რუსეთის სასტიკი შეჭრის მიუხედავად, რომელსაც ათიათასობით უკრაინელი ჯარისკაცი და მშვიდობიანი მოქალაქე შეეწირა, უკრაინა განაგრძობს რუსული ნავთობისა და გაზის თავის ტერიტორიაზე გატარებას, რასაც კიევისა და მოსკოვისთვის შემოსავალი მოაქვს და იმის ილუსტრაციაა, თუ რამდენად რთულია სასტიკი მტრებისთვის კავშირების გაწყვეტა, – წერს გაზეთი The Washington Post-ი სტატიაში სათაურით ომის მიუხედავად, უკრაინა რუსული ნავთობისა და გაზის თავის ტერიტორიაზე გატარებას უშვებს. სტატიის ავტორი აღნიშნავს, რომ „უკრაინის მაღალი რანგის ოფიციალური პირები დასავლელი პარტნიორებისგან უფრო მკაცრი სანქციების დაწესებასა და რუსეთთან პრაქტიკულად ყველა ეკონომიკური კავშირის გაწყვეტას ითხოვენ და ამბობენ, რომ „მეტი უნდა გაკეთდეს“ რუსეთის ომის მანქანის მწყობრიდან გამოსაყვანად, თუმცა რამდენად სურეალისტურად არ უნდა ჩანდეს, უკრაინა ამტკიცებს, რომ მას პრაქტიკულად სხვა არჩევანი არ აქვს, გარდა საკუთარი კომერციული გარიგებების შენარჩუნებისა და აცხადებს, რომ ისინი გარკვეულ ბერკეტს აძლევენ კრემლთან მიმართებით და ამცირებენ რუსული სამხედროების მხრიდან საჰაერო თავდასხმების სიხშირეს“. ნაფტოგაზი [უკრაინის სახელმწიფო ენერგეტიკული კომპანია] და პოლიტიკური ლიდერები ამტკიცებენ, რომ უკრაინას არ შეუძლია და არ უნდა დახუროს მილსადენები, მათ შორის იმის გამო, რომ კიევის ზოგიერთი ევროპელი მხარდამჭერი ჯერ კიდევ დამოკიდებულია რუსულ ნავთობსა და გაზზე. რუსეთის შემოსავალი და კიევის იმედგაცრუება ახლახან გამოიკვეთა პენტაგონის საიდუმლო დოკუმენტებში, რომელშიც ნათქვამია, რომ უკრაინის პრეზიდენტი, ვოლოდიმირ ზელენსკი მიმდინარე წლის დასაწყისში ფიქრობდა „დრუჟბას“ ნავთობსადენის აფეთქებაზე. გასულ წელს, რუსეთი დღეში დაახლოებით 300 000 ბარელ ნავთობს გზავნიდა „დრუჟბას“ მილსადენით, რომელიც კვეთს უკრაინას. გარდა ამისა, რუსეთი, ხელშეკრულებით, რომელიც ომამდე გაფორმდა, ასევე ვალდებულია, ყოველწლიურად გადაიტანოს დაახლოებით 40 მილიარდი კუბური მეტრი გაზი უკრაინის გაზის სატრანზიტო სისტემით. „უკრაინის ოფიციალური პირები აცხადებენ, რომ ისინი რთულ მდგომარეობაში არიან. რუსულ ნახშირწყალბადებს, რომლებიც კვეთენ უკრაინის ტერიტორიას, კრემლისთვის მილიონობით დოლარი მოაქვს და ხელს უწყობს კრემლის ომის მანქანის დაფინანსებას. მაგრამ კიევს ასევე სჭირდება ფული, რომელსაც ის შოულობს ტრანზიტით და სურს იყოს საიმედო ეკონომიკური პარტნიორი ევროპული ქვეყნებისთვის, რომელთაგან ზოგიერთს შეიძლება დაემუქროს ფასების დესტაბილიზაცია, თუ რუსეთის ენერგომომარაგება მოულოდნელად შეწყდება“, – ნათქვამია სტატიაში. სტატიაში ასევე აღნიშნულია, რომ რუსეთის სანქციებზე მომუშავე ჯგუფმა, რომელსაც უკრაინის პრეზიდენტის ოფისის ხელმძღვანელი, ანდრეი ერმაკი და რუსეთში აშშ-ის ყოფილი ელჩი მაიკლ მაკფოლი ხელმძღვანელობენ, გამოაქვეყნა სამოქმედო გეგმა, რომელშიც ასახულია დამატებითი ნაბიჯები, რომელიც უნდა გადაიდგას რუსეთის დასასჯელად, თუმცა გეგმა აშკარად ითვალისწინებს უკრაინის გავლით რუსული ენერგიის ტრანზიტის შენარჩუნებას.
