იმედგამაცრუებელია ზოგიერთი განცხადება, როგორც საქართველოში მყოფი საელჩოების, ისე ზოგიერთი უცხოელი აქტორის მხრიდან. ეს გარკვეულწილად ქმნის აღქმას, რომ ხდება ყალბი ნარატივის დამკვიდრება, თითქოს იყო მშვიდობიანი დემონსტრაცია და მისი ძალადობრივი გზით შეწყვეტა მოხდა, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

როგორც მან აღნიშნა, იმ ყველაფრის ფონზე, რომელიც საზოგადოებამ იხილა, თქმა იმის, რომ თითქოს იყო მშვიდობიანი დემონსტრაცია და მისი ძალადობრივად შეწყვეტა მოხდა, გაუგებარია და ყალბი ნარატივის დამკვიდრებას ემსახურება.

„ყველამ ნახა, სინამდვილეში რა ხდებოდა და, მათ შორის, ნახა პარლამენტის შენობაზე თავდასხმის შედეგები, რომელსაც გუშინწინ, ღამის განმავლობაში ვაკვირდებოდით. ამის ფონზე, თქმა, რომ ეს იყო მშვიდობიანი დემონსტრაცია, რა თქმა უნდა, ერთი მხრივ, არის ყალბი ნარატივის დამკვიდრების მცდელობა, მეორე მხრივ, საქართველოს პოლიციის დისკრედიტაცია. ამიტომ ყველას მოვუწოდებ, განსაკუთრებით საელჩოებს, ამ მხრივ იყვნენ უფრო წინდახედულნი, გაერკვნენ საკითხში და შემდეგ გააკეთონ განცხადებები, ვინაიდან ყალბი ნარატივის დამკვიდრება დისკრედიტაციაა ქართული პოლიციის, რომელიც საუკეთესო საერთაშორისო სტანდარტებით მოქმედებს“, – განაცხადა შალვა პაპუაშვილმა.

მან ასევე ისაუბრა, 2019 წლის ნოემბრის აქციების დროს გაკეთებული განცხადებების შესახებ და აღნიშნა, რომ მოგვიანებით, 2022 წელს ადამიანის უფლებათა ევროპულმა სასამართლომ მათი განცხადებების საწინააღმდეგო გადაწყვეტილება გამოიტანა.

„ყველას შევახსენებ, რომ 2019 წლის ნოემბრის აქციების დროსაც იყო განცხადება ევროკავშირის წევრი ქვეყნების საელჩოების, აშშ-ის საელჩოს მხრიდან. გახსოვთ, ხდებოდა პიკეტირება საქართველოს პარლამენტის შენობის და მაშინაც აქციის დაშლასთან დაკავშირებით პოლიციის ქმედება შეაფასეს გარკვეული შეშფოთებებით. შემდეგ, 2022 წელს ადამიანის უფლებათა ევროპულმა სასამართლომ დაადგინა, რომ სრული სტანდარტების დაცვით მოქმედებდა საქართველოს პოლიცია და საელჩოების ეს განცხადება იყო ყალბი ნარატივის დამკვიდრება. ამიტომ, გარკვეული დეჟავიუ არის, როდესაც გუშინ განცხადებებს ვკითხულობდი. ველოდებოდი ამ განცხადებებს და მაინტერესებდა, რა სახის გამოხმაურება იქნებოდა, მათ შორის, იმის გათვალისწინებით, რომ საელჩოებთან საქართველოს პარლამენტს აქვს პარტნიორული ურთიერთობა, გვაქვს სხვადასხვა სახის საქმიანი ურთიერთობა. როდესაც პარლამენტის შენობაზე ხდება თავდასხმა და ამ თავდასხმის მოგერიებისას საქართველოს პოლიცია შესაბამის ზომებს იყენებს, მათ შორის, პოლიციელები დაშავდნენ, ამის ფონზე ვხედავთ საელჩოების განცხადებას, თითქოს ეს იყო მშვიდობიანი დემონსტრაცია და არანაირი მიზეზი არ არსებობდა, საპოლიციო ძალები ყოფილიყო გამოყენებული, რაც, ერთი მხრივ, არის ყალბი ნარატივის დამკვიდრება, მეორე მხრივ, სამწუხარო განცხადება პარლამენტთან დაკავშირებით. ეს გარკვეულწილად ასევე ზიანს აყენებს ცალკეული საელჩოების დამოკიდებულებას პარლამენტის მიმართ.

