“ამ მდგომარეობაში მყოფი ადამიანის, ინსტრუმენტალიზაციას ახდენდნენ, დღეს ჩამი-ჩუმი არ ისმის”- მელია “ამ მდგომარეობაში მყოფი ადამიანის, პატიმრის (მიხეილ სააკაშვილი) ინსტრუმენტალიზაციას ახდენდნენ, 65 კილოგრამიანი ადამიანის ინსტრუმენტალიზაციას ახდენდნენ. და დღეს ჩამი-ჩუმი არ ისმის. 50 კაციანი და 100 კაციანი აქციები თუ იყო ამოცანა ამ ადამიანების, ეს უნდა გაეკეთებინათ?!” – ამის შესახებ პარტია “ნაციონალური მოძრაობის” ყოფილმა თავმჯდომარე ნიკა მელიამ განაცხადა. “იყვნენ ადამიანები, რამდენიმე კანდიდატი ხომ იყო, ყოველ დღე ატარებდა აქციას… გიორგი მუმლაძე ხომ გახსოვთ, ყოველ დღე 31 დეკემბერს, მიშა კვდება, მიშა ხვალამდე ვერ გაძლებს, მელია რას აკეთებს, სად ხარ, ყოველ დღე, დღეში სამჯერ კლავდნენ კაცს. დილით, დღისით და საღამო, ღამითაც. 4-ჯერ. დღეს ეს ადამიანი არ ჩანს საერთოდ, უკეთ არის?! კარგით, მე არ ვვარგივარ და ვერ გავაკეთე, შენ რას აკეთებ, სად არის უწყვეტი აქციები?! – თავისივე დაპირების ტყვეობაში აღმოჩნდნენ, რადგან მათ ძალიან კარგად იცოდნენ რაზედაც მე ვსაუბრობდი. მიხეილ სააკაშვილის გათავისუფლების გზა ვერ იქნებოდა მოკლე და ბიძინა ივანიშვილის დამარცხებაზე გადიოდა. სამწუხაროდ, რაციონალური აზრი დამარცხდა ემოციის პირისპირ. შედეგად მივიღეთ ის, რომ პარტია დაიცალა ემოციისგან, რაციონალისზმისგან და არ იციან რას აკეთებენ.” – განაცხადა ნიკა მელიამ

„ნაციონალური მოძრაობა” არ არის პოლიტიკური პარტია, ეს არის ძალიან დაბალი დონის კრიმინალური სინდიკატი და მის წევრებს სინამდვილეში, ძალაუფლების იქით არანაირი ინტერესი არ აქვთ, – ამის შესახებ „ქართული ოცნების” დეპუტატმა, რატი იონათამიშვილმა „ნაციონალურ მოძრაობაში” არსებული დაპირისპირების შესახებ საუბრისას განაცხადა. მისი თქმით, მელიასა და ხაბეიშვილს შორის დაპირისპირება ძალაუფლების ხელში ჩაგდების მცდელობის ნათელი მაგალითია. „ნაციონალური მოძრაობა” არ არის პოლიტიკური პარტია, ეს არის ძალიან დაბალი დონის კრიმინალური სინდიკატი და მის წევრებს სინამდვილეში, ძალაუფლების იქით არანაირი ინტერესი არ აქვთ. დღეს ამ ძალაუფლებას, მხოლოდ ერთმანეთზე თუ განახორციელებენ – აი ეს დღის წესრიგი უდგათ და მოქმედებენ შესაბამისად” – განაცხადა რატი იონათამიშვილმა. „ნაციონალური მოძრაობის“ ყოფილმა თავმჯდომარემ, ნიკა მელიამ განაცხადა, რომ პარტიის მართვის ბერკეტებს სრულად ფლობენ დავით კეზერაშვილი, ვანო მერაბიშვილი და ზურაბ ადეიშვილი. როგორც მელიამ აღნიშნა, პარტია იმართება არაფორმალურად და ეს არის ძირეული პრობლემა.

