საქართველოს შინაგან საქმეთა სამინისტრომ მიშა მშვილდაძის ცემის ფაქტზე ერთი პირი დააკავა.
როგორც შინაგან საქმეთა სამინისტროში აცხადებენ ფაქტზე გამოძიება სსკ-ის 126-ე მუხლით მიმდინარეობს, რაც ძალადობას გულისხმობს.
რამდენიმე საათის წინ მოქალაქე ნიკოლოზ გუგეშაშვილმა ფეისბუქპოსტი გამოაქვეყნა და განაცხადა, რომ მიშა მშვილდაძეს მან სცემა.
ტელეკომპანია “ფორმულას” ინფორმაციით, მიშა მშვილდაძეს ერთ-ერთ სავაჭრო ცენტრთან უცნობი პირი დაესხა თავს და ფიზიკურად გაუსწორდა.
ბათუმში, 30 ივნისს დაგეგმილი ნუცა ბუზალაძის კონცერტი გაუქმდა. ამის შესახებ ნათქვამია კლუბ “სფეროს” განცხადებაში, სადაც კონცერტი უნდა გამართულიყო.
როგორც განცხადებაშია განმარტებული, ეს ნუცა ბუზალაძის და კლუბის ადმინისტრაციის ერთობლივი განცხადებაა.
“მოგესალმებით! როგორც ცნობილია 30 ივნისს კლუბ „სფერო“-ში დაგეგმილი იყო გრანდიოზული გახსნითი ღონისძიება, სადაც სოლო კონცერტს გამართავდა ნუცა ბუზალაძე ბენდ ნიუტონთან ერთად.
ბოლო დღეებში განვითარებული მოვლენებიდან გამომდინარე, კლუბი “სფერო”-ს ადმინისტრაცია საჭიროდ თვლის გაცნობოთ ჩვენი და ნუცა ბუზალაძის ერთობლივი გადაწყვეტილება. ხაზგასმით აღვნიშნავთ, რომ მიღებული გადაწყვეტილება არის ორმხრივი.
30 ივნისს დაგეგმილი კონცერტი ამ ეტაპზე გაუქმებულია.
ნუცა მკაფიოდ აფიქსირებს რუსეთის მიმართ თავის პოზიციას და ხაზგასმით აღნიშნავს, რომ რუსეთი ოკუპანტია! სწორედ ამიტომ რუსეთიდან მიღებულ საკონცერტო შემოთავაზებებზე დიდი ხანია უარს ამბობს.
უახლოეს დღეებში ნუცას დაგეგმილი აქვს ამერიკული ტურნე, რომლის შესახებ დეტალებს მსმენელისთვის სიურპრიზად ტოვებს. კლუბი “სფერო“ წარმატებებს უსურვებს მას. ნუცა მზად არის უახლოეს თვეებში “სფერო“-ში გამართოს სოლო კონცერტი.
კლუბი “სფერო“ ზაფხულის განმავლობაში ბევრ ღონისძიებას და სიურპრიზს გპირდებათ. ჩვენთვის თითოეული მომხმარებლის აზრი მნიშვნელოვანია” – ნათქვამია კლუბის განცხადებაში.
https://www.facebook.com/spherebatumi/posts/126580853796487?ref=embed_post
მადლობლები ვართ საქართველოს მთავრობის ყველა ნაბიჯისთვის, რომელიც სანქციების გვერდის ავლის არდასაშვებად იქნა გადადგმული, – ამის შესახებ დიდი ბრიტანეთის საელჩოში გაერთიანებული სამეფოს საგარეო, თანამეგობრობისა და განვითარების საქმეთა ეკონომიკის, მეცნიერებისა და ტექნოლოგიების გენერალურმა დირექტორმა, კუმარ აიერმა განაცხადა.
