,,ქურქუმალ ვაითის” მიერ დაანონსებულ აქციებზე ვინ აწვდის ზელენსკის და სანდუს მიხეილ სააკაშვილის ჯანმრთელობის მდგომარეობის შესახებ არასწორ ინფორმაციას ერთი საკითხია, მეორე საკითხია ამ დეზინფორმაციაზე ორი ქვეყნის პრეზიდენტი ღრმად რომ არის შეწუხებული და არაადეკვატურ განცხადებებს აკეთებენ, –  ამის შესახებ თბილისის საკრებულოს უმრავლესობის დეპუტატი, ვლადიმერ ბოჟაძე სოციალურ ქსელში წერს.

როგორც ბოჟაძე აღნიშნავს, ყველაზე კარგად სწორედ მიხეილ სააკაშვილის მომხრეებმა იციან, რომ ყოფილ პრეზიდენტს არავინ აწამებს, სწორედ ამიტომ არ დადიანი მისი სიცოცხლის გადარჩენის მოთხოვნით გამართულ აქციებზე. ის იმედს გამოთქვამს, რომ აქციის მცირერიცხოვნობა დააფიქრებს უკრაინის პრეზიდენტს თავისი გადაწყვეტილების სისწორეზე. “ვინ აწვდის ზელენსკის და სანდუს მიხეილ სააკაშვილის ჯანმრთელობის მდგომარეობის შესახებ არასწორ ინფორმაციას ერთი საკითხია, მეორე საკითხია ამ დეზინფორმაციაზე ორი ქვეყნის პრეზიდენტი ღრმად რომ არის შეწუხებული და არაადეკვატურ განცხადებებს აკეთებენ, განსაკუთრებით მიუღებელია საქართველოს ელჩის დაბარება და ფაქტობრივად ქვეყნიდან გაძევება.

ის რომ სააკაშვილის ჯანმრთელობის მდგომარეობა არ არის მძიმე, ის რომ მას არავინ აწამებს(საკუთარი ოჯახის და გარემოცვის გარდა) ეს ყველაზე კარგად ნაცმოძრაობის წევრებმა და მხარდამჭერებმა იციან, ამიტომაც არ დადიან ბელადის სიცოცხლის გადარჩენის მოთხოვნით, ,,ქურქუმალ ვაითის” მიერ დაანონსებულ აქციებზე, ასეთ აქციაზე დადის რამდენიმე ათეული ადამიანი, იმდენი რამდენი კაციც უკრაინის დროშის გაშლას და ,,მასოვკის” აღქმას ჭირდება. ცალკე საკითხია რამდენად ნორმალურია საავადმყოფოს წინ პოლიტიკური აქციის ჩატარება, ყვირილი, ღრიალი, სტვენა და ხმაური, ავადმყოფების და ექიმების უფლებების ფეხქვეშ გათელვა. იქნებ დღევანდელმა ,,მრავალრიცხოვანმა” აქციამ მაინც დააფიქროს ზელენსკი იმ გადაწყვეტილების სისწორეზე რომელიც ვითომ სააკაშვილის წამების გამო, სრულიად უსამართლოდ მიიღო საქართველოს სახელმწიფოს, საქართველოს ელჩის და ქართველი ხალხის მიმართ.” – წერს ბოჟაძე Facebook-ზე.

ანალიტიკოსი გია აბაშიძე კლინიკა „ვივამედთან“ გამართულ აქციას ეხმიანება და აღნიშნავს, რომ “ვივამედთან” ღრიალებს 20-25 მიშმადიდებელი და აწუხებენ კლინიკაში მყოფ პაციენტებსა და მათ ახლობლებს, მედიკოსებს. ანალიტიკოსის თქმით, მდუმარე აქციის ჩატარება ისე, რომ არ მოიმდურონ შენობაში მყოფნი, არ ძალუძთ ყველაფერში ჭკუათხელ რევანშისტებს. „პოზიტიურ, ალტერნატიულ პოლიტიკურ დღის წესრიგს რომ ვერ ქმნის გაუბედურებული ნაცსექტა, ცნობილია. კრეატიულ აქციებსაც ვერ ატარებენ. “ვივამედთან” ღრიალებს 20-25 მიშმადიდებელი და აწუხებენ კლინიკაში მყოფ პაციენტებსა და მათ ახლობლებს, მედიკოსებს. მდუმარე აქციის ჩატარება ისე, რომ არ მოიმდურონ შენობაში მყოფნი, არ ძალუძთ ყველაფერში ჭკუათხელ რევანშისტებს“-წერს გია აბაშიძე Facebook-ზე.

