„ქართული ოცნების“ სამგორის, გლდანისა და მთაწმინდის ორგანიზაციების მიერ გამართულ კონფერენციებს პარტიის გენერალური მდივანი, კახა კალაძე ესწრება.

მისი თქმით, მნიშვნელოვანია, პარტიული ორგანიზაციების წარმომადგენლებს ჰქონდეთ ზუსტი ინფორმაცია ქვეყანაში მიმდინარე პროცესებზე. „განვაგრძობთ პარტიულ შეხვედრებს, სადაც რაიონული პარტიის ორგანიზაციის თავმჯდომარეებს, ბიუროს წევრებს ავირჩევთ.

ეს პროცესი გაგრძელდება და გვინდა, მთელი საქართველოს მასშტაბით ყველა რაიონში ჩავიდეთ და შევხვდეთ ჩვენს პარტიის წარმომადგენლებს. დღეს საუბარი გვექნება სხვადასხვა საკითხზე, გამოწვევაზე, რა არის გასაკეთებელი. შეიძლება ითქვას, რომ არჩევნებისთვის მზადება უკვე დაწყებულია“, – განაცხადა კახა კალაძემ.

ქართულ სპეცსამსახურებს დააბრალო რუსულ სპეცსამსახურებთან ერთად რაღაცის კეთება, არა დანაშაულის, ნებისმიერი რაღაცის, კეთილშობილური საქმეც კი რომ იყოს, ასეთი ვერ წარმომიდგენია მაგრამ, რამეს რომ დააბრალებ ერთად ამ ორ სპეცსამსახურს, ეს არის მავნებლობა, – ასე გამოეხმაურა „ქართული ოცნების“ აღმასრულებელი მდივანი, მამუკა მდინარაძე, ნიკა გვარამიას ლიკვიდაციის თაობაზე ერთ-ერთი ტელევიზიის ეთერში სპეცსამსახურის ყოფილი თანამშრომელთან ინტერვიუს.

მდინარაძის თქმით, მის ხელთ არსებული მწირი ინფორმაციის მიხედვით, გვარამიას საქმეში მკვლელობის შეკვეთის ფაქტი არ დასტურდება, თუმცა, მან ჟურნალისტს საგამოძიებო ორგანოებთან ინფორმაციის გადამოწმებისკენ მოუწოდა.

მამუკა მდინარაძემ ასევე აღნიშნა, რომ იმ ადამიანის საუბარი, რომელიც პოლიტიკური დევნილის სტატუსის მისაღებად ან გარკვეული თანხის სანაცვლოდ აჟღერებენ სხვადასხვა ვერსიებს, ამოსავალი წერტილი ვერ იქნება.

“თუ არ მეშლება, თავად ნიკა გვარამიამ და სავარაუდოდ მისმა ადვოკატებმაც უნდა იცოდნენ დეტალები, იმიტომ რომ მათ შეიძლება გაუთქმელობის ხელწერილი ჰქონდეთ ამ საქმესთან დაკავშირებით დადებული. რა ინფორმაციაც მე მაქვს და უკაცრავად თუ ის ძალიან მწირია და არ არის ბოლომდე ინფორმატიული, საერთოდ ამ ინფორმაციის რეალობა უნდა იყოს გამორიცხული როგორც მე ვიცი, ეს შეიძლება დადასტურდეს უწყებებთან. მკვლელობის შეკვეთაზე ხომ იყო ლაპარაკი? – მე რა ინფორმაციაც მაქვს და უკაცრავად რომ მწირია ეს ინფორმაცია, საერთოდ მკვლელობის შეკვეთის ფაქტი არ დასტურდება, ოღონდ მე ზუსტად არ ვიცი.

ჩვენ ურთიერთობა გვაქვს ხელისუფლების სხვადასხვა შტოებთან. მაშინვე იყო ბევრი ინფორმაცია ამასთან დაკავშირებით, ზოგი საჯარო, ზოგი – არასაჯარო. მე რა ინფორმაციაც მაქვს და შეიძლება ვცდებოდე-მეთქი, უშუალოდ გამომძიებლისგან რომ მქონდეს, მაშინ პირდაპირ ვილაპარაკებდი მაგრამ, თუ ასე ზოგადად გავრცელებულ ინფორმაციებში არ ვცდებით, მკვლელობის შეკვეთის ფაქტიც არარეალური უნდა იყოს, მაგრამ გადააზუსტეთ, მე რომ არ ვცდებოდე.

