„რუსული მშვიდობაო“, პაატა მანჯგალაძემ თქვა, ასეთი ტერმინი შემოვიდა, გილოცავთ ოპოზიციას, რა მარაზმში არიან, ალბათ ყველა ხვდებით – ამის შესახებ ფრაქცია „ქართული ოცნების“ თავმჯდომარემ მამუკა მდინარაძემ პარლამენტის პლენარულ სხდომაზე განაცხადა.

როგორც მამუკა მდინარაძემ აღნიშნა, კოდალასავით რუსულის ტვინში ჩაჭედვით, ოპოზიციამ ამერიკული კანონის პირდაპირ თარგმანს ქართულად, რუსული დაარქვა და საქართველოში რაღაც პროცენტს სჯერა, რომ ამერიკული კანონის პირდაპირი თარგმანი ქართულად არის რუსული.

„რუსული ხომ ყველაფერი გაგიგიათ ამათი გადამკიდე, Fara-ც ხომ რუსულად მონათლეს, ამერიკული კანონი პირდაპირ, ყოველგვარი გადაჭარბების გარეშე რუსულად მონათლეს. ჩვენ გვყავს რაღაც პროცენტი საქართველოში, რომელსაც სჯერა, რომ ამერიკული კანონის პირდაპირი თარგმანი ქართულად არის რუსული. პიარის რაღაც მწვერვალს მიაღწიეს. ვიღაც იტყვის უტიფრობის ფსკერიო, მაგრამ უნდა ვუღიაროთ, რომ რუსული, რუსული, რუსული -კოდალასავით ტვინში ჩაჭედვებით, ამერიკული კანონის პირდაპირ თარგმანს ქართულად დაარქვეს რუსული.
ყველაფერი გავიგეთ რუსული, რუსული ქცევა, ევროკავშირისკენ რუსული სწრაფვაც, მაგრამ დღეს რა თქვეს არ იცით? „რუსული მშვიდობაო“, პაატა მანჯგალაძემ, ასეთი ტერმინი შემოვიდა, გილოცავთ ოპოზიციას, რუსული მშვიდობაო, ეს არ არსებობსო, დააყოლა თვითონ, დააზღვია. რუსული მშვიდობაც გვაქვს, რა მარაზმში არიან, ალბათ ყველა ხვდებით და ეს შემთხვევით კი არ გამოიყენა, ამას გააგრძელებენ, ილაპარაკებენ, მერე რუსული მიხვრა-მოხვრა გვექნება, რუსული წარმატება, „ქართული ოცნების“ რომელიმე წევრი, პოლიტიკას დაანებეთ თავი, რამე სფეროში, სხვაგან, წარმატებას რომ მიაღწევს, ეს იქნება რუსული წარმატება. ამ მარაზმში იქნებიან და აქ იქნება მათი მთავარი საყრდენი, ამ „სიმართლეზე“ იქნება მათი პიარ სტრატეგია აგებული“ – განაცხადა მამუკა მდინარაძემ.

რეგლამენტში დაგეგმილ ცვლილებებს პარლამენტმა მხარი დაუჭირა. პირველი მოსმენით მიიღეს პროექტი, რომლის თანახმად, პარლამენტის მიერ თანამდებობის პირების თანამდებობაზე არჩევისა და თანამდებობიდან გათავისუფლების თაობაზე გადაწყვეტილების ფარული კენჭისყრით მიღების წესი იცვლება – ასეთ გადაწყვეტილებებს პარლამენტი ფარულის ნაცვლად, ღია კენჭისყრით მიიღებს.

რეგლამენტში ცვლილებების პროექტით, ღია კენჭისყრის წესი მათ შორის თანამდებობის პირის იმპიჩმენტის წესით გადაყენების საკითხზე კენჭისყრის შემთხვევებზე გავრცელდება.

კენჭისყრისას ფარულობის წესი მხოლოდ პარლამენტის თავმჯდომარის არჩევის შემთხვევაში ნარჩუნდება, რადგან კონსტიტუციის თანახმად, მისი არჩევა ფარული კენჭისყრით უნდა მოხდეს.

ცვლილებით პარლამენტში წარდგენილი ანგარიშების მოსმენის პროცედურები ახლებურად წესრიგდება. კერძოდ, პარლამენტი პლენარულ სხდომაზე, სავალდებულო წესით, მხოლოდ კონსტიტუციური ორგანოებისა და სახელმწიფო უსაფრთხოების სამსახურის მიერ წარდგენილ ანგარიშს მოისმენს.

