ვიღაცას მაინც თვალები აეხილება, რა ხდება. მით უმეტეს, რომ სამნიძე წარმოადგენს ოპოზიციის გააფთრებული გუნდის ნაწილს, – ასე შეაფასა გიორგი ვოლსკიმ გადაცემაში „იმედი LIVE“ ხათუნა სამნიძეს განცხადება იმის შესახებ, რომ ოპოზიციაში არიან პოლიტიკოსები, რომლებიც ხელს უშლიან კანდიდატის სტატუსის მიღების პროცესს. პარლამენტის თავმჯდომარის მოადგილის აზრით, რესპუბლიკური პარტიის ლიდერის განცხადება რადიკალური ოპოზიციის გეგმებს არ შეცვლის.

„ვერანაირად დაიჯერებს საზოგადოება, რომ შეიცვლება ის მთავარი სტრატეგიული ამოცანა, რასაც ჰქვია დესტაბილიზაცია. თვითონ კანდიდატის სტატუსის არმიცემისთვის ომიც ხომ ძირითადად იმიტომ არის, რომ ეს არის საჭირო რესურსი რევოლუციური სცენარის განვითარებისთვის. არჩევნები არსებობს და არჩევნებით უნდა დაძლიო მტერი, მოწინააღმდეგე. მაგრამ სწორედ მტრობაა ის, რასაც დღეს ვხედავთ ჩვენი ე.წ. ოპონენტების გეგმაში“, – განაცხადა ვოლსკიმ.

როდესაც უკანონო პატიმრობაში მყოფი პირის პატიმრობიდან გათავისუფლების ინსტრუმენტად ცალკეული პირების, ჯგუფების მიერ წარმოდგება ხოლმე იდეა იმის შესახებ, რომ სწორია საპროტესტო აქციების გამართვა, სახელმწიფო ვალდებულია ოჯახსაც და საზოგადოებასაც გააცნოს, რომ ეს პროცესი საპროტესტო აქციებით და სხვა ტიპის ხმამაღალი რიტორიკით არ გვარდება,”- ამის შესახებ სახელმწიფო უსაფრთხოების სამსახურის საინფორმაციო ანალიტიკური დეპარტამენტის დირექტორმა, გიორგი საბედაშვილმა “ღამის კურიერის” ეთერში განაცხადა.

როგორც საბედაშვილმა აღნიშნა, უკანონო პატიმრობაში მყოფი ირაკლი ბებუას გათავისუფლების პროცესი მიმდინარეობს წლების განმავლობაში აპრობირებული მეთოდებით, რომელიც ითვალისწინებს საერთაშორისო ორგანიზაციების ჩართულობას.

“ბოლო დღეების განმავლობაში, უკანონო პატიმრობაში მყოფი ირაკლი ბებუას შესახებ უამრავი რამ ითქვა, გავრცელდა უამრავი მოსაზრება და რა თქმა უნდა, ოჯახის ლეგიტიმური წუხილი მისი ჯანმრთელობის მდგომარეობის შესახებ. პირველ რიგში, რაც უნდა ითქვას არის ის, რომ უკანონო პატიმრობაში მყოფი ირაკლი ბებუას ჯანმრთელობის მდგომარეობის შესახებ მუდმივ რეჟიმში მოქმედებს ევროკავშირის სადამკვირვებლო რეჟიმის ფარგლებში მოქმედი ცხელი ხაზი და ჩვენ ამ ცხელი ხაზის დახმარებით, კვირაში რამდენჯერმე ვიღებთ ინფორმაციას მისი ჯანმრთელობის მდგომარეობის შესახებ. პროცესში ჩართულია წითელი ჯვარი და მათ ოჯახთან აქვთ კომუნიკაცია. ასევე, ჩვენს ხელთ არსებული სხვა შესაძლებლობების გამოყენებით ხდება ინფორმაციის მიღება მისი ჯანმრთელობის მდგომარეობის შესახებ ოკუპირებული ტერიტორიიდან, ასე ვთქვათ, პირველწყაროებიდან, რაც არის საკმაოდ კარგი შესაძლებლობა იმისთვის, რომ ვიცოდეთ რა მდგომარეობაშია ირაკლი ბებუა. იმიტომ, რომ არ დავაზიანო უკანონო პატიმრობაში მყოფ ირაკლი ბებუას გათავისუფლების პროცესი ძალიან დიდი ხანია მიმდინარეობს სახელმწიფოს მხრიდან, მათ შორის, პირველ რიგში, სახელმწიფო უსაფრთხოების სამსახურის მხრიდან, რომელსაც არ დაუკლია მცდელობა და ეს პროცესი კვლავაც გრძელდება. იმისათვის, რომ ეს არ დავაზიანო, მე დეტალებში არ შევალ, თუმცა შემიძლია გითხრათ, რომ ოჯახს აქვს ინფორმაცია, მათ შორის, ოკუპირებული ტერიტორიიდან, პირველწყაროდან. ოჯახს ასევე აქვს საშუალება, თავად უპასუხოს ცალკეულ კითხვებს.

