საქართველოს პრემიერ-მინისტრი ირაკლი ღარიბაშვილი დიდი ბრიტანეთისა და ჩრდილოეთ ირლანდიის გაერთიანებული სამეფოს სახელმწიფო მინისტრს ევროპის საკითხებში − ლეო დოქერტის შეხვდა.

მთავრობის ადმინისტრაციაში გამართულ შეხვედრაზე ორ ქვეყანას შორის არსებული სტრატეგიული პარტნიორობა, ორმხრივ და მრავალმხრივ ფორმატებში არსებული თანამშრომლობა განიხილეს. მხარეებმა სხვადასხვა სფეროში თანამშრომლობის გაძლიერების პერსპექტივებზე იმსჯელეს. ამ კონტექსტში ხაზი გაესვა საქართველოსა და გაერთიანებულ სამეფოს შორის არსებული „უორდროპის სტრატეგიული დიალოგის” მნიშვნელობას, რომელიც სხვადასხვა სფეროში თანამშრომლობის განმტკიცებას უწყობს ხელს.

ყურადღება დაეთმო საქართველოსთვის ევროკავშირის წევრობის კანდიდატის სტატუსის მინიჭებასთან დაკავშირებით ევროკომისიის დადებით რეკომენდაციას.

განსახილველ საკითხებს შორის ასევე იყო რეგიონსა და მსოფლიოში არსებული გარემო და გამოწვევები. ყურადღება გამახვილდა იმ პოზიტიურ როლზე, რომელიც საქართველოს შეუძლია ითამაშოს სამხრეთ კავკასიაში უსაფრთხოებისა და სტაბილურობის მისაღწევად. ირაკლი ღარიბაშვილმა გამოთქვა მზადყოფნა, კვლავაც შეიტანოს საქართველომ თავისი წვლილი რეგიონში მშვიდობისა და სტაბილურობის უზრუნველსაყოფად.

ირაკლი ღარიბაშვილმა ლეო დოქერტის საქართველოს მთავრობის მიერ განხორციელებული და მიმდინარე რეფორმების შესახებ ინფორმაცია მიაწოდა, ასევე − სახელმწიფო ინსტიტუტების გაძლიერებაში და ქვეყნის დემოკრატიულ განვითარებაში გაერთიანებული სამეფოს მიერ შეტანილი წვლილისთვის მადლობა გადაუხადა.

შეხვედრაზე პრემიერ-მინისტრმა ყურადღება გაამახვილა საქართველოს ოკუპირებულ ტერიტორიებზე უსაფრთხოებისა და ჰუმანიტარული კუთხით არსებულ ვითარებაზე და ლეო დოქერტის საქართველოს სუვერენიტეტის, ტერიტორიული მთლიანობის ურყევი მხარდაჭერისთვის მადლობა გადაუხადა.

შეხვედრას დიდი ბრიტანეთისა და ჩრდილოეთ ირლანდიის გაერთიანებული სამეფოს საგანგებო და სრულუფლებიანი ელჩი საქართველოში მარკ კლეიტონი; გაერთიანებული სამეფოს საგარეო, თანამეგობრობისა და განვითარების ოფისის ცენტრალური აზიის და აღმოსავლეთ სამეზობლოს დეპარტამენტის უფროსის მოადგილე ქეითი დანი და საქართველოს მთავრობის ადმინისტრაციის უფროსი რევაზ ჯაველიძე ესწრებოდნენ.

ოპოზიციას მწვავე კრიტიკული მოსაზრებები უნდა ჰქონდეს ნაცვლად იმისა, რომ მუდმივად ცრუ ბოიკოტებს გეგმავდეს და დაკავებული იყოს რაღაც რევოლუციური სცენარების განვითარების მცდელობებით, – ამის შესახებ პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძემ საქართველოს პირველ არხს განუცხადა.

სარჯველაძემ კანდიდატის სტატუსის მიღების პროცესში აღებული ვალდებულებების შესრულებისას ხელისუფლებასთან ერთად, ოპოზიციის პასუხისმგებლობაზე გაამახვილა ყურადღება.