უკრაინის ხელმძღვანელობის მორიგი ახალი უადგილო სიტყვა დიპლომატიაში – გამოიძახოს საქართველოს ელჩი და მოითხოვოს მისგან უკრაინის დატოვება 48 საათის განმავლობაში „საკუთარ მთავრობასთან კონსულტაციებისთვის”! აქამდე მსგავსი არ გამიგია,  – ასე აფასებს უკრაინის საკანონმდებლო ორგანოს, “ვერხოვნა რადას” დეპუტატი და უკრაინის ყოფილი ვიცე-პრემიერი ევროინტეგრაციის საკითხებში ივანა კლიმპუშ-ცინცაძე, ვოლოდიმირ ზელენსკის მოწოდებას მიხეილ სააკაშვილის უკრაინისთვის გადაცემასთან დაკავშირებით და მოთხოვნას, რომ საქართველოს ელჩმა 48 საათში დატოვოს უკრაინა, თბილისში კონსულტაციების გასამართად. როგორც ივანა კლიმპუშ-ცინცაძე სოციალურ ქსელში წერს, უკრაინა მსგავსი ნაბიჯებით თავად ანგრევს ურთიერთობას საქართველოსთან, სადაც უკრაინის მოქალაქეებს სრული მხარდაჭერა აქვთ.

მისი თქმით, მიუღებელია საქართველოს მტერ სახელმწიფოდ წარმოჩენა და ელჩის გაძევება. „უკრაინის ხელმძღვანელობის მორიგი ახალი უადგილო სიტყვა დიპლომატიაში – გამოიძახოს საქართველოს ელჩი და მოითხოვოს მისგან უკრაინის დატოვება 48 საათის განმავლობაში „საკუთარ მთავრობასთან კონსულტაციებისთვის”! აქამდე მსგავსი არ გამიგია… ჩემო ფეისბუკ-მეგობარო ყოფილო დიპლომატებო, შეგიძლიათ მითხრათ, ეს ურთიერთობების დანგრევის რა ფორმულაა? თავდაპირველად, ჩვენი ელჩი გამოიძახეს „კონსულტაციებისთვის“ ერთ წელზე მეტი ხნის წინ. შემდეგ ჩვენი ელჩი გაათავისუფლეს. წელიწადზე მეტია, რაც ახალი ელჩი არ არის დანიშნული და გაგზავნილი. გადაწყვიტეთ, რომ ასე შეგიძლიათ წარმატებით მოახდინოთ ზემოქმედება საქართველოში განწყობებისა და პოლიტიკის ცვლილებაზე, რეალური ინსტრუმენტების გარეშე? იფიქრეთ, რომ ასე უფრო ეფექტიანი იქნებოდა თქვენი მოსმენა? ვიპოვეთ ნამდვილი მტერი სახელმწიფო და ვაძევებთ ელჩს??? საბოლოო ჯამში, ჩვენ თვითონ ვანგრევთ ურთიერთობებს იმ სახელმწიფოსთან, სადაც უკრაინის სრული საზოგადოებრივი მხარდაჭერა სუფევს; იმ სახელმწიფოსთან, რომელსაც შეუძლია იყოს პარტნიორი, მიუხედავად ურთიერთობების სირთულისა…“ – წერს უკრაინის რადას დეპუტატი  Facebook-ზე.