მე, რა თქმა უნდა, დამატებით იმას აღვნიშნავდი, რომ ეს პროცესი არ არის მარტივი. უკანონო პატიმრობაში მყოფი პირის ოჯახის წუხილი აბსოლუტურად ლეგიტიმური და გასაგებია. აქ არის საუბარი იმაზე, რომ როდესაც უკანონო პატიმრობაში მყოფი პირის პატიმრობიდან გათავისუფლების ინსტრუმენტად ცალკეული პირების, ჯგუფების მიერ წარმოდგება ხოლმე იდეა იმის შესახებ, რომ სწორია საპროტესტო აქციების გამართვა, სახელმწიფო ვალდებულია ოჯახსაც და საზოგადოებასაც გააცნოს, რომ ეს პროცესი საპროტესტო აქციებით და სხვა ტიპის ხმამაღალი რიტორიკით არ გვარდება.

ხანდახან გასაოცარია ცალკეული პირების, სამოქალაქო თუ პოლიტიკური ჯგუფების მიერ როდესაც ხდება ისეთი განცხადებების გაკეთება უკანონო პატიმრობაში მყოფი პირების გათავისუფლების შესახებ, ისეთი რჩევების მიცემა საზოგადოებისთვის, რომელიც აბსოლუტურად კონტრპროდუქტიულია, მათ შორის, ტყვეთა გაცვლის შესახებ იყო საუბარი. ჯერ დავიწყოთ იქიდან, რომ საერთაშორისო მექანიზმების გააქტიურება და საერთაშორისო ორგანიზაციებთან საუბარი არის ის, რასაც ვაკეთებთ ყოველდღიურად დაწყებული ევროკავშირის სადამკვირვებლო მისიით, გაგრძელებული სამხრეთ კავკასიაში ევროკავშირის სპეციალური წარმომადგენლით კონფლიქტების საკითხებში: ეუთო, გაერო, ყველა მათგანთან, ჟენევის დისკუსიების თანათავმჯდომარეებთან, ყოველკვირეული კომუნიკაცია გვაქვს.

ბოლო პერიოდის განმავლობაში, საოცარი განცხადებები გაკეთდა, მათ შორის ითქვა, რომ აუცილებელია ვიღაცების დაკავება ჩვენი მხრიდან, შემდეგ ამ ხალხის გაცვლა. აქ საუბარი ეხება უსაფრთხოების გარემოს რეგიონში და პირველ რიგში, ჩვენი მოქალაქეების უსაფრთხოებას ოკუპირებულ ტერიტორიებზე. ჩვენ, როდესაც ამ პროცესში შევდივართ, ყველას ძალიან კარგად უნდა ესმოდეს, რომ ეს პროცესი მოიტანს თავის შედეგებს. სახელმწიფო უსაფრთხოების სამსახური სხვა შესაბამის უწყებებთან ერთად, მთელი წლების განმავლობაში იმიტომ ირჩევს ამ მშვიდობიან მოლაპარაკებების პროცესს, რომ პირველ რიგში, ზრუნავს საკუთარ მოქალაქეებზე ოკუპირებულ ტერიტორიებზე.