„ხელისუფლება ყველა შესაძლებლობას გააჩენს და ვეცდებით, რომ პროცესი მაქსიმალურად ინკლუზიური იყოს, მაგრამ ეს პირობა ვალიდურია მეორე პირობის გათვალისწინებით, რაც ერთდროულად უნდა შესრულდეს, რადგან ეფექტი ასეთ შემთხვევაში ექნება. არ შეიძლება, ვალდებულების შესრულებას ერთ მხარეს სთხოვდე და მეორეს მიმართ იგივე განწყობა არ იყოს. ოპოზიციას თანაბრად მნიშვნელოვანი და წონადი ვალდებულება აქვს, რაც იმას გულისხმობს, რომ ზედმიწევნით კონსტრუქციული იყოს. მას მწვავე კრიტიკული მოსაზრებები უნდა ჰქონდეს ნაცვლად იმისა, რომ მუდმივად ცრუ ბოიკოტებს გეგმავდეს და დაკავებული იყოს რაღაც რევოლუციური სცენარების განვითარების მცდელობებით“, – განაცხადა სარჯველაძემ.

როგორც უმრავლესობის დეპუტატმა აღნიშნა, სამწუხაროდ, 12 რეკომენდაციის შესრულებისას ოპოზიციის მხრიდან პასუხისმგებლიანი დამოკიდებულება არ ყოფილა და თანამშრომლობისთვის გაწვდილ ხელს პასუხი არ მოჰყოლია.

„მათ პირველივე დღიდან სრულიად უარგუმენტო დესტრუქციულ ქმედებებს მიმართეს, როცა სამუშაო ჯგუფებში მონაწილეობაზე უარი განაცხადეს და პირიქით, ცხელ შემოდგომას აანონსებდნენ. წარსულმა გამოცდილებამ ოპოზიციის სერიოზული მარცხი განაპირობა. მარცხში იგულისხმება ის, რომ მათ საზოგადოება არაკეთილსინდისიერ დამოკიდებულებას მიუხვდა, რამაც განაპირობა ოპოზიციის წარუმატებლობა, შემცირებული ავტორიტეტი. ოპოზიციაში იქნებიან ის ძალები, რომლებიც არ ისურვებენ, რომ მათ მიერ ერთხელ დაშვებული მნიშვნელოვანი შეცდომა გაიმეორონ. ალბათ, გარკვეული ძალები საკუთარ პოლიტიკას გადახედავენ და იმედია, უფრო კონსტრუქციულ პოლიტიკოსებს ვიხილავთ. არ მგონია, რომ „ნაცმოძრაობის“ ქმედებები თვისობრივად შეიცვლება, მაგრამ სხვების მიმართ იმედი მაქვს“, – განაცხადა სარჯველაძემ.

ევროკავშირის უმეტეს ქვეყნებში სწორედ ხუთპროცენტიანი ბარიერია. ჩვენ ხომ ვისწრაფვით ევროკავშირისკენ, ამიტომ ევროპული სტანდარტი ხომ ჩვენთვის სანუკვარი სტანდარტია, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.

პაპუაშვილს კითხვა დაუსვეს, როგორ ფიქრობს, უნდა გაითვალისწინოს თუ არა მთავრობამ ევროპული პარტნიორების გზავნილები საარჩევნო ბარიერთან დაკავშირებით.

„მნიშვნელოვანია, რომ მსჯელობა არ წარმოაჩინოთ, როგორც მოწოდებად და განცხადებად, არავინ არ მოუწოდებს. ხუთ პროცენტზე დაბალი ბარიერის არანაირი სტანდარტი არ არსებობს, მათ შორის ევროკავშირის უმეტეს ქვეყნებში სწორედ ხუთპროცენტიანი ბარიერია. ჩვენ ხომ ვისწრაფვით ევროკავშირისკენ, ამიტომ ევროპული სტანდარტი ხომ ჩვენთვის სანუკვარი სტანდარტია. გასაკვირია, საერთოდ საიდან გამოჩნდა ეს თემა, რადგან ოპოზიციას რასაც ვაკვირდებით, თავს იმართლებენ, სამჯერ გაზარდეთ ბარიერი, არავის გვაქვს პრობლემაო. რაც დავთვალე, ხუთმა-ექვსმა პარტიამ ოპოზიციიდან განაცხადეს, რომ არანაირი პრობლემა არ აქვთ ხუთპროცენტიან საარჩევნო ბარიერთან. კერძოდ, „ნაციონალური მოძრაობა“ ამბობს, რომ არ აქვს პრობლემა, „სტრატეგია აღმაშენებელს“ არ აქვს პრობლემა, „ლელოს“, „გირჩს“, ანა დოლიძემაც კი განაცხადა, რომ მასაც არ აქვს პრობლემა ხუთ პროცენტზე, ასევე განაცხადა პარტიამ „საქართველოსთვის“. ამ ექვსმა პარტიამ თქვა, რომ არ აქვს პრობლემა. თუ არავის აქვს პრობლემა, რატომ არის საერთოდ საარჩევნო ბარიერის საკითხი პრობლემა. ამიტომაც ხელოვნურად წამოწეული თემაა. არის ბარიერი, რომელიც საქართველოს კონსტიტუციაში დიდი ხანია, წერია, ყველამ კარგად იცოდა. ერთი ექსპერიმენტი ჩატარდა 2020 წელს ერთპროცენტიანი ბარიერით. ამ ექსპერიმენტის შედეგს კი ვხედავთ პარლამენტში, რომ ჩვენ არ გვაქვს პლურალიზმი, სინამდვილეში, გვაქვს არითმეტიკული მრავალფეროვნება, რაც შინაარსობრივად არანაირად არ ისახება პარლამენტის პლურალიზმში. ვხედავთ, რომ ერთი ქოლგის ქვეშ მოქცეული რამდენიმე ერთეული პარტია არის წარმოდგენილი პარლამენტში. ხუთი პროცენტი არის ადეკვატური და სწორედ ამიტომ არის ის უმეტეს ქვეყანაში, აბსოლუტურ უმრავლესობაში. შესაბამისად, მნიშვნელოვანია, ამ ბარიერისთვის მოემზადონ“, – განაცხადა პაპუაშვილმა.

