გადაწყვეტილება, რომელიც ათასობით ადამიანის პრობლემას მოაგვარებს. ქირის გადაუხდელობის შემთხვევაში, გამოსახლება შესაძლებელი სასამართლოს გარეშე გახდება. იუსტიციის სამინისტრო საკანონმდებლო ინიციატივაზე მუშაობას ასრულებს, დოკუმენტი კი კანონმდებლების მაგიდაზე უახლოეს პერიოდში მოხვდება. სიახლის მიხედვით, მომხმარებელი ქირავნობის ხელშეკრულების დარეგისტრირებას საჯარო რეესტრში შეძლებს, სადაც მითითებული იქნება, რომ მოქირავეს ქირის გადაუხდელობის შემთხვევაში, აღსრულების ეროვნული ბიურო გამოასახლებს.

უკვე მეორე დღეა მარი ნაჩხატაშვილს საკუთარ ბინაში ცხოვრება უცხო პირებთან ერთად უწევს. გაუსაძლის სიტუაციაში მას შემდეგ აღმოჩნდა, რაც დამქირავებელმა ჯერ ქირის გადახდაზე თქვა უარი, შემდეგ კი ბინის დაცლაზე.

მარი ნაჩხატაშვილმა და მისმა მეუღლემ ბინა ოჯახს მაისის დასაწყისში მიაქირავეს. სწორედ აქედან დაიწყო მათი პრობლემებიც. ორი თვის წინასწარ მიღებული ქირის შემდეგ, დამქირავებლებს მათთვის აღარაფერი გადაუხდიათ იმ მიზეზით, რომ ბინის მდგომარეობა მათ მოთხოვნებს არ აკმაყოფილებს და პირობები გაუსაძლისია.

დამქირავებლები ამტკიცებენ, რომ ბინა მათ მფლობელობაშია.

მსგავსი პრობლემა დღეს საქართველოში არაერთ სხვა გამქირავებელსაც აწუხებს. მაშინ, როცა დამქირავებელი საფასურის გადახდაზე უარს ამბობს, მეპატრონეს მხოლოდ ერთი გზა რჩება, მიმართოს სასამართლოს. თუმცა, ეს დროში გაწელილი პროცესია. რიგ შემთხვევაში კი, საქმის განხილვა წლობით გრძელდება.

პრობლემის მასშტაბურობიდან გამომდინარე, სახელმწიფომ მოგვარების გზებზე მუშაობა უკვე დაიწყო. იუსტიციის სამინისტრო ბინის მეპატრონეებს გამოსავალს სთავაზობს. უწყება დღეს მუშაობს ახალ საკანონმდებლო ინიციატივაზე, რომელიც გამოსახლების წესის ცვლილებას გულისხმობს – ქირის გადაუხდელობისას გამოსახლება სასამართლოს გარეშე გახდება შესაძლებელი.

პრობლემის მასშტაბზე და ახალ ინიციატივაზე იუსტიციის მინისტრმა პარლამენტს პირადად მიაწოდა ინფორმაცია.

ცვლილებაზე მუშაობა თითქმის დასრულებულია. სულ მალე კი, ის დასამტკიცებლად კანონპროექტის სახით პარლამენტში გაიგზავნება.

ვერძი

ამ დღეს სასურველი შედეგის მისაღწევად სწრაფად და ინტუიციურად უნდა იმოქმედოთ. გირჩევთ, ემოციები აკონტროლოთ – ამ დღეს ნებისმიერი, უწყინარი საუბარი შეიძლება დიდ კონფლიქტში გადაიზარდოს. შეწყვიტეთ ურთიერთობა ადამიანებთან, რომლებიც მუდმივად პრობლემებს გიქმნიან და ცხოვრებაში საქმისთვის გაცილებით მეტი დრო დაგრჩებათ.

კურო

რთული და სტრესული დღისთვის უნდა მოემზადოთ. მოვლენები იმდენად სწრაფად იცვლება, რომ ელვისებური რეაგირება და გადაწყვეტილებების იმპულსურად მიღება მოგიწევთ. ეცადეთ, ისარგებლოთ შანსით, რომელსაც ბედი გიმზადებთ. ნუ მოახდენთ თანამოსაუბრეზე ზეწოლას – ეცადეთ, კომპრომისი მოძებნოთ.