როდესაც საუბრობენ უკანონო პატიმრობისგან გათავისუფლების ამ აპრობირებული, წლების განმავლობაში დანერგილი პრაქტიკის მიღმა ახალ გამოგონებებზე და ახალ მიდგომებზე, უბრალოდ მაინტერესებს, 2011 წელს უკანონო პატიმრობის ყველაზე მაღალი მაჩვენებელი იყო, 140 ადამიანი დააკავეს უკანონოდ. 2022 წელს 44 ადამიანი დააკავეს უკანონოდ. 2011 წელს 140 უკანონო პატიმარი რა გზებით გათავისუფლდა? რაიმე სხვა ფორმა იქნა გამოყენებული? 2008 წლიდან უკანონო პატიმრობის ყველა შემთხვევა დასრულებული იყო მოლაპარაკებებით და სწორედ ამ ცხელი ხაზით, ჟენევის საერთაშორისო დისკუსიებით, ეუთოს, გაეროს და სხვა საერთაშორისო ორგანიზაციების მონაწილეობით. წლების განმავლობაში რა პრაქტიკაც არსებობდა, იმ პრაქტიკას მივყვებით. ოკუპაციაზე როცა ვსაუბრობთ, აქ სიახლეების შემოთავაზება რა თქმა უნდა მარტივია ტელევიზიით ან ინტერვიუში, მაგრამ საქმე საქმეზე რომ მიდგება, ამან წლების განმავლობაში აშენებული და შენარჩუნებული მშვიდობიანი პოლიტიკა ისე შეიძლება დააზიანოს, რომ უკან მოსახედი გზაც აღარ ჩანდეს,”- აცხადებს გიორგი საბედაშვილი.

თბილისი სტუმრების დასახვედრად ბოლო შტრიხებზე მუშაობს. მსოფლიოს 60 ქვეყნიდან ჩამოსულმა 2000-მა სტუმარმა თავი ერთის მხრივ, სახლში უნდა იგრძნოს, მეორეს მხრივ კი აქ ინვესტიციების ჩადება მოუნდეს. “თბილისის აბრეშუმის გზის” რიგით IV ფორუმი, პანდემიის შემდეგ პირველად ბრუნდება.
აბრეშუმის ფორუმს “გლობალური კარიბჭის ფორუმიდან” პრემიერი გამოეხმაურა. ირაკლი ღარიბაშვილი ამბობს, რომ ეს იქნება კარგი შესაძლებლობა, საქართველომ საკუთარი პოტენციალი მსოფლიოს აჩვენოს.

ბოლო სამზადისი უკვე დაათვალიერა ვიცე-პრემიერმა. ლევან დავითაშვილი ფორუმის მიმართ გამორჩეულ ინტერესს ნაწილობრივ ახალ გეოპოლიტიკურ მოცემულობებს უკავშირებს, რის ფონზეც ევროპისა და აზიის ისტორიულ დამაკავშირებელ საქართველოს მსოფლიომ კიდევ უფრო სანდო თვალით შეხედა. ის ფაქტი, რომ სპეციალურად ამ დღისთვის თბილისს აზერბაიჯანისა და სომხეთის პრემიერ მინისტრები ესტუმრებიან, მისთვის ქვეყნის ნეიტრალურ ნიშას უსვამს ხაზს.

უკვე თბილისშია მონტენეგროს პრემიერიც, რომელსაც ევროკავშირთან დაახლოების საკითხში თბილისისთვის ბევრი აქვს გასაზიარებელი. მითუმეტეს ახლა, როდესაც ქვეყანა კანდიდატის სტატუსს ელის. დრიტან აბაზოვიჩი საქართველოს, აზერბაიჯანისა და სომხეთის პრემიერებთან ერთად, პირველივე პანელს დაესწრება. მათ მოდერატორობას ღიდა ფაქრი გაუწევს. საერთაშორისო ჟურნალისტი ერთ-ერთია, ვინც თბილისმა ამ საქმისთვის BBC-ის, DW-სა თუ BLOOMBERG-ის ჟურნალისტებთან ერთად მოდერატორად მოიწვია.