დავით ქართველიშვილი, დიმიტრი ხუნდაძის შესახებ, გიგა ბოკერიას განცხადებას გამოეხმაურა
ჩვენი ოპოზიციური საოჯახო ტანდემი, ხალხის მიერ არჩეულ დეპუტატს, პარლამენტის წევრ დიტო ხუნდაძეს უწუნებს აშშ-ს ელჩის შესახებ განცხადების გაკეთებას. „ცალფეხა“ ლაქიაობის აპოლოგეტებისთვის, ქალბატონი ელჩის ელემენტარული მოხსენიებაც კი, რომ არაფერი ვთქვათ მისთვის მარტივი შეკითხვების დასმაზე – „ანტიდასავლური“ და „ანტიქართული“ რიტორიკა ყოფილა, – ამის შესახებ წერს სოციალურ ქსელში „ხალხის ძალის“ წევრი დავით ქართველიშვილი წერს, რომელიც დიმიტრი ხუნდაძის შესახებ გიგა ბოკერიას განცხადებას გამოეხმაურა. ბოკერიამ განაცხადა, რომ ხუნდაძის განცხადებებში რუსული ოკუპაციის ხსენება არ არის.
ქართველიშვილი საზოგადოებას შეახსენებს აგვისტოს ომის შემდეგ გიგა ბოკერიას სიდედრის დასაქმებას „თელასში“ და აცხადებს, რომ კომპანიაში ბოკერიას სიდედრი КГБ-ს თადარიგის გენერალ-მაიორ ლევონ ვლადიმერის ძე სტეფანიანის საკურატორო თანამდებობაზე დაინიშნა.
„გიგა ბოკერია მეუღლითურთ გარდა იმისა, რომ „ხალხის ძალას“ შეეხო, ჩვენი მოძრაობის ერთ-ერთი ლიდერი ახსენა და ასევე რამდენიმე გვარი ჩამოგვითვალა. მეც სულ რამდენიმე გვარით შემოვიფარგლები. მერამდენედ შემოვიფარგლები უკვე, ვინაიდან ბატონ ბოკერიას მეუღლეს დაბლოკილი ვყავარ და მისგან პასუხი დღემდე არ მიმიღია.
ჩვენი ოპოზიციური საოჯახო ტანდემი, ხალხის მიერ არჩეულ დეპუტატს, პარლამენტის წევრ დიტო ხუნდაძეს უწუნებს აშშ-ს ელჩის შესახებ განცხადების გაკეთებას. „ცალფეხა“ ლაქიაობის აპოლოგეტებისთვის, ქალბატონი ელჩის ელემენტარული მოხსენიებაც კი, რომ არაფერი ვთქვათ მისთვის მარტივი შეკითხვების დასმაზე – „ანტიდასავლური“ და „ანტიქართული“ რიტორიკა ყოფილა.
შეგახსენებთ, რა შეკითხვით მივმართე ქალბატონ ჩერგოლეიშვილს: რა რეაქცია ექნებოდა ჩვენს ოპოზიციურ წყვილს, ნიკოლოზ პატრუშევის რძალი სამუშაოდ რომ აეყვანათ „ქართუ ფონდში“.