გარკვეული საელჩოების მხრიდან ველოდებოდი მეტ სოლიდარობას პარლამენტის მიმართ. ეს თუ მშვიდობიანი აქცია იყო, ალბათ, სხვადასხვა წარმოდგენა გვაქვს ჩვენ, რა არის მშვიდობა ამ მხრივ. ჩვენ ვხედავთ აქციებს სხვადასხვა ქვეყანაში, მათ შორის, პოლიციის მოქმედებას, რომელიც არის მეტად მკაცრი, ბრუტალური და ამის ფონზე, იმავე ქვეყნის წარმომადგენელი საელჩო საქართველოს პოლიციის მართლაც ფრთხილ, სტანდარტების შესაბამის მოქმედებას, როცა აფასებს, თითქოს მშვიდობიანი აქციის მიმართ ძალის გამოყენება იყო, ეს სიმართლეს არ შეესაბამება. აქედან გამომდინარე, სამწუხარო მცდელობაა ყალბი ნარატივის დამკვიდრების. ამიტომ კიდევ ერთხელ, მოვუწოდებ ყველა საერთაშორისო აქტორს, განსაკუთრებით საელჩოებს, რომლებიც არიან საქართველოში, გაერკვნენ ვითარებაში, მათ შორის, ჰქონდეთ კომუნიკაცია შსს-თან და ამის შემდეგ გამოიტანონ დასკვნები, გააკეთონ განცხადებები“, – განაცხადა შალვა პაპუაშვილმა.

დათქმებით ვიზიტის განხორციელება არ ჯდება იმ სტრატეგიული პარტნიორობის სულისკვეთებაში, რომელიც მეგობრობას უნდა ახასიათებდეს, – ამის შესახებ საქართველოს პარლამენტის თავმჯდომარემ შალვა პაპუაშვილმა განაცხადა.

როგორც შალვა პაპუაშვილმა აღნიშნა, ხელისუფლება ყოველთვის მზად არის, როგორც ელჩთან ქვეყანაში, ისე ამერიკაში პარტნიორებთან სასაუბროდ.

„სამწუხაროა, რომ ასეთი ინტერპრეტაციით გააკეთა განცხადება აშშ-ის ელჩმა. საგარეო საქმეთა სამინისტრომ უპასუხა ამ საკითხთან დაკავშირებით. რა თქმა უნდა, დათქმებით ვიზიტის განხორციელება არ ჯდება იმ სტრატეგიული პარტნიორობის სულისკვეთებაში, რომლითაც ჩვენ ვუყურებთ აშშ-ს. ჩვენ ყოველთვის მზად ვართ, როგორც ელჩთან ქვეყანაში, ისე ჩვენს პარტნიორებთან ამერიკაში სასაუბროდ. ამ დღეებშიც, საქართველოს პარლამენტის დელეგაცია იმყოფებოდა აშშ-ში და ჰქონდა შეხვედრები, როგორც კონგრესში და სენატში, ისე სახელმწიფო დეპარტამენტში. თუმცა, როდესაც ასეთ მაღალ დონეზე ხდება მოწვევა პრემიერ-მინისტრის და ხდება წინაპირობების დაყენება, რა თქმა უნდა, ეს არ ჯდება იმ სულისკვეთებაში, რომელიც პარტნიორობას უნდა ახასიათებდეს; კერძოდ, ნდობით ურთიერთობას, და იმ მეგობრულ ურთიერთობაში, რომელიც ჩვენს ქვეყნებს შორის არის“, – განაცხადა შალვა პაპუაშვილმა.

მსგავსი განცხადებები და ის კონკრეტული სამარცხვინო ევროპარლამენტარები რა განცხადებასაც აკეთებენ, ძალიან მძიმეა საზოგადოებისთვის, იმიტომ, რომ ყველა ხედავს ორმაგ სტანდარტს, – ასე გამოეხმაურა „ქართული ოცნების“ გენერალური მდივანი, კახა კალაძე აშშ-ის სახელმწიფო დეპარტამენტის მრჩევლის დერეკ შოლეს განცხადებას.

კალაძის თქმით, მათთვის ორმაგი სტანდარტი კატეგორიულად მიუღებელია.

„ჩვენ არავისთან არანაირი ურთიერთობის გაწყვეტა არ გვინდა, ჩვენ გვინდა სამართლიანობა – ეს პრინციპულად მნიშვნელოვანია – ორმაგი სტანდარტი კატეგორიულად მიუღებელია. დღეს დასავლეთის და თუნდაც ამერიკის დისკრედიტაციას ისე არავინ ეწევა, როგორც მსგავსი განცხადებები და ის კონკრეტული სამარცხვინო ევროპარლამენტარები, რა განცხადებასაც აკეთებენ. ეს ძალიან მძიმეა საზოგადოებისთვის, იმიტომ, რომ ყველა ხედავს ორმაგ სტანდარტს. დღეს ხომ შეუძლებელია რაღაც დამალო, როდესაც სხვა ქვეყნისთვის რაღაც მისაღებია და შენ ამას გიკრძალავენ, ეს არ არის სწორი დამოკიდებულება, როდესაც თეთრზე გეუბნებიან, რომ შავია, ძალიან მძიმეა ეს ყველაფერი. ხალხი სულელი არაა – ყველაფერს ხვდება, ხედავს, აანალიზებს და სწორი დასკვნებიც გამოაქვს“, – განაცხადა კალაძემ.