ევროკავშირის უმეტეს ქვეყნებში სწორედ ხუთპროცენტიანი ბარიერია. ჩვენ ხომ ვისწრაფვით ევროკავშირისკენ, ამიტომ ევროპული სტანდარტი ხომ ჩვენთვის სანუკვარი სტანდარტია, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.

პაპუაშვილს კითხვა დაუსვეს, როგორ ფიქრობს, უნდა გაითვალისწინოს თუ არა მთავრობამ ევროპული პარტნიორების გზავნილები საარჩევნო ბარიერთან დაკავშირებით.

„მნიშვნელოვანია, რომ მსჯელობა არ წარმოაჩინოთ, როგორც მოწოდებად და განცხადებად, არავინ არ მოუწოდებს. ხუთ პროცენტზე დაბალი ბარიერის არანაირი სტანდარტი არ არსებობს, მათ შორის ევროკავშირის უმეტეს ქვეყნებში სწორედ ხუთპროცენტიანი ბარიერია. ჩვენ ხომ ვისწრაფვით ევროკავშირისკენ, ამიტომ ევროპული სტანდარტი ხომ ჩვენთვის სანუკვარი სტანდარტია“, – განაცხადა პაპუაშვილმა.

შალვა პაპუაშვილის თქმით, საარცევნო ბარიერის საკითხი ხელოვნურად წამოწეული თემაა.

„გასაკვირია, საერთოდ საიდან გამოჩნდა ეს თემა, რადგან ოპოზიციას რასაც ვაკვირდებით, თავს იმართლებენ, სამჯერ გაზარდეთ ბარიერი, არავის გვაქვს პრობლემაო. რაც დავთვალე, ხუთმა-ექვსმა პარტიამ ოპოზიციიდან განაცხადეს, რომ არანაირი პრობლემა არ აქვთ ხუთპროცენტიან საარჩევნო ბარიერთან. კერძოდ, „ნაციონალური მოძრაობა“ ამბობს, რომ არ აქვს პრობლემა, „სტრატეგია აღმაშენებელს“ არ აქვს პრობლემა, „ლელოს“, „გირჩს“, ანა დოლიძემაც კი განაცხადა, რომ მასაც არ აქვს პრობლემა ხუთ პროცენტზე, ასევე განაცხადა პარტიამ „საქართველოსთვის“. ამ ექვსმა პარტიამ თქვა, რომ არ აქვს პრობლემა. თუ არავის აქვს პრობლემა, რატომ არის საერთოდ საარჩევნო ბარიერის საკითხი პრობლემა. ამიტომაც ხელოვნურად წამოწეული თემაა. არის ბარიერი, რომელიც საქართველოს კონსტიტუციაში დიდი ხანია, წერია, ყველამ კარგად იცოდა. ერთი ექსპერიმენტი ჩატარდა 2020 წელს ერთპროცენტიანი ბარიერით. ამ ექსპერიმენტის შედეგს კი ვხედავთ პარლამენტში, რომ ჩვენ არ გვაქვს პლურალიზმი, სინამდვილეში, გვაქვს არითმეტიკული მრავალფეროვნება, რაც შინაარსობრივად არანაირად არ ისახება პარლამენტის პლურალიზმში. ვხედავთ, რომ ერთი ქოლგის ქვეშ მოქცეული რამდენიმე ერთეული პარტიაა წარმოდგენილი პარლამენტში. ხუთი პროცენტი არის ადეკვატური და სწორედ ამიტომ არის ის უმეტეს ქვეყანაში, აბსოლუტურ უმრავლესობაში. შესაბამისად, მნიშვნელოვანია, ამ ბარიერისთვის მოემზადონ“, – განაცხადა პაპუაშვილმა.