მადლობა, არაა საჭირო – ეს რიტორიკული იყო. ახლა კი კონკრეტული შეკითხვა: რა რეაგირება უნდა გვქონოდა ჩვენ, როდესაც უშიშროების საბჭოს ექს-მდივნის გიგა ბოკერიას სიდედრი, შესაბამისად მისი მეუღლის დედა, აგვისტოს ომის შემდეგ, სამსახურში მოაწყვეს КГБ-ს თადარიგის გენერალ-მაიორ ლევონ ვლადიმერის ძე სტეფანიანის საკურატორო თანამდებობაზე „თელასში“. საინტერესოა, რომ თვით გენერალი სტეფანიანი „თელასის“ გენდირექტორის მოადგილის თანამდებობაზე დაინიშნა თავისი კურატორისა და მეგობრის, „ინტერ რაო“-ს უშიშროების ბლოკის ხელმძღვანელის, ФСБ-ს გენერალ-პოლკოვნიკის კუზნეცოვის რეკომენდაციით.
გვაქვს თუ არა უფლება, თეორიულად ვივარაუდოთ, რომ რუსეთის სპეცსამსახურებისთვის, აღნიშნული „კომბინაციური ბმული“ (სიძე-სიდედრი) ოპერატიული თვალსაზრისით, ინფორმაციის მოპოვების მიზნით, გამოსაყენებლად საკმაოდ მიმზიდველ არხს წარმოადგენდა. მე მგონი რომ გვაქვს და მე ვერავინ გადამარწმუნებს, რომ ამ „კომბინაციას“ ФСБ უყურადღებოდ და სათავისოდ არ გამოიყენებდა. და კიდევ ერთი გვარი, რომელიც გიგა ბოკერიამ გააჟღერა: „იანუკოვიჩი“.
კეთილი ინებეთ და 2013 წლის ოქტომბერში თქვენს (ანუ სააკაშვილის) მიერ „ბრწყინვალების ორდენით“ დაჯილდოებული, გენერალ სტეფანიანის ეს სავარაუდო მეგობარი – ჩვენ აღარ გვიხსენოთ. თქვენ და თქვენმა პრეზიდენტმა ქვეყანაში სახელმწიფო ჯილდოების სრული პროფანაცია მოახდინეთ. ეს თქვენი „ღირსების“ ორდენის კავალერია მეგის ქარდავა და თქვენივე „ბრწინვალების“ ორდენის კავალერია – იანუკოვიჩი. ასე რომ, „სხვაგან მოხვდით“, – წერს ქართველიშვილი.
,,აშშ-ის მიერ რუსეთიდან ზოგიერთი საქონლის იმპორტი 2023 წლის მარტში უფრო მაღალი იყო”- statista.com (ფოტო)
აშშ-ის მიერ რუსეთიდან ზოგიერთი საქონლის იმპორტი 2023 წლის მარტში უფრო მაღალი იყო, ვიდრე 2022 წლის თებერვალში, როგორიცაა არაორგანული ქიმიკატებისა და ელექტროენერგიის წარმომქმნელი დანადგარების იმპორტი. შესაბამის მონაცემებს საიტი statista.com-ი ავრცელებს.
კერძოდ, აშშ-ის მიერ რუსეთიდან იმპორტირებული ძირითადი პროდუქტები 2023 წლის მარტის თვის მდგომარეობით შემდეგია:
- ფერადი ლითონები – 145 მილიონი დოლარი
- სასუქები – 101 მილიონი დოლარი
- არაორგანული ქიმიკატები – 247 მილიონი დოლარი
აღსანიშნავია, რომ 2023 წლის მარტში 2022 წლის თებერვალთან შედარებით, არაორგანული ქიმიკატების იმპორტი 71 მილიონი დოლარიდან 247 მილიონ დოლარამდე გაიზარდა.