კითხვაზე, ირაკლი კობახიძის განცხადების შემდეგ, გადაიხედება თუ არა ამერიკასთან ურთიერთობები, კალაძემ უპასუხა, რომ საქართველო საიმედო პარტნიორი და მეგობარი ქვეყანაა, ეს არის მათი დამოკიდებულება, მაგრამ ეს ცალმხრივი ვერ იქნება.

„ჩვენ მზად ვართ მეგობრობისთვის, პარტნიორობისთვის და არაერთხელ დაგვიდასტურებია, რომ საქართველო საიმედო პარტნიორი და მეგობარი ქვეყანაა -ეს არის ჩვენი დამოკიდებულება, მაგრამ ეს ცალმხრივი ხომ ვერ იქნება? იგივე გვინდა, რომ მეორე მხარისგან დავინახოთ და ვიგრძნოთ. ეს არის ჩვენი მარტივი დამოკიდებულება. ჩვენ არ ვაკეთებთ არაფერს განსაკუთრებულს. აღნიშნულ კანონპროექტზე ვამბობთ, გვითხარით თქვე დალოცვილები, რატომ არის პრობლემური და თქვით ერთი არგუმენტი მაინც, რატომ ეწინააღმდეგება ევროპულობასა და ევროპულ ღირებულებებს გამჭვირვალობა.

ეწინააღმდეგებიან [კანონპროექტს] იმიტომ, რომ არ გასაჯაროვდეს ის ფაქტები და კონკრეტიკები, რომელიც ვიცით ხომ? – ვინ აფინანსებს ექსტრემიზმს, რევოლუციას, რევოლუციის მცდელობას, დაპირისპირებას, პოლარიზაციას. ერთი მხრივ, გეუბნებიან, შეამცირეთ პოლარიზაცია, მეორე ხელით ეს ფონდები ექსტრემისტულ ორგანიზაციებს აფინანსებენ – არ არის ეს ლამაზი, ამიტომ ყველაფერი უნდა იყოს ეს გამჭვირვალე, ხალხმა უნდა იცოდეს, ვინ მტერია და ვინ მოყვარე“, – განაცხადა კალაძემ.

ამავე თემაზე საუბრისას კალაძემ აღნიშნა, რომ ყველამ, როგორც ქვეყნის შიგნით, ასევე გარეთ უნდა დაიმახსოვროს, რომ ამ ქვეყნის ბატონ-პატრონი მისი აღმატებულება – ქართველი ხალხია.

„ჩვენი პოზიცია ძალიან მარტივია – ჩვენთვის ყველაზე მთავარი და მნიშვნელოვანი საქართველოა, ქვეყნის ინტერესი, სუვერენიტეტის და სახელმწიფოებრიობის გაძლიერება, გარე გავლენის შემცირება. ყველა გარე გავლენა უნდა შემცირდეს და ქართველი ხალხის გავლენა გაძლიერდეს. ყველამ, როგორც ქვეყნის შიგნით, ასევე გარეთ უნდა დაიმახსოვროს, რომ ამ ქვეყნის ბატონ-პატრონი მისი აღმატებულება – ქართველი ხალხია“, – განაცხადა კალაძემ.

ინფორმაციისთვის, დღეს საქართველოს პრემიერ-მინისტრმა, ირაკლი კობახიძემ სოციალურ ქსელ X-ში გამოაქვეყნა განცხადება, რომ ესაუბრა დერეკ შოლეს და გამოხატა მისი გულწრფელი იმედგაცრუება 2020-23 წლების ორი რევოლუციური მცდელობის გამო, რომელიც ამერიკის ყოფილი ელჩის მხარდაჭერით და გარედან დაფინანსებული “ენჯეოების” მეშვეობით განხორციელდა.

როგორც მთავრობის მეთაური აღნიშნავს, მაშინდელი მცდელობები წარმატებული რომ ყოფილიყო, დღეს საქართველოში მეორე ფრონტი იქნებოდა გახსნილი.

მანამდე აშშ-ის სახელმწიფო დეპარტამენტის მრჩეველმა, დერეკ შოლე განაცხადა, რომ საქართველოს პრემიერ-მინისტრ ირაკლი კობახიძესთან საუბარში საქართველოს დღევანდელ ტრაექტორიასთან დაკავშირებით შეშფოთება გამოთქვა.

შოლეს თქმით, შეერთებული შტატები საქართველოს მთავრობას მოუწოდებს, კვლავ გახადოს საქართველო ევროატლანტიკური მომავლის ერთგული.