“აბრეშუმის გზის ფორუმი” პირველად ტარდება მას შემდეგ, რაც საქართველომ აზერბაიჯანთან, რუმინეთთან და უნგრეთთან ერთად შავი ზღვის ელექტროგადამცემი კაბელის პროექტზე მუშაობა დაიწყო, რითაც ევროპა ელექტროენერგიას მიიღებს. ევროპაც პირველადაა ასე მონდომებული ახალი ენერგეტიკული წყაროების პოვნით. ამიტომ, ექსპერტები ამბობენ, რომ ეს საუკეთესო მომენტია ქვეყნისთვის საკუთარი პოტენციალი ბოლომდე წარმოაჩინოს.

ფოკუსში იქნება ტურიზმის სფეროც. კერძოდ ის, თუ როგორ უნდა მოახერხოს ამ სექტორმა ახალი გამოწვევების ფონზე ნავიგაცია. საქართველოსთვის ახლა ერთ-ერთი პირველი ამოცანა მაღალი მხარჯველობის ტურისტების მოზიდვაა

“თბილისის აბრეშუმის გზის ფორუმი” ორი დღის განმავლობაში გაგრძელდება. მასში სპარსეთის ყურის, თურქეთის, სერბეთის, იაპონიის, უნგრეთის, რუმინეთის, სომხეთისა თუ აზერბაიჯანის მინისტრთა კაბინეტის წევრებიც იღებენ მონაწილეობას. იგეგმება მთავრობათაშორისი მემორანდუმების დადებაც.

სტატუსს როცა მიიღებს ქვეყანა, რა თქმა უნდა, ეს იქნება ჩვენი ხელისუფლების დამსახურება ქართველ ხალხთან ერთად, ვინაიდან ჩვენ ვმოქმედებთ ქართველი ხალხის სახელით და ქართველი ხალხისთვის. ეს მინდა მკაფიოდ ვთქვა, – ამის შესახებ საქართველოს პრემიერ-მინისტრმა ირაკლი ღარიბაშვილმა ბრიუსელში ჟურნალისტებს განუცხადა.

მისი თქმით, როგორც ჩანს, ოპოზიციის წარმომადგენლებმა იციან, რომ სტატუსის მინიჭებასთან დაკავშირებით მართლაც პოზიტიური დინამიკაა.

„საერთოდ ძალიან უსუსურად გამოიყურება მთელი ეს ოპოზიცია. ისინი ამბობენ, თუ მიიღებს სტატუსს ქვეყანა, როგორც ჩანს, მათ იციან, რომ მართლაც რაღაც პოზიტიური დინამიკაა და რაღაც ხდება, პოზიტიური მოლოდინი არსებობს, თუმცა მე არ მინდა, კიდევ უფრო მეტი ვთქვა. წინასწარ თავს იზღვევენ და ასეთი უსუსური გამართლება აქვთ, რომ ხალხმა უნდა მიიღოს. უკაცრავად და, ხალხის არჩეული მთავრობა ვართ ჩვენ, ხალხის დაკვეთას ვასრულებთ ჩვენ, მთავრობა. ხალხის დაკვეთა იყო, როცა ჩვენ და მე პირადად, მქონდა ის ბედნიერება, რომ ხელი მოვაწერე ასოცირების შეთანხმებას, მივიღეთ უვიზო რეჟიმი, მოვაწერეთ ხელი თავისუფალ ვაჭრობას და ევროპული პერსპექტივა მივიღეთ, რომელზეც ვერ იოცნებებდა ვერც სალომე ზურაბიშვილი, ვერც ოპოზიცია და ვერც ვერავინ ქვეყანაში. ეს ყველაფერი გააკეთა „ქართულმა ოცნებამ“ და ჩვენმა ხელისუფლებამ. სტატუსს როცა მიიღებს ქვეყანა, რა თქმა უნდა, ეს იქნება ჩვენი ხელისუფლების დამსახურება ქართველ ხალხთან ერთად, ვინაიდან ჩვენ ვმოქმედებთ ქართველი ხალხის სახელით და ქართველი ხალხისთვის. ეს მინდა მკაფიოდ ვთქვა”, – განაცხადა ირაკლი ღარიბაშვილმა.