გაწევრიანების გზაზე“, – განაცხადა ვოლოდიმირ ზელენსკიმ.

იენს სტოლტენბერგი დღეს კიევში ომის დაწყების შემდეგ პირველად ჩავიდა. უკრაინული მედიის ცნობით, ნატო-ს გენერალური მდივანი მიხაილოვსკის მოედანზეც იმყოფებოდა და ომში დაღუპულთა მემორიალი მოინახულა. ხვალ რამშტაინის ფორმატის მორიგი შეხვედრა იგეგმება, რომელზეც უკრაინის სამხედრო საჭიროებებს განიხილავენ.

“ქვეყანა ვითარდება და ყოველ ახალ ეტაპს შესაბამისი გამოწვევები მოსდევს” – გია გაბრიჭიძე

ექსპერტი გია გაბრიჭიძე საქართველოს სტატისტიკის ეროვნული სამსახურის მიერ გაეროს ბავშვთა ფონდის მხარდაჭერით ჩატარებულ ბავშვთა კეთილდღეობის 2022 წლის კვლევას ეხმიანება და აღნიშნავს, რომ „ცხადია იყო საუბარი არსებულ პრობლემებზე, რაც აუცილებლად მისახედია, მაგრამ ძალიან კარგია, რომ კვლევის ანგარიშში ხაზგასმულია ხელისუფლების მიერ ბავშვთა დახმარების პროგრამის გაფართოება და ფულადი დახმარების ოდენობა.“

როგორც ექსპერტი წერს, მიუხედავად არსებული გამოწვევებისა, სახელმწიფო მაქსიმალურად აკეთებს თავის გასაკეთებელს და ეს ძალიან კარგია.

„საქსტატმა გაეროს ბავშვთა ფონდის [UNICEF] მხარდაჭერით 2022 წლის ივლისიდან სექტემბრამდე ჩატარებული „ბავშვთა კეთილდღეობის გამოკვლევის“ შედეგები გამოაქვეყნა.

ცხადია, იყო საუბარი არსებულ პრობლემებზე, რაც აუცილებლად მისახედია, მაგრამ ძალიან კარგია, რომ კვლევის ანგარიშში ხაზგასმულია ხელისუფლების მიერ ბავშვთა დახმარების პროგრამის გაფართოება და ფულადი დახმარების ოდენობა.

მაგალითისთვის ვიტყვი, რომ 2022 წელს 50 ლარით გაიზარდა სოციალურად დაუცველ ბავშვთა ფულადი დახმარება და 150 ლარი შეადგინა. 2023 წლის 1-ლი ივლისიდან, სოციალურად დაუცველი ბავშვები ყოველთვიური დახმარების სახით 200 ლარს მიიღებენ. 2022 წელს, შშმ ბავშვებისა და მკვეთრად გამოხატული შშმ პირების სოციალური გასაცემელი გახდა 275 ლარი; 2023 წლიდან, მკვეთრად გამოხატული შეზღუდული შესაძლებლობის სტატუსის მქონე პირებისთვის და შშმ სტატუსის მქონე ბავშვებისთვის, სოციალური პაკეტი 340 ლარი გახდა; 2023 წლის 1-ლი იანვრიდან, კერძო სექტორში დასაქმებულებისთვის, სახელმწიფოს მიერ დეკრეტული შვებულების პერიოდში ანაზღაურება გაორმაგდა და 2000 ლარი გახდა; დადებითად არის შეფასებული ის სამედიცინო სერვისები და ხარისხი, რასაც სახელმწიფო უზრუნველყოფს ბავშვებისთვის. მნიშვნელოვანია ის გარემოებაც, რომ სამედიცინო მომსახურების მისაღებად გეოგრაფიული ბარიერები კვლევაში თითქმის არ ფიქსირდება; 2018 წლიდან 2022 წლამდე 66%დან 29.4% -მდეა შემცირებული ფსიქოლოგიური აგრესიის გამოყენება; 31%-დან 4.8%-მდე შემცირდა ფიზიკური დასჯა; 5%-დან 0.1%-მდე შემცირებულია სასტიკი ფიზიკური დასჯა.

მნიშვნელოვანია, ხელისუფლების მკაცრი რეაგირება ბავშვისა და ქალის მიმართ ოჯახური ძალადობის შემთხვევებზე; იმ ბავშვთა მშობლების/ოჯახის წევრების 93.6%, ვინც დადის საბავშვო ბაღში, კმაყოფილია (ან ძალიან კმაყოფილია). ზოგადი განათლების მიმართულებით კი ეს ციფრი 79.7% -აღწევს,

სახელმძღვანელოები და კომპიუტერები, რომლებსაც პირველ კლასში ყველა ბავშვს გადასცემენ, ყველასთვის ცნობილია. ძალზედ მნიშვნელოვანია ის, რომ ყველა სოფელში, მიუხედავად იმისა თუ რამდენი მოსწავლეა სკოლაში (1, 3 თუ 7), მიმდინარეობს სასწავლო პროცესი. მოქმედებს მოსწავლეთა ტრანსპორტირების პროგრამა, რომელიც უზრუნველყოფს ახლომდებარე სოფლებიდან ბავშვების ტრანსპორტირებას უახლოეს სკოლაში. და ბოლოს ყველაზე მთავარი – დაწყებულია საჯარო სკოლების რეაბილიტაციის 1 მილიარდიანი პროგრამა და 2026 წლისთვის ყველა საჯარო სკოლა იქნება რეაბილიტირებული და შესაბამისად ადაპტირებული.