კონკრეტულ ადამიანს ვის მოისყიდის ვიღაც ან არ მოისყიდის რაღაც მიზნებით, პოლიტიკური დევნილის სტატუსის მიღება რომ უნდა, ეს ადამიანი ხომ არ არის შემთხვევით, მოიკითხეთ, მე არ ვცდებოდე. ამ მიზნით და კიდევ გარკვეული თანხების სანაცვლოდ ვიღაცები რაღაცებს რომ ლაპარაკობენ და თან თქვენ როგორც ამატებთ, რუსული წყაროები, ჩვენთვის არ არის ამოსავალი. გამოძიებას ჰკითხეთ და გააკეთებს ალბათ განმარტებას ამასთან დაკავშირებით“, – აღნიშნა მდინარაძემ ჟურნალისტებთან საუბრისას.

“არანაირი სასამართლო არ იქნება, პირდაპირ დაუწერენ ყველას 2 000-2 000-ლარიან ჯარიმას”, – ამის შესახებ ნაციონალური მოძრაობის თავმჯდომარე ლევან ხაბეიშვილი საუბრობს, რომელიც ცოტა ხნის წინ გურჯაანის სასამართლოსთან მივიდა. სწორედ იქ უნდა გაიმართოს გუშინ, კახეთში გამართულ აქციაზე დაკავებული 7 აქტივისტის პროცესი. აქ მოვედით იმიტომ რომ გათავისუფლდნენ და ველოდებით ჩვენს მეგობრებს, მათ შორის ახალგაზრდებს, რომლის ოჯახის წევრებიც ნერვიულობენ, რომ იყვნენ თავისუფლები. არანაირი სასამართლო არ იქნება, პირდაპირ შემიძლია გითხრათ სუყველას განაჩენი, აუცილებლად დაუწერენ 2 000 – 2 000-ლარიან ჯარიმას მინიმუმ. სამოქალაქო აქტივისტებს, სხვა პარტიის წევრებს ჩვენ შეგვიძლია შევთავაზოთ ყველანაირი დახმარება, მათ შორის სამართლებრივი. და რაც ყველაზე მნიშვნელოვანია – პოლიტიკური ნაწილი. ჩვენ უნდა გავაგრძელოთ ბრძოლა და მათ შორის, პროტესტი უნდა იყოს ყველგან უწყვეტი, – ამბობს ხაბეიშვილი.

ევროკავშირის ახალი სანქციები იმ ათობით კომპანიას შეეხება, რომლებიც რუსეთს სანქციების გვერდის ავლაში ეხმარებიან. ამის შესახებ ევროკომისიის პრეზიდენტმა განაცხადა. მისი თქმით, სანქციების მე-11 პაკეტში 90-მდე კომპანია მოხვდება, რომლებიც რუსეთს ევროკავშირის ტერიტორიიდან და ე.წ. მესამე ქვეყნებიდან სანქცირებულ პროდუქციას აწვდიან. მათ შორის არიან კომპანიებიც, რომლებიც ჩინეთში არიან რეგისტრირებულნი.

საქართველოსთვის მავნებლური, მოღალატეობრივი ნარატივი არ იმუშავებს არასდროს, რაც უნდა ერთ მხარეს იყოს კეთილშობილური მიზანი. ყველამ დაიმახსოვროს, რომ საქართველო თავის ტერიტორიებზე არაფრის ფასად არ იტყვის უარს, – ამის შესახებ ფრაქცია „ქართული ოცნების“ თავმჯდომარე ამუკა მდინარაძემ განაცხადა.

მდინარაძემ კომენტარი გააკეთა საერთაშორისო სავაჭრო პალატის ხელმძღვანელის, ფადი ასლის განცხადებაზე, რომელმაც თქვა: „თეორიულად დავუშვათ, რომ რუსეთი ივანიშვილს აფხაზეთისა და სამხრეთ ოსეთის დაბრუნებას დაჰპირდა. კითხვა, რომელიც თითოეულმა ქართველმა პატიოსნად უნდა დაუსვას საკუთარ თავს: მინდა, გავერთიანდე ორ სეპარატისტულ რეგიონთან და ვიცხოვრო მათთან, როგორც რუსეთის მონამ, თუ მინდა ვიცხოვრო დამოუკიდებლად და თავისუფლად, როგორც ევროკავშირის წევრმა ამ ორი რეგიონის გარეშე?“

მდინარაძის თქმით, ოკუპირებული ტერიტორიები დაუბრუნდება საქართველოს და სამომავლო პერსპექტივებიც მხოლოდ ამ ჭრილში განიხილება.