ტყუპები

გირჩევთ, ურთიერთობებს გაუფრთხილდეთ. მოერიდეთ კრიტიკულ შენიშვნებს და აგრესიას. გახსოვდეთ, რომ შეცდომებს თავადაც უშვებთ, ამიტომ სხვები შეცდომების გამო არ უნდა დატუქსოთ. ამ დღეს ნებისმიერი წვრილმანი გაღიზიანებთ, ამიტომ თანამოსაუბრე უფრო ფრთხილად უნდა აირჩიოთ. ყურადღება მიაქციეთ ოჯახის ყველაზე უფროს და უმცროს წევრებს. გამორიცხული არაა, ჯანმრთელობასთან დაკავშირებული მცირე პრობლემა, რომელსაც მალე დაძლევთ.

კირჩხიბი

ამ დღეს უსამართლობის მიმართ გამძაფრებული პროტესტი გაქვთ, ნებისმიერ წვრილმანზე ბრაზდებით და განწყობა გიფუჭდებათ, ამიტომ ეცადეთ, ყველა მნიშვნელოვანი გადაწყვეტილება სხვა დღისთვის გადადოთ, როცა ცივი გონებით შეძლებთ სწორი დასკვნების გაკეთებას

ლომი

ამ დღეს რამდენიმე საქმის ერთდროულად კეთება უნდა მოასწროთ. შეეგუეთ, რომ თქვენი რჩევა და დახმარება ყველას ერთდროულად დასჭირდება. ეცადეთ, ურთიერთობები შეზღუდოთ, რათა ყურადღება მნიშვნელოვანი საკითხებისგან უმნიშვნელო საკითხებზე არ გადაიტანოთ. საოჯახო საქმეებსაც თქვენი ყურადღება სჭირდება.

ქალწული

ენერგეტიკული პოტენციალი შემცირებულია, რაც ხელს გიშლით, რომ ამ დღისთვის დაგეგმილი საქმეები განახორციელოთ. ვარსკვლავები გირჩევენ, ერთი ან ორი ყველაზე მნიშვნელოვანი საკითხი აირჩიოთ და მთელი ენერგია მათი განხორციელებისკენ მიმართოთ. მოერიდეთ ნაჩქარევ გადაწყვეტილებებს, ყველა რისკი გამოთვალეთ და მხოლოდ ამის შემდეგ იმოქმედეთ.

სასწორი

ენდეთ საკუთარ ინტუიციას – დღეს ის სწორ მინიშნებებს მოგცემთ. გაატარეთ საღამო ახლო მეგობრების გარემოცვაში და თქვენთვის საინტერესო საკითხები განიხილეთ. ერთი შეხედვით, თქვენს ცხოვრებაში მიმდინარე ცვლილებები სიტუაციას მხოლოდ აუარესებს, თუმცა რამდენიმე დღეში ამ მოვლენებს სხვანაირად შეაფასებთ.

მორიელი

ამ დღეს შეიძლება მნიშვნელოვანი ამბები გაიგოთ, რაც მომხდარის მიმართ თქვენს დამოკიდებულებას შეცვლის. შესაძლოა, გარკვეულ საკითხებზე აზრი მკვეთრად შეგეცვალოთ. ახლობელ ადამიანებს თქვენი მხარდაჭერა და ყურადღება სჭირდებათ. მიეცით მათ მეტი დრო და რთულ სიტუაციაში მხარი დაუჭირეთ. ახალი საქმის დაწყება რამდენიმე დღით უნდა გადადოთ, რადგან ამ დღეს წარმატებას ვერ მიაღწევთ. ეცადეთ, პარტნიორის აზრი უფრო ხშირად გაითვალისწინოთ.

მშვილდოსანი

ამ დღეს თქვენმა გულწრფელობამ შეიძლება პრობლემები შეგიქმნათ, ამიტომ გირჩევთ საკუთარი გეგმები არავის გაუმხილოთ. მაღაზიებში გასეირნება კი სასიამოვნო ემოციებს მოგიტანთ – შესაძლოა, სახლისთვის რაღაც ძალიან ლამაზი იყიდოთ.

თხის რქა

შესაძლოა, ოჯახთან ან ახლო ნათესავთან დაკავშირებული საკითხი გაწუხებთ, თუმცა დიდი ძალისხმევა მოგიწევთ, რომ ვიღაცას საკუთარი სიმართლე დაუმტკიცოთ. ვარსკვლავები გირჩევენ, რომ დღე მშვიდად გაატაროთ და წვრილმანებზე არ ინერვიულოთ. დროა ჯანსაღი ცხოვრების წესის დაწყებაზე იზრუნოთ.