,,ვიფიქრე, რომ გონებაჩლუნგობით მოუვიდა ეს, მაგრამ არ არის გონებაჩლუნგი”- ვოლსკი ვაშაძეზე
როდესაც გიორგი ვაშაძემ განაცხადა, რომ სხდომათა დარბაზში „ქართული ოცნების“ რიგებში მყოფი მოჭიდავეების მას ფიზიკურად გაუსწორდებიან, ვიფიქრე, რომ გონებაჩლუნგობით მოუვიდა ეს, მაგრამ არ არის გონებაჩლუნგი. დროთა განმავლობაში ანალოგიური მოსაზრებები მოვისმინე რამდენიმე ევროპარლამენტარისაგან, რომლებმაც თავისი გულუბრყვილობით თუ თავისი პოლიტიკური მიკერძოებით დაიჯერეს, რომ აბა პოლიტიკური პარტიის ლიდერი ხომ არ მოიტყუება, – ამის შესახებ „ქრონიკაში“ პარლამენტის პირველმა ვიცე-სპიკერმა გიორგი ვოლსკიმ განაცხადა. „განაცხადა, რომ ფიზიკური ანგარიშსწორებით ემუქრება „ქართული ოცნება“ და სადღაც მსოფლიოში, თუნდაც იმ პროპაგანდისტულ სივრცეში, სადაც უშველებელი ფული ჩაყარა სააკაშვილის გარემოცვამ, გაიჟღერა ამ თემამ და „ქართული ოცნების“ მიმართულებით რაღაც ბნელი ბუნდოვანება შეიქმნა, რომ თურმე, ჩვენ შეიძლება ფიზიკურად გვანადგუროთ პოლიტიკური ოპონენტები. ახლა კიდევ ომის თემა მოიგონა. ჯერ ერთი, მთელი რესურსი არის მიმართული იმისკენ, რომ ის სტრატეგიული საომარი დაპირისპირება თავიდან ავირიდოთ. მეორე, განა ასეთი გონებაჩლუნგია, რომ არ იცის რუსეთმა რისთვის მოახდინა იმ ტერიტორიების ოკუპაცია. შეიძლება არც აქვს წაკითხული ეროვნული უსაფრთხოების კონცეფცია, რომელიც რუსეთმა გამოაქვეყნა. იქ პირდაპირ წერია, რომ რუსეთი იარაღს მოიხმარს იმისათვის, რათა გავლენა შეინარჩუნოს ენერგო რესურსების მოპოვებისა და ტრანზიტის რეგიონზე. და რომ მისი ინტერესის სრულად დაკმაყოფილება მოახდინა იმ ხელისუფლებამ, რომელშიც გიორგი ვაშაძე იყო საკმაოდ სერიოზულ პოსტზე“, – განაცხადა გიორგი ვოლსკიმ.
,,გივი თარგამაძე არის ჩვეულებრივი კრიმინალი, თუნდაც ამ განცხადებების გამო” – სუბარი
გივი თარგამაძე არის ჩვეულებრივი კრიმინალი, თუნდაც იმ განცხადებების გამო, რასაც აკეთებს. კარგად გვახსოვს მათი ხელისუფლებაში ყოფნის დროს როგორ ექცეოდნენ მოძალადეებს კი არა, ნებისმიერ მომიტინგეს, რომელიც მშვიდობიანად გამოვიდოდა რუსთაველზე და როგორ უყვიროდა ქართველ ხალხს მაშინ, სულს ამოგხდით, თქვე ნაძირალებოო. დღეს საპირისპირო, ხელისუფლების საწინააღმდეგო ძალადობის კულტურის დანერგავს ცდილობს, რაც, რა თქმა უნდა, არ გამოუვა და დაისჯება, – ამის შესახებ „ხალხის ძალის“ ლიდერმა სოზარ სუბარმა მედიასთან განაცხადა.
სუბარმა რადიკალური ოპოზიციის წარმომადგენლების განცხადებები შეაფსა, რომელიც ქვეყანაში მუდმივად არეულობას უკავშირდება.
„თუ გივი თარგამაძეს აქვს რაიმეს თავი, სხვას კი ნუ მოუწოდებს, გამოვიდეს და თვითონ დაწვას პოლიციის მანქანა. ნახავს, რაც მოუვა და როგორც აგებს პასუხს. იქ ერთი მანქანა კი არ დაიწვა, იქ სამოცამდე პოლიციელს ე.წ. მოლოტოვის კოქტეილი ესროლეს და შემთხვევით მოხდა, რომ არავინ არ მოკვდა. იქ პარლამენტზე იყო შტურმი და პარლამენტის მინებს ამსხვრევდნენ ქვებით. მართლა ვფიქრობ, რომ ამ შემთხვევაში მხოლოდ ერთ ადამიანზე რომ არის საქმე აღძრული, სწორი არ უნდა იყოს – ყველამ უნდა აგოს პასუხის, ისევე, როგორც ეს ევროპაში ხდება.