“დავიწყებ იმით, რომ დიდი ბრიტანეთის საგარეო საქმეთა მინისტრი იმყოფებოდა საქართველოში რამდენიმე თვის წინ და ამ ვიზიტისას მან კიდევ ერთხელ დაადასტურა ის პარტნიორობა, რომელიც დიდ ბრიტანეთს აქვს საქართველოსთან და ქართველ ხალხთან… და ამ მხრივ მადლობელი ვართ საქართველოს მთავრობის ყველა ნაბიჯისთვის, რომელიც სანქციების გვერდის ავლის არდასაშვებად იქნა გადადგმული. მეორე მიზანია ის, რომ ჩვენ ვხედავთ და ჩვენ ვიცით, რომ რუსეთის მთავრობა არ გაჩერდება, იგი გააგრძელებს სხვადასხვა გზების ძიებას. ასე რომ, ამ ვიზიტის ერთ-ერთი მიზანია თუ როგორ გავაგრძელოთ ეს ძალისხმევა, რომ საბრძოლო საქონელმა რუსეთში არ მიაღწიოს.
ელჩმა ო’ბრაიენმა სანქციების მნიშვნელობაზე ისაუბრა და მინდა რამდენიმე სიტყვა ვთქვა იმ გავლენაზე, რომელიც ამას რუსეთზე აქვს. უპირველეს ყოვლისა, ამას გავლენა აქვს ბრძოლის ველზე. ვიცით, რომ ბევრი რუსული იარაღის დასავლურ ნაწილებზე არის დამოკიდებული, ნაწილებზე, რომლებიც ჩვენს მიერ დასანქცირდა. ბრძოლის ველის განხილვიდან და ანგარიშებიდან ვიცით, რომ ამ ნაწილების დასავლეთიდან მიღება აღარ შეუძლიათ, ისინი ნაკლები ხარისხის ნაწილებს იყენებენ და მათი იარაღის ეფექტურობაც მცირდება.
ძალიან ღიად და საჯაროდ ვლაპარაკობდით იმ კომპონენტებზე, რომლებზეც ყველაზე მეტად ვართ შეშფოთებულები, ისინი ჩვენს ვებგვერდზეა. ეს იგივე 38 საქონელია, რომლებზეც დიდი ბრიტანეთი, აშშ და ევროკავშირი ფოკუსირებულნი არიან და ყველანი ერთსა და იმავე აზრზე ვართ ფოკუსირებულნი”, – განაცხადა აიერმა.
საქართველოს არ აქვს დაწესებული სანქციები და შესაძლოა, ამით იმედგაცრუებული ვიყოთ, თუმცა ასევე გვესმის სპეციფიკური სიტუაცია, რომელშიც ის იმყოფება, – ამის შესახებ სანქციების საკითხებში ევროკავშირის სპეციალური წარმომადგენელმა, დევიდ ო’სალივანმა ბრიფინგზე განაცხადა.
მისივე თქმით, საქართველოს ხელისუფლება სერიოზულად უდგება საკითხს, ქვეყანა არ იყოს გამოყენებული სანქციებისთვის გვერდის ავლისთვის.
„საქართველოს არ აქვს დაწესებული სანქციები. შესაძლოა, ჩვენ ამით იმედგაცრუებული ვიყოთ, რადგან ეს არის ქვეყანა, რომელიც მიისწრაფვის ევროკავშირის წევრობისკენ. ჩვენ ვისურვებდით მაღალი დონის თავსებადობას საგარეო პოლიტიკაშიც, თუმცა ჩვენ ასევე გვესმის ძალიან სპეციფიკური სიტუაცია, რომელშიც იმყოფება საქართველო ეკონომიკურად, გეოგრაფიულად და რუსეთთან მრავალმხრივ მჭიდრო კონტაქტების კუთხით. ჩვენ გვესმის, რომ ისინი არ აპირებენ ჩვენი სანქციების განხორციელებას“, – განაცხადა დევიდ ო’სალივანმა.
რუსეთი მარცხდება და ჩვენ აფხაზეთი გვაქვს გასათავისუფლებელი. მე ჯერ კიდევ უკრაინის საბოლოო გათავისუფლებაში მაქვს მონაწილეობა მისაღები და შემდეგ სოხუმში ვაპირებ პიაცის აშენებას, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.