წელიწადნახევრის განმავლობაში ხელისუფლებამ ბევრი რამ გააფუჭა, ამიტომ გაჩნდა ახალი საკითხები დათქმებში, – ამის შესახებ პარტია “საქართველოსთვის” წევრმა, ანა ბუჩუკურმა განაცხადა.

როგორც მან აღნიშნა, დათქმა დეზინფორმაციასთან დაკავშირებით სწორედ ხელისუფლების პროპაგანდის გამო გაჩნდა, ასევე ცესკოსთან დაკავშირებით მიღებული ცვლილებების ფონზე გაჩნდა ახალი დათქმა არჩევნებთან დაკავშირებითაც.

“მცირედი წვლილი ხელისუფლებასაც აქვს (სტატუსის მიღებაში), იცით, რომ 12 რეკომენდაციიდან 3 შესრულებულად ჩაითვალა და ხელისუფლების წვლილი აქ არის, მაგრამ პრობლემაა ის, რომ რეკომენდაციების ამ პაკეტს ახალი შესასრულებელი დათქმები დაემატა, რადგან ამ წელიწადნახევრის განმავლობაში ხელისუფლებამ ბევრი რამ გააფუჭა, ერთ- ერთი იყო გაძლიერებული ანტიდასავლური პროპაგანდა და ამიტომ ასახა ევროკომისიამ ეს დამატებით დათქმა. ასევე ცხადი გახდა ჩვენი პარტნიორებისთვის, რომ ხელისუფლებას უკვე დაწყებული აქვს 2024 წლის არჩევნების გაყალბება, მათ შორის ისეთი გადაწყვეტილებებით, როგორიც არის ცესკოს სრულად დაქვემდებარება. ასევე, ეროვნულ ბანკთან დაკავშირებით მიიღო მავნებლური გადაწყვეტილებები, ამიტომ დაემატა დამატებით დათქმები, ყველაფერი რაც დამატებით გაჩნდა, ხელისუფლების მავნებლური გადაწყვეტილებების შედეგია.

ანტიდასავლური პროპაგანდის ერთ- ერთი მთავარი ორგანიზატორი არის და იყო სწორედ “ქართული ოცნება” მთელი ამ ხნის განმავლობაში, გავიხსენოთ მათი განცხადებები, კახა კალაძისგან ყველაზე ამორალურია ასეთი განცხადებები, რადგან მთელი კარიერა სწორედ ევროპაში აქვს აწყობილი და გვახსოვს ევროპაზე და ევროკავშირზე რას საუბრობდა – “სტატუსი თავისთვის დაიტოვონო”. ამ რიტორიკის სათავეში თავად “ოცნების” ლიდერები იყვნენ, ამიტომ გასაგებია, ეს დათქმა რატომ გაჩნდა,”- განაცხადა ბუჩუკურმა.

გადაწყვეტილება ბატონი სააკაშვილის და სხვა ნებისმიერი პირის შეწყალების ან არშეწყალების შესახებ საქართველოს პრეზიდენტის ხელშია, – ამის შესახებ ევროკავშირის ელჩმა საქართველოში, პაველ ჰერჩინსკიმ განაცხადა.

„გადაწყვეტილება ბატონი სააკაშვილის და სხვა ნებისმიერი პირის შეწყალების ან არ შეწყალების შესახებ საქართველოს პრეზიდენტის ხელშია. ამის შესახებ მე სათქმელი არაფერი მაქვს. ეს მისი კონსტიტუციური უფლებაა. გადაწყვეტილება ამ უფლების გამოყენების შესახებ მისი მისაღებია“, – განაცხადა პაველ ჰერჩინსკიმ.