რაც შეეხება იმ მოწოდებებს, რომ რაც მარტში ვერ გააკეთეს, ახლა უნდა გააკეთონ, ამის მცდელობა სულ ექნებათ, მაგრამ ცნობილი გამოთქმაა, რომ შეიძლება მოატყუო ბევრი ადამიანი ერთხელ ორჯერ, ცოტა ადამიანი – ბევრჯერ, მაგრამ ყველას ყოველთვის ვერ მოატყუებ. ხალხი მიხვდა უკვე, რომ ასე ადვილად არ უნდა წამოეგოს ამათ ცრუ პათოსს, ამ ტყუილებს, „რუსეთი-რუსეთის“ ძახილს და შედეგიც მივიღეთ – როცა ყვარლის ამბებზე თბილისში მიტინგი გამართეს, მაქსიმუმ რამდენიმე ათეული ადამიანი იყო. ასე იქნება ყოველთვის“, – განაცხადა სუბარმა.
,,აშშ განიხილავს ცეცხლის შეწყვეტის ვარიანტს სამშვიდობო მოლაპარაკებების გარეშე” – Politico
თეთრი სახლი შეშფოთებულია, რომ უკრაინის კონტრშეტევა არ გაამართლებს მოლოდინს – და განიხილავს ცეცხლის შეწყვეტის ვარიანტს სამშვიდობო მოლაპარაკებების გარეშე, წერს Politico აშშ-ს ადმინისტრაციის წყაროებზე დაყრდნობით. „თეთრი სახლის ბოლო შეფასებით უკრაინამ შესაძლოა გარკვეული პროგრესი მიაღწიოს სამხრეთ და აღმოსავლეთში, მაგრამ ვერ შეძლებს გასული წლის წარმატების გამეორებას“, – ნათქვამია სტატიაში. აშშ-ს ოფიციალური პირები სკეპტიკურად უყურებენ, რომ უკრაინა ყირიმთან სახმელეთო დერეფანს გაწყვეტს. ამავდროულად, პენტაგონში ჯერ კიდევ არსებობს იმედი, რომ უკრაინას შეუძლია მიუახლოვდეს რუსეთის მიწოდების მარშრუტებს სამხრეთში – “მაშინაც კი, თუ სრული გამარჯვება ახლად გაძლიერებულ რუსულ ძალებზე ძალიან რთული აღმოჩნდება”. მაგრამ ზოგადად, აშშ-ს დაზვერვა მიუთითებს, რომ უკრაინას უბრალოდ „არ აქვს უნარი, გაიყვანოს სრულად გაწმინდოს ტერიტორია რუსული ჯარებისგან “. ასე რომ, ბაიდენის ადმინისტრაცია ემზადება კრიტიკის ტალღებისთვის თეთრ სახლში და საზღვარგარეთ მოკავშირეებისგან, რომ ამერიკამ ვერ გაამართლა მოლოდინი.
,,ქორები” იტყვიან, რომ უკრაინა წარმატებული იქნებოდა, თუ ბაიდენის ადმინისტრაცია კიევს მისცემდა ყველაფერს, – უფრო გრძელი რადიუსის რაკეტებს, მოიერიშე თვითმფრინავებს და საჰაერო თავდაცვას. თეთრ სახლში საუბრობენ იმაზეც რომ უკრაინის ბოლო კონტრშეტევიდან გამომდინარე ნათელი გახდა უკრაინული არმია ვერ შეძლებს რუსეთის სრულად განდევნას ტერიტორიიდან. ეს არც კი ითვალისწინებს ამერიკის მოკავშირეების რეაქციას, ძირითადად ევროპაში, რომლებმაც შესაძლოა უკრაინასა და რუსეთს შორის სამშვიდობო მოლაპარაკებები უფრო მიმზიდველ ვარიანტად მიიჩნიონ. გამოცემა წერს, რომ კიევი, რიგი შეფასებების მიხედვით, მზადაა განიხილოს მიზნების კორექტირება, „და უფრო მოკრძალებული მიზანი შეიძლება უფრო ადვილი იყოს გამარჯვებად წარმოაჩინოს“. შეერთებულ შტატებში მიმდინარეობს დისკუსია უკრაინელებისთვის ცეცხლის შეწყვეტის შეთავაზებაზე, მაგრამ რუსეთთან სამშვიდობო მოლაპარაკებების გარეშე – ეს “უტოვებს შესაძლებლობას უკრაინას მომავალში დაუბრუნოს თავისი ტერიტორიის დიდი ნაწილი”. ამ ვარიანტზე დათანხმებისთვის, „კიევს უნდა მიეცეს სტიმული: შესაძლოა უსაფრთხოების გარანტიები, როგორიცაა ნატო, ეკონომიკური დახმარება ევროკავშირისგან, დამატებითი სამხედრო დახმარება უკრაინული ძალების შესავსებად და გასაძლიერებლად და ა.შ. თეთრმა სახლში იმედოვნებენ, ჩინეთი შეეცდება დაითანხმოს პუტინი და დაიწყოს მოლაპარაკებები ცეცხლის შეწყვეტის შესახებ
“უკრაინის ჩრდილოატლანტიკურ ალიანსში გაწევრიანება ომის დროს დღის წესრიგში არაა” – იენს სტოლტენბერგი
ნატო-ს გენერალური მდივნის, იენს სტოლტენბერგის განცხადებით, უკრაინის ჩრდილოატლანტიკურ ალიანსში გაწევრიანება ომის დროს დღის წესრიგში არაა.