„გამჭვირვალობის“კანონპროექტი სუფთა ქართული კანონია და მიღებული იქნება მე ვუერთდები „არა რუსულ კანონს“. რა თქმა უნდა, რუსული კანონები საქართველოში არასდროს მიღებულა და მომავალშიც არასდროს მიიღება – [“უცხოური გავლენის გამჭვირვალობის” შესახებ] კანონპროექტი მიღებული იქნება, – ამის შესახებ “ქართული ოცნების” გენერალურმა მდივანმა, კახა კალაძემ განაცხადა, რითაც გამოეხმაურა საქართველოს ფეხბურთის ფედერაციის ნაკრების წევრების მოწოდებას ხელისუფლების მიმართ ე.წ. რუსული კანონის გაწვევასთან დაკავშირებით.

მისივე თქმით, „უცხოური გავლენის გამჭვირვალობის“ შესახებ კანონპროექტი არის სუფთა ქართული კანონი, რომელიც საქართველოს ინტერესებს იცავს.

„კიდევ ერთხელ ვიმეორებ, მე ვუერთდები „არა რუსულ კანონს“, რა თქმა უნდა, რუსული კანონები საქართველოში არასდროს მიღებულა და მომავალშიც არასდროს მიიღება. აღნიშნული გამჭვირვალობის შესახებ კანონპროექტი, ეს არის სუფთა ქართული კანონი, რომელიც ჩვენი ქვეყნის ინტერესებს იცავს, ჩვენი ქვეყნის ხვალინდელ დღეს და რა თქმა უნდა, აღნიშნული კანონპროექტი მიღებული იქნება”, – განაცხადა კალაძემ.

საქართველოს საგარეო საქმეთა სამინისტრო, საფრანგეთის საგარეო უწყების განცხადებას ეხმაურება.

როგორც უწყების მიერ გავრცელებულ ინფორმაციაში ვკითხულობთ, საქართველოში უმაღლესი სტანდარტით არის უზრუნველყოფილი შეკრებისა და გამოხატვის თავისუფლება, თუმცა მათი თქმით გარკვეული ჯგუფები ახორციელებდნენ მასშტაბურ ძალადობას სახელმწიფო ინსტიტუტების შენობებისა და სამართალდამცავი სტრუქტურების წინააღმდეგ.

„გვსურს გამოვეხმაუროთ საფრანგეთის საგარეო საქმეთა სამინისტროს განცხადებას თბილისში ძალადობრივ შეკრებებზე სამართალდამცავი ორგანოების რეაგირების შესახებ. საქართველოში უმაღლესი სტანდარტით არის უზრუნველყოფილი შეკრებისა და გამოხატვის თავისუფლება. შესაბამისად, მიუხედავად იმისა, რომ პოლიტიკურ ოპოზიციასთან დაკავშირებული და საზღვარგარეთიდან დაფინანსებული ძალადობრივი ჯგუფები ახორციელებდნენ მასშტაბურ ძალადობას სახელმწიფო ინსტიტუტების შენობებისა და სამართალდამცავი სტრუქტურების წინააღმდეგ, ქართველი სამართალდამცავები, თუ არ ჩავთვლით რამდენიმე სამწუხარო ინციდენტს, ადამიანის უფლებების უმაღლესი სტანდარტების შესაბამისად მოქმედებდნენ.

მივესალმებით, რომ საქართველოში განვითარებულ მოვლენებს ყურადღებით აკვირდებით. თუმცა, ვწუხვართ, რომ თქვენი განცხადება მოკლებულია ობიექტურობას.

აქვე შეგახსენებთ, რომ საქართველოს ხელისუფლებამ თავი შეიკავა საფრანგეთის მიმართ კრიტიკული განცხადებისგან მაშინაც კი, როდესაც პარიზში სამართალდამცავები მომიტინგეებს ბრუტალური, ადამიანის უფლებების საყოველთაო სტანდარტებთან სრულიად შეუსაბამო მეთოდებით დაუპირისპირდნენ.

არაობიექტური შეფასებები ახალისებს ძალადობას, რომელიც, როგორც უკვე აღინიშნა, პოლიტიკურ ოპოზიციასთან დაკავშირებული და საზღვარგარეთიდან დაფინანსებული ძალადობრივი ჯგუფების მიერ ხორციელდება” – წერია განცხადებაში.

ცნობისთვის, საფრანგეთის ევროპისა და საგარეო საქმეთა სამინისტრომ განცხადება გუშინ გაავრცელა, სადაც აღნიშნულია, რომ საქართველომ ძალისხმევა უნდა გააგრძელოს, რათა ევროკავშირს თავისი მოსახლეობის სურვილის შესაბამისად დაუახლოვდეს.

„საფრანგეთი საქართველოში არსებულ ვითარებას თვალს შეშფოთებით ადევნებს. იგი, უცხოური გავლენის შესახებ კანონის მიღების შემდეგ, დემონსტრანტების წინააღმდეგ ძალადობის გამოყენებას გმობს. საქართველომ ძალისხმევა უნდა გააგრძელოს, რათა ევროკავშირს თავისი მოსახლეობის სურვილის შესაბამისად დაუახლოვდეს“, – წერს საფრანგეთის საგარეო უწყება X-ზე.

