ისრაელი სახმელეთო შეტევის გადადებას დათანხმდა – The Wall Street Journal

100
spot_img

ისრაელი დათანხმდა აშშ-ს თხოვნას დროებით გადადოს ღაზაში დაგეგმილი სახმელეთო შეჭრა, რათა ვაშინგტონს მეტი დრო მისცეს რეგიონში თავისი ჯგუფების დასაცავად დამატებითი საჰაერო თავდაცვის სისტემების განსათავსებლად, იუწყება The Wall Street Journal, აშშ-ისა და ისრაელის ოფიციალურ პირებზე დაყრდნობით.

ოფიციალური პირების თქმით, აშშ ჩქარობს განათავსოს დაახლოებით ათეული საჰაერო თავდაცვის სისტემა, რათა დაიცვას ჯარები ერაყში, სირიაში, ქუვეითში, იორდანიაში, საუდის არაბეთსა და არაბთა გაერთიანებულ საამიროებში. ასევე ამბობენ, რომ ირანის მიერ მხარდაჭერილმა „მარიონეტებმა“ განახორციელეს მინიმუმ 13 თავდასხმა ღაზაში ომის დაწყების შემდეგ, რის შედეგადაც ერთ თავდასხმაში სულ მცირე 20 ჯარისკაცი დაშავდა სირიაში და 10 ამერიკელი ჯარისკაცი ერაყში. აშშ-ის ოფიციალური პირების თქმით, ყველა მსუბუქად დაშავდა.

„შეერთებულმა შტატებმა მოახერხა და დაარწმუნა ისრაელი, შეაჩეროს ღაზაში შეჭრა ამ სისტემების ამოქმედებამდე, რაც შეიძლება ამ კვირის ბოლოს მოხდეს“, – იუწყება WSJ.