სტოლტენბერგმა აღნიშნული განცხადება ბრიუსელში გამართულ ღონისძიებაზე გააკეთა, რომლის ორგანიზატორიც აშშ-ის გერმანიის მარშალის ფონდია.
როგორც მედია წერს, მოსალოდნელია, რომ ივლისში, უკრაინის პრეზიდენტი ვოლოდიმირ ზელენსკი პირადად დაესწრება ნატოს ვილნიუსის სამიტს.
მანამდე, ამერიკული გამოცემა Washington Post-ი წერდა, რომ ალიანსში გაწევრიანების შესახებ ოფიციალურ მიწვევას უკრაინა, 11-12 ივლისის ვილნიუსის სამიტზე, არ მიიღებს.
“აშშ-ის მხრიდან ქართული კომპანიების წინააღმდეგ სანქციებით მუქარა ორი სახელმწიფოს ურთიერთობაში ჩარევა და ზეწოლაა”
აშშ-ის მხრიდან ქართული კომპანიების წინააღმდეგ სანქციებით მუქარა ორი სუვერენული სახელმწიფოს ურთიერთობაში ჩარევა და დაუფარავი ზეწოლაა, – ამის შესახებ რუსეთის საგარეო საქმეთა სამინისტროს სპიკერმა მარია ზახაროვამ განაცხადა.
მისი თქმით, ორი სუვერენული სახელმწიფოს ურთიერთობაში ჩარევა და დაუფარავი ზეწოლაა აშშ-ის სახელმწიფო დეპარტამენტის განცხადებები, რომ საქართველოსა და რუსეთს შორის პირდაპირი ავიამიმოსვლის აღდგენის გამო საქართველოს აეროპორტებში მოქმედი კომპანიები შესაძლოა დასანქცირდეს.
„სხვა არანაირი კვალიფიცირება არ შეიძლება იყოს. ვაშინგტონის ასეთი მენტორული გაცხადებები სუვერენული სახელმწიფოების შიდა საქმეებში და მესამე ქვეყნებთან მათ ურთიერთობებში ჩარევად და დაუფარავ ზეწოლად მიგვაჩნია”, – განაცხადა ზახაროვამ.
მისი თქმით, აშშ-ის კომენტარებისთვის „საღი ახსნა” არ შეიძლება არსებობდეს.
„აშშ ყველგან საკუთარი პოლიტიკის ქვაკუთხედად თუ ადამიანის უფლებებს აყენებს, მაშინ, ალბათ, ამ კონკრეტულ ჰუმანიტარულ ვითარებაში ადამიანის უფლებებით უნდა ხელმძღვანელობდნენ. არ არის რამე უფრო რთული, ვიდრე დიდი ხნის განმავლობაში პირდაპირი ავიამიმოსვლის გარეშე ორი ქვეყნის საზღვარი გადაკვეთო, რომლებთანაც ახლო კავშირები გქონდა, მათ შორის ნათესავური, ჰუმანიტარული”, – განაცხადა ზახაროვამ.