რაც შეეხება სხვა დანარჩენი უწყებების ყოველწლიურ ანგარიშებს, ის განსახილველად წამყვან კომიტეტს გადაეცემა, ხოლო პლენარულ სხდომაზე კომიტეტის, ფრაქციის ან ბიუროს მოთხოვნის შემთხვევაში გავა.

ამავე პროექტით საპარლამენტო უმრავლესობის ლიდერს პლენარულ სხდომაზე პრეზიდენტის ყოველწლიური მოხსენებით გამოსვლის შემდეგ, სიტყვით სარგებლობის უფლება ენიჭება.

პროექტით ახალარჩეული პარლამენტის პირველი სხდომის გახსნის საკითხიც რეგულირდება. კერძოდ, თუ გარკვეული მიზეზის გამო პრეზიდენტი პირველ სხდომაზე არ იქნება, სხდომას პარლამენტის უხუცესი წევრი გახსნის.

პარლამენტის სპიკერატში ვიცე-სპიკერების რაოდენობა იზრდება – ნაცვლად ხუთისა, პარლამენტს შესაძლოა შვიდი ვიცე-სპიკერი ჰყავდეს. რეგლამენტში დაგეგმილი ცვლილებების პროექტით, პარლამენტის თავმჯდომარის მოადგილედ შესაძლებელია აირჩეს სამი მოადგილე საპარლამენტო უმრავლესობიდან და სამი მოადგილე საპარლამენტო ოპოზიციაში შემავალი ფრაქციებიდან.

„ჭორვილაში კიდევ ერთხელ დავინახეთ მშიშარა რუსი ოლიგარქი ბიძინა ივანიშვილის სახე, კიდევ ერთხელ დავრწმუნდით, რომ „ქართული ოცნების“ სიმბოლოა კვერცხი და ქვა, – ამის შესახებ განაცხადა მიხეილ სააკაშვილის წარმომადგენელმა, სოფო ჯაფარიძემ.

დღეს, მიხეილ სააკაშვილის წარმომადგენელმა სოფო ჯაფარიძემ, „ერთიანი ნაციონალური მოძრაობის“ წევრებთან და მხარდამჭერებთან ერთად, რესპუბლიკის მოედნიდან ჭორვილამდე მსვლელობა გამართა. ადგილზე ჩასულებს კი ადგილობრივები დაუპირისპირდნენ, სადაც სიტყვიერი და ფიზიკური შეურაცხყოფა მიაყენეს.

სოფო ჯაფარიძის განცხადებით, მათ ხელისუფლება თავისუფლად გადაადგილებას უზღუდავს. მან სოფელ ჭორვილას შესასვლელში მდგარ ტრაფარეტზე საქართველოს და ევროკავშირის დროშები გააკრა.

„ჩვენ დღეს დავინახეთ „ქართული ოცნების“ მშიშარა რუსი ოლიგარქის და მისი მშიშარა პოლიტიკური ინსტრუმენტების სახე კიდევ ერთხელ დავინახეთ და დავრწმუნდით, რომ „ქართული ოცნების“ სიმბოლო არის კვერცხი და ქვა. დიახ, მშვიდობიანად ჩამოსულ მოქალაქეებს ასე მოგვექცნენ, ჟურნალისტებს ხელს უშლიდნენ თავიანთი პროფესიული მოვალეობის შესრულებისას, მაგრამ პირობას გაძლევთ, რომ აუცილებლად დასრულდება ეს ყველაფერი ჩვენ ქვეყანაში.