მერწყული

საყვარელ ადამიანებს თქვენი მხარდაჭერა სჭირდებათ და იმედი არ უნდა გაუცრუოთ. ეს გაზრდის თქვენს თვითშეფასებას და გააძლიერებს თქვენს ურთიერთობებს. ჯანმრთელობის მხრივ პრობლემები მოსალოდნელი არ არის, თუმცა სუფთა ჰაერზე სეირნობა ან სპორტდარბაზში ვარჯიში სასურველი ფორმის მიღწევაში დაგეხმარებათ.

თევზები

უსმინეთ საკუთარ ინტუიციას და აკეთეთ ის, რაც ყველაზე მეტად მოგწონთ. ამ გზით შეიძლება აღმოაჩინოთ ახალი ჰობი ან ისეთით დაინტერესდეთ, რაზედაც აქამდე არასდროს გიფიქრიათ. ხელსაყრელი დღეა ახალი ნაცნობობისთვის. ადამიანი, რომელსაც ამ დღეს გაიცნობთ, შეიძლება თქვენი საუკეთესო მეგობარი გახდეს.

არ არსებობს არანაირი საფუძველი საპროტესტო აქციების გასამართად – სამონადირეო ლიცენზიის ძალადაკარგულად გამოცხადების საკითხი კანონმდებლობით გათვალისწინებული წესით შესაბამის ვადებში განიხილება,- ამის შესახებ გარემოს დაცვისა და სოფლის მეურნეობის სამინისტროს მიერ გავრცელებულ განცხადებაშია აღნიშნული, რითაც უწყება რაჭის ტყეების თემას ეხმაურება.

როგორც განცხადებაშია ნათქვამი, ტყუილია, თითქოს რაჭაში ტყე გაიყიდა, რადგან ლიცენზია არა ტყის გაყიდვას, არამედ სამონადირეო მეურნეობის მოწყობას გულისხმობდა.

უწყების განმარტებითვე, გარემოს ეროვნულ სააგენტოსთან შეთანხმების გარეშე ლიცენზიის ვერც გაყიდვა და ვერც გაჩუქება ვერ მოხდება.

„ტყუილია, თითქოს რაჭაში გაიყიდა ტყე. რაჭაში ტყე არ გაყიდულა. ლიცენზია, გულისხმობდა არა ტყის გაყიდვას, არამედ სამონადირეო მეურნეობის მოწყობას 5 მილიონზე მეტი ლარის ინვესტიციით რეგიონის განვითარებისთვის და ადგილობრივი მოსახლეობის დასაქმებისთვის.

რაც შეეხება ლიცენზიის გაუქმებას. ლიცენზიის პირობების შეუსრულებლობის გამო, მიმდინარე წლის მაისიდან დავიწყეთ პროცესი. არ არსებობს არანაირი საფუძველი საპროტესტო აქციების გასამართად, რაც ავუხსენით აქციის მონაწილეებს – შევხვდით რაჭაში, ასევე, წერილობით გავუგზავნეთ ინფორმაცია ლიცენზიის გაუქმებასთან დაკავშირებული პროცესის შესახებ, მედიაშიც გავავრცელეთ ინფორმაცია. სამონადირეო ლიცენზიის ძალადაკარგულად გამოცხადების საკითხის განხილვა მოხდება კანონმდებლობით გათვალისწინებული წესით შესაბამის ვადებში.

რაც შეეხება ლიცენზიის გაყიდვას ან გასხვისებას, დღეს როცა საუბარია ლიცენზიის გაუქმებაზე, ეს საკითხი ნაკლებად აქტუალურია. გარემოს ეროვნულ სააგენტოსთან შეთანხმების გარეშე ვერ მოხდება ლიცენზიის ვერც გაყიდვა და ვერც გაჩუქება. სააგენტოსთვის ამ დროისთვის არავის მოუმართავს. ადმინისტრაციული წარმოების პროცესში მიღებული გადაწყვეტილებების შესახებ ეტაპობრივად ეცნობება საზოგადოებას“,- ნათქვამია უწყების მიერ გავრცელებულ განცხადებაში.