“ძალიან მნიშვნელოვანია ინვესტიციების კუთხით საუდის არაბეთთან თანამშრომლობა” -ლევან დავითაშვილი
თანამშრომლობის ძალიან კომპლექსური დღის წესრიგი დგება საუდის არაბეთთან. საუდის არაბეთი სპარსეთის ყურეში წამყვანი ეკონომიკაა, ეს ყველაზე დიდი ქვეყანაა 40 მილიოლევან დავითაშვილი – ძალიან მნიშვნელოვანია ინვესტიციების კუთხით საუდის არაბეთთან თანამშრომლობანიანი მოსახლეობით, შესაბამისად, ჩვენთვის სავაჭრო ურთიერთობების განვითარება ძალიან მნიშვნელოვანია, – ამის შესახებ ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა განაცხადა.
მისივე თქმით, ძალიან მნიშვნელოვანია საუდის არაბეთთან თანამშრომლობა ინვესტიციების კუთხით, ვინაიდან ეს არის ერთ-ერთი ყველაზე მდიდარი ეკონომიკის ქვეყანა, რომელსაც აქვს საკმაოდ დიდი ინტერესი საქართველოს მიმართ.
„საუდის არაბეთი ცალკე, დამოუკიდებლად სავაჭრო ურთიერთობებს, სავაჭრო შეთანხმებას არ განიხილავს, მაგრამ განხილული იქნება ეს აუცილებლად სპარსეთის ყურის სხვა ქვეყნებთან ერთად თავისუფალი ვაჭრობის გაფორმების კუთხით და ამაზე საუბარი საუდის არაბეთის ეკონომიკის სამინისტროსთან უკვე დავიწყეთ. ასევე ძალიან მნიშვნელოვანია ინვესტიციების კუთხით საუდის არაბეთთან თანამშრომლობა, ეს არის ერთ-ერთი ყველაზე მდიდარი ეკონომიკა, რომელსაც აქვს საკმაოდ დიდი ინტერესი საქართველოს მიმართ, განსაკუთრებით საქართველოს ბოლო დღეების და ბოლოდროინდელი პროგრესი არის შთამბეჭდავი, საუდის არაბეთის მთავრობისთვის და შესაბამისად ჩვენ სხვადასხვა დარგობრივი კუთხით თანამშრომლობის მიმართულებებზე ვიმსჯელეთ. დაიგეგმა, შეიქმნას ერთობლივი სამუშაო ჯგუფები და კომისიები, რომლებიც იდენტიფიცირებას მოახდენენ საინვესტიციო პროექტების, ეს იქნება როგორც ენერგეტიკის მიმართულებით, ისე ეს იქნება უძრავი ქონებისა და ინფრასტრუქტურული განვითარების კუთხით. აქ ჩვენ გვექნება მჭიდრო თანამშრომლობა საუდის არაბეთის სხვადასხვა სამინისტროსთან, ეს იქნება ეკონომიკის დაგეგმარების სამინისტრო, ინვესტიციების სამინისტრო, ტურიზმის სამინისტრო, თუ ტრანსპორტის სამინისტრო და ამ მიმართულებებით ჩვენ ნამდვილად ველოდებით ძალიან დიდ პროგრესს საუდის არაბეთთან თანამშრომლობის კუთხით,”- აღნიშნა ვიცე-პრემიერმა.
უკრაინის მართლმადიდებელი ეკლესიის გადაწყვეტილებით, ამიერიდან ქვეყანაში შობას 25 დეკემბერს აღნიშნავენ
უკრაინის მართლმადიდებელმა ეკლესიამ ახალ კალენდარზე გადასვლის გადაწყვეტილება მიიღო, რის შედეგადაც მორწმუნეები შობას 25 დეკემბერს აღნიშნავენ.
როგორც მედია წერს, იცვლება ზოგიერთი სხვა დღესასწაულის თარიღებიც, მაგალითად, წმ. ნიკოლოზის ხსენების დღეს 19 დეკემბრის ნაცვლად, 6 დეკემბერს იზეიმებენ.
გადაწყვეტილება ეპისკოპოსთა საბჭომ მიიღო, რომელსაც კიევისა და სრულიად უკრაინის მიტროპოლიტი ეპიფანე თავმჯდომარეობდა.