მოვუწოდებ ყველას, განსაკუთრებით საელჩოებს, იყვნენ უფრო წინდახედული, გაერკვნენ საკითხში და შემდეგ გააკეთონ განცხადებები, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

შალვა პაპუაშვილი თბილისში მიმდინარე აქციებთან დაკავშირებით საფრანგეთის საგარეო საქმეთა სამინისტროს განცხადებას გამოეხმაურა.

„იმედგამაცრუებელია ზოგიერთი განცხადება როგორც საქართველოში მყოფი საელჩოების, ისე ზოგიერთი უცხოელი აქტორის მხრიდან. ეს გარკვეულწილად ქმნის აღქმას, რომ ხდება ყალბი ნარატივის დამკვიდრება, თითქოს იყო მშვიდობიანი დემონსტრაცია და მისი ძალადობრივი გზით შეწყვეტა მოხდა. ყველამ ნახა, სინამდვილეში რა ხდებოდა და, მათ შორის, ნახა პარლამენტის შენობაზე თავდასხმის შედეგები, რომელსაც გუშინწინ, ღამის განმავლობაში ვაკვირდებოდით. ამის ფონზე თქმა, რომ ეს იყო მშვიდობიანი დემონსტრაცია, რა თქმა უნდა, ერთი მხრივ, არის ყალბი ნარატივის დამკვიდრების მცდელობა, მეორე მხრივ, საქართველოს პოლიციის დისკრედიტაცია. ამიტომ ყველას მოვუწოდებ, განსაკუთრებით საელჩოებს, ამ მხრივ იყვნენ უფრო წინდახედული, გაერკვნენ საკითხში და შემდეგ გააკეთონ განცხადებები, ვინაიდან ყალბი ნარატივის დამკვიდრება დისკრედიტაციაა ქართული პოლიციის, რომელიც საუკეთესო საერთაშორისო სტანდარტებით მოქმედებს.

ყველას შევახსენებ, რომ 2019 წლის ნოემბრის აქციების დროსაც იყო განცხადება ევროკავშირის წევრი ქვეყნების საელჩოების, აშშ-ის საელჩოს მხრიდან. გახსოვთ, ხდებოდა პიკეტირება საქართველოს პარლამენტის შენობის და მაშინაც აქციის დაშლასთან დაკავშირებით პოლიციის ქმედება შეაფასეს გარკვეული შეშფოთებებით. შემდეგ, 2022 წელს ადამიანის უფლებათა ევროპულმა სასამართლომ დაადგინა, რომ სრული სტანდარტების დაცვით მოქმედებდა საქართველოს პოლიცია და საელჩოების ეს განცხადება იყო ყალბი ნარატივის დამკვიდრება. ამიტომ, გარკვეული დეჟავიუ არის, როდესაც გუშინ განცხადებებს ვკითხულობდი.

ველოდებოდი ამ განცხადებებს და მაინტერესებდა, რა სახის გამოხმაურება იქნებოდა, მათ შორის, იმის გათვალისწინებით, რომ საელჩოებთან საქართველოს პარლამენტს აქვს პარტნიორული ურთიერთობა, გვაქვს სხვადასხვა სახის საქმიანი ურთიერთობა. როდესაც პარლამენტის შენობაზე ხდება თავდასხმა და ამ თავდასხმის მოგერიებისას საქართველოს პოლიცია შესაბამის ზომებს იყენებს, მათ შორის, პოლიციელები დაშავდნენ, ამის ფონზე ვხედავთ საელჩოების განცხადებას, თითქოს ეს იყო მშვიდობიანი დემონსტრაცია და არანაირი მიზეზი არ არსებობდა, საპოლიციო ძალები ყოფილიყო გამოყენებული, რაც, ერთი მხრივ, არის ყალბი ნარატივის დამკვიდრება, მეორე მხრივ, სამწუხარო განცხადება პარლამენტთან დაკავშირებით. ეს გარკვეულწილად ასევე ზიანს აყენებს ცალკეული საელჩოების დამოკიდებულებას პარლამენტის მიმართ. გარკვეული საელჩოების მხრიდან ველოდებოდი მეტ სოლიდარობას პარლამენტის მიმართ. ეს თუ მშვიდობიანი აქცია იყო, ალბათ სხვადასხვა წარმოდგენა გვაქვს ჩვენ, რა არის მშვიდობა ამ მხრივ. ჩვენ ვხედავთ აქციებს სხვადასხვა ქვეყანაში, მათ შორის პოლიციის მოქმედებას, რომელიც არის მეტად მკაცრი, ბრუტალური და ამის ფონზე, იმავე ქვეყნის წარმომადგენელი საელჩო საქართველოს პოლიციის მართლაც ფრთხილ, სტანდარტების შესაბამის მოქმედებას როცა აფასებს, თითქოს მშვიდობიანი აქციის მიმართ ძალის გამოყენება იყო, ეს სიმართლეს არ შეესაბამება. აქედან გამომდინარე, სამწუხარო მცდელობაა ყალბი ნარატივის დამკვიდრების. ამიტომ კიდევ ერთხელ მოვუწოდებ ყველა საერთაშორისო აქტორს, განსაკუთრებით საელჩოებს, რომლებიც არიან საქართველოში, გაერკვნენ ვითარებაში, მათ შორის, ჰქონდეთ კომუნიკაცია შსს-სთან და ამის შემდეგ გამოიტანონ დასკვნები, გააკეთონ განცხადებები“, – განაცხადა პაპუაშვილმა.