„ეს არ არის მარტივი და უბრალოდ შესაფასებელი ამბავი, ეს არის გლობალური გეგმის ყველაზე ბინძური ნაწილი, რომელსაც ტესტავს ბატონი ასლი. ხედავთ ერთი მხრივ, რა პროცესები მიდის, რა დეტალებთან დაკავშირებით უნდათ დიდი ნეგატიური ნარატივის აგება და მეორე მხრივ, აღმოჩნდებიან ხოლმე ადამიანები, რომლებიც ტესტავენ, როგორ შეიძლება, საქართველოს მომავალ პერსპექტივებზე, ევროპულ პერსპექტივებზე და ასე შემდეგ, ილაპარაკოს ვინმემ საქართველოს ოკუპირებული ტერიტორიების გარეშე. ყველამ დაიმახსოვროს, ეს ნარატივი არასდროს არ გავა, საქართველოსთვის მავნებლური და მოღალატეობრივი ნარატივი არ გავა არასდროს, რაც უნდა ერთ მხარეს იყოს კეთილშობილური მიზანი. ყველამ დაიმახსოვროს, რომ საქართველო თავის ტერიტორიებზე არაფრის ფასად არ იტყვის უარს. ეს არის მთავარი, რაც ნებისმიერმა ქართველმა, საქართველოს ნებისმიერმა მოქალაქემ, და არა მხოლოდ, უნდა დაიმახსოვროს. „ნაცმოძრაობის“ კლასტერის მხრიდან ნუ ხდება გატესტვა ნარატივის, რომ საქართველოს სამომავლო პერსპექტივა შეიძლება იყოს საქართველოს ოკუპირებული ტერიტორიების გარეშე. ისინი აუცილებლად დაუბრუნდებიან საქართველოს და სამომავლო პერსპექტივებიც მხოლოდ და მხოლოდ ამ ჭრილში განიხილება“, – აღნიშნა მამუკა მდინარაძემ.

„სტრატეგია აღმაშენებელს“ გვაქვს ეჭვი და ვფიქრობთ, რომ ორკესტრირებულები არიან „ქართული ოცნება“ და სალომე ზურაბიშვილი. ტაქტიკურ საკითხებზე შეიძლება, ღარიბაშვილთან და კობახიძესთან ჰქონდეს უთანხმოება, მაგრამ სტრატეგიულ საკითხებში მთავარი მოკავშირეა ბიძინა ივანიშვილის, – ამის შესახებ „სტრატეგია აღმაშენებლის“ წევრმა, პაატა მანჯგალაძემ განაცხადა.

მისი თქმით, სალომე ზურაბიშვილი ყველა სტრატეგიულ საკითხზე არის ბიძინას მოკავშირე.

„ვიდრე სალომე ზურაბიშვილი ამ საუბრებიდან არ გადავა ქმედებაზე, არ გაათავისუფლებს ნიკა გვარამიას, მე მას ჩავთვლი ერთი მსახიობის თეატრის წარმომადგენლად, რატომ? იმიტომ, რომ ყველა სტრატეგიულ საკითხზე არის ბიძინას მოკავშირე. მე არ მინახავს სალომე ზურაბიშვილი ემიჯნებოდეს ბიძინა ივანიშვილის ქმედებებს და რასაც აკეთებ კობახიძე, იმას აკეთებს ბიძინა, რადგან კობახიძე ბიძინას გარეშე არ წარმოადგენს არაფერს. ამიტომ, მე არ მჯერა პრეზიდენტის, უნდა გადავიდეს ქმედებაზე. შეიწყალოს ნიკა გვარამია, ეს იქნება კონკრეტული ფაქტი. წავიდეს ევროპაში და 28-ვე ქვეყნის ლიდერს შეხვდეს, ეს იქნება ქმედება და არა ის, რომ არ მიშვებენ საქართველოდან და რა ვქნაო. რა მასშტაბის სისხლი გვაქვს გადახდილი, რომ ცივილიზაციურად და კულტურულად საქართველო ყოველთვის იყო ევროპა, მაგრამ ჩვენ გვინდოდა, რომ პოლიტიკურადაც ევროპის ნაწილი ვყოფილიყავით, ამის შანსი არსებობს და ამას ეღობება „ქართული ოცნება“ და ივანიშვილი“, – განაცხადა მანჯგალაძემ.