როგორც მიხეილ სააკაშვილი აღნიშნავს, საქართველოში ძალაუფლება კრიმინალურ ჯგუფს აქვს ხელში ჩაგდებული, რომელიც აუცილებლად გადავა მასშტაბურ ძალადობაზე
„მეგობრებო, რუსეთში არეულობის და ძალადობის ბოლოჟამის ხანა დაიწყო და საქართველო, რომელიც ივანიშვილმა მეტწილად რუსეთის კლანად აქცია, ზუსტად ამ გზას დაადგა.
საქართველოში ძალაუფლება კრიმინალურ ჯგუფს აქვს ხელში ჩაგდებული, რომელიც აუცილებლად გადავა მასშტაბურ ძალადობაზე. ის რაც გუშინ იხილეთ მხოლოდ დასაწყისია.ახლა მთავარია არ შეგვეშინდეს!
მე ხომ არ შემეშინდა აქ ჩამოსვლა. თუმცა ზუსტად ვიცოდი, რომ შეიძლება მოვეკალი. ნურც თქვენ შეგეშინდებათ სამოქალაქო საზოგადოებამ და პოლიტიკოსებმა უნდა ისწავლონ თავის დაცვა!
რა დროს საარჩევნო სიებში ადგილების გაყოფაა – ძალიან მიკვირს ამას რომ ვუყურებ.
წინ რუსეთის და უკრაინის მოვლენების პარალელურად (განსაკუთრებით უკრაინის წარმატების პარალელურად), უმძიმესი პერიოდი გველოდება, რომლის გასავლელად კონსოლიდაცია და ახალი ელემენტების შემოტანა გვჭირდება, ისეთის, რაც წინა წლებში არ ყოფილა აქტუალური.
ჩვენ მათ მოგვპარეს მომავალი და ახლა უნდათ აწმყოს წართმევაც. უნდა ვუთხრათ ივანიშვილს და მის პატრონებს რუსეთში, რომ ვერ მოგვერევით. ვერ „დაგვაჩმორებთ“, ჩვენ ბევრად მეტი ვართ.
რუსეთი მარცხდება და ჩვენ აფხაზეთი გვაქვს გასათავისუფლებელი.
მე ჯერ კიდევ უკრაინის საბოლოო გათავისუფლებაში მაქვს მონაწილეობა მისაღები და შემდეგ სოხუმში ვაპირებ პიაცის აშენებას“, – წერს მიხეილ სააკაშვილი.
https://www.facebook.com/SaakashviliMikheil/posts/804548184374114?ref=embed_post
დღეს, 28 ივნისის 17:00 საათიდან სოციალურ ქსელ „ფეისბუქში“ ტელეკომპანია „იმედის“ გვერდზე საჯაროდ წვდომა შეზღუდულია, გვერდი ხელმისაწვდომია მხოლოდ მისი „ადმინებისათვის“. საყურადღებოა, რომ არანაირი გაფრთხილება აღნიშნულის შესახებ გვერდს არ მიუღია, – ამის შესახებ „იმედის“ მიერ გავრცელებულ განცხადებაშია ნათქვამი.
როგორც განცხადებაშია აღნიშნული, „იმედმა“ ოფიციალური წერილით მიმართა ტექნოლოგიურ კომპანია „მეტას“.
„კომპანიის ადმინისტრაციაში ამ დრომდე ვერ გვპასუხობენ კითხვაზე, რატომ აღარ არის ხელმისაწვდომი „იმედის“ ოფიციალური გვერდი. ჩვენ განგვიმარტეს, რომ „ტელეიმედის“ მოთხოვნა გადაცემულია სპეციალური ჯგუფისთვის, რომელიც კომპანიაში მსგავს საკითხებს სწავლობს და ვარაუდობენ, რომ პრობლემის აღმოფხვრა უახლოეს პერიოდში მოხერხდება. ჩვენი ფეისბუქგვერდის აღდგენამდე ახალ ამბებს შეგიძლიათ თვალი ადევნოთ „იმედის“ ვებგვერდზე – imedi.ge, imedinews.ge და „იმედის“ იუთუბ არხზე. სოციალურ ქსელებში გამოჩნდა არაერთი გვერდი, რომელიც „ფეისბუქზე“ ბოლო საათების განმავლობაში მაუწყებლობს „იმედის“ სახელით. არცერთ მათგანს არანაირი შეხება „იმედთან“ არ აქვს და ყველა მათგანი არის ყალბი, ე.წ. ფეიკგვერდი“, – ნათქვამია განაცხადებაში.