მედიის ცნობით, ახალი იულიუსის კალენდარზე უკრაინის მართლმადიდებელი ეკლესია ამა წლის 1 სექტემბრიდან გადავა, როდესაც ახალი საეკლესიო წელი იწყება. ამასთან, ეკლესია უფლებას მისცემს სამრევლოებსა და მონასტრებს, სურვილის შემთხვევაში, ძველი კალენდარი გამოიყენონ.
გლდანში მე-9 სართულიდან ლიფტი მოწყდა, რომელშიც სამი ადამიანი იმყოფებოდა
გლდანში, მესამე მიკრორაიონის მე-11 კორპუსის სადარბაზოში მე-9 სართულიდან ლიფტი მოწყდა.
შემთხვევის დროს ლიფტში ახალგაზრდა ქალი ქმარ-შვილთან ერთად იმყოფებოდა.
„დღეს სიკვდილს ჩავხედე თვალებში ჩემი ერთი წლის შვილთან და მეუღლესთან ერთად, მესამე მიკროს 11 კორპუსის მე-4 სადარბაზოში მეცხრე სართულიდან ლიფტი მოწყდა და შახტში ჩავარდა, გული თუ არ გაგვისკდებოდა არ მეგონა. ჩემი წივილი ყველას ესმოდა, არ ვიცი ლიფტში კიდევ როდის შევალ და ამ შიშს როდის გადავლახავ. სანამ ვინმეს იმსხვერპლებს, იქნებ მოგვიგვაროთ ეს პრობლემა. არ ვიცი კომენტარს რამდენად მიაქცევენ ყურადღებას და აქაც დავდე“, – წერს მოქალაქე გლდანის ფეისბუკ ჯგუფში.
საქართველოს კონსტიტუციის წინააღმდეგ როდესაც მიდის ხელისუფლება, ხალხი ბრაზდება – ხატია დეკანოიძე
ნებისმიერი აქცია, მანიფესტაცია, ადამიანების უფლებების დაცვის კონტექსტში პოლიციის მხრიდან არაძალადობრივი უნდა იყოს. აქვე უნდა გვახსოვდეს, რომ საქართველოს კონსტიტუციის წინააღმდეგ როდესაც მიდის ხელისუფლება, ხალხი ბრაზდება. ეს არის რეალური მოცემულობა, განსაკუთრებით მაშინ, როცა ეს ყველაფერი ეხება ევროატლანტიკურ მომავალს, – ამის შესახებ ოპოზიციონერმა დეპუტატმა, ხატია დეკანოიძემ განაცხადა.
ხატია დეკანოიძეს ჟურნალისტებმა ჰკითხეს, როგორ შეაფასებდა გივი თარგამაძის იმ განცხადებას, სადაც თარგამაძე აცხადებს: „მარტის პროტესტის დროს ამბობდნენ, პოლიციის მანქანა როგორ დაწვესო, იმ დღეებში ნახევარი პარიზი გადაწვეს პენსიების გამო, ამაში არაფერია საშინელი, მატრაკვეცული მიტინგები შედეგს არ მოიტანს“.
დეკანოიძის თქმით, მრავლად იყო არაძალადობრივი აქციები, როდესაც ადამიანები მშვიდობიანად იდგნენ და პოლიცია მაინც იყენებდა ძალას.
„ძალალდობრივი ცალკეული, ლოკალური შემთხვევა როცა არის, მე, როგორც პროფესიონალს, შემიძლია გიპასუხოთ, ამ ლოკალური შემთხვევის ლოკალიზება შეუძლია პოლიციას და არა – განზოგადება, რაც ძალიან მნიშვნელოვანია“, – აღნიშნა ხატია დეკანოიძემ.
ხატია დკანოიძე ამბობს, რომ „ყველაზე რადიკალური ახლა არის „ოცნება“, რომელიც ასე დაჟინებით მიათრევს ქვეყანას რუსეთისკენ“.
„რადიკალიზმი, რომელიც რეალურად არის საქართველოს მოქალაქეებისგან რადიკალურად დაპირისპირებული პოზიცია“, – განაცხადა ხატია დეკანოიძემ.