მოკლედ რომ ვთქვა, მიუხედავად არსებული გამოწვევებისა, რომლებიც მუდმივად იქნება თუნდაც იმიტომ, რომ ქვეყანა ვითარდება და ყოველ ახალ ეტაპს შესაბამისი გამოწვევები მოსდევს, სახელმწიფო მაქსიმალურად აკეთებს თავის გასაკეთებელს და ეს ძალიან კარგია“- წერს გია გაბრიჭიძე.

https://www.facebook.com/gia.gabrichidze.5/posts/pfbid03Dtw7iQ1RMDktu1vVFFxZGRMqSZdb7giqiFtosnjbX6krQ8qq8R14FtYtEvaK5W3l

“ჩვენი ოპოზიცია როგორც იქნა ეღირსა ამერიკელების და ევროპელების მხარდაჭერის მათთვის სასურველ ხარისხს”- ზაალ ანჯაფარიძე

ის მყიფე ბალანსი, რასაც აშშ ბოლო წლები მოჩვენებითად იცავდა ხელისუფლებასა და ოპოზიციას შორის, ცალსახად დაირღვა ოპოზიციის სასარგებლოდ, -წერს სოციალურ ქსელში ექსპერტი ზაალ ანჯაფარიძე.

მისი განცხადებით, აშშ-ის მიერ ქართველი მოსამართლეების დასანქცირების და ამ თემაზე საგამოძიებო კომისიის შექმნის მცდელობა მიუთითებს, რომ ოპოზიციას, ამერიკელების და ევროპელების მხარდაჭერის მათთვის სასურველი ხარისხი აქვს. თუმცა, ანჯაფარიძის თქმით, ხელისუფლების მოწინააღმდეგეები კარგად ხვდებიან, რომ მათ ქართული საზოგადოების დიდი ნაწილი მხარს არ უჭერს.

„რა დასკვნები შეიძლება გამოვიტანოთ აშშ-ს მიერ ჩვენი მოსამართლეების დასანქცირებასა და ამ საკითხზე პარლამენტის საგამოძიებო კომისიის შექმნასთან დაკავშირებულ პერიპეტიებიდან?
ის მყიფე ბალანსი, რასაც აშშ ბოლო წლები მოჩვენებითად იცავდა ხელისუფლებასა და ოპოზიციას შორის, ცალსახად დაირღვა ოპოზიციის სასარგებლოდ.
შესაბამისად, ჩვენი ოპოზიცია როგორც იქნა ეღირსა ამერიკელების (იკითხე ევროპელებისაც!) მხარდაჭერის მათთვის სასურველ ხარისხს.
თუმცა, ისინი ვერ ეღირსნენ და ვერც ეღირსებიან ხალხის მხარდაჭერის მათთვის სასურველ ხარისხს და ყველაზე უკეთ თავად ხვდებიან ამას.“ – წერს ზაალ ანჯაფარიძე

“დარმუნებული ვარ, ქუდზე კაცი გამოვა, 30 აპრილს ვიქნებით აქციაზე”

დარმუნებული ვარ, ქუდზე კაცი გამოვა, ყველა საღად მოაზროვნე ადამიანი, ვინც წლების წინ ვიდექით უსამართლობისა და რეჟიმის წინააღმდეგ, 30 აპრილს ვიქნებით აქციაზე, – ამის შესახებ ბუტა რობაქიძის დედამ, ია მეტრეველმა განაცხადა.

როგორც ია მეტრეველმა აღნიშნა, მთელმა მსოფლიომ უნდა დაინახოს, რომ „ნაციონალური მოძრაობა“ და მათი მომხრეები, რომელთაც ომი უნდათ ქვეყანაში, ხელისუფლებაში ვეღარ დაბრუნდებიან.