საფრანგეთის საგარეო უწყების წარმომადგენელმა გუშინ განაცხადა, რომ „საფრანგეთი შეშფოთებით ადევნებს თვალს საქართველოში ვითარებას, გმობს ძალადობას და მოუწოდებს ხელისუფლებას, დაიცვას მშვიდობიანი პროტესტის უფლება“. აღნიშნულთან დაკავშირებით განცახდება გაავრცელა საქართველოს საგარეო საქმეთა სამინისტრომ, სადაც ნათქვამია: „მივესალმებით, რომ საფრანგეთის საგარეო უწყება საქართველოში განვითარებულ მოვლენებს აკვირდება, თუმცა უწყების განცხადება ობიექტურობას მოკლებულია, რაც ახალისებს ძალადობას“.

პრემიერის მიმართ ამერიკისგან როდესაც ხდება შეთავაზება და იქვე წინაპირობების დაყენება, ეს სტრატეგიული პარტნიორობის სულისკვეთებას არ შეესაბამება, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

პაპუაშვილს კითხვა დაუსვეს, ვიზიტთან დაკავშირებით საქართველოს პრემიერის უარი ხომ არ დააზიანებს საქართველო-აშშ-ის ურთიერთობას, რაზეც მან აღნიშნა:

„არა, რა თქმა უნდა. საქართველოსა და აშშ-ს შორის არსებული სტრატეგიული ურთიერთობა უფრო ღრმაა, სერიოზული, ვიდრე შეიძლება, ასეთი სახის გაუგებრობები იყოს და დამყარებულია ჩვენს ხალხებს შორის ურთიერთობაზე, სტრატეგიულ პარტნიორობაზე. რაც შეეხება კონკრეტულ შეთავაზებას პრემიერ-მინისტრის მიმართ ვიზიტთან დაკავშირებით, შეთავაზება როდესაც ხდება და იქვე წინაპირობების დაყენება, ეს, რა თქმა უნდა, არ შეესაბამება სტრატეგიული პარტნიორობის სულისკვეთებას და იმ ნდობით ურთიერთობას, რომლითაც ვუყურებთ ჩვენს დამოკიდებულებას აშშ-ის მიმართ.

ჩვენ, სხვადასხვა დროს გამოგვიჩენია, რას ნიშნავს ჩვენი გაგებით პარტნიორობა. ჩვენს პარტნიორებს გავყევით ომში ავღანეთში და მხარდამხარ ვიბრძოდით ამერიკელ ჯარისკაცებთან ერთად, არანაირი პირობა არ გვქონდა დაყენებული. ჩვენ გვესმოდა ის გამოწვევები, რომლებიც არსებობდა უსაფრთხოების სახით მსოფლიოს წინაშე და ჩვენ ჩვენ წილ პასუხისმგებლობას ვიღებდით ამ საკითხზე. მოლოდინია, რომ სწორედ ასეთი დამოკიდებულება იქნება და როდესაც არის სურვილი საუბრის, ვიზიტის განხორციელების, წინაპირობები არ იქნება დაყენებული, ვინაიდან ეს გარკვეულწილად, ჩრდილს აყენებს დამოკიდებულებას, იწვევს კითხვის ნიშნებს, რატომ ხდება ასეთი წინაპირობების დაყენება“, – განაცხადა პაპუაშვილმა.

საქართველოში აშშ-ის საელჩომ გუშინ გაავრცელა ელჩ რობინ დანიგანის განცხადება, სადაც აღნიშნულია: „ახლახან საქართველოს მთავრობის მაღალი თანამდებობის პირები მივიწვიეთ შეერთებული შტატების მაღალი თანამდებობის პირებთან სტრატეგიული პარტნიორობისა და აშშ-ის დახმარების შესახებ ნებისმიერი შეკითხვის განსახილველად. სამწუხაროდ, ქართულმა მხარემ არჩია, რომ უარი ეთქვა ამ მიწვევაზე“.

ამასთან, აღნიშნულ განცახდებას გამოეხმაურა საქართველოს საგარეო საქმეთა სამინისტრო: „პრემიერი აშშ-ში მიწვეულ იქნა დათქმით, რომ ვიზიტამდე დროებით შეჩერებულიყო კანონპროექტის განხილვა, დათქმით ვიზიტი არ შეესაბამება პარტნიორობის სულისკვეთებას“.