თბილისის სააპელაციო სასამართლოში ჩოგბურთელ ნიკოლოზ ბასილაშვილის მორიგი სასამართლო პროცესი გაიმართა.
დღევანდელ სხდომაზე დაზარალებულმა ნეკა დოროყაშვილმა 2018 წელს, ნიუ-იორკში გადაღებული ვიდეომასალა წარადგინა, რის შემდეგაც ბრალდების მხარემ დასკვნითი სიტყვა წარმოთქვა.
საკუთარ მობილურ ტელეფონში არსებული ვიდეომასალა დოროყაშვილმა მოსამართლეს პირადად აჩვენა და თან ფაქტთან დაკავშირებით განმარტებებიც გააკეთა.
„დააკვირდით მოძრაობას, ნიკოლოზი მოემართება ჩემკენ და ეძებს რაიმე ნივთს, რომ ჩამარტყას. დააკვირდით ხელის მოძრაობას… მომხვდა თავში, მეტკინა ძალიან, მართალია, სხვა დაზიანებებიც მქონდა ამ დროს მიღებული, აღვნიშნე, რომ ბოლო კადრებია, არ მქონია მოლოდინი, რომ იძალადებდა კიდეც ფიზიკურად, მე უბრალოდ ვფიქრობდი, რომ ფსიქოლოგიურად გააგრძელებდა ძალადობას. მანამდე იყო იატაკზე თრევა.
ნიკოლოზი ნამდვილად ოთახში იმყოფება, ნამდვილად ვეუბნები, რატომ მირტყამო, ხმას არ მცემს და აგრძელებს ძალიან მშვიდად და წყნარად, არ მეწინააღმდეგება, არ მეუბნება, რას ამბობ, მე არ გირტყამო. საერთოდ, რად გვინდა ეს დისკუსია, როცა არსებობს ძალადობის კადრები, საერთოდ რატომ დავდივარ აქ, რატომ დავდივარ ეს 4 წელია, გამაგებინეთ. მე გამასამართლეს ნიკოლოზის მაგივრად და ნიკოლოზს შეუქმნეს ყველანაირი კომფორტი. მე დავდივარ 5 წელია და ვამტკიცებ, როგორ დამარტყა ჩანთა“, – განაცხადა დოროყაშვილმა სასამართლო პროცესზე.
სხდომას არ დასწრებია ნიკოლოზ ბასილაშვილი.
შემდეგ სხდომაზე, რომელიც 7 ივლისს, 11:00 საათზე ჩატარდება, დაცვის მხარე წარმოთქვამს დასკვნით სიტყვას.
ცნობისთვის, ნიკოლოზ ბასილაშვილი ყოფილი მეუღლის მიმართ ფიზიკურ და ფსიქოლოგიურ ძალადობაში ქვეყნის პირველმა ინსტანციის სასამართლომ უდანაშაულოდ ცნო. აღნიშნული გადაწყვეტილება ბრალდების მხარემ სააპელაციო სასამართლოში გაასაჩივრა. პროკურატურა ნიკოლოზ ბასილაშვილის მიმართ გამამტყუნებელი განაჩენის გამოტანას ითხოვს. რაც შეეხება დაცვის მხარეს, ადვოკატებს მოლოდინი აქვთ, რომ მეორე ინსტანციის სასამართლო განაჩენს უცვლელად დატოვებს.
აზერბაიჯანის შეიარაღებულმა ძალებმა მთიან ყარაბაღში სომხეთის პოზიციები დაბომბეს, – ინფორმაციას სომხური მედია ე.წ. მთიანი ყარაბაღის თავდაცვის არმიაზე დაყრდნობით ავრცელებს.
„აზერბაიჯანის შეიარაღებულმა ძალებმა მთიანი ყარაბაღის მარტუნსა და მარტაკერტში სომხური პოზიციების არტილერიით დაბომბეს, ასევე გამოიყენეს უპილოტო საფრენი აპარატები“, – აცხადებენ ე.წ. მთიანი ყარაბაღის თავდაცვის არმიაში.
