“აზერბაიჯანელებმა სომხების პოზიციები დაბომბეს, დაიღუპა 4 ჯარისკაცი” – სომხური მედია

68
spot_img

აზერბაიჯანის შეიარაღებულმა ძალებმა მთიან ყარაბაღში სომხეთის პოზიციები დაბომბეს, – ინფორმაციას სომხური მედია ე.წ. მთიანი ყარაბაღის თავდაცვის არმიაზე დაყრდნობით ავრცელებს.

„აზერბაიჯანის შეიარაღებულმა ძალებმა მთიანი ყარაბაღის მარტუნსა და მარტაკერტში სომხური პოზიციების არტილერიით დაბომბეს, ასევე გამოიყენეს უპილოტო საფრენი აპარატები“, – აცხადებენ ე.წ. მთიანი ყარაბაღის თავდაცვის არმიაში.

მათივე ინფორმაციით, დაბომბვის შედეგად ოთხი სომეხი ჯარისკაცი დაიღუპა.

მომხდართან დაკავშირებით ინფორმაციას ავრცელებს აზერბაიჯანული მედიაც. მათი ცნობით, აზერბაიჯანის არმიამ დაარტყა უკანონო სომხური შეიარაღებული რაზმების პოზიციებს აღდარასა და ხოჯავანდის მიმართულებით, რის შედეგადაც მათი 4 წევრი „გაანეიტრალეს“.