დერეკ შოლესთან საუბრისას არ გამომიხატავს შეშფოთება ნიუ იორკში სტუდენტების პროტესტის ბრუტალური დარბევის გამო, – ამის შესახებ საქართველოს პრემიერ-მინისტრი ირაკლი კობახიძე სოციალურ ქსელ X-ში წერს.

ამასთან, კობახიძის თქმით, აშშ-ის სახელმწიფო მდივნის მრჩეველ დერეკ შოლესთან გამოხატა გულწრფელი იმედგაცრუება „2020-2023 წლების ორი რევოლუციური მცდელობის გამო, რომელიც ამერიკის ყოფილი ელჩის მხარდაჭერით და გარედან დაფინანსებული ენჯეოების მეშვეობით განხორციელდა“.

როგორც კობახიძე აღნიშნავს, მაშინდელი მცდელობები წარმატებული რომ ყოფილიყო, დღეს საქართველოში მეორე ფრონტი იქნებოდა გახსნილი.

„გარდა ამისა, ბატონ შოლეს განვუმარტე, რომ სახელმწიფო დეპარტამენტის წარმომადგენლების მიერ გავრცელებული ცრუ განცხადებები გამჭვირვალობის შესახებ კანონთან და აქციებთან დაკავშირებით გვახსენებს ამერიკის ყოფილი ელჩის 2020-2023 წლების მსგავს ცრუ განცხადებებს, რომლებიც მაშინაც უცხოური დაფინანსებით მოქმედი სუბიექტების მხრიდან ძალადობის წახალისებას და რევოლუციური პროცესების მხარდაჭერას ემსახურებოდა.

ასევე, ბატონ შოლეს განვუმარტე, რომ ამ ფონზე ურთიერთობების გადატვირთვა განსაკუთრებულ ძალისხმევას საჭიროებს, რაც სამართლიანი და კეთილსინდისიერი მიდგომის გარეშე შეუძლებელია. ბატონ შოლესთან არ გამომიხატავს შეშფოთება ნიუ იორკში სტუდენტების პროტესტის ბრუტალური დარბევის გამო“, – წერს ირაკლი კობახიძე.

აშშ-ის სახელმწიფო მდივნის მრჩეველმა დერეკ შოლემ სოციალურ ქსელში გუშინ დაწერა, რომ გამჭვირვალობის შესახებ კანონპროექტთან დაკავშირებით საქართველოს პრემიერ-მინისტრ ირაკლი კობახიძეს ესაუბრა.

გამჭვირვალობის კანონი ქართულია და საქართველოსთვისაა, ამერიკაში რატომ უნდა იყოს ამის განხილვა, თან დათქმით, შეჩერდეს კანონი. ზუსტად ეს არის ვასალური დამოკიდებულება, – ამის შესახებ პარტია „ხალხის ძალის“ წევრმა, გურამ მაჭარაშვილმა განაცხადა.

მაჭარაშვილის თქმით, თუ რამე აზიანებს ქართულ-ამერიკულ ურთიერთობებს, ეს არის მსგავსი განცხადებები და ასეთი ვასალური დამოკიდებულებები. „ყველას კარგად გვახსოვს საქართველოს პრემიერ-მინისტრის ირაკლი კობახიძის შეთავაზება დიპლომატებზე, ამერიკის, ევროკავშირის წევრი ქვეყნების ელჩებზე, რომ გამჭვირვალობის კანონთან დაკავშირებით რაიმე კითხვა თუ ჰქონდათ, ქვეყნის პირველი პირი მზად იყო, კითხვებზე ეპასუხა საჯაროდ, საზოგადოების თანდასწრებით. პრემიერ-მინისტრისგან ელჩების მიმართ ეს შეთავაზება სამჯერ იყო, მაგრამ მათგან იყო უარი. ამ ფონზე, ამერიკისგან პრემიერისთვის შეთავაზება, ვიზიტით ჩამობრძანდი, აქ განვიხილოთ თქვენი კანონი და მანამდე შეაჩერეო, ზუსტად ეს არის ვასალური დამოკიდებულება.

გამჭვირვალობის კანონი ქართულია და საქართველოსთვისაა, ამერიკაში რატომ უნდა იყოს ამის განხილვა? ზუსტად ეს არის ვასალური დამოკიდებულება, როდესაც ჩვენც გვინდა პარტნიორობა, მაგრამ არ გვესაუბრება, როგორც პარტნიორს. ახალი ელჩი აქამდე იქცეოდა დიპლომატიურად, როგორც პარტნიორი ქვეყნის წარმომადგენელი, მაგრამ როგორც კი ილაპარაკებს, როგორც უფროსი ქვეყნის წარმომადგენელი, რა თქმა უნდა, ჩვენ ვიტყვით, რომ სუვერენული ქვეყანა ვართ და არ შეიძლება, ასე თავხედურად თქვა უარი ქვეყნის პირველი პირის შეთავაზებაზე, როცა ქართული კანონი მიიღება.