პრეზიდენტს თუ აქვს პრეტენზია, რომ ხალხის ხმა უნდა იყოს და სამართლიანობისთვის იბრძვის, უპირველესად, ეს უნდა დადასტურდეს მიხეილ სააკაშვილის შემთხვევაში, რადგან სასამართლო არის და პროკურატურას ფარცხალაძე და მისი კლანი თუ მართავენ, გამოდის, ბრალიც და სამართალიც გამრუდებულია, – ამის შესახებ „სტრატეგია აღმაშენებლის“ წევრმა, პაატა მანჯგალაძემ ჟურნალისტებს განუცხადა.

ამასთან, როგორც მანჯგალაძემ განაცხადა, პოლიტიკაში მუდმივი არაფერია და სალომე ზურაბიშვილი სააკაშვილს თუ შეიწყალებს, ეს იქნება სამართლიანობისა და სამართლისკენ გადადგმული ნაბიჯი.

„მაქვს მოლოდინი, რომ სალომე ზურაბიშვილს აქვს პოლიტიკის ინტერესი და ეს ძალიან კარგია, ცუდი არ არის. ველოდები სალომე ზურაბიშვილის უფრო მკვეთრ ნაბიჯებს პოლიტიკაში უფრო აქტიური ჩართვისთვის. ის რა სიმბოლური ფუნქციებიც აქვს, თან ვადაც ეწურება, თან დროც გადის, თან ერთგვარი შეზღუდვებიც აქვს და ვფიქრობ, პრეზიდენტი თანდათან მიიღებს გადაწყვეტილებას, რომ უფრო აქტიურად ჩაერთოს პოლიტიკაში. არ გამოვრიცხავ, ის ვიხილოთ რომელიმე ოპოზიციური პარტიის სიაშიც კი.

მე არ ვარ ანალიტიკოსი, მაგრამ როცა ვარ პოლიტიკაში, იძულებული ვარ, დავფიქრდე სავარაუდო სცენარებზე და ერთ-ერთ სავარაუდო სცენარად განვიხილავ ნამდვილად სალომე ზურაბიშვილს აქტიურ პოლიტიკაში. თუ ვისთან ერთად, ამაზე პასუხის გაცემისგან თავს შევიკავებ, მაგრამ არსებობს ძალები, სადაც სალომე ზურაბიშვილიც მივა და ის ძალებიც სიამოვნებით მიიღებენ“, – განაცხადა მანჯგალაძემ.

პოლიტიკაში მუდმივი არაფერია, ამიტომ, ასე ვთქვათ, სალომე ზურაბიშვილი სააკაშვილს თუ შეიწყალებს, ეს იქნება სამართლიანობისა და სამართლისკენ გადადგმული ნაბიჯი. შეიძლება მაინც ახალი ბრალი წაუყენონ და დატოვონ სააკაშვილი პატიმრობაში, თუმცა ზურაბიშვილი ისტორიისა და ხალხის წინაშე მართალი იქნება“, – განაცხადა მანჯგალაძემ.

მიხეილ სააკაშვილი რომ ყოვლად უპრინციპო და ამორალური ადამიანია ეს ამ ქვეყანაში სიახლე არავისთვის არის, – ამის შესახებ საპარლამენტო უმრავლესობის წევრმა, ფრაქცია „ქართული ოცნების“ თავმჯდომარის მოადგილემ, ბექა დავითულიანმა განაცხადა.

„ის არის ადამიანი, რომელიც სალომე ზურაბიშვილს ჯერ აგენტს ეძახდა და უშვერი სიტყვებით მოიხსენიებდა და ახლა სთხოვს, რომ შეიწყალოს. რაც შეეხება სალომე ზურაბიშვილს, ეს მისი დისკრეციაა, ეს მისი გადასაწყვეტია. მან ერთხელ თქვა, რომ „არა და არასდროს“. თუ შეიცვლის ამ პოზიციას, ის გახდება თანაზიარი იმ დანაშაულებისა და პასუხისმგებლობების, რომელიც მიხეილ სააკაშვილს გააჩნია, რადგან ამ ადამიანს არაფერი მონანიების არ ემჩნევა“, – აღნიშნა ბექა დავითულიანმა.

„ქალბატონ სალომეს შეუძლია, ერთი ხელის მოწერით დაუბრუნოს ჩემს შვილებს მამა და აღადგინოს პოლიტიკური ბალანსი საქართველოში“, – ამის შესახებ მიხეილ სააკაშვილმა დღეს სასამართლო პროცესზე დისტანციურად დასწრებისას განაცხადა.