დღეს ბევრს გაუჩნდა კითხვა, თუ რატომ ჭორვილაში, რატომ? რადგან ეს არის რუსი ოლიგარქის მშობლიური სოფელი, რუსი ოლიგარქის, რომელმაც გადაწყვიტა, რომ ქართველები ჩაანაცვლოს რუსებით, რომელმაც გადაწყვიტა, რომ ქართველები გაგვარუსოს და საქართველო გაარუსოს, რომელიც დეკლარირებულად გვაყენებს რუსეთის გვერდით. რუსი ოლიგარქი, რომელსაც ტყვეობაში ჰყავს ქვეყნის მესამე პრეზიდენტი, რომელმაც შექმნა ეს სახელმწიფო და რუსი ოლიგარქი, რომელიც ანგრევს ყოველდღიურად ჩვენს ქვეყანას. მე დარწმუნებული ვარ, რომ 2012 წელს არავინ არ იბრძოდით იმისათვის, რაც დღეს ხდება, იმისათვის, რომ დაგვეკარგა თავისუფლება, იმისათვის, რომ ჩვენი შვილებისთვის დაგვეკარგა ევროპული მომავალი, მაგრამ რეალურად დღეს მივიღეთ ის, რომ ყველაფერს აკეთებს რუსი ოლიგარქი მის პოლიტიკურ ინსტრუმენტებთან ერთად, რომ ჩვენი ქვეყანა – საქართველო რუსეთის უკანა ეზოდ აქციოს, მაგრამ ის ამას ვერ შეძლებს. ჩვენ ვხედავთ, რომ ჩვენ ჩვენივე ქვეყანაში გვეზღუდება თავისუფლად გადაადგილება, მაგრამ დარწმუნებული ვარ ეს ყველაფერი ძალიან მალე დასრულდება და პირადად მე, სოფო ჯაფარიძე ამაში ძალიან დიდ წვლილს შევიტან. ჩავალ ყველგან, სულ რომ მარტო მომიწიოს სიარული, ვიქნები ყველგან, ყველა ჩვენს მოქალაქესთან და აუცილებლად კიდევ უფრო კარგად დავანახებთ ჩვენს მოსახლეობას თუ რამხელა საფრთხეს გვიქმნიან და რამხელა საფრთხეს უქმნიან ჩვენს ქვეყანას, არ გავარუსებინებთ ჩვენს ქვეყანას და ქართველებს რუსებით არ ჩავანაცვლებინებთ. დიახ, ჭორვილა, ეს ულამაზეს ადგილი აუცილებლად იქნება ევროპული სოფელი და ამისთვის მე ყველაფერ გავაკეთებ.“- განაცხადა სოფო ჯაფარიძემ

პარლამენტში ვინმე კლოუნად თუ აღიქვამს თავს და პარლამენტს კლოუნადად, ეს მისი პრობლემაა, – ასე მიმართა საპარლამენტო უმრავლესობის წევრმა, მიხეილ სარჯველაძემ „გირჩის“ წევრ ვახტანგ მეგრელიშვილს პარლამენტში, სადაც „ადმინისტრაციულ სამართალდარღვევათა კოდექსში“ ცვლილებებს პირველი მოსმენით განიხილავენ.

„ბატონო ვახტანგ, ვერცერთ შემთხვევაში ვერ მოგცემთ უფლებას, ასე ხელაღებით იძახოთ – „სასამართლო რომ გვქონდეს“. სასამართლო გვაქვს ამ ქვეყანაში და ამას შევეგუოთ. შეიძლება, ვინმე კამათობდეს იმასთან დაკავშირებით, რომ რამე ნაკლოვანება არსებობს სასამართლოში და ამას გასწორება სჭირდება, მაგრამ არაფრის დიდებით სწორი არ არის იმის თქმა, რომ არ გვაქვს სასამართლო. ამ პარლამენტში ვინმე კლოუნად თუ აღიქვამს თავს და პარლამენტს – კლოუნადად, ეს მისი პრობლემაა და არა აქ მყოფი ყველა კოლეგის“, – განაცხადა მიხეილ სარჯველაძემ.

მანამდე, პარტია „გირჩის“ წევრმა, ვახტანგ მეგრელიშვილმა გან

აცხადა, რომ საქართველოში სასამართლო არაფერს წარმოადგენს და ის ბიუროკრატიის გაგრძელებაა.

„იცით, რატომ გვაქვს პრობლემა თორმეტ პუნქტთან და სასამართლოსთან დაკავშირებით? რადგან სასამართლო არაფერს წარმოადგენს, არის ბიუროკრატიის გაგრძელება. იქ ადამიანები საკუთარ პრობლემებს არ არჩევენ. ქურდები იმიტომ გვყავს გაგდებული ამ ქვეყნიდან, რომ შემთხვევით, ვინმემ ადამიანებს შორის ნამდვილად არ გაარჩიოს საქმე, რამე კონფლიქტური – მნიშვნელობა არ აქვს, ხმაური იქნება თუ სამეზობლო ჩხუბი. მაქედან რომ გაქვთ ყოველგვარი ადამიანური გატანილი, სწორედ იმიტომ არის ეს პარლამენტი კლოუნადა, მორალზე არანაირი წარმოდგენა არ გაქვთ. ამიტომ არ მპასუხობთ იმის შესახებ, რა მოხდებოდა, ეს საქმეები სასამართლოს გადაეწყვიტა და არა ბლანკეტური 10 000-ლარიანი და 1 500-ლარიანი ჯარიმები შემოგეტანათ“, – განაცხადა ვახტანგ მეგრელიშვილმა.