ამერიკაში რატომ უნდა განიხილებოდეს გამჭვირვალობის კანონი და თან იმ დათქმით, რომ შეაჩერე ეს კანონი. ეს არის ზუსტად ვასალური დამოკიდებულება. საგარეო საქმეთა სამინისტრომ გააკეთა ამაზე განმარტება და ქართულმა საზოგადოებამ დაინახა, რომ ჩვენ გვჭირდება პარტნიორი ქვეყნის ელჩი და არა მეფისნაცვალი. მეფისნაცვალი გვყავდა რუსეთიდან და ამაზე უარი ვთქვით. ახლა ჩვენ გვინდა პარტნიორი ქვეყნის ელჩი, რომელიც მობრძანდება ქვეყნის პირველ პირთან და კითხვებს დასვამს სახალხოდ, სახალხოდ გასცემს პასუხს პრემიერ-მინისტრი და დათქმას არ ეტყვის, რომ ეს კანონი გააჩერე, ჩადი ახლა იქ, როგორც ადრე იბარებდნენ ჩვენს მეფეებს ხან ურდოში და ხან სხვა სახელმწიფოში და შემდეგ ხარკებს უწესებდნენ. ეს რა დამოკიდებულებაა. ეს არის ზუსტად მონური დამოკიდებულება და ამას  არ დავუშვებთ“, – განაცხადა გურამ მაჭარაშვილმა.

კითხვაზე, ეს ორ ქვეყანას შორის სტრატეგიულ პარტნიორობას საფრთხეს ხომ არ შეუქმნის, მაჭარაშვილმა აღნიშნა:

„ამერიკაში საზოგადოების უმეტესი ნაწილი და ძალები არიან, რომლებიც, იმედი გვაქვს, საქართველოსთან გააგრძელებენ პარტნიორულ ურთიერთობას. როგორ ჩანს, დღევანდელი ადმინისტრაცია და დღევანდელი ელჩი სხვანაირად, ცუდად უყურებს ამ საკითხს. მეტი როგორ გითხრას იმ ხალხმა, რომ შენ არ ხარ სუვერენული ქვეყანა. დასაფიქრებელიც კი არაფერი ჰქონდათ, როდესაც გვითხრეს, ისედაც შეზღუდულ ვიზებს კიდევ უფრო შევზღუდავთო. ეს არის პირდაპირ გაცხადებული ბრძოლა საქართველოს სუვერენიტეტის წინააღმდეგ. თუ ჩვენ ახლა შევძლებთ და სუვერენიტეტს შევინარჩუნებთ, შემდეგ ყველა მოგვექცევა, როგორც თანაბარს. თუ ვერ შევინარჩუნებთ, მერე ნახეთ დაბარებები. კანონის შეჩერებას კი არ მოგვთხოვენ, საერთოდ იმ კანონების მიღებას, რასაც ჰქვია ლგბტ პროპაგანდა. გეტყვიან, მოსამართლეს ჩვენ დაგინიშნავთ, ცესკო-ს თავმჯდომარეს, სად არის მერე სუვერენიტეტი? დავემშვიდობებით შემდეგ სუვერენიტეტს. ჩვენ არაფერს კითხვის ნიშნის ქვეშ არ ვაყენებთ. ისინი არა მარტო კითხვის ნიშნის ქვეშ აყენებენ, არამედ, მგონი, ძახილის ნიშანი დასვეს – ან ვასალობა ან ჩვენი ურთიერთობა. სამწუხაროდ, საკითხი ასე დააყენეს. ჩვენ ვასალობაზე არ ვართ თანახმა, მაგრამ მაინც იმედს ვიტოვებ, რომ იქნებიან იქ ძალები, რომლებიც ქართულ-ამერიკულ ურთიერთობებს გააგრძელებენ. თუ რამე აზიანებს ქართულ-ამერიკულ ურთიერთობებს, ეს არის ასეთი განცხადებები და ასეთი ვასალური დამოკიდებულებები ჩვენი ქვეყნის მიმართ“,- განაცხადა მაჭარაშვილმა.

საქართველოში აშშ-ის საელჩომ გუშინ გაავრცელა ელჩ რობინ დანიგანის განცხადება, სადაც აღნიშნულია: „ახლახან საქართველოს მთავრობის მაღალი თანამდებობის პირები მივიწვიეთ შეერთებული შტატების მაღალი თანამდებობის პირებთან სტრატეგიული პარტნიორობისა და აშშ-ის დახმარების შესახებ ნებისმიერი შეკითხვის განსახილველად. სამწუხაროდ, ქართულმა მხარემ არჩია, რომ უარი ეთქვა ამ მიწვევაზე“.