26 ოქტომბრის ასტროლოგიური პროგნოზი

158
spot_img

ვერძი

ინფორმაციის ნაკადში რომ არ დაიბნეთ, მხოლოდ იმას უნდა უსმინოთ, რაც თქვენს საქმიანობას ან ინტერესის სფეროს ეხება. ვარსკვლავების აზრით, ამ დღეს მნიშვნელოვანი სიახლეები მოსალოდნელი არ არის, ამიტომ შეგიძლიათ მოდუნდეთ და დაისვენოთ. საღამოს უწყინარ ხუმრობას შეიძლება ახლობელთან კონფლიქტი მოჰყვეს, ამიტომ ყურადღებით იყავით.

კურო

გირჩევთ, დღის პირველი ნახევარი დაგროვილი საქმეების დასრულებას დაუთმოთ, რადგან სადილის შემდეგ ემოციური ფონი გაიზრდება, რაც კოლეგებთან ურთიერთობაზე აისახება. მოლაპარაკებები და დისკუსიები, თუ შესაძლებელია, რამდენიმე დღით გადადეთ, რადგან შეთანხმების მიღწევა გაგიჭირდებათ. ფრთხილად იყავით მანქანის მართვის დროს.

ტყუპები

დღის პირველი ნახევარი დაძაბული იქნება. ეცადეთ, ემოციები აკონტროლოთ, რადგან დაუფიქრებლად ნათქვამმა ნებისმიერმა სიტყვამ შეიძლება ვითარება დაძაბოს. ამ დღეს წამოჭრილი პრობლემები რამდენიმე კვირის განმავლობაში გაგრძელდება.

კირჩხიბი

დღის მერე ნახევარში ფრთხილად უნდა იყოთ – მოსალოდნელია კონფლიქტი როგორც კოლეგებთან, ასევე საყვარელ ადამიანებთან. სავარაუდოდ, დაგეგმილი შეხვედრები თქვენგან დამოუკიდებელი მიზეზის გამო გაუქმდება. ამ დღეს ეცადეთ, მეტი თავშეკავება გამოიჩინოთ, რათა სიტუაციის ესკალაცია არ მოხდეს.

ლომი

დღის პირველი ნახევარი კომუნიკაციის სიმარტივით და კარგი განწყობით გაგახარებთ. ეცადეთ, ვარსკვლავების კეთილგანწყობით ისარგებლოთ და ყველა მნიშვნელოვანი დავალება სადილამდე დაასრულოთ. საღამოს სიტუაცია შეიცვლება – შესაძლოა, ახლობელთან ურთიერთობის გარკვევა ან მოულოდნელად მივლინებაში წასვლა მოგიწიოთ.

ქალწული

არ დაგეზაროთ და ყველა საინტერესო იდეა და აზრი, რომელიც ამ დღეს თავში მოგივათ, უბის წიგნაკში ჩაიწერეთ. მნიშვნელოვანი და რთული საქმეები უმჯობესია დღის პირველი ნახევრისთვის დაგეგმოთ. საღამოსთვის თქვენი ოპტიმისტური განწყობა შემცირდება. არ არის გამორიცხული სტრესული სიტუაცია, საიდანაც თავის დაღწევა მოგიწევთ.

სასწორი

ამ დღეს მნიშვნელოვანი და საპასუხისმგებლო სამუშაოები დილისთვის უნდა დაგეგმოთ. საღამოს მოსალოდნელია ტექნიკური პრობლემები ან რთული საუბარი, რაც განწყობას გაგიფუჭებთ. შეეცადეთ, სიმშვიდე შეინარჩუნოთ და ხვალ მდგომარეობა გაუმჯობესდება. ეცადეთ, საყვარელი ადამიანების მიმართ მეტი ყურადღება გამოიჩინოთ – დღეს მათ თქვენი ზრუნვა და მხარდაჭერა სჭირდებათ.

მორიელი

ამ დღეს მაღალი ემოციური ფონია. სავარაუდოდ, დილიდან უამრავი პრობლემის გადაჭრა და ცხარე დებატებში მონაწილეობა მოგიწევთ. ამ დღეს სხვების დახმარების იმედი ნუ გექნებათ – ყველა პრობლემას დამოუკიდებლად უნდა გაუმკლავდეთ. არახელსაყრელი დღეა მოგზაურობისთვის.

მშვილდოსანი

თუ უცნობ ადამიანებთან ურთიერთობას გეგმავთ, ეცადეთ ეს საკითხი დღის პირველ ნახევარში მოაგვაროთ. სადილის შემდეგ გარშემო მყოფებთან საერთო ენის პოვნა და შეთახმების მიღწევა გაგიჭირდებათ. იგივე ეხება პირად ურთიერთობებს. ეცადეთ, საყვარელ ადამიანებთან კამათში ძველი პრობლემები არ გაიხსენოთ

თხის რქა

ვარსკვლავები გირჩევენ, რომ ეს დღე აქტიურად გაატაროთ, საჭირო და საინტერესო ადამიანებს შეხვდეთ და ინიციატივა გამოიჩინოთ. ეს კარიერულ წინსვლასა და საქმიან პარტნიორებთან კავშირების გაძლიერებაში დაგეხმარებათ. საღამოს მოულოდნელ სიახლეს შეიტყობთ, მაგრამ დასკვნების გამოტანამდე ინფორმაცია უნდა გადაამოწმოთ. ეცადეთ, მეტი დიპლომატია გამოიჩინოთ და ემოციებს თქვენი ქმედებების გაკონტროლების უფლება არ მისცეთ.

მერწყული

ამ დღეს სასარგებლო იქნება ინტელექტუალური საქმიანობა, რომელიც დადებით ემოციებს მოგანიჭებთ. დილა ხელსაყრელია ბავშვებთან და საყვარელ ადამიანებთან ურთიერთობისთვის. საღამოს რთული ან უსიამოვნო საკითხების მოგვარება მოგიწევთ, თუმცა შედეგი თქვენთვის ხელსაყრელი იქნება.

თევზები

უსმინეთ თქვენს შინაგან ხმას და აკეთეთ ის, რასაც ის გიკარნახებთ. შესაძლოა, ამ დღეს იპოვოთ პასუხი კითხვებზე, რომლებიც დიდი ხანია გაწუხებთ. ამ დღეს მიღებული გამოცდილება მომავალში ბევრჯერ გამოგადგებათ. მთავარია, არ გაჯიუტდეთ და ახლობელი ადამიანების რჩევებს დაუჯეროთ.