მათივე ინფორმაციით, დაბომბვის შედეგად ოთხი სომეხი ჯარისკაცი დაიღუპა.
მომხდართან დაკავშირებით ინფორმაციას ავრცელებს აზერბაიჯანული მედიაც. მათი ცნობით, აზერბაიჯანის არმიამ დაარტყა უკანონო სომხური შეიარაღებული რაზმების პოზიციებს აღდარასა და ხოჯავანდის მიმართულებით, რის შედეგადაც მათი 4 წევრი „გაანეიტრალეს“.
ჩვენ ვმუშაობთ რუსეთის რამდენიმე მეზობელთან, რადგან ვიცით, რომ რუსებს სურთ გამოიყენონ საქართველოს ტერიტორია თავიანთი ომის მანქანის დასაფინანსებლად და უზრუნველსაყოფად, – ამის შესახებ აშშ-ს სახელმწიფო დეპარტამენტის სანქციების კოორდინაციის ოფისის ხელმძღვანელმა, ელჩმა ჯეიმს ო’ბრაიენმა თბილისში გამართულ პრესკონფერენციაზე განაცხადა.
„ამიტომ, ჩვენ ვმუშაობთ რუსეთის მეზობლებთან და რუსეთის უმსხვილეს სავაჭრო პარტნიორებთან, რათა თავიდან ავიცილოთ ეს. რაც ჩვენ ვნახეთ რამდენიმე ამ ქვეყანაში, არის მცდელობა გაამკაცრონ თავიანთი პოლიტიკა ისე, რომ რუსეთმა ნაკლებად შეძლოს მათი ტერიტორიების სამხედრო მიზნებისთვის გამოყენება. ჩვენ ამას ვხედავთ თურქეთის საჯარო განცხადებებში, ყაზახეთში და ასევე კარგ, ძალიან ვრცელ მუშაობაში საქართველოს სამთავრობო უწყებების მიერ“, – აღნიშნა ო’ბრაიენმა.
სააკაშვილის განცხადება იყო ცარიელი სპეკულაცია. როცა საუბარია „კავკასიურ გაერთიანებაზე“, მათ შორის, ის გულისხმობს იმ რეგიონებს, რომლებიც დღეს არიან ფედერაციული სუბიექტები. ანუ, საუბარია სხვა სახელმწიფოს ტერიტორიულ ერთეულებზე, – ამის შესახებ „ქართული ოცნების“ თავმჯდომარე ირაკლი კობახიძემ მიხეილ სააკაშვილის განცხადების შესახებ საუბრისას აღნიშნა.
მმართველი პარტიის თავმჯდომარემ მიხეილ სააკაშვილის განცხადებას პროვოკაციული უწოდა და აღნიშნა, „ნაციონალურ მოძრაობას“ რომ მოეხერხებინა 2020 წელს საპარლამენტო არჩევნების მოგება, ამ შემთხვევაში, თბილისში გარანტირებულად იდგებოდა რუსული ტანკები.
„ესეც არის რა თქმა უნდა მორიგი პროვოკაციული, „პრიგოჟინისტული“ განცხადება სააკაშვილის მხრიდან და აქედან ჩანს მათი ბუნება. კიდევ ერთხელ გავიმეორებ, კიდევ კარგი ეს ადამიანები: სააკაშვილი, გვარამია, ეს კოლექტიური „ნაცმოძრაობა“, ხაბეიშვილი და ა.შ. არ არიან ხელისუფლებაში. ქვეყანაში დღეს იდგებოდა რუსული ტანკები . მათ რომ მოეხერხებინათ 2020 წელს საპარლამენტო არჩევნების მოგება, 2021 წელს 43% რომ არ გადაგველახა, ამ შემთხვევაში, თბილისში გარანტირებულად იდგებოდა რუსული ტანკები და ეს კიდევ ერთხელ აჩვენა მათმა „პრიგოჟინისტულმა“ დამოკიდებულებამ იმ დღეს, როდესაც ეს პროცესები ვითარდებოდა რუსეთის ფედერაციაში. კიდევ კარგი ისინი არ არიან დღეს ხელისუფლებაში“- განაცხადა ირაკლი კობახიძემ.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