„მთელი ჩემი ახალგაზრდობიდან ვდგავარ იქ, სადაც ჩემს საქართველოს სჭირდებოდა, ყოველთვის ვიდექი ქუჩაში და გამოსვლებში ვიღებდი მონაწილეობას, რადგანაც პატრიოტულ ოჯახში ვარ გაზრდილი. დღესაც სამწუხაროდ, ამდენი ბრძოლის შემდეგ, ისევ მიწევს ქუჩაში გამოსვლა „ნაციონალური მოძრაობის“ წინააღმდეგ. ამდენი წლის შემდეგაც ისინი არ აძლევენ ქვეყანას განვითარებისა და წინსვლის საშუალებას. სააკაშვილის ბოროტმა რეჟიმმა ჩემით დაიწყო და 160-მდე უდანაშაულო ბიჭი გაწყვიტა ქუჩაში. მისი რეჟიმი სათანადოდ არ დაისაჯა, ბევრი რამ მიეტევათ და ამით ისარგებლებს. უკვე დავიღალეთ. დარმუნებული ვარ, ქუდზე კაცი გამოვა, ყველა საღად მოაზროვნე ადამიანი, ვინც წლების წინ ვიდექით უსამართლობისა და რეჟიმის წინააღმდეგ, 30 აპრილს ვიქნებით აქციაზე „ნაციონალური მოძრაობის“ რეჟიმი აღარასოდეს განმეორდება ჩვენს ქვეყანაში. გვინდა, დავანახოთ მსოფლიოსაც და თავად „ნაციონალურ მოძრაობასაც“, მათ მომხრეებს, რომ ვერასდროს დაბრუნდებიან ხელისუფლებაში. მათ უნდათ ომი და ქვეყნის დაქცევა ოღონდ ხელისუფლებაში მოვიდნენ და რევოლუციებისთვის ემზადებოდნენ, არაფერი გამოუვათ. ამით დავანახებთ, რომ მთელი ერი ერთად ვდგავართ და არ მივცემთ უფლებას, რაღაცა ისეთი ჩაიდინონ, რომ ქვეყანას ავნონ“, – განაცხადა ია მეტრეველმა.

30 აპრილს აქცია „არა ომს – მშვიდობა ჩვენს ქვეყანას“ გაიმართება.

როგორ გააგრძელებს ევროკავშირი უკრაინისადმი დახმარებას ისე, რომ საკუთარი ფერმერები არ დააზარალოს

როგორც გერმანული სამაუწყებლო კომპანიის „დოიჩე ველეს“ (Deutsche Welle) მიერ თავის ვებ-გვერდზე გამოქვეყნებულ სტატიაშია ნათქვამი (სათაურით „როგორ გააგრძელებს ევროკავშირი უკრაინისადმი დახმარებას ისე, რომ საკუთარი ფერმერები არ დააზარალოს“), ბრიუსელმა ზომები მიიღო, რომ უკრაინიდან ევროკავშირის ტერიტორიაზე შეტანილი ხორბალი სატრანზიტო ქვეყნებში – პოლონეთში, უნგრეთში, სლოვაკეთში, რუმინეთში და ბულგარეთში არ დარჩეს და მესამე ქვეყნებში გავიდეს. გარდა ამისა, ევროკომისია აღნიშნული ქვეყნების დაზარალებულ ფერმერებს 100 მილიონ ევროს გამოუყოფს, თუმცა, როგორც ექსპერტები ამბობნ, „ეს დახმარება ზღვაში წვეთია“.

პუბლიკაციაში განმარტებულია კრიზისის მიზეზები: „ევროკომისიის ჩინოვნიკების თქმით, უკრაინული მარცვლეულის იმპორტის მკვეთრი ზრდა ევროკავშირის ქვეყნებში იმიტომ მოხდა, რომ შავი ზღვის „ხორბლის გარიგება“ ბოლო დროს „ჯეროვნად ვერ მუშაობდა“. ჩინოვნიკებმა ფართო კომენტარების გაკეთებას თავი აარიდეს, მაგრამ აღნიშნეს, რომ მშვიდობიან დროს უცხოეთში შავი ზღვით უკრაინიდან მარცვლეულის 90% გადიოდა, ახლა კი თითქმის იგივე რაოდენობა სახმელეთო გზით – რკინიგზით გადის დასავლეთ უკრაინიდან, რომელიც სლოვაკეთს და პოლონეთს ესაზღვრება. ამ ქვეყნებში შეტანილი ხორბალი მდინარე დუნაით ხვდება ბულგარეთშიც და რუმინეთშიც… უკრაინული აგრარული კომპანიებისათვის უფრო ადვილია ხორბლის ევროპაში გატანა, რომელიც ძალიან იაფი ჯდება და რისკებიც ნაკლებია, შავი ზღვის აკვატორიასთან შედარებით.

წყარო

1...2,2362,2372,238...2,315Page 2,237 of 2,315
ჩვენი არქივი

კონტაქტი

მის: ქ.თბილისი, მ.კოსტავას 59

ტელ: +995 32 93 44 05

ელ.ფოსტა: editor@geotimes.ge

ნავიგაცია

ონლაინ გაზეთი Geotimes.ge

დამატებითი რესურსი