მიმდინარეობდა „ნაციონალური მოძრაობის“ დემონტაჟი, უბრალოდ ხაბეიშვილმა ეს ყველაფერი დააჩქარა, – ამის შესახებ „ხალხის ძალის“ წევრმა, ზურაბ ქადაგიძემ მედიასთან განაცხადა. „ამ პოლიტიკურმა ორგანიზაციამ უკვე ყველანაირი რესურსი გახარჯა. მას არანაირი არც მორალური, არც საზოგადოებრივი და ფიზიკური რესურსიც კი აღარ აქვს“, – განაცხადა ქადაგიძემ. „ნაციონალური მოძრაობის“ ყოფილმა თავმჯდომარემ, ნიკა მელიამ განაცხადა, რომ პარტიის მართვის ბერკეტებს სრულად ფლობენ დავით კეზერაშვილი, ვანო მერაბიშვილი და ზურაბ ადეიშვილი.

„ნაცმოძრაობა“ ხაბეიშვილის ფიქციური თავმჯდომარეობით და მერაბიშვილის, კეზერაშვილის, ადეიშვილის მონაწილეობით ჩამოყალიბდა, როგორც გარკვეული რევოლუციური კომიტეტი, რომელიც ამავე დროს რევოლუციას ვერ ახდენს, – ამის შესახებ საქართველოს პარლამენტის პირველმა ვიცე-სპიკერმა, გიორგი ვოლსკიმ განაცხადა. მისი თქმით, ხაბეიშვილს არავითარი რესურსი არ გააჩნია, რომ საზოგადოებას რამით თავი მოაწონოს. „ზოგადად, არავითარი მნიშვნელობა არ აქვს, რას ამბობს ლევან ხაბეიშვილი. ფაქტები, პროცესები, ყველაფერი მეტყველებს იმაზე, რომ „ნაცმოძრაობა“ ხაბეიშვილის ფიქციური თავმჯდომარეობით და მერაბიშვილის, კეზერაშვილის, ადეიშვილის მონაწილეობით ჩამოყალიბდა, როგორც გარკვეული რევოლუციური კომიტეტი, რომელიც ამავე დროს რევოლუციას ვერ ახდენს. ვერც ფიზიკურ შეტევას ახორციელებს ციხეზე, როგორც ის ამას საზოგადოებას დაჰპირდა. არავითარი სხვა რესურსი, რომ რამით თავი მოაწონოს საზოგადოებას ან პროგრამით, ან ხედვით, ან თუნდაც ფილოსოფიურად ღრმა მსჯელობით, ხაბეიშვილს არ გააჩნია. ერთი დარჩა მელია, რომ პერიოდულად შეაგინოს ხოლმე და რა თქმა უნდა, თავის მხრივ მელიაც ვალში არ რჩება“, – განაცხადა გიორგი ვოლსკიმ.

„ერთიანი ნაციონალური მოძრაობის“ წევრი ბაჩო დოლიძე აცხადებს, რომ ახლა პარტიის სათავეში დროებითი დაჯგუფებაა, რომელიც ტკბება რამდენიმე სკამით რაღაც გარკვეული პერიოდი. ოპოზიციონერი დეპუტატის თქმით, პარტიაში ჩრდილოვანი მმართველობას აქვს ადგილი. „ხაბეიშვილი არ მგონია დანარჩენ 2 ფიგურანტთანაც ახლო ურთიერთობაში იყოს, მაგრამ რეალურად აკეთებს იმას, რასაც ავალებენ. ჩვენ ვსაუბრობთ იმაზე, რომ ჩრდილოვანი მმართველობა, რომელსაც აქვს ადგილი პარტიაში, ეს არ უნდა ხდებოდეს. რა აძლევთ საფუძველს ასე ომახიანად იყვნენ, ცოტა მიკვირს იმ მდგომარეობაში რა მდგომარეობაშიც ისინი არიან. დროებითი დაჯგუფებაა, რომელიც ტკბება რამდენიმე სკამით რაღაც გარკვეული პერიოდი იმიტომ, რომ იციან სხვა შესაძლებლობა ამის არ მიეცემათ. ხელისუფლებაში ამ ადამიანებს ვერავინ იხილავს და ოპოზიციის სკამები თუ ვინმეს ათბობს, რაღაც დროის განმავლობაში, კი ბატონო“, – აცხადებს ბაჩო დოლიძე.